بالعكس انا اشوفه بنفس المستوى لكن عندنا علني وهم شبه علني " بالنت عيني عينك مواقعهم تراسة النت " لكن بالحقيقة ما تشوف مثلا محلات برامج مهكرة مثلا
لكن ادخل النت ؟
يعني مثلا روسيا هههه اتوقع ما يعرفون شيئ اسمه اصلي هناك
او حتى الصين مثلا
اللي مواقعهم اصلا مصادر المواقع العربية المتخصصة بالتهكير ان صح التعبير
يعني اقوى مواقع القرصنة والكوبي ووو ... مش عربية كلها اجنبية اذا ما كانت امريكية الاصل بعد " صاحبها امريكي لكن السيرفر مثلا بجنوب افريقيا :tongue: "
يعني حنا الوضع عندنا عيني عينك هناك الوضع شوي تحت الطاولة خصوصا حق اللي يرفعون ملفات " مع انك ببساطة تقدر تخفي نفسك عن عيون "الشرطة الالكترونية" "
لما أقول الغرب, أقصد أمريكا, دول أوروبا و اليابان (ولو انها الشرق technically). ما أقصد الصين ولا روسيا ولا دول العالم الثالث. هذول على قولتك مثلنا ان ما كانوا اسوأ مننا بواااااجد.
بالنسبة للمواقع, صحيح ممكن يكون اصحابها امريكان. لكن متأكد ان أكثر المستخدمين من آسيا وأفريقيا.
برضو, كل شهر تنزل أرقام الـNPDs الأمريكية وأرقام اوروبا واليابان كل اسبوع, ولازلنا نشوف ارقام مبيعات مرتفعة ومرضية للألعاب. هذا تأكيد ان القرصنة هناك ماهي كارثة بقد ما هي هنا.
بعدين فيه تعقيب بسيط لاحظت من الاخوان حساسية كبيرة من كوبي الالعاب وانا ما اقول لكم انها مو غلط او انها صح لكن المشكلة تشوفه يفور دمه اذا شاف لعبة كوبي لكن بطل كمبيوتره تلقاه من الالف إلى اليا مهكر سواء برامج او الوندوز او حتى الافلام والمسلسلات كلها "قرصنة"
ادري انه المنتدى منتدى العاب وهمه الالعاب لكن كمان بالعقل ما يصير تنهى عن شيئ وانت قاعد تسويه " انا عن نفسي ما افرق كوبي العاب ولا كوبي افلام الكوبي كوبي " اوكي تتكلم عن كوبي الالعاب ممنوع لكن فيه ناس وصلت فيهم انهم يسفهون الناس اللي مثلا يكبون العاب ومستقدين عليهم مع انه تلقاه شغال تحميل افلام وانمي وتلقاه كمان موزع معتمد له ! " حرام عليهم يكبون العاب لكن حلال عليه يكوب افلام وانمي وينشرها كمان ! "
طبعا عشان محد ياكلني ما اقصد احد بعينه لكن ملاحظة لاحظتها باكثر من مكان
لا عارف انك تقصدني :laugh::
😛
أول شيء انا ما راح أسفل أو استنقص من شخصية أي واحد يستخدم كوبي. الفلوس فلوسه وهو حر فيها. لكن المبدأ عندي أهم شيء. تلقى ناس تشتري منسوخ وتبرر نفسها بالقوة وتبي تطلع نفسها بريئة, وان العمل الي سووه ما كان خطأ أبداً, وان المنتجات المنسوخة الي شروها ما راح تضر أحد وإن كان العكس, ما يهمهم من تضر. هذولا الناس الي لازم أوقفهم وأشرح لهم وضعهم.
بس فيه ناس عارفه انها غلطانة لما تلعب ألعاب منسوخة, وتحمل أفلام أو غيرها من النت. وما هي قاعدة تبرر عملهم بأنه صح. هذولا الناس ما راح انتقدهم ولا أقولهم شيء, لأن زي ما قلت: الفلوس فلوسه وهو حر فيها, وهو عارف ان مبدأ القرصنة خطأ.
الآن عشان أكون في الصورة, أي شيء أهتم له, راح أدعمه بفلوسي.
انا الحمد لله ما عندي أي برنامج مهكر أو غير أصلي. كل الي عندي برامج مرخصة من جهات رسمية, أو شاريها, أو برامج مجانية (أوبن سورس). بما ان مستقبلي في صناعة البرمجيات (والي من ضمنها الالعاب), فيهمني جداً أدعم كل المنتجات هذي.
الأفلام والمسلسلات نقاش ثاني.الأفلام الي تهمني وأبغى ادعمها بأي شكل, كلها أشوفها في السينما أو اشتريها بلو راي أو دي في ديز. نفس الشيء مع المسلسلات. لكن الأفلام الي ما اهتم لها, وكانت موجودة, راح اشوفها غير اصلية لتضييع الوقت فقط. وماني قاعد أبرر أفعالي. أنا ما أقول ان هذا شيء صحيح.
أخيراً بس ملاحظه, فيه ناس اعرفهم وهم أقرباء لي ويحملون ألعاب مقرصنة. ما حكمت عليهم و ولا استنقصت في شخصيتهم وولا شيء, لأن الرجال هذا ما تهمه صناعة الألعاب ولا دعمها. مجرد كاجوال جيمر يلعب من فترة لفترة. لكنه عارف ان الي قاعد يسويه غلط!! لكن انت الشخص الي داخل منتدى العاب وتشارك فيه, وتتابع اخبار الصناعة, وودك بألعاب هاي كواليتي من المطورين المفروض انك تدعم الصناعة بابتعادك عن المنسوخ والقرصنة قدر المستطاع.
