GameTrailers: Bonus Round Episode 1

[Humam]

موقع جيم تريلرز عنده برنامج جديد اسمه Bouns Round.. الحلقة الأولى مكونة من 3 أجزاء, الجزء الأول والثاني متوفرين للمشاهدة أما الثالث فسيعرض الأسبوع القادم.. موضوع الحلقة هو البلاي ستيشن 3 ..

ضيوف الحلقة هم جيسون روبين ( مؤسس نوتي دوج ورئيسها السابق ) ومايكل باكتر ( محلل لسوق الفيديو جيمز يعمل لشركة Wedbush Morgan ) و الثالث هو Grant Collier رئيس شركة Infinity Ward مطور Call of Duty 1/ 2 🙂

الحلقة تتكلم عن البلاي ستيشن 3 بشكل عام.. الجهاز.. النقلة من الDVD لل Blu-Ray .. الأونلاين, تكلفة التطوير, هل الجهاز يحقق قفزة نوعية عن البلاي ستيشن 2 .. وأمور أخرى..

حتى الآن أشاهد الجزء الأول .. بصراحة WOOOW.. برنامج خطير والله.. النقاش كان رهيب.. جيسون روبين مازال صخررر 😀

جيسون روبين تحسه يحن لسوني حتى مايكل باكتر قاله إنت قاعد تدندن على سوني ( لأن جيسون متقعد شوية للشركة في النقاش ).. جيسون يعتقد إن النقلة من الDVD ل Blu-Ray مو ذيك النقلة الكبيرة.. أيضا ما يعتقد إن الشركات ممكن تستفيد من قدرات الPS3 لأنه ما يندفع لهم مبالغ تبرر الصرفيات العالية ( الملتي بلاتفورم )

جرانت كولير يقول COD4 تحت التطوير, و يقول إن سوني لازم توقع عقد حصرية معاهم 😉

جيم تريلرز صار موقع جباااااار فعلا... الموقع اشترته مجموعة MTV يعني شي متوقع 🙂

لمشاهدة الجزء الأول والثاني هنا :
http://www.gametrailers.com/bonusround.php

و نصيحة.. لا تفوتكم 😉

 

[Solid Snake]

جاري التحميل ...

 

[Naif]

تعجبني الحوارات اللي تدور بين مطورين الالعاب .. اذكر ام تي في سوت واحد على وقت اي 3 اللي فات بين ديف جافي و ويل رايت و مطور ديوس اكس و واحد رابع ما اذكره من .. كان ممتع وايد

شكرا همام .. الحين بشوفه 🙂

 

[Humam]

العفو نايف 🙂

لول في نقطة انتبهت لها هو إن جيسون روبين اتطرق لمنطقة الشرق الأوسط كمنطقة فيديو جيمز تابعة لأوروبا .. هههههه أول مرة أشوف مطور يتكلف عن ذي المنطقة.. قبل 3 سنوات قبل جيسون ما يترك نوتي دوج أتذكر إني أرسلت لهم E-mail قلت فيه إن ألعاب نوتي دوج محبوبة وشعبيتها ومبيعاتها عالية وانتم Rock ووو إلخ 😀 هههههه الظاهر إن جيسون قرأ الE-Mail ..

 

[Naif]

لوول جيسن شكله مش متحمس وايد للبي اس3 ..

 

[Humam]

غالبا جيسون روبين إذا فكر يعود للتطوير على الكونسول ( له مشروع Iron & Maiden .. ما أعلن لأي جهاز بالضبط ) فما راح يطور للPS3.. أعتقد السبب معروف والا كان قعد في نوتي دوج يجيبه راتبه على داير مليم ولا يروح يصرف غالب ثروته في تكوين شركة جديدة وأخذ توجه جديد 🙂

 

[Mesharey]

اممم .. همام شفت موضوعك تذكرت شغلة ..

http://www.true-gaming.net/boards/showthread.php?t=6867

مافي رد هناك مع الأسف ~__~



موقع جيم تريلرز له قسم باللايف بعد .. صار موقع قوي فعلاً ..

انزل الفيديو بعدين .. الحين قاعد انزل اكثر من شغلة ~__~

 

[Humam]

واووو.. والله ما انتبهت له الموضوع طلع له 4 ايام.. كل الآسف والاعتذار للأخ kyo.

 

[JOE]

اممم ... من وصفك باينها تشبه حلقات IGN Weekly يمكنها وصلت 28 دحين ....

بس الفرق انه حلقات اي جي ان تكون بين محرري الموقع << على حسب الحلقة إلي شفتها انا .

تعجبني هذه المقابلات كثير انا ...جاري التحميل .

 

[kyo]

واووو.. والله ما انتبهت له الموضوع طلع له 4 ايام.. كل الآسف والاعتذار للأخ kyo.

لا عادي يابوي ما بينا شي...:roll:

أنا العادة اقرا بس ما احب اكتب كثير, عموما i'll get it next time 🙂