الموضوع الرسمي Folklore | عندما يجتمع جمال الآرت و سحر الخيال بلعبة واحدة

[Khalid-S]

هههه راي عن الديمو بالضبط مثل كلام جيم سبوت من ناحيه العيوب والايجابيات ..

 

[Colorization]

مراجعة جيم سبوت منطقية، أتفق معاهم بإختيار السلبيات (ما عدا الأولى، مو مشكلة لو كانت خطية). أنتظر إنطباعات بعض الأعضاء المنطقيين.

 

[Ginko]

بالضبط، يعني لعبه جيده، ومع وجود العاب اخرى افضل فهي ضايعه.

 

[The Heartless]

حلوه مراجعة جيمسبوت قريتها كلها , أهم شي إن اللعبة تثبت بالمراجعات إنها good ::

جيمسبوت يقول إن قصتها ممتازة ومن الأسباب الي تخلي اللعبة ممتعة , العيب الوحيد في القصة هي طريقة السرد بالكوميك ومن دون فويس أكتنج ( ماادري هم كانو يبون فويس اكتنج في كل احداث اللعبة ؟ مافي rpg سوت هالشي ! بس نجرب ونشوف يمكن معاهم حق )

طبعاً يمدحون بالجرافيكس والأرت ويقولون إنه كل ماتقدمت في اللعبة بتظهر قوة الرسوم أكثر وأكثر لكن الي مزعجهم إن المراحل صغيرة ومو واسعة ومرات كثيرة بيزعجك هالشي وقت القتال .

اللعبة فيها سايدكويستس بيطول من عمر اللعبة أكثر ويخليها توصل ل20 ساعة

overall أي محب لل rpg أعتقد ماراح يفوت هاللعبة خاصة للي ماعندهم غير ال ps3

 

[Strife]

الموضوع رووعة.. الارت رووعة.. تحمست لها اكثر.. 😀

 

[Final Fantasy]

اللعبة ماخذها و أنا مغمض ... متعطش لآرت و جمال حقيقي يفتح النفس

الديمو خلصته مرات و استمتعت بمعاركها و امتصاص الأرواح جدا, هانت كلها جم يوم و تكون بين ايدي

 

[m7tram]

( ماادري هم كانو يبون فويس اكتنج في كل احداث اللعبة ؟ مافي rpg سوت هالشي ! بس نجرب ونشوف يمكن معاهم حق )

في لعبه سوت هالشي زينوساغا 3 😉 .

 

[Final Fantasy]

في لعبه سوت هالشي زينوساغا 3 😉 .

اللعبة هذه أصلا لعبة الـ RPG الكاملة الي لازم كل الألعاب الباقين يستحون على دمهم و يقدمون أشياء بمستوى الي شفناه فيها (( طبعا التقييمات ما يؤخذ فيها لأن الألعاب البيرفكت ما تحتاج تقاييم تتكلم عنها بل تحتاج جمهورها يتكلمون عنها )) .

 

[Xeno]

اللعبة هذه أصلا لعبة الـ RPG الكاملة الي لازم كل الألعاب الباقين يستحون على دمهم و يقدمون أشياء بمستوى الي شفناه فيها (( طبعا التقييمات ما يؤخذ فيها لأن الألعاب البيرفكت ما تحتاج تقاييم تتكلم عنها بل تحتاج جمهورها يتكلمون عنها )) .

يارجل اتق الله

 

[Final Fantasy]

يارجل اتق الله

والله عاد كثيرين غيري يعتبرونها لعبة الـ RPG الأفضل بالجيل الي فات ... حتى الي كرهوا الجزئين الأول و الثاني و لا قدروا يبلعوهم الثالث كان بالنسبة لهم غير و يا كثر المواضيع الي شفناها بهالمضنون بكثير من المنتديات .

المهم لا يطلع الموضوع عن مساره لأني لو أيي و أكتب قائمة بالي بزينوساغا 3 ماراح أخلص .

 

[Double T]

في لعبه سوت هالشي زينوساغا 3 😉 .

زينو ساقا انظلمت لأنها نزلت في 3 اجزاء و نص ( الجوال ) .. لأن القصة طويلة و عميقة و الأحداث كثيره .. بالنسبة ليه تعتبر من احلى العاب عندي لأنها عيشتني بجو قصصي مدع + الساوند تراكز من صنع المبدعة Yuki الي تعطي لمسة جمالية ثانية على جمال اللعبة

كاني طولت الكلام

 

[kInGsIzE]

ما كنت مهتم كثير فيها .. بس اليومين هذي ولما اخذت نظره على الالعاب اللي قاعد العبهم ( دراكنس - سيجما - جيرز - هالو - بيو شوك) ..

يبو !!! ابي شوية فانتسيا مليت من الدم :yuck:

 

[Solay]

اللعبه مثيره للإهتمام بعض الشئ وسالفة الفولك حلوه...

 

[Zero]

ما أبغى أطلع عن الموضوع لكن الفويس آكتينج كان كامل في مشاهد فف10 لا ننسى .. وكذلك زينو ساجا وألعاب قليلة اللي قدمته كامل .. وبصراحة ما في مانع لو محادثة بسيطة بين الشخصيات وغير مهمة تكون من دون صوت ..

المهم أصلا ألعاب كثيرة تصير فيها مشاهد كوميك من دون صوت .. أنا أكره مشاهد الكوميك حتى ولو بصوت ( تحس مشاهد الكوميك جاية من مطور ما له خلق يطور ) .. أفضل المشاهد المتحركة اللي بدون صوت على المشاهد اللي بأسلوب الكوميك بصوت ..

سابقا كنت مهتم جدا باللعبة وأحس أني أنا الوحيد اللي عاطيها اهتمام كبير .. بس الحين مادري ليش نص الحماس طار >__<" ..

 

[hyuga neji]

انا امس شريت اللعبه وانشاءالله بفرغ نفسي والعبها لان الحين قاعد العب زيلدا باخلصها انشاءالله وبكمل Folklore

بس شباب غريبه للحين محد خذه اللعبه ؟:slant:

 

[Final Fantasy]

اللعبة خذيتها من يومين و انشغلت مع بداية الدوام المزعج بالكلية فما لعبتها بشكل كافي .. الحين أنا بالشابتر الثاني و اللعبة قاعد أقضي معاها وقت ممــــــــــتـــــــــع


اللعبة فعلا مثل ما يقولون Eye Candy و القصة تذكرني بقصص أجاثا كريستي بشكل كبير سواء بالغموض أو طريقة سرد الأحداث و حل ألغازها

 

[Super Mario]

شباب عطونا تقاييم المواقع و انطباعاتكم
وجزاكم الله خير

 

[Colorization]

http://www.gamerankings.com/htmlpages2/930085.asp

ما انصحك تكتفي بالرقم الموجود، وإقرأ مراجعات المواقع الجيدة (جيم سبوت، IGN)

 

[Final Fantasy]

شباب عطونا تقاييم المواقع و انطباعاتكم
وجزاكم الله خير

أنصحك تقرأ مراجعة IGN و GameSpot حتى تاخذ فكرة واسعه عن اللعبة .

انطباعاتي عن اللعبة ذكرتها :

اللعبة قاعد أقضي معاها وقت ممــــــــــتـــــــــع


اللعبة فعلا مثل ما يقولون Eye Candy و القصة تذكرني بقصص أجاثا كريستي بشكل كبير سواء بالغموض أو طريقة سرد الأحداث و حل ألغازها

و فيه شي عاجبني .. أن لكل شخصية طريقة استخدام و قتال فعلا مختلفة عن الثاني و فولكلورز خاصة مما يخلي فيه تنويع في معارك الزعماء و طرق القضاء عليهم ... و كل فولكلور علشان تحصل عليه لازم تصطاد فولكلور ثاني يكون نقطة ضعفه حتى تقدر تغلبه فيه و تاخذه معك و تقضي على الفولكلور الثاني الي بعده 🙂


على فكرة موسيقى اللعبة ممتازة 5 ملحنين اشتغلوا على الساوند تراك .

 

[Super Mario]

معقوله محد شراها غير فاينل ؟؟؟!!!
أنا متردد اخذها ولا لأ؟

 

[Final Fantasy]

معقوله محد شراها غير فاينل ؟؟؟!!!
أنا متردد اخذها ولا لأ؟

شوف لها عروض و جرب الديمو .. أكيد راح ترسي على خيار وقتها ::

 

[Strife]

انا بطلبها.. المشكلة متردد بينها وبين راتشت.. ماعرف شنو اخذ :cryy:

 

[soosi]

الآرت رهييب و والمسيقى ايضا

جرافكس اللعبة الملون تخليك تكمل اللعبة حتى لو مستواها جيد , ذكرتني بكميو وعولمها الملونه

 

[Final Fantasy]

دخلت الشابتر الرابع ... قصة اللعبة قامت تشد أكثر و مع كل عالم الآرت و الألوان تصير جذابة أكثر


و الـ Folks رهييييبييييييييين !!!!

 

[TenZen]

دخلت الشابتر الرابع ... قصة اللعبة قامت تشد أكثر و مع كل عالم الآرت و الألوان تصير جذابة أكثر


و الـ Folks رهييييبييييييييين !!!!

اليوم وصلت التشابتر الرابع ... هل عدد التشابترس 5 ولا 7 ؟


صراحة اللعبة جيده و مسليه بالنسبة لي .

 

[JOE]

جربتها قبل كم يوم .....

اكثر شئ لفت إنتباهي >>> الموسيقى الحالمة ::

إبداع بصراحة ، و الرسوم ايضاً ممتازة (رغم انها تعتبر ضعيفة مقارنة بغيرها ) و المؤثرات ايضاً جيدة ...

ما اتعمقت فيها كثير و شكلي ما راح اقدر اتعمق بسبب الزحمة و لكن إلي لاحظته انها عميقة و ساحرة .....

<< انا قلت زمانه محمود مخلصها و ممسترها كمان بعد هذه الفترة من صدورها :slant:

 

[Final Fantasy]

<< انا قلت زمانه محمود مخلصها و ممسترها كمان بعد هذه الفترة من صدورها

المفروض أكون الحين مخلص مستمرة اللعبة و محللها بس كل هالتأخير صارلي بسبب بدأ الدوام في الكلية و بدأ الزحمه و العفيسه -_-

أنا حاليا بالفصل الخامس و بحاول أخلصها اليوم .

اليوم وصلت التشابتر الرابع ... هل عدد التشابترس 5 ولا 7 ؟

5 فصول تلعب فيهم بالشخصيتين .. أما السادس فبشخصية وحده بس و السابع أيضا بشخصية وحده و بس تنتهي اللعبة .

 

[Strife]

احد يسمع فيكم البلاي ستيشن نيشن كاست؟ في احدى الحلقات تكلموا عن اللعبة ومدحوها بشكل غير طبيعي.. واحد منهم وصفها بانها "المنافس الاقوى للجوتي" بالنسبة له.. المشكلة الميزانية محدودة... :cryy:

 

[Final Fantasy]

خلصت اللعبة ..


أخذت مني 10 ساعات ... همممممم شنو أقولكم ؟

# أفضل آرت في الجينريشن لحتى هذه اللحظة

# عوالم تصميمها و أجوائها ابداع بالذات الـ Theme الموجود في كل عالم و شلون الألوان و الموسيقى و الأصوات تتناغم معاه و تنقلك فعلا لعالم ثاني بشكل رهيب

# موسيقى حالمة و ساحره بشكل كبيييييييييير

# نظام و جيمبلاي متبكر و استعمالات الفولكس و قواهم ممتعين حيل مما يفتحون مجال أنك تنوع في استخدام و بناء استتراتجيات خاصة فيك

# القصة يبدأ يصير فيها أكثر من تويست غير متوقع بالأحداث .. و الي اكتشفناه في النهاية OMG صج أثر فيني و ترك عندي خليط من الغرابة و الحزن




ألعاب ما تستحق و لا تستاهل قاعده تنرفع للسما .. و هاللعبة الفريدة و الأوريجينال الي ما نشوف مثلها الا نادرا تنظلم لهالدرجة شي مخجل صراحة و أقل ما يقال عنه عـــــيـــــــب !!

على حسب ما سمعت ميزانية اللعبة ماكانت بالشي الكبير ... لو خصص لها ميزانية و حملة اعلانية عادية على الأقل لما كانت "سوبر سليبر هت" مثل ماهي عليه الآن لأن صج صج حرام الظلم الي لاقته و أظن الي قاعد يلعبها الحين فاهمني .

تقييمي لها ؟ أنا خلاص بطلت أعطي تقاييم للألعاب لأن بعد فترة راح أبدأ أحس أما أني أعطيتها أقل من حقها أو أكثر من حقها ... بس رأيي عنها عنها (( الي يبي شي فريد و مبتكر في هالجيل و تجربة مختلفة تماما و جدا Charming فعليه بهاللعبة )) 🙂

 

[gray fox]

همم ..والله الديمو عاجبني حيل ...أحب جيم ريببلك ... ويعطيك العافية محمود على المتابعه الرهيبة !

انشاء الله اخذها بعد شهور من الآن ..بس باذن الله ما افوتها ...بانتظرها توصل 40-50 دولار ..خاصة انها وللأسف سليبر هيت !!