راح اذكرها على شكل نقاط:
- غلطة فيت الكبرى ككل انهم كانوا متأثرين جداً من نجاح اويكنق - ما اقدر الومهم ، نجاح بعد سنين من الفشل التجاري - ، فقرروا انهم يسووا recycle لأشياء كثيرة من اويكنق بدل انهم يسووا لعبة مستقلة بذاتها من ناحية الهوية و القيم بلاي.
امثلة : شخصيات تحسهم انهم inspired من اويكنق بشكل او اخر - لا تروح بعيد : تصميم شخصية كورين الذكر حرفياً دمج بين كروم و روبين و هذا كان اول تعليق لي لما مسكت اللعبة لأول مرة -.
كثروا من شغلات الفان سيرفيس و الزواج بدون اي سبب الا لأنهم سووه في اويكنق ، قرروا يحطوهم هنا مرة ثانية.
هم حرفياً اخذوا نتيجة التصويت اللي سووه في اليابان قبل كم سنة عن افضل ٣ شخصيات من الجيل الاول و افضل ٣ من الجيل الثاني من اويكنق و حطوهم في فيتز. و غيرها الكثير..
- دامك لعبت كونكويست ، و من اللي فهمته انه مالك نية تلعب الباقيين + قصص الدي ال سي .... انصحك تتابع في اليوتيوب مراحل الدي ال سي. القصة الاولى اسمها hidden truths حلقتين لحدث حصلت قبل احداث اللعبة الرئيسية بمدة و راح تجاوب على سؤالك اللي ذكرته في مشاركتك. القصة الثانية هي ٦ حلقات دي ال سي تبدأ من in endless dream و هي بتحكي لك ايش اللي حصل بعد تختيمك لبرث رايت او كونكويست. هأعترف ... الكتابة القصصية هنا و الاحداث افضل بمليون مرة من اللعبة الرئيسي لدرجة اني انصح الجميع انهم ما يلعبوا ريفلويشن و يعتبرونها غير موجودة و يكتفوا بمراحل الدي ال سي! ايش المشكلة اذاً ؟؟؟؟؟ اللي كتبوا قصص الدي ال سي ناس و اللي كتبوا القصة الرئيسية ناس ثانية و ما كان بينهم اي تواصل عشان يسوون alignment .... كيف انا وصلت لهذه النظرية ؟؟؟ تابع على الاقل الهيدن تروث ثم فكر ايش اللي حصل في كونكويست ، ما راح تاخذ منك دقيقتين عشان توصل للي انا وصلت له.
- من جد هالمرة راح ادخل لقصة كونكويسكت من الان و رايح : نبدأ بالشخصية الرئيسية كورين. اعتقد اني ما راح اكون غلطان لو قلت انه اسواء lord في السلسلة الرئيسية كلها بلا استثناء - ما راح اذكر العاب السبن اوف مثل طوكيو ميراج او فاير امبلم واريور -. الشخصية حرفياً fanfic و انه بيرفكت و ان كل الاحداث في العالم متمركزة حوله و ان كل شيء و كل شخص يحبه كذا بدون سبب، و اذا انت تكرهه او ما حبيته انت شيطان و شرير! انا متأكد مليون بالمئة ان الكاتب هو كريس تشان النسخة اليابانية.
- ممكن هتقول ان روبن او kris هم اسواء من كورين عشان كذا و كذا و كذا... على الأقل من اللي اتذكره ان القصة ما كانت متمركزة عليهم بل كانت متمركزة على مارث او كروم. مو مثل اللي حصل هنا !!! كورين من اول تشابتر يُعامل على انه إله بدون اي سبب !
- عشان اختم تهزيء في كورين : الواد طالع جبان في الجزء هذا بشكل مقزز ! كم مرة مرت عليك سيناريو مثل هذه :
كورين : وااااااع ، ما ابغى اسوي الشيء الشرير هذا !!
قارون او اياقو : سوي الشيء هذا و الا راح اعلن انك خائن !
كورين : اوه ... اوكي ...
و لا ننسى المقطع ذاك لما هانز اشتغل مجزرة على قرويين و أسرى للمرة الاولى و كورين راح نام بدون يسوي اي شيء.
- الاشرار هنا صراحة لا تعليق خلصةً لو قارنتهم بالاشرار اللي طلعوا في الالعاب السابقة .... إياقو : ليومك هذا انا مو فاهم ليش حاقد على كورين كذا بدون اي سبب. هانز : بدون مبالغة ال generic boss في الالعاب الماضية كانوا افضل منه مليون مرة. أما الكينق قارون ... راح اعلق عليه في النقطة التالية.
- واضح جداً ان قصة كينق قارون المفروض انها تكون افضل و اعمق لكن قرروا يقعدوا على الشكل الحالي لسبب لا نعلمه : واحد مخرف شرير ١٠٠٪ و يتكلم مع السقف كل ليلة. اللي يدعم النظرية هذه شيئين : المحادثات مع زاندر عن ماضي ابوه + الصورة اللي تحت. لا هذا مو فان ارت وورك ، هذا official art في بطاقات سايفر اللي اشتغلوا عليه لمدة.
- ما فيه اي احد عاقل يختار نوور على الاطلاق ، خاصةً اذا حطيت في الاعتبار الاحداث اللي حصلت في المقدمة و المراحل الاولى ، و ان كورين حرفياً غير مرحب به و قارون سبب عملية ارهابية داخل هوشيدو. كورين ما عنده اي سبب انه يرجع للنوور و يشتغل عند شبيه قانيندورف هذا و غباء منه انه يرجع لهم الا اذا
كان يبغى كاميلا which is understandable .
- تعقيباً على النقطة السابقة : اذا ما خانتني الذاكرة فيه اعلان قال حاجة زي " في كونكويست ستكون مهمتك انك تغير نوور من الداخل ". انا و غيري الكثير توقعنا انك اذا اخترت هذا المسار راح تكون في مسار "دبلوماسي" و انك تحاول تكتشف الخراب اللي حصل في مملكة نوور أو انك بتفهم ليش مملكة نوور حاقدة على هوشيدو بسبب حدث كارثي قديم او شيء مشابه.
نوب !!!! الشيء هذا ما حصل ...
- السياسة غائبة جداً عن اللعبة هذه !!
كل العاب فاير امبلم كان فيها خريطة للعالم اللي انت فيه. هنا لا، خذ لك صورة قوقل ماب.
كل العاب فاير امبلم كان فيها ممالك و ملوك كل واحد فيهم عنده دافع او هدف زي جينيولجي اوف ذا هولي وور. هنا لا ، عندك هوشيدو اللي هم ١٠٠٪ طيبين و عندك نوور اللي هم ١٠٠٪ أشرار و عندك شوية ممالك ما لهم اي كلمة او لزمة. اوه صحيح فيه مملكة ثالثة لكن ما راح اتكلم عنها عشان لا اموت!
- تقدر تلاحظ ان اللي اشتغلوا على القصة كانوا يبغوها تكون مناسبة للصغار و ما يحطوا الاشياء المظلمة زي اللي حصل في جينيولجي و ثرايجيا مثلاً. فالقرار الحكيم اللي وصلوا له انهم يسووا مراحل قليلة عن الحرب بين المملكتين - اغلبها كانت في اواخر اللعبة - ، اما بقية المراحل عبارة عن fillers .
- "التضحيات" : من الاشياء اللي صراحة سببت لي كرنج هنا بعض مواقف التضحيات اللي صارت و اللي كانوا فيها يحاولوا بكل قوة يخلوك تحزن عليهم غصب مثل ميكوتو لما انقتلت ، اوه طيب انا ما كملت ٥ دقائق عن اول مرة قابلتها ما راح يمديني احزن عليها.
و المثال الثاني اللي هو الاسواء : موت ليليث ... ليش انا اشوفها غبية ؟؟؟ سجل عندك /
انقتلت على يد جينريك faceless بدل تنقتل بطريقة درامية مثلاً على يد قارون.
ليليث شخصية ما كانت لها اي لزمة في اللعبة او اي دور في القصة ككل ! الشيء الوحيد اللي سوتها هي انها دخلتنا في الهوب وررلد و لا سوت شيء بعدها ... ممم ليش احزن على موتها مرة ثانية ؟
كورين اشتغل نياحة ربع ساعة عليها و قال جُمل كرنجي على - مرة أخرى - شخصية ما كان لها اي دور ، و بعدها ترك جثتها على ارض اللي مليانة زومبيز.
و بعد هذا كله ؟؟؟ راح تحصلها موجودة في قاعدتك و لا كأنه صار شيء ..... يا أخي !! اذا قتلت شخصية في لعبة او قصة ، كمل عليها و خلها فعلاً تختفي للأبد عشان احس اني فعلاً خسرت الشخص هذا بدل تسوي حركات زي كذا.
الموت الوحيد اللي فعلاً احس انه ضبطوه كان لما ريوما سوى السودوكو بعد الضغوطات الكبيرة اللي تعرض لها كورين.
