Final Fantasy X/X-2 تبيع بمجموع 20.8 مليون نسخه!

[nolongerempty]

وصف طقني و اطقك من بعد ما عرفت مصدره ما صار ودي اقراه مرة ثانية هو فعلا FFX اخر مشروع قدم التطور بالأر بي جي الكلاسيك و اشوف لوست اديسي امتداد له.. مع أن X تأخر بكذا شيء زي الورلد ماب -مع انهم كانوا ناويين عليه فعلا و سموها World Map next gen- لكن بشكل عام FF10 قدم تطور للجنرا مبهر لليوم والله بأشياء كثيرة

شوف استاذ درو، ان جينا للحق هي فعلا طقني واطقك وبعدين تطوروا بالمنطق اشوي وحطوا طق زي ماتبغى لين تتعب وبعدين خذ بريك اشوي وارجع عيد الكرة.

اتفق معك.. يوم لعبت لاست اوديسي حسيت اني العب FFX ونقدر نسميها الامتداد الغير معنون لسلسلة FF ككل. زعلان للي صار لها.. فعلا كانت ممكن تصير سلسلة قوية وتصف مع سلاسل FF.

 

[m7tram]

وصف طقني و اطقك من بعد ما عرفت مصدره ما صار ودي اقراه مرة ثانية

شنو المصدر؟

 

[R E D]

شنو المصدر؟

توني ادري ان له مصدر (&) ، كنا نقولها من قبل 20 سنة او اكثر XD .

 

[m7tram]

توني ادري ان له مصدر (&) ، كنا نقولها من قبل 20 سنة او اكثر XD .

بالضبط .. علشان جذي انا مستغرب شنو مصدره

 

[dro]

شوف استاذ درو، ان جينا للحق هي فعلا طقني واطقك وبعدين تطوروا بالمنطق اشوي وحطوا طق زي ماتبغى لين تتعب وبعدين خذ بريك اشوي وارجع عيد الكرة.

اتفق معك.. يوم لعبت لاست اوديسي حسيت اني العب FFX ونقدر نسميها الامتداد الغير معنون لسلسلة FF ككل. زعلان للي صار لها.. فعلا كانت ممكن تصير سلسلة قوية وتصف مع سلاسل FF.

دكتور فراغ الحق يُقال أن وصف طقني و طقك ينطبق بالكثير بساعات اللعبة الأولى التعليمية التمهيدية فقط بعدها يصير النظام اعمق و ما عاد فيه طقني و اطقك و الخيارات تصير عديدة و كل لعبة و لها اسلوبها الخاص بالنظام الكلاسيكي الغير اكشني المكجولي (&) فيه العاب ما تنوصف طقني و اطقك يلا بالدور أنا ثم أنت فيه العاب العدو ما راح ينتظرك ولازم تختار و تقرر بسرعة أيش تعمل ضده ولا راح يطقك لين تقول بس لو تجلس تتفرج (&)

شنو المصدر؟

حسب كلام احد الأعضاء قبل كم يوم أن مصدره مشهور الدبيان ايام سعودي جيمر.. هل المصدر صحيح او لا الله اعلم (&)

 

[m7tram]

حسب كلام احد الأعضاء قبل كم يوم أن مصدره مشهور الدبيان ايام سعودي جيمر.. هل المصدر صحيح او لا الله اعلم (&)

هههههه لا ابدا من كنا حنا صغار وعايشين عالمجلات كنا نقول طقني واطقك كوصف للاربيجي الياباني تيرن بيسد.

 

[MOSU]

هذي اعلى مبيعات بالسلسلة؟ ولا فيه جزء مع مشتقاته بايع اكثر

٧ بايع اكثر
٧ مع مشتقاته من زمان تجاوز العشرين مليون

 

[dro]

هههههه لا ابدا من كنا حنا صغار وعايشين عالمجلات كنا نقول طقني واطقك كوصف للاربيجي الياباني تيرن بيسد.

ما مر علي الا من المنتديات

 

[nolongerempty]

دكتور فراغ الحق يُقال أن وصف طقني و طقك ينطبق بالكثير بساعات اللعبة الأولى التعليمية التمهيدية فقط بعدها يصير النظام اعمق و ما عاد فيه طقني و اطقك و الخيارات تصير عديدة و كل لعبة و لها اسلوبها الخاص بالنظام الكلاسيكي الغير اكشني المكجولي (&) فيه العاب ما تنوصف طقني و اطقك يلا بالدور أنا ثم أنت فيه العاب العدو ما راح ينتظرك ولازم تختار و تقرر بسرعة أيش تعمل ضده ولا راح يطقك لين تقول بس لو تجلس تتفرج (&)

وسع صدرك استخدمه كوصف عام فقط على سبيل المزاح... الالعاب القديمة تمشي على هالرتم الى النهاية.. اللي تتكلم عنه النظام بعد محاولات التحديث اليوم وهم ماينلامون.. الار بي جي الغربي اثر على الصناعة بشكل واضح وصار الاقبال عليه عالي وبار الستامينا اصبح بديل جيد للنظام القديم. مع ذلك ماعندي مانع العب عناوين جديدة بالنظام القديم.. لكن هل في احد بيجازف فيها اليوم بعناوين AAA؟ اذا فيه العاب برسومات قوية وقصص جيدة مع نظام طقني واطقك انا مستعد اعطيها تجربة.

حسب كلام احد الأعضاء قبل كم يوم أن مصدره مشهور الدبيان ايام سعودي جيمر.. هل المصدر صحيح او لا الله اعلم (&)

لا غير صحيح.. يمكن استخدم المصطلح ايام البودكاست وقتها لكنه كان تسمية عامة نستخدمها واحنا صغار لعدم معرفتنا بأسم التصنيف وقتها. ماكنا نعرف الترن بيزد الا بالشكل.

 

[Invader Zim]

ارجل شخصية في فف ولو سمحت يا @Invader Zim فيفي من فف١ موب ارجل منه

اسمه Black wizard

 

[R E D]

ما مر علي الا من المنتديات

كنا نقولها بين الأهل والربع في أرض الواقع قبل المنتديات XD .

 

[Blue]

كنا نقولها بين الأهل والربع في أرض الواقع قبل المنتديات XD .

أنا كنت اسميه "بالدور".

 

[R E D]

أنا كنت اسميه "بالدور".

مو بعيد عن الأسم الأصلي (&).

 

[Aqua_]

مبروك لفف١٠ تستاهل ،،

ما مر علي الا من المنتديات

سيم ويمكن من التويتر

 

[Yula]

أكيد نفس درجة تأكّدك من عودة فيرسس.

مستحيل سكوير ما تحلب الجزء هذا زيادة بعد ما يخلصوا من مشروع الريميك (وحلبهم ل7 عموما ما راح يوقف مع ال3 الألعاب اساسا)
10 على عكس 15/فيرسس جزء محبوب مره (ثاني واحد بعد 7) ففكرة ريميك أو سيكوال آخر ما اشوفها شي مستبعد
حتى في تصويت شعبية ضخم نزل في 2019(حوالي 450 ألف مشارك) توفقت على 7
15 صحيح باعت كثير لكن استقبال الفانز لها ما كان بذاك المستوى الإيجابي وفي نفس تصويت الشعبية 15 كانت العاشرة

 

[dro]

15 صحيح باعت كثير لكن استقبال الفانز لها ما كان بذاك المستوى الإيجابي وفي نفس تصويت الشعبية 15 كانت العاشرة

بركات الي أنت خابر

 

[Arashi]

فف10-2 كانت مقلب اغلبنا اشتراها لأنه كان يحسبها بتكون شي عدل مثل فف10، طلعت Charlie's Angels RPG >_>
+
جات غصب مع فف10 في الريماستر
يعني باعت فقط لأنها لاصقه فيها

ما علينا، فف10 وحدها تستاهل، كانت لوحه فنيه من حيث المناظر والموسيقى وقوة الـCG في وقتها، والقصه عميقه وشي مبتكر
مع ان شخصياتها ما تدش القلب بالمره لكن هالشي ما أثّر عالتجربه

 

[Arashi]

حرام عليكي يونا (الجزء الأول فقط) بألف شخصية رئيسية أخرى

هي بالذات ما حبيت شخصيتها واسلوبها الكسيف في الكلام ):
يعني أهون شي واكا وكيماري واورن.
لكن حلاوة اللعبة في العالم ككل مب التركيز عالشخصيات، هالشي عندي أهم وهو اللي يجعل اللعبه تحفه فنيه
وفف10 (بالنسبه لي) اخر جزء فف يبيض الويه وعقبه كله سواد ويه خاصة سلسلة 13 (عدا فف14 بس محد يبي يحسبها جزء رئيسي so..)

 

[جُرَيْج]

أنا كنت اسميه "بالدور".

محتوى مخفي: .

بالدور؟ (&)

 

[MorridooM]

محتوى مخفي: .

بالدور؟ (&)

محتوى مخفي: لا قصده

بالدور قيت