hits counter

[[ FIFA WORLD CUP 2006 IN GERMANY ]] --- الموضوع الرسمي

  • بادئ الموضوع بادئ الموضوع Humam
  • تاريخ البدء تاريخ البدء
الحالة
مغلق و غير مفتوح للمزيد من الردود.
شباب أنا مدري بصراحة, الشغلة مو بالتهديف في كأس العالم.. كأس العالم ممكن تكون محطات فشل لكثير اساطير, فان باستن, كرويف, روبرتو باجيو, زين الدين زيدان 2002..

أنا أبغى مهاجم في تاريخ كرة القدم خط سيره في الملاعب مثل رونالدو, وأبغى لاعب جاته ال 3 إصابات حقة رونالدو .. مافي ياحبيبي مافي..
 
اليوم بيكون ناااااااااار
 
اعتقد اذا ايطاليا اليوم ماطلعت الماينا باي شكل ... البطولة المانيه ..

والله ودي زيدان ينهي تاريخه الكروي بكاس العالم .. قسم بالله بتكون احلى نهاية بتاريخ لاعب بكرة القدم ( لول اليوم روبرتو كارلوس اعتزل اللعب دوليا ) ..
 
اليوم شكلها مللللللل. إيطاليا ضد ألمانيا .. ما عندهم إلا الخشونة والعقليات الدفاعية.

بكرة اللي ناااااااار. البرتغال ضد فرنسا .. البلدين الوحيدين في أوربا اللي تشوف منهم فنيات ولعب جميل.
 
GSenius قال:
وحتى لو كسر الرقم.. من جد في ناس تعتبر إن كلوسة " هداف " ؟ مشكلة.. اللاعب هذا من طقة حطه قدام الباب لحاله وسلام عليكم.. لا هو لاعب و لا يحزنون..
أنقر للتوسيع...

حرام عليك ، هو كان هداف الدوري الألماني الموسم الماضي ، قبلها بسنة ما سوى شي و لكن كان مع فريق ضعيف ( كايزرسلاوترن ؟ ~_~ ) ، كلوزه مهاجم جيد ، وشو المطلوب منه أصلا ؟ يسجل الأهداف لا أكثر و لا أقل و هذا اللي يسويه ..

مو مطلوب منه يكون مثل ابراهيموفيتش يعدي عن كل الفريق اللي ضده وبالأخير يشوت الكورة برا ..
 
والله عندك وجهة نظر حسين.. يعني فعلا الهداف مهمته تسجيل الأهداف, بس خليني أكون معاك أكثر دقة, أنا ما يعجبني هذا النوع من اللاعبين الي بس يسجل بدون متعة.. مثل كولر - فييري .. الخ.

ان شاء الله الكاس لفرنسا.. علشان زيدان بس 🙁
 
اهم شي المدرب يدخل جيلاردينو وتوني مع بعض ... مب يكتفي بواحد منهم بس >___>
 
شباب، ماعلي من الهدافين الثانين، النقطه ان بيليه فقاعة صابون، رجل اعلام.
 
يعني بيليه فقاعة صابون عشانه لعب في الستينات والسبعينات؟

ما نقدر نقول ونفترض إيش يصير لو نجيب بيليه الحين، لأن كل واحد يقاس على زمنه طبعاً .. والفروقات الموجودة بين هذاك الوقت ووقتنا كبيرة وفي منها أشياء تطورت بشكل كبير وهي من صالح اللاعبين الحين.

اللعب يتطور دائماً، والأساطير القديمة هي اللي تلهم الجديدة، والجدد يبدؤون من ما انتهى إليه القدماء. المبدأ هذا ينطبق على أشياء كثيرة، منها الألعاب.

هل في أحد يقدر ينكر أن ميتال جير سوليد الأولى أحسن من سبلينتر سيل مثلاً؟ لو أنهم طلعوا في نفس الوقت ما في مجال للمقارنة، لكن بالنسبة لوقتها MGS1 أسطورة. (مثال لا أكثر)
 
خلنا من بيليه العبيط ..

الشوط الاول طلياني ، لكن دفاع الماني صامد ... ايضا بعض المردات الالمانية الخطيرة
 
NSider قال:
يعني بيليه فقاعة صابون عشانه لعب في الستينات والسبعينات؟

ما نقدر نقول ونفترض إيش يصير لو نجيب بيليه الحين، لأن كل واحد يقاس على زمنه طبعاً .. والفروقات الموجودة بين هذاك الوقت ووقتنا كبيرة وفي منها أشياء تطورت بشكل كبير وهي من صالح اللاعبين الحين.
أنقر للتوسيع...


نقدر نفترض، روح شوف الدفاع كيف كان وبتعرف ليش. بيليه لعب عصره، مو تاريخي.

وفيه اشياء تطورت كثير وصارت ضد اللاعبين، وهذي اكثر طبعا. منها الخطط والتكتيك والاداء الافضل والاقوى، مما خلى تسجيل الاهداف اصعب ويحتاج شغل اكثر مو انطلق من نص الملعب والدفاع ما عندهم الا تزليق.


بيليه لاعب اعلام، الفيفا جعلته مما هو عليه الحين. فيه في وقتنا هذا كثر افضل منه منهم هينري ورونالدو ورونالدينهو وكثير غيرهم.
 
الشوط الثاني انتهى ... تعادل سلبي ... الله يستر من ركلات الجزاء -_-
 
...

عارضتين أليميتن .. ايطاليا ناوية على شر !!
 
...

شكلنا بنشوف ركلات ترجيح
 
...

قول قول قول .. والله ما يمزحوا الطليان .. لعب جد
وداعًا ألمانيا 🙂
 
اللللللللللللللللللللللللللللللللللللله

جوووووووووووووووووووووووووووووول

الدقيقة 118

الازوري للنهائي بهدف جروسوووووووووووووووو
 
الثاااااااااااااااااااااااااااااااااني

الدقيقة 119

هههههههههههههههههههه
 
...

ايطاليا وهدف ثاني .. 🙂
أحس تعجييييييييييييييييييييييييييييييز و تحطيييييييييييييييييييييييييييييم
 
Anime Lover قال:
ايطاليا وهدف ثاني .. 🙂
أحس تعجييييييييييييييييييييييييييييييز و تحطيييييييييييييييييييييييييييييم
أنقر للتوسيع...

من بداية المباراة السيطرة طليانية ... الالمان ما يستاهلون الفوز ابد
 
الحكم يا اداء فاشل 🙂 خرب المباراة بقرارات زفت
 
مبروك الفوز للطليان ..
صراحة عن نفسي مانمت الا 5 ساعات من امس .. ماني متعشي ..
اما الحين مستعد أكل جمل بلحاله 🙂 ..
ألف مبروك للطليان >.< ..

---

عموماً .. ألمانيا لعبت بشكل رائع .. هددت المرمى أكثر من مرة .. ليبي أثبت شيء .. مهما كان الهجوم قوي .. في دفاع راح يوقفه ..
عاش الأزوري عاش 🙂 ..
 
خخخخ اساسا من بداية الاشواط الاضافيه ( نهاية الشوط الثاني ) واضح جداَ ان المانيا انهااااااااارت .. الاعبين تعبوا !!

كنت اتمنى الفوز لايطاليا .. ان شاء الله نشوف نهائي ايطالي فرنسي 😉
 
لا !!!!!!!!!!!!!!!
كنت حاط امل اشوف فرنسا VS. المانيا
🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁 🙁
 
شوط أول جيد والباقي كان عادي أو ممل أحيانا

ألمانيا انهارت فعلا في الأشواط الإضافية مبروك للطليان🙂
 
إذن للأسف نهاية المغامرة الألمانية كانت على يد الطليان 🙂

لا بأس ، رغم انه الفريق الألماني لا يملك نجوم مثل المنتخب الإيطالي لكن لعب بشكل منظم و هدد المرمى بخطورة حقيقية ، و كان في تغطية دفاعية ممتازة على مدى 115 دقيقة ..

لكن لما تضيع فرص كثيرة سهلة بمباراة قبل نهائية في بطولة بحجم كأس العالم ، أكيد راح تندم 🙂

بكل حال ، أنا راضي تماما عن اللي أنجزه الفريق ^_^
​
 
إيطاليا يثبت انه فريق تحكيم بحت

امام استراليا ضربة جزاء ملغيه لاستراليا وضربة جزاء لايطاليا خطأ / ايقاف لاعبين اكرانيا قبيل مباراتهم مع ايطاليا / ضربة جزاء ملغيه لغانا بالمجموعات / غير الفاولات والانذارات الي ما انحسبت
هههههههههههههههههههههههههههههههههههه

حلوة ايطاليا الحكام صاروا يخافون من اعلام ايطاليا الباكي ويذكرون هذا نهائيات 2002 البكاء كان على يد كوريا في رأسية انهوان ما عليه سلموني على مباراة الحكم الفاشل
 
التعديل الأخير:
مبروك لايطالية الفوز...

احسن ما كنت ابي الالمان يتئهلون...😎
 
الحالة
مغلق و غير مفتوح للمزيد من الردود.
عودة
أعلى