hits counter

[[ FIFA WORLD CUP 2006 IN GERMANY ]] --- الموضوع الرسمي

  • بادئ الموضوع بادئ الموضوع Humam
  • تاريخ البدء تاريخ البدء
الحالة
مغلق و غير مفتوح للمزيد من الردود.
Gaara قال:
بصراحة دون مجاملات و لا الكلام العسل..

منتخبنا راح يخسر 6 - 0..أقل شيء..

حسبي الله عليهم..
أنقر للتوسيع...

أتوقع المنتخب الإسباني يدخل بتشكيلته الاحتياطية ( كما يقول المنطق ) .. و بالتالي يمكن هالشي يساهم بتقليل النتيجة 🙂
 
اللهم حولينا ولا علينا..

باذن لله نقدم مستوى ونتيجة انشاالله ونتأهل بالغصب..


تشكيلة الأسبان مختلفة بشكل جذري وخاصة في الدفاع..
 
بسم الله وعلى بركة الله وبدأت المباراة..... نبغى تشجيع ياشباب
 
الرأفة ياأحتياطيي الماتادور
 
أوكرانيا ضاغطة على تونس .. 🙁

حلو الواحد يتابع مباراة عالراديو 😱
​
 
إذن خوانيتو يسجل الهدف الأول في المرمى السعودي ..
​
 
طرد للاعب المنتخب التونسي زياد نسيت شو .. -___-

الظاهر راح تكون خيبة أمل جديدة .
​
 
؟؟؟؟؟

الحمدلله المنتخب يقدم مباراة مقبولة في الشوط الأول و مازالت الاخطاء الدفاعيه موجودة للاسف .... مبروك زايد اليوم كينج ، الحارثي تعيس للاسف اتمنى نشوف مالك بداله في الشوط الثاني !
 
(-_-)..(-_-)..(-_-)..(-_-)..(-_-)..(-_-)..(-_-)..(-_-)
 
خلصت مباراة السعودية ؟!؟!
فاتتني ؟؟<!؟<؟<
🙁
ايش صار ؟؟
 
التونسيين مالهم حظ..يلعبون ويقدمون كرة جميلة لكن الكرة لها كلام ثاني
 
(^_^).. شوط تاني جيد جدا ...
 
الحمدلله على كل حال .. اليوم أفضل مباراة قدمها الأخضر في مونديال المانيا ولو كان ياسر موجود كان كلام ثاني ، على العموم أتمنى من كل قلبي ان المنتخب يجدد مع المدرب إلى 2010 ويحافظ على الروح الموجودة في الفريق وباذن الله كأس آسيا ماخذينها 🙂
 
شوط أول فاشل للمنتخب السعودي .. بس تقدم ملحوظ بمستوى مبروك .. الحمدلله ان الحين ما صار يقمط بالملعب xD ..

شوط ثاني .. نصفه كان سعودي وبقوه .. رفعوا راسنا اللعيبه .. والله يوفق مالك معاذ ومحمد نور .. هذول الاثنين وربي أبطال .. يا ريت معاذ لاعب من بداية الشوط الثاني .. ولا ليه اصلا ما يكون اساسي -_- ؟

باي باي ألمانيا .
 
شوط ثاني لا بأس به

المنتخب يحتاج لاعبينه يحترفون في الخارج.. عشان مش يلعبون مباريات محترفة مرة كل فترة طويلة.. لكن يعيشونها يوميا
 
مازلت مشكلتنا الاولى بصانع اللعب ...

يعني يوم نشوف نور اللي لعب اليوم محور الوحيد اللي يصنع لعب هاذي مشكله .. للاسف افتقدنا الشلهوب بذي البطولة بشكل كبير وخصوصا انه حسين عبدالغني مع احترامي لامكانياته ولكن مايقدر يقدم شئ بخانة الوسط الايسر ...

انتهت رحلة المونديال للمنتخب السعودي بنفس نتائج 1998 .. مادري هل كانت خطوه للامام او للخلف واتمنى من كل قلبي اذا تاهلنا ل2010 يكون الوضع احسن بكثير وقتها ..

ماشفت مبارة تونس ولكن شفت لقطات منها واعتقد فيه ضربة جزاء لتونس مانحسبت ومادري عن الطرد .. عموما هاردلك للمنتخب التونسي. ..
 
اللي مضيعنا عدم وجود الاعداد النفسي, في كل مباراة دايما يبغالهم شوط كامل علشان يدخلوا جو المباراة, الاخصائي النفسي مطلب مهم للأسف ما نعطيه أولوية في ملاعبنا..
 
Best Saudi player in this WC is Hussain Abdulqany.

Worst are Noor and Tumyat.
 
...

وجع !! .. فاتتنب المباراة وش ذا ؟!
بس من التحليل وأشوف الهجمات لا فعلا الشباب يلعبوا لعب ممتاز .. باسات صح واستلام ممتاز اليوم .. مهارات فردية خطــــــــــــــيرة .. وفعلا كان المدرب الي ضارب نور وعطيه ظهير أو جناح وحابس لعبه بس اليوم لما أعطاه حريته شفنا الرجال ادهر .. وأخيرًا مبروك زايد ورانا معدنه الأصلي ..وبصراحة انظلم الحارثي بذا الكأس .. توه يلعب أول مباراة وبدع بمحاورات فردية كثيرة .. يللا يا رجال .. الغلطات الدفاعية لسا موجودة وأتوقع ان هي الي ذابحتنا وان كان شي سيذبحنا مستقبلا فهي الأغلاط الدفاعية .. وأنا ما شفت المبارات لاكن من الهجمات المعادة كأننا لعبنا بمحور واحد ؟!
على العموم بعد الي شفته اليوم .. ودنا لو تأهلنا لـ2010 نكون بذا المستوى اذا مو أحسن .. وأكـــــــــــيد فيه أحسن

Edit :
حسافة للمتخب التوني كان باقي له شعرة و يتاهل ..

Nintendude قال:
قبل كاس العالم واحد دق على الجزيرة الرياضية وقالهم انا حلمت ان السعودية وتونس هم الي بيتأهلون من المجموعة..
أنقر للتوسيع...
ههههههههه .. الحين أقدر أقول أحلام وردية 🙂
 
التعديل الأخير:
مباراة ممتازه ,, مع ان المنتخب الاسباني يلعب بكل بروده والمدرب خايف من الاصابه على لعيبته ... لكن كانت فرصه والله !! الشوط الثاني ضاعت كرات كثيره.


لووول اجل الحارثي ,, ما اقدر اقول الا ( آآه يا ياسر )

نجم الباراة كان محمد نور (نورو) ... من جد الرجال قدم مافي كل طاقته في المباراة ... يالله كل واحد يرجع لنادي ويرجع التصقيع 😉 .
 
آخ يا قلبي ... تونس >_<


الحكم ضد المنتخب التونسي 100% .. طرد لاعب التونسي (الجزايري) ما لمس حتى اضفر اللاعب الاوكراني

ضربة جزاء للمنتخب التونسي ضااعت .. مع انها كانت لمسة يد واضحة جدا داخل منطقة الجزاء

و اعطاء اوكرانيا ضربة جزاء غير صحيحه ..


الله يعين الشعب التونسي الحين .. انا ميت من القهر اشلون اهم >_<

الفوز كان = التأهل ..


المنتخب التونسي لعب صح .. و يستحق ان نعطيه حقه و اكثر من حقه لأنه شرف الكره العربيه في كأس العالم هذا ..

هذا الي اتمنى اشوفه بالمنتخبات العربيه .. بدون رهبه .. متابعة الهجوم .. صك الدفاع .. تركيز .. و شفت منه هالاشياء بالمنتخب التونسي هذي السنه ..
 
مستوى سيئ في الشوط الأول وجيد جداً في الشوط الثاني .. بدأ المستوى الجيد بدخول مالك "super sub" معاذ اللي حرك الهجوم بشكل رائع. محمد نور قدم مجهودات خرافية بتقطيع الكور على جهتنا اليمنى وصنع بعض الهجمات (اشتغل عن نفسه وعن الدوخي الدايخ).

المدرب عدل أخطائه أخيراً بتشكيلة متوازنة، توازنت أكثر بالخروج الاضطراري لخالد عزيز، وما عابها إلا الحارثي وسامي في الهجوم للأسف. الحارثي مختفي ومو مركّز ومبهور (الظاهر عشانه قابل راؤول خخخ مستانس على لقب راؤول العرب)، وسامي تحركاته جيدة لكن عصبيته الزايدة وتسرعه في الفرص. بكل أمانة كان يستحق الطرد .. مو معقولة كل مرة تنقطع منه الكورة يروح يعرقل لاعب من الخلف .. صارت 3 أو 4 مرات. أنت القائد والخبرة مو معقولة هالتصرفات على آخر عمرك.

مبروك زايد أتعب وأنا أمدحه .. رد اعتباره بقوة بعد الانتقادات الحادة اللي جاته. لو حارس عادي كان صارت 6-0 .. مجهوداته أبقتنا في المباراة وسببت المستوى الجيد. لو تسجل هدف ثاني كان انهاروا الشباب.

ما ننسى طبعاً أنه ضد فريق احتياطي ضامن التأهل وضامن المركز الأول بنسبة 90% في كل الحالات. مدربهم امتص حماسهم في الأخير بأنه يطلع اللاعبين الهجوميين اللي كانوا يلعبون لإثبات أنفسهم (راؤول - رييس - فابريجاس) .. وهذا من أهم أسباب صحوتنا المتأخرة.

شفتوا أن اللعب بمحور واحد ومهاجمين اثنين أحسن؟! المدرب مشى تقريباً بنفس خطتي اللي اقترحتها .. ولو المهاجمين كانوا بمستوى أحسن والدوخي سوا اللي عليه دفاعياً وما خلى نور يضطر يرجع كنا بنشوف لعب أحلى وأهداف.

ما أقول أنه مستوى يشرف .. لأني شفت لعب تونس وكوريا (اللي لو نلعب ضدهم في غير كأس العالم نرقعهم) أحسن بمراحل من لعبنا. حتى توجو اللي طلعوا رسمياً من زمان لعبوا لعب خرافي طول المباراة قدام فرنسا اللي كانت تلعب للتأهل.

عموماً خيرها بغيرها. راجعين إن شاء الله في 2010 بلاعبين بعضهم محترفين خارجياً وكلهم ملتزمين تكتيكياً ومدرب يستقرئ اللعب أكثر وتشكيلة مختارة بحياد تام. يصير خير لول.
 
NSider قال:
راجعين إن شاء الله في 2010 بلاعبين بعضهم محترفين خارجياً وكلهم ملتزمين تكتيكياً ومدرب يستقرئ اللعب أكثر وتشكيلة مختارة بحياد تام. يصير خير لول.
أنقر للتوسيع...
ههههههههههه .. يوسف لا تكون شغال بالرئاسة العامة لرعاية الشباب خخخخخخخخخ
من جد يصير خير 🙂
 
الوليد بن طلال بن عبد العزيز يهدي منتخب غانا 100 ألف دولار

وذكر مصدر رئاسي في غانا أن الامير السعودي الوليد بن عبد العزيز آل سعود أهدى 100 ألف دولار للفريق الغاني بمناسبة تأهله للدور الثاني.
وأوضح المصدر أن الامير السعودي الذي تربطه مصالح تجارية واستثمارية مع غانا تبرع بهذا المبلغ تقديرا منه للدور الذي قام به المنتخب لتشريف الكرة الغانية خصوصا والافريقية عموما.
أنقر للتوسيع...

منقول من موقع كوووره ..

بعض الاحيان الواحد يقرا اخبار مادري كيف ولكن ترفع الضغط صراحة .. اجل المنتخب اللي احتفل برفع علم اسرائيل ياخذ مكافاه 100 الف دولار !! ادري ماهي فلوسي والمفروض مالي دخل فيها ولكن اعطي مكافاه لبلد غير بلدي صراحة غريبه !!

اتمنى على الاقل انه فقط اللاعبين المسلمين هم اللي يحصلوا على المكافاه عشان يعرفوا قيمة الاسلام 🙂
 
لول مع احترامي, منتخبنا اليوم كان سيء, أجل بدكة الاحتياط وانهزمنا وهم كانوا مسيطرين.. أي مستوى جيد بالله الي يتكلم عنه البعض ؟ الحين يوم الواحد صار يعرف يمرر كور صح وإذا ما انهزمنا أقل شي 4 صار مستوى جيد ؟ عيب علينا والله عيب.. بالله ايش يقولوا عننا الناس.. أقسم بالله إني مقهور من الجميع.. من اللاعبين المتخاذلين والإدارة الساقطة والإعلام المتخلف والجمهور الي ما يدري وين الله حاطه.. لحد يجلس يدافع.. ما لهم أي عذر.. قلة حياء واستخفاف.. أطول منتخب من ناحية الاستعداد ويمكن أكثر منتخب أنصرف له فلوس.. 6 شهور واحنا نستعد ونتدرب وتقريبا 3 شهور معسكر مغلق وفي النهاية خوازيق..

ياخي ليه احنا دايما كذة لازم ضغطنا ينرفع.. حسبي الله عليهم ما قصرنا معاهم شجعناهم بكل ما عندنا.. لكن فاقد الشيء لا يعطيه.. لازم نعترف بواقعنا.. احنا نتشطر على دول الخليج والمنتخبات الآسيوية فقط.. ومع الأسف الظاهر خلاص كل شي بيروح مننا.
 
خخخخ اطالب بمباراة في الايفنت .. للوقوف على امكانيات البعض اللي تتكلم و








بس !
 
لول المشكلة همام لابطولة اسيا صرنا فالحين فيها وبطولة الخليج مع احترامي لها بطولة مالها اي قيمه ...

الحين استراليا دخلت مع اسيا .. اليابان من يوم احترفوا كرة قدم مافزنا عليهم ( الظاهر 12-14 سنة ) الحين .. مع دخول استراليا لبطولة اسيا ماعتقد بنشوف بطولة اسيا مره ثانيه .. يلا الله يخلي الانديه اللي ترفع اسم الوطن عالي ..
 
أرجع وأقولها مرة تانية ياناااس الاعداد النفسي, والله العظيم هذا الشي لو اهتمينا فيه زيه زي الاعداد الفني واللياقي ما كان صار اللي صار, وهدا مو رأيي فقط بل رأي أغلب المحللين الخبراء اللي تابعوا حال المنتخب, أرجعوا معايا للمباريات شوية , دائما لمن نبدأ المباراة نبدأها بخوف وارتباك ..

مباراة تونس احتجنا فيها الشوط الأول بكامله علشان ندخل جو المباراة..

مباراة أوكرانيا كلكم شفتوا الارتباك اللي حاصل وخاصة الدفاع والحارس ( لمن مرر المنتشري لمبروك زايد تمريرة محرجة في بداية المباراة أسفرت عن ركنية ضدنا ومنها الهدف الأول).

مباراة أسبانيا شوط أول لا تمريرة صح أصلا ولا لعبة ممكن تقول انها من منتخب متأهل لكأس العالم لعب سيئ جدا , مع بداية الشوط التاني خف التوتر شوية على اللاعبين وبدأوا يسلموا كور صح فيما بينهم..

غير كدة ماتلاحظوا انه في المباريات الودية كلها الي لعبناها قبل المونديال ما تلاحظوا انه دايما الشوط الأول أو اللحظات الأولى من المباراة يكونوا اللاعبين مرتبكين جدا وهدا كله ناتج عن عدم وجود أخصائي نفسي يهتم بنفسيات اللاعبين...

عارف ان البعض قد لا يوافقني الرأي واني مكبر المسألة لكن صدقوني هذه الحقيقة.
 
حتى لو كان الإعداد النفسي مشكلة.. ايش هم مو واثقين من نفسهم ؟ تراهم بشر زيهم في الملعب لهم حدود ولهم لياقة ومهم آلات ساحقة يخافوا منهم.. هذي مشكلة اللاعب السعودي.. لسة محسب نفسه لاعب حواري.. ولحد يزعل رجاء من ذا الكلام.. لأنه كلام صحيح.
 
مو هنا يجي دور الاحتراف , انك تلعب وتداقش خاصة مع اللاعبين في أوروبا له الأثر الأكبر ..
نلعب مع المنتخبات الأسيوية والعربية والأفريقية بمستوى ممتاز لكن مع المنتخبات الأوروبية مستوى سيئ .. بغض النظر عن الفنيات وتكتيك الأوربيين لازم يكون في اذابة للجليد اللي يحيط بلاعبينا تجاه اللاعبين الأوروبيين ...

باختصار.. الاحتراف الخارجي+التأهيل النفسي= خطوة الى الأمام
 
الحالة
مغلق و غير مفتوح للمزيد من الردود.
عودة
أعلى