[[ FIFA WORLD CUP 2006 IN GERMANY ]] --- الموضوع الرسمي

[Pichi]

للاسف مستوى سئ , والخوف عامي لاعبين , مبروك زايد افشل واحد بالتشكيلة هو مع عمر الغامدي ..بعد هالمستوى أملي بمبارة اسبانيا وإلا ماراح اعرف شئ اسمه منتخب ..
انا مو حزين على النتيجة أكثر من اني حزنان على الشلهوب ..خسارة أم و خسارة منتخب 🙁 ..
كذلك حزين على عمي الموجود بأوكرانيا خخخخخخ XD الله يعينه ..

اليوم بيكون فيه طق نعل

لول , من جد بيصير طق نعل 🙂

تم تحرير الرد .. بيتشي لاتسب لاعب باي لفظ له شخصيا ..

 

[squall leonhart]

فهد الله يهديك اي مطر و اي كلام فاضي ... الدفاع ضيعنا كالعاده .. و مبروك زايد شكله مصاب .. الله يعين قدام اسبانيا..

 

[Khalid-S]

فهد الله يهديك اي مطر و اي كلام فاضي ... الدفاع ضيعنا كالعاده .. و مبروك زايد شكله مصاب .. الله يعين قدام اسبانيا..

فيصل ,, بكل صراحه وامانه , مو لأني هلالي , لكن الدعيع افضل بـ(مراحل) من مبروك.

 

[Nintendo]

مبروك زايد مش مصاب بقدر ماهو فاقد للثقة بنفسه او بدفاعه .. للاسف دائما بالبطولات الخارجيه مبروك زايد مادري ولكن احس انه يرتبك جدا ومع ذلك مافي غير الهدف الثاني اللي نقدر نقول غلطه منه ..

المنتخب من البداية سئ .. التشكيله سيئة وباكيتا مع احترامي له ماعرف يقرا المباره ودخل بتشكيل غريب اضف لذلك الهدف الاول ببداية المبارها للي اربك المنتخب كثيرا .. للاسف وكالعاده بمجرد اننا نلعب مع فريق له سمعه جيده تشوف الخوف على لاعبيينا بشكل عجيب وغريب ومادري ليش نحنا المنتخب العربي الوحيد اللي يمر بذي الحاله !!!

اتمنى مع نهاية المونديال وبعد مبارة اسبانيا ( الله يستر ) انه اشياء كثير تتغير كلكم ادرى فيها ولانحتاج حتى نتكلم عنها ...

بالتوفيق للمنتخب التونسي واتمنى من كل قلبي انه يقدم شئ قدام اسبانيا عشان لاتكون نظريتي صحيحه بانه اضعف منتخبين في البطولة تعادلوا مع بعض وانفضحوا بعدها ..

الله يوفق تونس ..

 

[Xavi]

اقسم بالله انه عك بالمباره بشكل عجييييييييييب واضف لذلك سالفة ( زحلقة ) اللاعبين اللي مادري هي موضه جديده طالعه ولا وشو .. يعني المطر بينزل علينا وعلى اوكرانيا ليش لعيبتنا بس يتزحلقون ولا مشترين جزم ( صحراويه !! ) ..

شي طبيعي !! لاعبين أوكرانيا متعودين 60% لو مو أكثر مبارياتهم تكون فيها أمطار وفوق ذلك في كم لاعب اتزحلق من المنتخب الأوكراني !

شباب لاتنسوا بالنهاية النقاش يكون محترم بدون التلفظ على اي لاعب ( محنا صغار هنا عشان نطلق القاب وتفاهات صغار على لعيبتنا ) . ودك تنتقد انتقد مثل الكبار او خلك ساكت اصرف ..

تسلم .. والله كنت متنرفز وشفت كم واحد تلفظ الفاظ ( طفوليه ) كنت بأخربها معاه ....

زافي انا صحيح ما افهم بالكورة كثير لكن اقرا الجرايد واشوف اخبار مثل "المنتخب السعودي يخيم في بدنهايم " هذا غير انه خيم في السويد او سويسرا وكم بلد ثاني "ناسي مو متذكر وين خيم بضبط" ،

يعني اسالك بالله وش يسوي المنتخب السعودي في الدول هذي ؟ يتفسح ؟!

همممم ماأفتكر انه نزلت أمطار في تلك الفترة .. يعني تباهم يصلون الاستسقاء وربي ينزل المطر عشان يتدربون ؟ ولا يمسكون اللي ويرشون الملعب مويه p= ؟

شباب اوكرانيا انهزمت 4 قبل 6 أيام واليوم فازت بأربعة .. فخلي أملكم بالله قوي رُب اننا نتأهل من عنق الزجاجه رغم ان ذلك شي صعب .

 

[Futrus]

[SIZE=-1]يا شماتة أبلة ظاظا فينا![/SIZE]

خخخخ (توه شايف المسرحيه قبل يومين)
أنا اللي قاهرني أكثر من النتيجه إني ماشفت المباراه كنت نايم مع إني كنت متحمس للمباراتين الأخيريتين اليوم

على كلامكم إن سبب الخساره الخوف والرهبه إنزين ليش مايكون فيه تجهيز نفسي معقوله كل مباراه راح يظل المنتخب على هالحاله يعني بعد إختفاء الرهبه امام تونس في الشوط الثاني قدم أداء راقي وقرب من الفوز 😕

حاط أملي حالياً بالمنتخب التونسي يارب يقدم مستوى ممتاز ويفوز يارب
إن شاء الله يتعلم المنتخب السعودي من أغلاطه ويقدم الأداء المطلوب أمام إسبانيا 🙂

 

[Nintendo]

خالد المشكلة السالفه مش سالفة دعيع او مبروك الاثنين ممتازين ولكن لو تجي تحسبها ...

الدعيع اكل بالاربعه وبال8 ومبروك نفس الشئ واعتقد هذا الشئ بيتكرر مع كل حارس سعودي يحرس للمنتخب بكاس العالم ..

المشكلة عندنا الاساس كله غلط .. يعني نظلم الحراس ونقول انه باقي الفريق قدم مستوى .. صعبه شوي يوم فريق كله يكون سئ اننا نظلم لاعب او لاعبين .. اذا ودهم فعلا ننافس يتعلموا من فرق مثل كوريا مثلا .. منتخب نصكه في بلده ولكن وقت كاس العالم تشوفه يشتعل والمشكلة اننا نعرف لعيبتهم وانهم مو ذوليك اللعيبه اللي نقول عنهم لعيبه ولكن سبحان الله ..

يوم نسوي ملاعب مثل باقي العالم .. احتراف حقيقي ... لول ماودي اقولها ولكن طرق ربط بين مدن المملكه عشان الجماهير تقدر تشجع بكل المناطق مثل كل العالم وبلا مشواير يومين بالسياره او احجز بالطياره .... يمكن وقتها فعلا نقدر نحاسب اللاعبين ونقارن بينهم وبين باقي العالم ..

المشكلة مانعرف اخطائنا غير يوم ناكلها على راسنا ومانتعلم ... يلا مو مشكلة 2010 ان شاء الله يكون احسن 🙁

 

[persona]

الثقة الزايدة قبل المباراه هي اللي خسرت الفريق..

مستلم جم الف سعودي وداش الملعب ضامن انه يفوز وكأنه البرازيل قدام اوكرانيا..

خوف؟..خوف شنو الي تتكلمون عنه..

3 مادري 4 مرات متتالية بكأس العالم ..وكالعادة السيناريو يتكرر

ينطق بنتيجة ويطلع من الدور الاول ..يعنى حتى الخساير ضامنينها ومو خايفين منها فشلون لو

فوز؟..

تعادل مع تونس وأحتفال كأنكم فايزين عليهم ..مع انه الاعتراف بالحق فضيلة انتوا كان الاجدر

تفوزون بس..الطرابلسي خطف النقطة الثمينة بالوقت الضايع ..

ياعمي لو عن سالفة الخوف جان خافوا اللي يتأهلون لاول مره بتاريخهم

مثال ..توغو ، غاانا ، ساحل العاج ..مانعذرهم اذا خسروا

تكتيك اوكرانيا غلب السعودية

أنا ماضحكني الا استديو التحليل يقول اغلب الاهداف جات بالحظ..

بسكم مجاملات !! منتخب السعودية علي عيني وعلى راسي بس مجاملات بالجملة

شفشينكو حسافة كان بيهترك لكن للاسف الحظ عانده

4-0 وبالرأفة بعد ..

أما بخصوص النتيجة فهذي مالها الا تفسير واحد..

حوبه الدعيع الاحتياطي لانه مبروك زايد بالحراسة ^^..

 

[Zeyad]

همممم ماأفتكر انه نزلت أمطار في تلك الفترة .. يعني تباهم يصلون الاستسقاء وربي ينزل المطر عشان يتدربون ؟ ولا يمسكون اللي ويرشون الملعب مويه p= ؟

يعني سؤالي يافهد المخيمات هذي حقت ايش بضبط ؟
اذا ماكنت عشان التكيف على الاجواء والطقس والارض ، اجل حق ايش بضبط ...

وفي الختـام وسع صدرك يافهد + طنش تعش تنتعش 😀

 

[Pichi]

تونس هـــــــــــدف !!!!!!
سجله جوهر المنيري "؟" اعتقد كذا اسمه

 

[Isaac]

تونس للفووووووووووووووووووووز

 

[Xavi]

تونس للفووووووووووووووووووووز

الله يسمع منك ، يارب يارب

 

[Futrus]

توووووووووووووووووووووووووووووووووووووووووووووووووووووووووووووووووونس
والله الفرحه مو سايعتني جتلي حاله هيستريه يوم دخل الجول لول
إن شاء الله يفوزون يارب يارب يارب

بس الوضح يخوف المنتخب الإسباني ضاغط

 

[king zell]

شباب بكل اختصار

منتخبانا الفريق الوحيد تقريبا كل لاعبينه في الدوري المحلي فقط ما عدوه.. أغلبهم بدون خبرة و خايفيين بشكل غير طبيعي ضد المنتخبات العالمية.. ضد فريق عربي أو اسيوي يلعبون زي الناس.. (تونس ، كوريا)

يعني باختصار قبل ما يصير احتراف حقيقي هذا حد منتخبنا


.....................


ما علينا



تونس للفوز !

1-0

 

[Futrus]

إنتهى الشوط الأول بسلام والله حالة من شد الاعصاب
إن شاء الله في الشوط الثاني نشوف هدف ثاني علشان نضمن الفوز 🙂

 

[Alucard]

تونس قدمت أداء جيد في الشوط الأول وتجنبت الهجمات الاسبانية ..

ان شاء الله يستمر الوضع هذا عشان على الأقل نشوف احد الفرق العربية تصعد الدور الثاني وترفع راسنا

 

[Khalid-S]

هع هع راول قونزاليس !!

1 - 1

🙁

 

[Pichi]

والله اخوي قالي..راح يجيبها راؤول 🙁 لول..

 

[Khalid-S]

الثاني -_-

تونس انهارت

2 - 1
اسبانيا

 

[Futrus]

على أمل التعادل

 

[Futrus]

الحمدلله على كل حال حتى مع الخساره المنتخب التونسي قدم مباراه كبيره وأداء يستحق التصفيق

 

[Khalid-S]

3 - 1
اسبانيا ,,

حرام 🙁

 

[king zell]

صكيناهم عين لول

 

[Khalid-S]

شباب ,, للاسف رسمياَ السعودية طلعت من كأس العالم 🙁

حتى لو فزنا على اسبانيا ( معجزه ) لازم نفوس 5 و هذا ........ مستحيل.

يالله خيرها في غيرها , باذن الله 2010 في جنوب افريقيا تنتظرنا 🙂 ,, بمستوى افضل باذن الله.

ارفع راسك .... انت سعودي !!

 

[Nintendo]

هاردلك تونس .. اعتقد مدربهم استعجل شوي بالتغييرات واعطى الملعب لاسبانيا بالكامل ..

المنتخب الاسباني ممتاز الصراحة .. يوم تشوف منتخب على دكة احتياطه فابريقاس وراؤل و ريس وانيستا وخواكين بصراحة تحس انه منتخب ممتاز ..

بكره تنتهي اول مجموعتين ..

 

[Bounty]

تونس 🙁


مباراة نشكرهم على جهودهم فيها .. ابدعو امام منتخب عالمي



السعوديه .. عمر الغامدي .. الله يسامحه

و مالك << اعتقد اسمه جذي .. بين لنا انه لاعب محترف !! والله انه عجيب !

 

[Xeno]

لول أخيرا كيبورد عربي... فلاس فيجاس! :razz:

اليوم قايم من 6 الصبح لول... بدايتها بالمباراة المملة توجو وسويسرا, بعدين نمت ساعة وقمت لمباراة السعودية الساعة 9, والله حرام فيهم الساعتين نوم يعني مش عارف صراحة فالحين بس باستعراض العضلات على البحرين وكوريا وتونس ويوم نجي نلعب مع أوكرانيا كأننا لاعبين درجة ثالثة (مبروك زايد يوم يستهبل أول دقيقة!!!).

صراحة يعني 4-0 شوية, ليش الخوف ياناس؟! والله العظيم هنا على ESPN المحلل قاعد يقول أوكرانيا مازالت تعبانة وتلعب بنفس المستوى اللي لعبت فيه مباراة أسبانيا بس السعوديين مرتبكين بشكل غير مبرر.

والله لو خلوا تونس تفوز أصرف, خربوا على البعض, ولا المستوى اللي ظهرت عليه تونس اليوم كان عظيم صراحة, تعلم كيف تلعب بامكانياتك, وإذا بتخسر فكاس العالم اخسر بشرف ولأسباب مقنعة (فارق لياقة مهارة... الخ) مب تقول لي مطر!!!

المشكلة تذكروا كلامي وشوفوا مباراة السعودية وأسبانيا... أنا أتوقع التعادل أو الخسارة بفارق هدف. 🙂

يالله الله يوفق تونس مع أوكرانيا, مب بعيدة على نسور قرطاج, إذا كوريا تصدرت مجموعتها الدور الثاني كوريا وتونس وانشالله تصير أول فريق عربي يوصل ربع النهائي.

آآآآآخ على دوس سانتوس بس.

 

[NSider]

ما شفت المباريات اليوم (أول مرة أفوت أي مباراة). 🙁

زين ما شفت السعودية (شفت الأهداف قبل شوي). شوفوا احصائيات المباراة:

المنتخب: السعودية - أوكرانيا
النتيجة: 0 - 4
التسديدات على المرمى: 0 - 9
التسديدات خارج المرمى: 6 - 9
الركنيات: 2 - 6
الاستحواذ على الكرة %: 47 - 53
التسللات: 0 - 0
المخالفات: 24 - 25


شوفوا الاستحواذ على الكرة! متقارب. يعني الكرة كانت معنا نص الوقت تقريباً ولا أزعجنا حارسهم ولا مرة بتسديدة وهم سددوا 9!

مين اللي إلى الحين يبي 3 محاور؟ على كلام الشباب اللي شافوها عندنا عقم هجومي واضح بسبب سوء إيصال الكرة إلى الهجوم. ليش؟ لأننا نلعب بـ7 مدافعين نص المباراة! المفروض نلعب لعب هجومي أكثر .. يعني مهاجمين اثنين - محورين واحد فيهم يشارك في الهجوم .. أو حتى محور واحد دفاعي. كذا راح نشيل الضغط عن الدفاع وبالتالي التركيز والحماس يكون أكبر والرهبة تكون أقل بسبب الفرص اللي تسنح لنا.

عموماً المنتخب عشان يتأهل له أملين:

1. في حالة تعادل تونس وأوكرانيا، نفوز على الإسبان بفرق أربع أهداف على الأقل (لول).

2. في حالة فوز تونس على أوكرانيا، نفوز على أسبانيا بفرق هدفين على الأقل + الفرق اللي فازت فيه تونس (يعني على الأقل بفرق 3 أهداف).

طبعاً ممكن فرق الأهداف نتعادل فيه وتصير في حسابات ثانية .. بس ليش أتعب نفسي. بالتوفيق لتونس اللي عندهم فرصة جيدة للتأهل (بالفوز على أوكرانيا بأي نتيجة).

عموماً أتمنى في 2010 نشوف منتخب مغاير تماماً، على الأقل 50% منه محترفين في الخارج (لول)، ومدرب عالمي ممتاز موجود من 2006 وما تغير (لوول)، وحياد تام في اختيار اللاعبين (لووول). صدقوني لو تحصل الأشياء هذي، يصير عندنا منتخب يوصل دور الثمانية بالراحة. لكن مع الخطط العلمية المدروسة، لا حياة لمن تنادي.

 

[Xeno]

عموماً أتمنى في 2010 نشوف منتخب مغاير تماماً، على الأقل 50% منه محترفين في الخارج (لول)، ومدرب عالمي ممتاز موجود من 2006 وما تغير (لوول)، وحياد تام في اختيار اللاعبين (لووول). صدقوني لو تحصل الأشياء هذي، يصير عندنا منتخب يوصل دور الثمانية بالراحة. لكن مع الخطط العلمية المدروسة، لا حياة لمن تنادي.

ياشيخ زهقنا منكم عطوا فرصة لغيركم 😛 عاد أتخيل سيد البشير فكاس العالم لوووول

 

[Khalid-S]

ياشيخ زهقنا منكم عطوا فرصة لغيركم 😛 عاد أتخيل سيد البشير فكاس العالم لوووول

لول شدو حيلكم قدام الخليجين و الاسويين ويالله بالتوفيق لكم 🙂.