FIFA 12 ..... الديمو متوفر الان على الـPCو الـXBOX و الـ PSN ..الانطباعات هناا !

[Xeon-Q8]

لعب تقريبا 10 مباريات

اللعبه تغيرت تماما الأنيميشن تغير وحركه اللاعبين زادت واقعيه الإمباكت انجن لاعب دور كبير في هالجزء .. وانت تلعب تحس باحساس غريب
وهو الرضا الكااامل عن اللعبه

الشوت من بعيد احلى وادق .. جبتلي قول من بعيد بـ زافي كان من اروع الأهداف وحسيت باختلاف كبير عن الجزء السابق ، الحرااس ماتغيروا .. الإنفرادات مازالت سهله على الحراس
الفاولات بنفس صعوبه الجزء السابق ، والركنيات ماواجهت مشاكل معاها من حيث الدفاع (نفس الأسلوب القديم ) ... رميات التماس صارت اكثر واقعيه XD .. تشوفه ياخذها ويلعبها على طول لول !

الدفاااع .. صعب جدا ومعقد ، الأسلوب الجديد ممكن إذا كنت متوسط في الدفاع ومو ذاك الزود .. راح تصير فاشل واهداف بالجمله عليك
اسلوب الدفاع ماعجبني ولو اني تعود عليه .. لكن الكمبيوتر على اصعب مستوى يمصخرك بالحركات .. كل شوي سوالك حركه ولاعبك راح هباء منثورا وشارع بنص ملعبك

فـ اناا اول شي راح اسويه .. اخلي الدفاع نفس الجزء القديم .. وكان الله غفورا رحيما🙂

بالنسبه للكاميرا .. كانت عاملتلي مشاكل ومتضايق منها .. انا اول مره العب فيفا على الأكسبوكس ومومتعود على اليد والتحكم
فـ تذكرت فجأه اني اقدر اعدل على الكاميرا .. وعلى طول صلحتها Tele وزوم بسيط وتعديل الإرتفااع .. وهووبا احلى قيم 😀

أفضل لعبه كره قدم راح تلعبها بحياتك .. والديمو اكبر دليل وبرهان

15 يوم يفصنا عن التحفه الكرويه

 

[EPIC FAHAD]

كأن الحركات صايره اسهل (اتمنى)

الشباب اللي جربوا الديمو كيف تطبيق المهارات من ناحية الصعوبة ؟؟

زيها زي اي مهاره يعني انسى :laugh::

 

[q8 spy]

نزل الديمو بالستور الكويتي

يعني عربي

هجووووم داون لووود

 

[BlackBird]

لعبت الديمو أخيراً, ببساطة شكراً EA Sports
اللعبة صارت واقعية مرة الأنميشن رهيب لكن أشكال اللاعبين خيبت ظني خصوصاً لاعبي البرشا زي بيدرو و بوسكيتس

الدفاع سووا فيه قفزة عملاقة سدوا كل الفراغات حسنوا طريقة المراقبة حتى فكرة إنك أنت الي تقطع الكورة بنفسك عن طريق الـ X/مربع رهيبة مرة
ما صار في شغل البينق بونق نهائي مو زي الجزء الي راح قالوا مافي بينق بونق بس كان موجود... الحين ما تقدر تنفذ الخذ هات بكل دقة وسرعة زي الأجزاء الي قبل بسبب الدفاع صار يغطي صح
المهارات خلوها أخف بس تعتمد على تطبيقك لها "بالنسبة لي المراوح تكفيني".
أعتقد في هذا الجزء شالوا إنك تضغط X/مربع عشان تنادي واحد من فريقك عشان يضغط على نفس اللاعب

الـ AI تحسن مرة وصار يستغل قدرة كل لاعب حتى لو كنت تلعب على Difficulty سهلة ما زال يستخدمها

هذا انطباعي عن اللعبة للآن أنا لعبت 4 مباريات سجلت هدف واحد بسبب الدفاع الخارق

اتمنى في هذا الجزء يحسنوا التحكيم و يحسنوا أشكال مجموعة كبيرة من اللاعبين

 

[Raheem]

فيديو اسطووووووري لفيفا:
[video=youtube;gxfHZz6oAh0]http://www.youtube.com/watch?v=gxfHZz6oAh0&feature=player_embedded[/video]

 

[The Last Lombax]

نزل الديمو بالستور الكويتي

يعني عربي

هجووووم داون لووود

حملته من الستور السعودي
للأسف طلع أوروبي مش عربي -__-

 

[persona]

لعبت عشر مباريات خسرت بستة وتعادلت بثلاث وفزت بوحدة ، كأني العب مباراة حقيقية.

نظام القطع الجديد العموم راح يسحب عليه ، خصوصاً في مبارايات 1 ضد 1 ، لكنها بتكون جداً مؤثرة مع الفرتشول برو اذا اللاعب يلعب كدفاع او وسط متأخر لانه يعطيه حرية الاندفاع\التحفظ بشكل ادق اذا كان بلاعب واحد.

شكراً EA Sports!

 

[Lord of Cinder]

لعبت قرابة الـ10 مباريات ، نظام الدفاع الجديد ممتاز جدا لكن يقتل الحماس في المباراة وتصير المباراة مملة جدا ً ، ايضا لاحظت عدم منطقية في طاقات اللاعبين ، مين يصدق ان سانيا اسرع من ميسي @@
ايضا لاحظت غباء اصطناعي في اللاعبين اللي معاي بالفريق ، اللاعب تمر من جنبه الكورة وهو مايسوي شيء ، ولا أكثر شيء ضايقني هو عدم تحرك اللاعب بدون كورة ، في ديمو بيس كنت اذا مررت الكورة للاعب اللاعب الثاني يتحرك ويلاقي لنفسه مكان يقدر يستقبل الكورة فيه ، هنا بفيفا الامر مختلف ، اللاعب امرر له الكورة والاقيه ثابت بمكانه واتورط واضطر ارجع الكورة للخلف ، اتمنى فعلا الشيء هذا يتعدل لانه مسبب لي ازمة .

فيه اشياء اخرى اعجبتني كمان ، الفريق المقابل صار معجزة لو قدرت تجيب هدف عليه ، ايضا الذكاء عندهم ممتاز جدا ، على سبيل المثال في احد المباريات كنت مااخذ برشلونة ، ميسي كانت عليه رقابة لصيقة من الدفاع ، وحرفيا ماقدرت امرر له كورة واحدة ! ماانفكت الرقابة عليه الا يوم غيرت مركزه وخليته على الجناح وخليت فيا راس حربة .

عموما ملخص كلامي اللي فوق ان طاقات اللاعبين بحاجة للتعديل ، ميسي بطيء جدا وبعض اللاعبين المعروفين بسرعتهم بطيئين ايضا ، نظام الدفاع الجديد ايجابي وسلبي بنفس الوقت ، ايجابي من ناحية انه يخليك تفكر مليون مرة قبل لاتمرر ، وسلبيته انه يقتل الحماس .

عموما ، شكرا الكترونك ارتس على افضل لعبة كرة قدم .....


تحرير : نسيت اضيق نقطة مهمة جدا ً ، اغلب اشكال اللاعبين سيئة جدا ، خصوصا لاعبي برشلونة

 

[rsm]

صراحة اول مباراة لعبتها في الديمو حسيت بملل و ما حسيت انه تغير شي في اللعبة كله نفس الشي ، لكن لما جربت العب التوتوريال و فهمت ايش الطبخة حسيت برهابة اللعبة ..
اليوم اكتشفت شي رهيييييب في الديمو ، ان اذا كان فيه لاعب مصاب و طايح في الملعب و اللعب متواصل ، الحكم يقوم و يوقف اللعب عشان هذا اللاعب ، و بعد ما يقوم او يبدله المدرب يقوم الحكم و يقط الكورة بين الطرفين .. مدري اذا فيه احد شاف هالحركة قبلي ولا لا بس توي مكتشف هذي الحركة قبل شوي .. *

 

[MohamedEgy]

حاولت اعدل التحكم فى وسط اللعب ما يظبط
احد جربها؟

 

[Fahad Al-Shareef]

شكل برجع لالعاب كرة القدم .. اخر مره لعبت كانت عالبلاي 2 ، احيانا ً العب .. (شريت فيفا 10 وبعد شهر بعتها ) .

المهم .. ترا من اللي فهمته ياشباب ان النجوم شعبيه النادي .. يعني مو شرط ناديين نفس النجوم يكون عندهم نفس مستوى الهجوم او الدفاع .. < Duh

لي رجعه بعد كم مباراة ..

 

[Fire Blast]

^^^

عدد النجوم لكل فريق هو قوة النادي وليس الشعبية .. طبعا اكيد بتفرق مثلا الخمس نجوم بلاعبين برشلونة مثلا عن خمس نجوم لاعبين الارسنال بتحصل مثلا مكتوب att - mid - def و كل شي يمه الطاقه

 

[Inc0mp3rtus II]

عرض رائع!

[video=youtube;-kogsqlKmZM]http://www.youtube.com/watch?v=-kogsqlKmZM&feature=player_embedded[/video]

 

[Krat0s]

شباب شنو تقصدوا باخلي الدفاع نفس الجزء القديم؟!


اقصد كيف؟

 

[www]

ابي افهم شي ليش الديمو حق الاستوري السعودي ما فيه لغه عربيه ؟ ابي سبب واحد بس على عدم تواجده , يعني المسأله غباء بس كذا ؟ بكره نشتري النسخه الكامله ونتفاجئ انه ما فيه لغه عربيه هي كمان لول

 

[EPIC FAHAD]

حاولت اعدل التحكم فى وسط اللعب ما يظبط
احد جربها؟

انا جربت وما زبط معي بس لقيت طريقه , اذا بتغير التحكم اول شي غير الي فوق الي هي كاستم او كلاسك غيرها للي تبي بعدين سوي الي تبغى اذا مازبطة معك اخرج سويها من برا لان فيها مشكله

 

[emperor-UAE]

شباب شنو تقصدوا باخلي الدفاع نفس الجزء القديم؟!


اقصد كيف؟

خالد و باقى الشباب إلي مب عايبتنهم الطريقه اليديده للدفاع
بكل بساطه تقدر ترجع طريقة الدفاع القديمه(ل فيفا 11)
فى المباراه روح الستنج
كنترولرز
وين تعدل على الباسات و الرفعات(اذا تباها اوتوماتيك او اسست او مانيوال)
روح لأخر خانه راح تلاقي (دفندينج) راح تلاقيها تاكتيكال , غيرها ل ليجاسي
و راح ترجع الطريقه التقليديه فى الدفاع

🙂

 

[F.JUBRAN]

اللعب يصير ممل اذا لعبت على مستوى وورلد كلاس او ليجيندري

الدفاع صعب صعب صعب تخترقهم و انت صعب صعب صعب تقطع الكورة دايما اكون واثق اني بقطع لكن في اخر لحظة تلاقي الاعب غير مساره او سوى حركة و سحب بلاعبك !!! رفعلتلي ضغطي الصعوبة المبالغة فيها

و تحكم يد الps3 خااااااااااااااايس

 

[emperor-UAE]

ولا أكثر شيء ضايقني هو عدم تحرك اللاعب بدون كورة ، في ديمو بيس كنت اذا مررت الكورة للاعب اللاعب الثاني يتحرك ويلاقي لنفسه مكان يقدر يستقبل الكورة فيه ، هنا بفيفا الامر مختلف ، اللاعب امرر له الكورة والاقيه ثابت بمكانه واتورط واضطر ارجع الكورة للخلف ، اتمنى فعلا

L1 or LB
اضغط و اللاعب راح يتحرك و يفتح لك(موجوده بالجزء السابق)

 

[emperor-UAE]

عرض رائع!

[video=youtube;-kogsqlKmZM]http://www.youtube.com/watch?v=-kogsqlKmZM&feature=player_embedded[/video]

الفيديو خيالي !
مذهل!
الكثير من الإضافات , ودي اعرف كيف حركة سانشيز للهدف وهو امام الممرمى الخالي(حاول يسويها بالوتيلي فى الواقع)

و اهم شي عدلو قصة شعر إبرا

 

[Rookie]

حملت الديمو وثبته بس لما أشغله يطلعلي شعار FIFA 12 وبعد 5 دقايق تقريبًا تصير الشاشة سودا

حظي تعيس 🙁

 

[Lord of Cinder]

رجعت العب الديمو بعد ماعرفت كيف اخلي اللاعب يتقدم ، وااااو بمعنى الكلمة ،اللعبة تتيح لك تكتيكات كثيرة وجميلة جدا عشان تضرب دفاع الخصم ، خصوصا حركة انك تضغط زر L1 وتخلي اللاعب يتقدم ويسحب المدافعين معاه ويتركلك مساحات تتحرك فيها ، كل مالعبت الديمو اكثر كل مااكتشفت اشياء رهيبة جدا ً

 

[Milanelllo]

EA تمتلك كالعاده !! التكتيكات الدفاعيه صارت مره رهيبة و الإمباكت انجين عامله شغله باللعبة
فيفا 12 بالإنتظار

 

[BlackBird]

اليوم ضبطت كل المهارات وكل شي وبدت الأهداف تدخل بغزارة بس على صعوبة المتوسط وزي ما قال حسام اللعبة عالليجندري مرة مملة وصعبة

شباب جربوا وانتوا تمشوا باللاعب تضغطوا LB/L1 بتلقى اللاعب صار يمشي بخطوات ضيقة ويصير يسوي لفة حادة. هذي تنفع في الزحمة بسببها مريت من ثلاثة كانوا مراقبين لي 😀
طريقة أفضل للتوضيح ببساطة تصير نفس تحركات ميسي فالزحمة 😛

 

[F.JUBRAN]

اليوم ضبطت كل المهارات وكل شي وبدت الأهداف تدخل بغزارة بس على صعوبة المتوسط وزي ما قال حسام اللعبة عالليجندري مرة مملة وصعبة

شباب جربوا وانتوا تمشوا باللاعب تضغطوا LB/L1 بتلقى اللاعب صار يمشي بخطوات ضيقة ويصير يسوي لفة حادة. هذي تنفع في الزحمة بسببها مريت من ثلاثة كانوا مراقبين لي 😀
طريقة أفضل للتوضيح ببساطة تصير نفس تحركات ميسي فالزحمة 😛

هههه انا ادمنت عليها خصوصا بتشافي

حركة L2 + مربع و اكس قاعدة تفك ازمة ليا خصوصا بميسي انواع الاهداف صارت تدخل + شباب اضغطوا R1 و العبوا باس 😎:

 

[SCREAMING_RAGE]

^
مربع و اكس ......... ولا قصدك دائره و اكس ؟؟

على العموم انا منيب ماهر ابداً في المهارات الفرديه مثل ابيك فهد و persona و حشر و احمد ........ طول عمري العب لعب جماعي (( و اغلب لاعبين البطولات اللي لاعبوني من قبل عارفيني زين خخخخ )).

 

[EPIC FAHAD]

^^ ^^

مربع واكس ودايره واكس كلها تسوي نفس الحركه

 

[Lord of Cinder]

كلكم قاعدين تلعبوها على الصعوبة المتوسطة ×_× وانا اللي مسوي فيها محترف وقاعد العبها على الورد كلاس ، عموما احد جرب اثناء مايشوت يضغط R1 + مربع ؟ اللاعب يشوت الكورة من جانب رجله عشان تجي لافة ، ممتازة جدا لو كنت باحد الزوايا الضيقة

 

[BlackBird]

^
من Fifa 10 أو Fifa 09 وهذي الحركة موجودة

 

[zlatanovic]

احد قدر يسوي الحركة اللي سواها سانشيز وناني في فيديو المهارات ؟ ( رونالدينو + كعب ) ؟
حاولت بكل الطرق ما قدرت =(
والكمبيوتر ابن اللذين: انواع تضييع والوقت