hits counter

الموضوع الرسمي FIFA 11

محمد
بما انه فهد راح يكون موجود بعد شوي
لعبو مباراتكم بعد مباراتي معاه
شباب خلونا نخلص الدوري

تعديل: كنت اقصد اقول خالد مش فعد :xd: لول, الظاهر خلاص بستعمل نكاتكم فاير و سكريمنج اسهل:laugh::

لو راشد موجود كنت خليته يلعب مبارياته ايضا , بس هو خارج حاليا ومادري متى بيرجع , اذا رجع و اي حد من الشباب اونلاين راح يلعب معاكم ان شاء الله
 
التعديل الأخير:
^
^
تعديل : ياكثر ما ألخبط بين خالد و فهد :confuse:
سكريمنج = خالد
فاير بلاست = فهد

مباراة الدور الثاني ما لعبت معاه ؟
خالد لعب مباراه وحده فى الدور الثاني فقط و كانت مع فاير بلاست و انتهت 2-1 لفهد
 
التعديل الأخير:
محمد انت و خالد لعبتو الدور الأول و انتهت 2-2
و هذي نتايج الدور الثاني كامله و تأكد

http://challonge.com/tg3602l

يعني لازم تتلعب معاه

سكرييييمننننننننجججججج
احينه انا لازم اقول ريييييييييج:sarcastic: ساعتك خربانه ولا كيف , فلت بالضبط ساعه واحينه كملنا ساعه و نص :sarcastic: يا جماعه احترام للوقت شويه

خالد :confident:
اين انت يا رجل ::mad::
 
التعديل الأخير:
عملهاااااااااااااااا بو خليييييييييييييييل
اراهيموفتش
سجل هدف فى المباراه المصيريه
و البطوله للروسينيري :rockon:

انتهت 1-1
هدف لأبرا
وهدف هديه من الروسينيري لليفر بمناسبة البطوله :laugh::


الحمدلله 🙂
 
^
لاااااااااا.............. قسماً بالله كنت قريييييب في الفوز في المباراه في اخر هجمه .

البطولة انتهت -______- مبروك حشر.
 
^
^
الله يبارك فيك يا خالد

إيبرا كدابرا شال الشامبينوز اخيرا:rockon:

images


فورزاااا ميلااااااااااااااااااااان<tgman>
 
شباب البطوله الجايه منتخبات ؟


و صحيح احمد بالنسبه لسالفة عمدم تعارض فريقين
نحن من قبل اي بطوله عندنا قانون او مكافئه ان صح التعبير , اختيار الفرق للبطوله القادمه
الأول هو اول واحد يختار
ثم الثاني
و الثالث و إلخ
ثم المشاركين الجدد بترتيب وقت اشتراكهم (صحيح كلامي يا فهد بلاتر؟)

ما اعتقد مشكلة اختيار الفرق موجود و هل قانون موجود من اول بطوله

و شباب اذا ودكم البطوله الجايه بطولة كأس انا ما عندي مانع

اهم شي رضى الكل
أنقر للتوسيع...

صح يا حشر بلاتيني و انا مع لعب بطولة كأس وبعدها نبدأ الدوري و انا مع فكرة المنتخبات هذه المره .. عاد تبون نبدأها في الكاس او الدوري الامر راجع للاغلبيه .. اهم شي ماتاخذون منتخبي العزيز على قلبي :innocent::
 
يا جماعه حاولوا تكملون مبارياتكم عشان نشوف ترتيب المراكز و انا بقت لي مباراه وحده فقط مع كينج سايز واخلص
 
emperor-UAE قال:
^
^
الله يبارك فيك يا خالد

إيبرا كدابرا شال الشامبينوز اخيرا:rockon:

images


فورزاااا ميلااااااااااااااااااااان<tgman>
أنقر للتوسيع...

مبروك الدوري مقدما يا حشر .. ماقلت لك من الدور الأول انك ماشي على الطريق الصحيح :tongue:

اهم شي شباب لا تكسلون تنهون مبارياتكم كلها لأنه هذا قانون من قوانين البطولة و حتى لو تحدد المركز الأول للحين ماتحددوا باقي المراكز
 
fg-07 قال:
لا ما تفرق بس يطلع العلم عندك امريكا والاعضاء هم في نسخة البلايستيشن3

- fg-07 فهد / الحساب نفس الاسم
q8 spy / REDFOX000 -2
3-Screaming_rage / الاي دي HBK_90
4-راؤول الأسطورة/ AL-Matadooor
5-إحساس\ anorphan2010
6-squall leonhart/kaza_psn/
7-kInGsIzE/kInGsIzE/
8- Uzumaki Naruto/Skinny_Mo/
9-Mr.Stars/ the_soul_legend/
10-zizo0o/ DeL_ZiZo0o
أنقر للتوسيع...

كلااام كبييييير .. والله رد اسطوري المفروض ينحط بالرد الاول بالموضوع .
اتمنى انه محد ,من الشباب المذكورة اسمائهم فوق, عندهـ مانع اني اضيفه =)
 
الله يبارك فيك يا فهد بلاتر 😎:

وبالفعل شباب لازم تخلصون كل مبارياتكم

لأنه ما بنبدأ أي بطوله قبل ما ننتهي من كل مباريات البطوله إلي قبلها 🙂
 
خالد متى تبي تلعب ؟؟؟

تعديل : ألف مبروك أخوي حشر وانت تستاهل 🙂
 
التعديل الأخير:
^
^
لا لا.... اصبر قاعد احمل ابديت مهم جداً......... وش رايك نخلي المباراه على رأس الساعه ؟!
 
^
أخوي خالد قصدك بعد 20 دقيقة ؟

لو سمحت لا تتأخر لأني دايخ :confuse:
 
فهد (fg) أنا لعبت مباراة من الجولة السادسة ويا zizo0o وفزت عليه 3-0

بخصوص الجولة الخامسة أنا أضيف سكريمنج في البلاي ستيشن لكن يقول ليي الـ ID غلط ، فياريت هو يضيفني يكون أفضل "the_soul_legend"
 
يا ساتر يا fg-07 !! قلتلك be easy مهب تمصخر فيني XD لول . قدام الحارس تسوي مراوح على الواقف XD . بغيت اتلطم عشان محد يعرفني .
وبعدين حسيت انك تستعمل اكواد غش .. وشلووووووووووووووووون الكورهـ ما تطلع من رجول لاعبينك !!!! كأن فيها مغناطيس ؟!
و خمسة اهداف كلها بالراس ؟؟ وبعضها كنت اضحك واقول وش يحس فيه يوم يرفع .. وانصدم الا هدف ابن كلب ! وشلون ترفع بالمللي متر كذا ؟
فيه تمريرات يقطعونها لاعبينك بينما لاعبيني يتفرجون عليها !! هل فيه شي معين تسويه ؟ والا فرق قدرات اللاعبين ؟
آخر شي .. هل تحس انه كان فيه بطئ في اللعب ؟
 
مستر ستارز اضفت النفاط قبل ما يخرب كمبيونري والله ودي اصيح حرام 6000 ريال مادري اش صار بس مايقلع الجهاز من الهاردسك شكل الهاردسك احترق والي فيه كله راح والله ودي ابكي قهر

بالنسبه لزلطانوفتش ما اغش ولا شي بس اعرف احتفظ بالكوره العيال يسومني كاسبر لول والمراوح ابغى الحارس يندفع عشان اسحبه مارضي يطلع اغبى ما سويت في كل المباريات مراوح لحالي غبااااااااء اما الرفعات انا صرت احب ارفع زي كذا مهي مقوسه لبرى الباب مقوسه لجوي يعني ارفع بالعكس + L1 تجي بالمقاس بس لازم يكون التوقيت مزبوط عشان الدفاع يتقدم واللاعب يكون لحاله حتى ما تشوف كانه اوفسايد لحاله بس تجي رهيبه والهدف يكون جميل جدا والتقطيع مافي بس اللعب بطئ لان انت يعيد عن السعوديه والاتصال عندي مهو ذاك الاتصال بس 1ميقا عشان كذا في تباطى وانت شكل النت عندك مهو بذاك السرعه اذا كانت المسافه زي كذا لازم واحد من الاثنين الي يكون الهوست يكون النت عنده عالي مره عشان ما يكون في تباطى
 
محمد(كويت جيمر) الله يبارك فيك يا اخويه 🙂

و مبروك عليك الفوز إلي يقربك من المركز الثاني أكثر فأكثر
و أهنيك على المستوى إلي تقدمه ببروسيا دورتموند
 
الله يبارك فيك أخوي حشر 🙂

متى راشد يقدر يلعب ؟
 
المباريات المتبقية في دوري الاكس بوكس الثاني:

الجولة التاسعة:
kInGsIzE بايرن ميونج - SCREAMING_RAGE ليفربول

مباريات الجولة العاشرة:
SCREAMING_RAGE ليفربول - rashid UAE برشلونة

مباريات الجولة الحادية عشر:
rashid UAE برشلونة - q8-gamer بروسيا دورتمند

مباريات الجولة الثانية عشر:
kInGsIzE بايرن ميونج - ALONE مانشستر سيتي

مباريات الجولة الثالثة عشر:
Fire Blast ريال مدريد - kInGsIzE بايرن ميونج
ALONE مانشستر سيتي - rashid UAE برشلونة

مباريات الجولة الرابعة عشر و الأخيرة:
kInGsIzE بايرن ميونج - emperorUAE ميلان
ALONE مانشستر سيتي - SCREAMING_RAGE ليفربول

يالله شباب خلصوا مبارياتكم مابقى شي على نهاية البطولة .. الاغلبية باقي لهم بين المباراة و الثلاث مباريات فخلصوهم
و من هنا تقدرون تشوفون نتائج الدور الثاني http://challonge.com/tg3602l

وكينج سايز خبرني متى تقدر تلعب عشان نخلص من مباراتنا ومباراتي الاخيرة المتبقية معاك
 
احمد
كنج سايز
متى ودك نلعب مباراتنا(مباراتي الأخيره) مباراة المهرجان , راح ألعب سيدورف و زامبروتا و جاتوسو و الأهم إنزاجي الأسطوري :laugh::
 
بصراحه اكثر واحد اعجبني لعبه في البطوله

كويت قيمر ماشاء الله تبارك الله

مع ان فريقه مو مره بس ماشاء الله عرف كيف يستفيد منه

ويفوز في اكثر مبارياته ماقصرت يامبدع :rockon:
 
كينج سايز اول ماتدخل الموضوع وتقرا الردود خبرني عشان نلعب مباراتنا و على فكره باقي لك 4 مباريات :tongue:
 
حشر, قول لراشد يلاقيني في اللايف بعد رأس الساعه من توقيت هذا الرد.
 
ALONE قال:
بصراحه اكثر واحد اعجبني لعبه في البطوله

كويت قيمر ماشاء الله تبارك الله

مع ان فريقه مو مره بس ماشاء الله عرف كيف يستفيد منه

ويفوز في اكثر مبارياته ماقصرت يامبدع :rockon:
أنقر للتوسيع...

مشكور على الاطراء 🙂

بس بروسيا دورتمند فيه لاعبين ممتازين في الدفاع سوبوتيتش وهولمس

وفي الوسط نوري شاهين وجوتزه وفي الهجوم لوكاس باريوس ومحمد زيدان
 
يجب تسجيل الدخول أو التسجيل كي تتمكن من الرد هنا.
عودة
أعلى