hits counter

الموضوع الرسمي FIFA 11

ياخي بسألك .. في المباراه اللي فزت فيها علي كيف تمشي بدروجبا كذا >.> قلت لك ميسي مو دروجبا لول !!
هدفك الاخير اللي في المباراه الاخيره اللي برشلونه احترافي صراحه اهنيك .. انا مبسوط على هدفي الثالث فيك في المباراه الاولى اللي بالسيتزن .. خورافي لول ما توقعتها تدخل

شباب وش رايكم نسوي دورى؟ هي فكره في بالي من اول بس مين وده جد يدخلها ؟
ودي نسوي بطوله نقاط لكن مو مثل المره اللي راحت اللي سويناها في اللعبه نفسها و صارت مشاكل بالاتصال و صارت المباريات تنقطع و اللعبه تختار فايز من راسها ..
يعني ودي نسوي جدول كل اسبوع مثلن انه ازم فلان و فلان يتبارون و هم يتبارون و يعلمونا النتيجه و نحطها "بدون نصب لول" عشان ما ودي ان اللعبه فيوم تسوي فينا مقلب و يخرب كل شي مثل المره الماضيه ..

طبعا اي جهاز ما فرقت معاي عادي .. و مره ثانيه اللي وده يلعب : kInGsIzE LIVE - kInGsIzE_PS
 
ماعندي مشكلة مع الدوري وانا اول المنضمين .. بس اهم شي كلنا نضبط الاتصال على النيت تايب 1 عال ps3 علشان نتجنب مشاكل الاتصال ..
 
كينج سايز ودنا ببطوله و مثل ما قلت نحن نعمل الجدول و نحط النتايج لتجنب انقطاع المباريات و تخريف السيرفر فى احتساب الفوز

و على طاري دروجبا بالفعل خليته ميسي و سجل هاتريك فى ذيك المباراه:laugh::
و هدفك بمانشستر ستي كان باللاعب كولاروف لاعب لازيو سابقا...هدف من تصويبه بعيده جدا ! يا ريت لو انك خزنت الهدف بعد المباراة من الهاي لايتس...لأنه صعب جدا جدا يجي نفسه

الوعد الليه يا كينج سايز:evil::
 
^^
يبيلنا والله .. باقي الشباب وش رايكم؟ واي جهاز تبون؟ انا مستعد ارتب الجدول و كل شي بس اهم شي تكونون صدق ناوين تكملون للنهايه عادي لو ترتيبك الاخير ..

الا شباب .. كيف الهدف لول
http://www.ea.com/uk/football/videos/ugc/68100318

اذكر هالمباراه قلبت المباراه عليه بعد ما كانت 3-1 له ..
 
وانا راح اكون من ضمن المشاركين بالدوري لو حبيتو تبدون .. بلاي 3 .. بس علشان أحل المشاكل قبل مانبدأ كيف اخلي الأتصال تايب 1 .؟
 
كينج سايز انا جاد بسالفة الدوري
بس مثل ما قلت , إلي يشارك لازم يكون صادق و يكمل للنهايه حتى لو ترتيبه الأخير
لو كل الشباب كانو جادين و نكمل دوري واحد للنهايه, صدقوني بعدها بنسوي دوريات اخرى كثيره و الكل بيستمتع

انا شخصيا مستعد لدوري ال360 و اتصالي 4 ميجا و جاهز
و مستعد اساعدك يا اخ كنج سايز فى تنظيم الدوري و الجدول

ممكن نسوي دوريين واحد لنسخة البلاي 3 و الثاني لنسخة ال360
و مثلا فى الإسبوع كل لاعب يلعب مباراتين او 3 كحد اقصى
و نخليه ذهاب و إياب..يعني كل مره راح تكون الهوست يوم المباراه فى ملعبك
و المباراه الأخرى فى ملعب الخصم

الشباب الجادين (و إلي متأكدين راح يلتزمون بالدوري للنهايه) يحطون أساميهم و الجهاز إلي يبون يلعبون عليه
بس رجاااااء شباب إلي يشارك يكون قد كلامه و يلعب للنهايه, ما نبي لاعب يخسر كم مباراة و ينسحب و يخرب الدوري
و اقل شي يكون اتصاله معقول(اعتقد 1 ميجا كحد ادنى راح تفي بالغرض)
ترى السالفه سالفة متعه و الكره فيها فوز و خساره 🙂
عن نفسي لو اكون الأخير راح ألعب بكل جديه لأخر مباراه فى الدوري 🙂

الجادين يحطون أساميهم و بيلعبون بأي نسخة(ال360 او البلاي 3 او ممكن الإثنين معا)
 
أول نشوف منو يلعبها على البلي ستشين 3 والاكس بوكس ، وبالاخير نقرر على الاغلبية


ps3 list:

Al Pacino
fg-07
persona
kInGsIzE
squall leonhart
Xeon-Q8

هذول الي يلعبونها اونلاين من مشاركات الصفحة الاخيرة ، من رايي دوري خروج مغلوب أفضل كبداية

أشبك من بعد صلاة العشى يومياً لو تبون ، وبالعطل يوم الجمعة نادراً اكون شابك ، بالعطل ماعندي مانع اشبك لاخر الليل.

هي فكرة حبيت انقلها بفريقي القديم ، كننا 10 ، يقسمون اليوم لقسمين خمس مباريات للفرتشول برو ، اربع مبارايات دوري للشخص الواحد في اليوم

بس ماعتقد هالفكرة بتمشي معانا ، 1-عددنا قليل ، 2- ماتوقع فيه التزام 3- بعض اللاعبين عندهم الفرتشول برو تعبان(ماعندي مانع اساعده وارفعه له)

عموماً سجلني بالدوري.
 
توكلوا على الله انا ماعندي مشكلة ابدا من اليوم

عاد الله يستر انا متعود العب بس مع خويي وحافظ لعبه .. يبغالي اتدرب شوي قبل الدوري .
 
بيرسونا لازم نسوي دوري لكل جهاز(يعني إلي مثلي يلعبها عل 360 ما يشارك فى الدوري:sweat:)
انا مستعد اكون منظم دوري ال360

حاليا إلي متأكد من اشتراكهم لل360

emperor-UAE
kInGsIzE

ننتظر باقي الشباب إلي حابين يشاركون لل360
كبدايه حتى لو يكون عددنا قليل مب مشكله (8 على اقل تقدير)
جست مي حاب تشارك ويانا؟
 
خلونا نحسب العدد الكامل هاليومين و نبدأ ننظم .. ممكن فعلا نبدأ كبطوله خروج مغلوب و بعد ما تخلص ممكن نبدأ دوري فعلي ..*
 
^
^
خلاص تمام
ننتظر باقي الشباب هل يومين
و نشوف من حابب يشارك و نبدأ بعدها بإذن الله
 
وأنا بعد أبي أشارك على الps3 وهذا حسابي psn_Devil_88
 
ps3 list:

Al Pacino
fg-07
persona
kInGsIzE
squall leonhart
Xeon-Q8
TidusFF10
أنقر للتوسيع...

وياكم ، لي فتره العب كل انواع المباريات لول
V Pro - Manager - Head To Head
بضيف الشباب اللي على الPS3 و ان شاء الله نشوفكم
 
emperor-UAE قال:
بيرسونا لازم نسوي دوري لكل جهاز(يعني إلي مثلي يلعبها عل 360 ما يشارك فى الدوري:sweat:)
انا مستعد اكون منظم دوري ال360

حاليا إلي متأكد من اشتراكهم لل360

emperor-UAE
kInGsIzE

ننتظر باقي الشباب إلي حابين يشاركون لل360
كبدايه حتى لو يكون عددنا قليل مب مشكله (8 على اقل تقدير)
جست مي حاب تشارك ويانا؟
أنقر للتوسيع...

الله على الفكره ! قمة في الحماس ايه كذا تخلون الواحد يحلل ام فيفا تحليل ..
خلاص احسبني من ضمن المشاركين لنسخة الـ 360 واذا دخلت راح اقبل اضافتك .. والله خايف من التكسير اللي بيجيني :tongue: < مستواي زفت
بالمناسبة الاتصال عندي 4 ميغا .. 🙂
 
التعديل الأخير:
ps3 list:

Al Pacino
fg-07
persona
aziz7733
kInGsIzE
squall leonhart
Xeon-Q8
TidusFF10
HBK_90
أنقر للتوسيع...

معاكم بالله............. لكن اتمنى ان المباريات تقام في الليل ......... + عادي اضيف معي اثنين من اصحابي مجانين فيفا ؟؟

شباب الاكس بوكس, اتمنى تضيفوا الجيمر تاج حقي معاكم..... عندي نسخة للأكس بوكس ٣٦٠ لكني ما العبها دائماً:/
 
التعديل الأخير:
مين يبغى يلعب معاي الان على PS3 .. انا الحين حاشغل اللعبة
 
ما عندي أي مشكلة أشارك لولا EA وسيرفراتهم الله يلعنهم + مشكلتكم أنكم بتلعبون بأندية 5 نجوم .

يا حظ اللي النات تايب حقهم 1 .
 
وانا والله اليوم جاي عشان اقولكم عن البطوله طول المحاضره وانا افكر فيها وبمناسبة الزيادة في الكافائات للفايز بالبطولة حقة البلايسنيشن 3 بطاقه 20 دولار للستور الاوروبي عشان يكون الدوري قوي وحماسي

بس كيف تضمن ان مافي الدوري تلاعب ؟
 
التعديل الأخير:
يا شباب ترا شغلة النات تايب 1 مايبغالها شي !

رح للنيتورك ستينج > الثالثة ( سو الإعدادات من جديد ) > أختر وايرلس ولا واير > مانويل > أعتقد أوتو ماتيك > أهم خطوة اختر خيار الـPPOE ( مو متاكد من الرمز بالضبط ) > دخل اليوزر والباس حق الـDSL الي عندك > كل شي يجيك بعدها خليه اوتوماتيك و دو نوت يوز > بالاخير أعمل تيست وبتشوفه نات تايب 1

الي مافهم من الشرح يقول عشان أشرح مره ثانية وأنا متاكد من كل خطوه
 
التعديل الأخير:
بس كيف تضمن ان مافي الدوري تلاعب ؟
أنقر للتوسيع...
تلاعب من اي ناحيه بالظبط ؟؟

ما عندي أي مشكلة أشارك لولا EA وسيرفراتهم الله يلعنهم + مشكلتكم أنكم بتلعبون بأندية 5 نجوم .
أنقر للتوسيع...
يا كثر ما حطمت لاعبين ريال مدريد و برشلونه و تشيلسي بالليفربول , اذا انت حريييف, صدقني بتقدر تفوز على اقوى الفرق بكل سهوله 🙂
 
اقصد النتائج لانك ما تقدر تراقب المباراة

تعديل : اشوف هذي القوانين المناسبه

1- الانترنت يكون على الاقل 1 ميقا والبنق ما يزيد عن 60

2- البطوله خروج المغلوب عباره عن 5 او 3 مباريات حسب ما تقررون الي يفوز اكثر هو الفايز

3- المباريات تكون unranked احسن عشان الوقت اشوف 7 افضل والجو غائم بدون مطر او شي يتفقون عليه الاعبين ( بس في نقطه اذا كان unranked يمديك تعدل في الطاقات هنا في مشكله )

4- اهم شي الجديه مهو في النص الناس تنسحب
 
التعديل الأخير:
SCREAMING_RAGE قال:
تلاعب من اي ناحيه بالظبط ؟؟


يا كثر ما حطمت لاعبين ريال مدريد و برشلونه و تشيلسي بالليفربول , اذا انت حريييف, صدقني بتقدر تفوز على اقوى الفرق بكل سهوله 🙂
أنقر للتوسيع...


أنا فزت على واحد يلعب ببرشلونه , فريقي كان تشيزينا أو باري . ما قدر يسجل علي هدف إلا من كرة ثابتة بدانييل ألفيس .

أنا سيء بفيفا على فكرة + المسألة مهي competition اللعب متعة , لما فريق يكون عنده لاعبين كلهم سريعين أو كلهم ضخام أو يمررون بدقة عالية لحد سخيف أو حتى كل المميزات السابقة مجتمعة هذا وش تسميه ؟؟ أنا عن نفسي أسميه مسخرة .

أحسن شيء قوة الفرق من 3 إلى 4 أو 4 ونص بالكثيييييييييييييير .


صح نسيت , أنتم تسوون الحركة القذرة اللي توقف بين اللي ينفذ الآوت أو الكرة الثابتة أو ضربة المرمى وبين أقرب لاعب يستلم الكورة (ما أقول إنكم قذرين) ؟
أنا في تجمعات فيفا مع الجيران وولد عمي نمنعها , حركة ما لها أي أساس لا من منطق ولا من قانون تحكيمي .
 
لسته البي اس٣ جالسه تكبر ...
سكريمنج رايج عادي جيب اللي تبي من برا الموقع بس يفضل مو كثار عشان ما يخرب جو البطوله ..
fg-70 تقصد مثلا واحد يقول انا فزت و الثاني ينكر مثلا؟ لا ان شاء الله شبابنا اكبر من كذ 🙂

على فكره شباب كل واحد يختار له فريقين .. واحد اساسي و واحد احتياطي عشان ما يجي احد يقول انا خسرت لاني اخذ فريق ضعيف ....
 
Al Pacino قال:
يا شباب ترا شغلة النات تايب 1 مايبغالها شي !

رح للنيتورك ستينج > الثالثة ( سو الإعدادات من جديد ) > أختر وايرلس ولا واير > مانويل > أعتقد أوتو ماتيك > أهم خطوة اختر خيار الـPPOE ( مو متاكد من الرمز بالضبط ) > دخل اليوزر والباس حق الـDSL الي عندك > كل شي يجيك بعدها خليه اوتوماتيك و دو نوت يوز > بالاخير أعمل تيست وبتشوفه نات تايب 1

الي مافهم من الشرح يقول عشان أشرح مره ثانية وأنا متاكد من كل خطوه
أنقر للتوسيع...
اليوزر و الباس لاشتراك الـDSL نفسه و لا الوايرلس ؟ طيب و الي ما يعرف اليوزر و الباس بتاع الإشتراك شيسوي ؟ :/ 😀
 
يجب تسجيل الدخول أو التسجيل كي تتمكن من الرد هنا.
عودة
أعلى