الموضوع الرسمي Far Cry 6 || من أجل الحرية

[W.W.W]

أنهيت اللعبة أخيراً بعد 48 ساعة تقريباً عملت فيها خليط بين المهمات الرئيسية مع بعض المهمات الجانبية ، استمتعت بوقتي في اللعبة لكني أفضل FC5 عليها ، تمنيت لو مهمات صيد الكنوز كانت أكثر.

لكن للأسف الحلو ما يكمل ، أداء اللعبة سيء جداً و واضح انها تحتاج الى تحديثات و تحسينات ، يوبي سوفت يلومون البرامج اللي شغالة في الخلفية علماً باني العب دائماً و انا مغلق جميع البرامج معناها كلام يوبي سوفت كذب في كذب.

دائما اسمع ان نسخة الpc تكون اسوأ

اجل ليش الناس تتعب نفسها تشتري تجميعة بي سي ؟

الكونسول ادائه مضمون على الاقل

 

[Pineapple]

دائما اسمع ان نسخة الpc تكون اسوأ

اجل ليش الناس تتعب نفسها تشتري تجميعة بي سي ؟

الكونسول ادائه مضمون على الاقل

كلمة السر AMD.

 

[Good Hunter]

هذي المهمة توتوريال لا أكثر، مهمات القصة ما تجبرك تجمع شيء

لكن انت قاعد تلعب لعبة عالم مفتوح، أتوقع آخر شيء ممكن تشتكي منه انك تجمع أشياء، لول.

هذي العاب العالم المفتوح المعلّبة طال عمرك.

 

[hussien-11]

هذي العاب العالم المفتوح المعلّبة طال عمرك.

نصيحة، لا تحكم على اللعبة بدون ما تلعبها.

 

[Dark_N11]

تحديث*
بعد فوق خمس ساعات وجدت نفسي غارق و اقاتل بالمعسكرات مثل المجنون
بعض المهام الأساسية تختلف بعض الشي لكن غالبيتها يرسلوك لمعسكر تسرق او تقتل
الرتم يكون
مهام مجنركة وراء بعض و بعدها مهمة كبيره تقفز برتم القصة

الشخصيات الجانبية جيده
و بعض المهمات الجانبية ممتعه مثل مهمة كهف الديوك
شخص يعطي الديوك منشطات و يختبر عليهم و انت تروح تتحقق من هذا

 

[Dark_N11]

طبعاً الي راح يسأل ليه ماتتجاهل هذه المعسكرات
السبب هو انك تحتاجها للتلفيل و الموارد الموجودة فيها تساعدك لشراء الاسلحة و فتح قدرات جديدة و بدونها راح يكون الجيم بلاي ممل

فنعم صارت وظيفه ثانية و كل ما اشوفها اقول

 

[Kain]

طبعاً الي راح يسأل ليه ماتتجاهل هذه المعسكرات
السبب هو انك تحتاجها للتلفيل و الموارد الموجودة فيها تساعدك لشراء الاسلحة و فتح قدرات جديدة و بدونها راح يكون الجيم بلاي ممل

فنعم صارت وظيفه ثانية و كل ما اشوفها اقول

العاب يبسوفت عباره عن عمل مو لعبة

 

[إبراهيم 906]

بعدي ما دخلت في اللعبة كثير لكن أشوف اللعبة سهلة بزيادة مع أني مختار طور الصعوبة العادي وليس طور القصة
ولا وش رايكم

 

[DIAMOND]

لعبت 20 ساعة من السادس واظن انها كافية اني اعطي انطباعي

فار كراي 6 لعبة مختلفة كثير عن السلسلة، عالمها مكتظ بالسكان وتحسه busy طول الوقت، فين مارحت بتشوف اشياء قاعدة تصير من حروب ونزاعات ومن ناحية السكان بتشوفهم بكل مكان .. هالشيء حديث على السلسلة نوعا ما لأن الاجزاء السابقة كانت بمناطق نائية وبعيدة عن الصخب، اغلب وقتك يكون في الغابات مع الحيوانات بعيد عن البشر، ولو كنت محظوظ بتصادف كم بشري سواء كان شخص عادي او عدو لكن بإعداد قليلة، غالبا البشر يتمركزون في قرى صغيرة او قواعد عسكرية وهذا الشيء اللي احبه في السلسلة برأيي

فار كراي 6 طالعة تشبه كثير العاب جست كوز .. عندك حرية مطلقة انك تسوي اي شيء تبيه، عالم مفتوح بمليون مهمة والمهمات الرئيسية اللي تقدر تسويها بنفس الوقت مره كبير.. لأن لو ماعجبتك مهمة روح لغيرها عادي، واللي بصراحة ما اشوفه قرار موفق اكثر من انه يشتت، والمهمات نفسها كمستوى ضعيفة والقصة مافيها شيء مثير .. بس مشكلتي الرئيسية مع فار كراي 6 هو العالم، واللي هو اهم نقطة برأيي في ألعاب فار كراي بالذات .. عالم فار كراي 6 ممل وغير مثير للاستكشاف اطلاقا! اشتقت لأيام فار كراي يوم كانت عبارة عن غابة وصيد حيوانات او حتى تسلق جبل ومحاولة تجاوز العقبات اللي فيه .. في 6 مايحتاج تتسلق، من بداية اللعبة وانت عندك هليكوبتر وطيارة وسيارة ودراجة وسفينة ودبابة! اللعبة تكب عليك كل شيء كب وتعطيك خيارات لا نهائية بشكل عشوائي وغير مدروس، في العاب فار كراي السابقة كنت استمتع وانا اركض بالغابة لمدة 15- 20 دقيقة وكل اللي اسويه هو اني بس اتفرج واحس اني انسجم مع الطبيعة واتأمل جمالها.. في فار كراي 6 مايحتاج! اركب طيارة او هليكوبتر وتوصل على طول! ولو حاولت انك تمشي فجأة بيطلعون جنود قدامك يقاتلون بعض ويرمون قنابل وتصير انفجارات وتجي طيارات ودبابات والغابة تحترق والناس تموت... وش قاعد يصير!

عدت فار كراي 4 قبل كتابة الرد هذا .. من بداية اللعبة تشوف البطل يمسح على جرة مكتوب فيها اسم امه وتستوعب بسرعة ان امه ميته وهذا رمادها وجاي ينثره في قريته، تقابل الشرير بسرعة واللي تكتشف ان له صلة قرابة مع البطل وتكتشف برضوا ان الشرير سايكو من لما مايفتح الجرة ويجلس يتذوق رماد الام وبعدها تصير مطاردة ملحمية وبعدين اللعبة تتركك ترتاح شوي وتخليك تتسلق جبل الين ماتوصل للقرية، البداية ممتازة وهدف البطل واضح عكس بطل السادس اللي ماتعرف ايش هدفه اصلا! والله لي عشرين ساعة ومو عارف البطل وش يبي.. بس هو بطل وخلاص

افتقدت يوم فار كراي كانت المشاهد فيها منظور اول او لما كانت تخليك تسلخ الحيوانات وتاخذ لحمهم.. لأن في 6 مايحتاج تسلخ لأن ممكن الثلاث ثواني حقت السلخ تزعج اللاعبين 🥺 انت بس امشي فوقه وحنا بناخذ اللحم بدالك .. المزعج فعلا في 6 هي كثرة الخيارات حقت البدلة واللي لكل جزء من ملابسك صار له خصائص مختلفة الحين! واحد يخلي الفوكس حقك بالتصويب اطول والثاني يخلي الاكسجين حقك تحت الموية اطول والثالث يخليك تتحمل الاحتراق اكثر.. ليش..ليش! يعني شوفوا.. القفازات.. بس القفازات فيه ٢٤ قفاز ولكل قفاز خاصية مختلفة، الجزمة والبنطلون والقبعة والتيشيرت والقبعة كلهم نفس الشيء! ترا مو لعبة ار بي جي والله ليش العذاب هذا!

نقطة اخيرة بس بخصوص الشرير الرئيسي .. هو واحد من الاثنين، اما ان الممثل ماله نفس او يوبي سوفت نفسها مالها نفس لأن تمثيله باللعبة نوم

حسافة لأن فار كراي 6 من الالعاب اللي كنت متحمس لها بشكل كبير كوني فان للسلسلة .. انا سحبت على الاجزاء الفرعية (برايمال ونيو دون) بس شكلي برجع لهم الحين