الموضوع الرسمي FAR CRY 2 | مرحبا بك في أفريقيا ... مراجعة TG

[cube001]

مادري ليش احسك تبالغ .. لأن حتى ابـ موضوع فيبل 2 خليت اللعبه رايحه فيها مع انها تستاهل 9 و بقوه

انت متأكد انك كنت تقرأ كلام حسين في موضوع فيبل 2؟؟؟؟؟؟

لان حسين كل الي سواه انه مدح باللعبة بقوة وحمس الشباب كلهم ...طبعا هنا العكس تماما لول.

 

[TH3 PHENOMENA]

وصل تقييم GS

محتوى مخفي

8.5

 

[The.Boss]

لول حسين يعني الكلام اللي كنت أقوله عن اللعبة في وقت مبكر طلع صحيح ، أوكي إنطباعات الشباب مو مبشرة مرة ، يعني اللعبة أوفرريتد ؟

على كل حال أنا راح ألعبها ، وكرايسس وورهيد هي الجوتي :sarcastic:

لا تنسى انه كرايسيس فوق مستوى الكونسول .. انت شفيك على كرايسيس ؟ ..

بالنسبة للتقييم اشووفه ممتاز .. بس العيوب قليله خلت التقييم 8.5 المفروض اكثر .. جيم سبوت :yuck:

 

[Zero]

^ ههههههههههههه كنت أمزح ، بس كلامي للي يقول فار كراي بتصير جوتي الFPS وإلخ ، اللي يجرب وورهيد بيعرف أن فيها كل مقومات جوتي الـFPS .

يعني غير الجرافيكس الجبار ، اللعبة سريعة وعليها جيم بلاي مجنون وقصة وصوت وإخراج وإلخ ممتازين .

 

[MoShaKiS]

توي واصل 14 % واللعبه حلوه لولا عنصر التنقل والماب المفتوح , تقدر تقول اساسين كريد لكن ببيئه أفريقيه وأسلحه وزمن متطورين

مثل ماقلت الماب يكون مفتوح وبكل رقعه فيه يوجد نقاط تفتيش

محتوى مخفي

تكتشفهم وتقتل الحراس , ويحسب لك كم نقطه اكتشفتها

التنقل يغلب عليه طابع الملل مع التقدم باللعبه وأحيانا

محتوى مخفي

تروح عليك مهمه أو يخلصها عنك صديق ويموت أو يكون مفقود

باختصار اللعبه حلوه ويبيلها وقت وقعده عشان تكتشف فيها وتخلص المهمات لكن مع زحمة الألعاب هذا الشهر قيرز وكيل زون وريزيستانس وفيبل و . . و الخ

ماتوقع بتقعد عليها لأنها مثل ماقلت يبيلها واحد فاضي ولو عندك العاب غيرها أكاد أجزم أن مكانها بيكون بعلبتها لحين التفرغ لها 🙂

 

[hussien-11]

مادري ليش احسك تبالغ .. لأن حتى ابـ موضوع فيبل 2 خليت اللعبه رايحه فيها مع انها تستاهل 9 و بقوه

ما رح ألومك على كلامك ، لو انا قرأت كلامي هذا قبل ما ألعب اللعبة ، كان ما صدقته ! 😛
عموما رح تكتشف بنفسك ، و طبعا السالفة بالنهاية أذواق ، لكن كل المراجعات إلى الان بتوافقني على "العناصر المزعجة" الموجودة باللعبة .


أما بالنسبة لموضوع فيبل2 متأكد انك كنت تدخل نفس الموضوع ؟ .. القراءة للفوز

 

[Solay]

يعني لو خيروك ياحسين بينها وبين ديد سبيس شو تختار وهل بفارق كبير وإلا لا؟!

مع اني اثق بذوقك بس ابي اتأكد.

 

[hussien-11]

بالنسبة لي بختار ديد سبيس بصراحة 🙂
بالمناسبة لا تفهم كلامي على انه فار كراي2 لعبة سيئة ، لا أبدا ، هي لعبة انحط فيها جهد خرافي جدا ، لكن كثير من عناصرها مزعجة بشكل ! و تأثر على تمتعك باللعبة بشكل كبير ، بالنسبة لي نفس أساسينز كريد بالضبط ، عالم مفتوح واسع و متقن و كل شي ممتاز و لكن اللعبة نفسها تفتقر للمتعة .
​

 

[Solay]

كنت ابتعب نفسي وانتظرها وابسحب على ديد سبيس لوقت لاحق,شكرا لك على توفير الوقت لي

وراح يكون الشكر اكبر لو اعجبتني ديد سبيس بشكل كبير.

 

[hussien-11]

حاول تجربهم أول اذا قدرت .. بالنهاية تبقى مسألة أذواق ^_^
​

 

[Colorization]

شخصيا من أكثر الأشياء اللي أزعجتني بألعاب فار كراي (Instincts, Predator) هو لما يخلونك تضيع مع البيئة شوي وتصير اللعبة كأنها RPG من دون أوادم (ما تدري شتسوي او وين تروح P: ). مادري لكن ما حبيت هالشعور كلش.

أتمنى يصدرون ديمو حتى الواحد يقدر يحكم من دون لا يخسر فلوسه، اللعبة شكلها ممتاز لكن هذا الشي الوحيد اللي كان مخوفني (كوني عشت لحظات سيئة من قبل) وبعد كلامك حسين انا فقدت الأمل بصراحة. مابي قصة ولا شي، ابي امشي وارمي واستمتع :w00t:

يالله نتمنى نسمع آراء أكثر من الشباب اللي عندهم اللعبة عن هذي النقطة. ضغط الألعاب يخلي الواحد ما يقدر يجازف أبدا.

 

[hussien-11]

محمد المشكلة لو نزلوا ديمو مستحيل تحس بالشي الي قاعد اتكلم عنه ، لأنو الديمو ما بيخليك تحس بعنصر الملل و التجوال الي ما اله طعمة و لا هدف ، لأنو بيكون أول مهمتين بالبداية الي بتسويهم ورا بعض و السلام .

بيكون شي مثير للاهتمام بالنسبة لي أشوف كيف الشباب في ترو و خارج ترو بيستقبلوا اللعبة ، و هل بيتقبلوها أو لا .
​

 

[sogeking]

انت متأكد انك كنت تقرأ كلام حسين في موضوع فيبل 2؟؟؟؟؟؟

لان حسين كل الي سواه انه مدح باللعبة بقوة وحمس الشباب كلهم ...طبعا هنا العكس تماما لول.

ايه والله حمس الشباب :crying:

الي يسمعني يقول مو قاعد ألعب معك وأذبح العالم كلهم :razz::

 

[blue ninja]

انا كنت ناوي اشتريها
بس بعد ما قريت التجارب
ما تحمست...
بنخلي الفلوس الى لعبه ثانيه ^_^

 

[Mesharey]

اخذت اللعبة امس، عجبتني صراحة وأجوائها ممتازة .. سويت ثلاث مهمات اعتقد ..

الجرافيكس ممتاز للبيئة لكن موديلز الشخصيات مو بذيك القوة، وعلى كبر المناطق لكن الأشجار والخشب والأضواء تتكسر، الإضائة باللعبة ممتازة ..
أيضا شراء الأسلحة وتكوين الصداقات حركة حلوة، الأعداء والبراميل يطولون بالرمي شوي على ماتقتلهم أو تفجرهم، ممكن لأن السلاح ضعيف ولازم تطوره .. سلاح النار ومؤثراته حلوة بعد ..
طريقة اللعبة عجبتني صراحة، يعني مو كلها رمي، في فترات توقف وتبحث عن الماس أو تتنقل من مكان لثاني ..

بإختصار، اللي يتوقع لعبة شوتر من البداية للنهاية ما اتوقع تعجبه، لكن إذا تبي لعبة شوتر مع حرية أكبر بالتنقل بتعجبك : )

 

[hussien-11]

بإختصار، اللي يتوقع لعبة شوتر من البداية للنهاية ما اتوقع تعجبه، لكن إذا تبي لعبة شوتر مع حرية أكبر بالتنقل بتعجبك : )

هاي فعلا أفضل نصيحة اذا كنت حاب تحدد موقفك من اللعبة ، لازم تعرف انك بتتنقل كثير و بعض الـelements ( زي جمع الألماس ) ممكن تزعجك .

 

[ryo hazuki]

اليوم لعبتها و ماخليتها الا لما وصلت 14% اتوقع

الحمد لله اللعبه طلعت شي يسوى .... الجرافك رائع و الجيم بلي حلو طبعا انا مابكون ناقد صارم

لكن بالنسبه لي انا ما احب ال fps بشكل عام لكن فار كراي خلتني احبها وايد

الموسيقى حلوه و اسلوب المهمات حلو و التنقل حلو لكن طبعا صعب لو خلو فيها طائره شاعيه بيكون حلو ... المنطقه الافريقيه المتنوعه شي جد رائع و مشكورين عليه

التنقل ممكن هوه سلبيه اللعبه الوحيده ..

1 السياره تنقلب بسهوله او تعلق مكان و المصيبه انك ماتقدر تكمل فيها وايد شوي و تنزل منها لان مابيخلونك في حالك


بس بشكل عام انا لقيت لي لعبه مميزه و بقضي معاها احلى الاوقات انشالله

 

[MoShaKiS]

بإختصار، اللي يتوقع لعبة شوتر من البداية للنهاية ما اتوقع تعجبه، لكن إذا تبي لعبة شوتر مع حرية أكبر بالتنقل بتعجبك : )

QFT

هذا هو بيت القصيد اللعبه مالها قصه معينه والمجال مفتوح قدامك , كلها مهمات للميليشيا أو لـ الأصدقاء ..
اللي يعجبني فيها طريقة تنفيذك للمهمه تبيه عنيف وتصفيه لكل الموجودين أو مجرد استطلاع للمكان وتنفيذ الهدف والخروج بهدوء

 

[Lone Wolf]

نسخة الـPS3

تبا سلاحك الـAk-47 يكون مطلي بالذهب و استخدامه يكون افضل من العادي؟

اذا شوف الفيديو<<< دعاية خخخخخ

[YOUTUBE]VG0R6dYcHDo[/YOUTUBE]

 

[Super Shadow]

شريت اللعبت أمس و اليوم فظيت أجربها

بصراحة اللعبة جدا رهيبة

الجرافيكس و البيئات حلوة و فيها حرية الحركة و عليها أفكار وايد حلوة

الطريقة الي تشل فيها الأغراض و الأيتمز حلوة و واقعية ( الشخصية تم ايدها ) مب بقية الألعاب تختفي من عيونك لووول

حتى الآن أنا في البداية تقريبا و بكملها ان شاء الله

 

[Zero]

بعض الصور من نسخة البي سي مشغلة على الماكس ، أول صورة وثاني صورة حبيتهم .


http://img230.imageshack.us/img230/2120/screenshot0023lq3.jpg
http://img230.imageshack.us/img230/2992/screenshot0020ux0.jpg
http://img230.imageshack.us/img230/6088/screenshot0022uo0.jpg
http://img230.imageshack.us/img230/9825/screenshot0018lz2.jpg
http://img230.imageshack.us/img230/4391/screenshot0016mk8.jpg
http://img230.imageshack.us/img230/6969/screenshot0013yw0.jpg


ولو أن اللعبة كان عندها فرصة كبيرة أنها تكون أفضل ، لكن متغاضي عن عيوها ومستمتع بالتجول في أراضي إفريقيا الواسعة ، يمكن البعض يشوفها مملة لكني قاعد أسلي نفسي بطرقي الخاصة .

 

[ryo hazuki]

انا رسميا وقفت لعب

ماقدرت ..... لازم اروح مشاوير اخر الماب عشان مهمه

الي يقهرني مااقدر اخذ اكثر من كويست واحد لو اقدر اخذ اكثر من كويست بروح و بخلصهم كلهم


لكن لازم كويست كويست شي متعب جدا و التنقل صعب و ممل احيانا لو خلو فيها طياره احسن بوايد

و الافارقه مايخلصون اللعبه واقعيه شي حلو بس بعد يخلون الافارقه شي واقعي بعد

انا بركنها على طرف .....ممكن ارجع لها

اوه تذكرت عيب ثاني مافيها خيار التنقل لمكان انته زرته من قبل مثل فيبل و فول اوت و اوبليفيان

والي يخليك بجد تمر على المكان اكثر من مره

ادري فيه خيار الباص بس هيه هيه

 

[Humam]

اليوم وصلني بريد من مدير الموقع:

متأخر لكن better late than never وكان شي خارج عن إرادة إدارة الموقع.. ان شاء الله مراجعة ترو جيمنج الرسمية بتكون في أقرب فرصة : )

 

[Colorization]

مبروك لكل الشباب وانتظر إنطباعاتك الأولية همام (على الأقل بس جيدة\مملة). اتمنى من خاطر تكون حلوة لأني استمتعت في نسخة Instincts Predator عالـ360 وايد على وقتها.

ملاحظة: انا ما كنت استخدم fast travel في فيبل او فولآوت (او اوبليفيون) لذلك ودي لو اعرف هل البيئة طول ما انت تمشي فيها تحسها interactive وإلا مملة. يعني باوبليفيون ممكن الواحد يحس بملل لما يمشي لكن كنت استانس لما القى dungeons جديدة وقبايل صغيرة احاربها. ودي لو اعرف شلون يوبي سوفت خلت المشي\السفر شي ايجابي كون اللعبة مافيها فاست ترافل.

 

[HAL-9000]

مبروك همام.
متحمس جدا للمراجعة, خاصة بعد الاراء المتباينة حول اللعبة

 

[Humam]

أوكي بحاول ألعب اليوم ساعتين على الأقل.. بس ما أعرف اذا اكتب انطباعات والا أخليها مرة واحدة مع المراجعة ; )

 

[BioMario]

همام اللعبة طويلة وايد صعب جداً تحكم عليها من ساعتين صدقني ..
أقل شي 5 ساعات لعب اللعبة واسعة و مبيعن عليها انها طويلة وايد + مب كل واحد رح تعجبة اللعبة

 

[blue ninja]

بعد التفكير
قررت اخذ اللعبه واخذتها واللعبه صراحه عجبتني
....

 

[nbnt]

اعلنت اليوم يوبي سوفت عن محتويات جديده قابله للتحميل للعبة Far Cry 2 , وسيكون موعدها في اواخر شهر نوفمبر على الـXbox Live Marketplace و الـPlaystation Store , بإسم "Fortune's Pack" وستحتوي على :

لطور الـSingle Player

ثلاثة اسلحة جديده
Silenced shotgun
Sawed-off shotgun
Crossbow

ومركبتين
Unimog
Quad

ـــــــــــــــــــــــــــــــــــــــ

ولطور الـMultiplayer

اربعة خرائط جديده
Cheap Labor
Last Resort
Lake Smear
Fort Fury
مع الاسلحه والمركبات الجديده السابقه

المصدر​

 

[nbnt]

بعض صور الـDLC الجديد

باقي الصور هنا​