الموضوع الرسمي DmC - تقدم Ninja Theory سلسلة ديفل ماي كراي ببداية جديدة ودانتي مختلف !!!

[Punished Noctis]

الكومبات اكيد داونجريد عن دانتي من ناحية كمية الحركات .. دي ال سي و ماله الا سلاح واحد .. لكن مع هذا الكومبات اسرع و أكثر ستايلش من دانتي و متحمس اشوف ايش ممكن ينسوى منه .. هذه عينات بدأت بالظهور :

[video=youtube;D3HnkOat3uc]http://www.youtube.com/watch?v=D3HnkOat3uc[/video]
[video=youtube;JFv0ktUKZ-Y]http://www.youtube.com/watch?v=JFv0ktUKZ-Y[/video]

تعديل : اوه انت لسه بأول المهمة الثانية! .. اصبر الكومبات لسه ما انفتح لك.

 

[~L.O.R.D~]

بدأت نصف ساعة...وكرهت اللعبة
MGR أفسدت ذوفي وخلتني ما أرضى بأقل منها

 

[Sage]

بدأت باللعبه امس و الحين واصل يمكن المهمه الرابعه او الخامسه.

اللعبه ممتعه جدا! الدايالوج يضحكني بشكل مو طبيعي و الصراحه تقبلت شخصية دانتي بعد ما كرهت تصميمه مقارنتة بدانتي القديم.

شريت الكولكشن و راح العبها بعد ما انتهي من الريبوت. آخر مره لعبت دمك كانت لما جربت الجزء الرابع عند صاحبي 5 دقايق! و قبلها كان دمك3 اول ما نزل و ما خلصتها بعد..

من زمااان عن لعبة هاك اند سلاش محترمه! آخر هاك اند سلاش لعبتها كانت نينجا جيدن 2

 

[LegendaryK]

بدأت نصف ساعة...وكرهت اللعبة
MGR أفسدت ذوفي وخلتني ما أرضى بأقل منها

انا قلت بتعامل مع اللعبة كلعبة مختلفة مش من ضمن السلسلة حتى قبل ماتنزل رايزينج

لما جربت اللعبة بالديمو وشفت كيف الفريمات واسلوب الفيزيكس وميكانيكية القيم بلاي كله على بعضه زفت لاعت كبدي وسحبت عليها سيفون

يعني بالنسبة لي حتى كونها كلعبة مستقلة ومختلفة غير قابلة للعب

 

[Arashi]

احم << فاتحه الموضوع من قرون وتوها تلعب اللعبه ...معليش ظروف :sweat_smile:


المهم مراجعه سريعه عاللعبه << الفيس ما يبشر


اول شي ماراح أقيّم اللعبه لأنها حتى ما تستاهل 1 من 10 بسبب قذارتها...فعندي ما تستحق التقييم >_>



القصه:

للأمانه انا لعبتها باعتبارها لعبه ثانيه مب ديفل ماي كراي عشان ما أظلمها...حاولت أندمج مع القصه واطلع محاسنها...لكن ايش اقول؟ اولا فكرة شيطان وملاك يتزوجون ويجيبون عيال ويتهبدلون واااااااااايد مستهلكه..وسباردا هني ما يعتبر بطل بما ان موندس حبسه..يعني بدايه محبطه
صحيح فكرة شيطان يحب انسانه مب جديده لكن عرضوها بشكل حلو وهي اقل استهلاكا من الاولى
ومن البدايه تجوف البطل في حاله ماقدر أوصفها (شي يفشل الصراحه)...وايد ناس كرهت اللعبه بسبب بدايتها

(لاحظوا ان كلامي مقطع لأني ماقدر اوصف شي >_>)

مع التقدم باللعبه تظهر سطحية القصه اكثر
مافيها شي مميز يستحق ان يجعلها ريبوت لسلسله قويه
حسيت اني اجوف فلم رخيص نفس الافلام اللي يعرضونها اخر الليل على mbc (اللي ما تنعرض في السينما حتى)
دانتي اللي عانى في طفولته وتبهدل وانذل في ليبمو (وعاش حياه وسخه بعد) الحين يعيش حياه بلاده وعبط وعادي مافي مشكله؟؟؟...تناقص غريب! ويحاولون يضحكونك بنكته التافهه اللي مب في محلها وكلام قذر...حوار اللعبه كله رخيص اصلا وضعيف
موندس ماله هيبه بالمره ولا يبين عليه ملك العالم السفلي...وكلامه تافه واسلوبه ما يليق بمقام شخص مسيطر على عالمين...حتى في حواره الاخير مع دانتي ياااااااازعم الحوار فيه حكم وحقائق...لكن الاختيار للجمل وطريقة عرضه جدا جدا ضعيفه
فيرجل نوعا ما مرجوج فممكن اقول الوحيد اللي شخصيته منطقيه لكن في تناقض...واحد راكز في تصرفاتها وذكي وكلامه سيده...فجأه يجيك في مقاطع يتلفظ بألفاظ ما تناسب شخصيته بالمره؟ بس عشان غصب يبونك تضحك...ترى ما يضحك والله >_>
كات سخيفه لكن يمكن الهدف من وجودها ان من خلالها تتوضح نظرة كل من دانتي وفيرجل للبشر: دانتي يبي يحميهم لكن فيرجل يعتبرهم نوعا ما مثل الحيوانات الضعيفه (ضعف جسدي وضعف اراده) اللي تحتاج لشخص قوي حكيم يحكمها...لما قلت حيوانات اقصد ان حياتهم ما تهمه وايد لدرجة انه كذا مره كان بضحي بكات بكل سهوله

بشكل عام التمثيل تعبان ومافيه احساس بالمره...الحوارات بين دانتي وفيرجل اللي المفروض تكون مليانه مشاعر (مفاجأه غضب فرح تعجب...الخ) كلها ناشفه ولا يبين ايش يحسون فيه فعلا الا من خلال شوية تعابير عالوجه (يعني البركه في الكمبيوتر مب الممثلين ولا الحوار نفسه)
وغيرها وغيرها من المقاطع والحوارات العفنه الرخيصه...أحد الحوارات خلاني أضحك لكن بعد كم ثانيه من توقف الحوار يقط واحد فيهم جمله خلتني أتكدر لين اليوم -..-

ماراح انتقد القصه زياده لأني ما بخلص من كثر العيوب اللي فيها (مع اني توقعتها بتكون قويه لو مب قويه جدا)


الحين كم ميزه للقصه (يعني حاولت أطلع شي زين XD)

القصه تعتبر شامله...مافيها اسئله بدون اجابه ولا تترك علامة استفهام بعد ما تنهي اللعبه...في مواقف حماسيه مثل مهمة السياره اللي لازم تحميها...قتال دانتي وفيرجل ضد موندس كان اضافه حلوه (كنت اتمنى هالشي يصير في dmc3 ويطول القتال مع اركام بمقاطع وحوارات اكثر)
DLC فيرجل فيه قصه مهمه توضح شلون انقلب مجرم (او نيلو أنجيلو؟)...اللي قرأ مانجا dmc3 بشاهد كم صفحه لطفولة فيرجل مشابهه وايد لقصة الـDLC عدا ان فيرجل كان وقتها ضعيف وتبهدل مرتين اكثر

مقارنه بسيطه بين الشخصيات

دانتي#1 (القديم) أكثر عبط من دانتي#2 (الجديد)...لكن في الجد دانتي#1 جاد اكثر ونظم حياته ويقدر اهمية الموقف والخطر ويقاتل لسبب ويسعى للانتقام وحماية البشر عكس دانتي#2 اللي عايش عالبركه

فيرجل#1 مجرم أكثر لكن نوعا ما يسهل خداعه اما فيرجل#2 ما يعتبر شرير في البدايه لكن حكمه عالامور شوي غلط وذكي مقارنة بالأول...بس شخصيته مرجوجه (هالشي طبيعي) وتحسه ساعات مايعرف ايش يبي

العلاقه بين دانتي وفيرجل#1 فيها محبه بين الاخوين ما يظهرونها بسبب العناد وعزة النفس وكل واحد فيهم يحاول يفرض رايه عالثاني بالقتال لكن مافي كراهيه لحد النهايه (طبيعي لأنهم توأم في الاخير)...دانتي وفيرجل#2 نفس الشي لكن الكراهيه تظهر في الاخير بسبب البقره كات (والبشر بشكل عام) لدرجة ان دانتي يحاول يقتل اخوه لولا تدخل البقره...ماحبيت هالشي بالمره

مونديس#1 رزّه اكثر من مونديس#2 (او مانديس على قولتهم XD)...تصرفاته وكلامه كأنه واحد عادي من بني البشر مب شيطان وحااااااااااااااااكم العالم السفلي




الجيم بلاي


بمسك المزايا اول:

نظام تطوير القدرات والاسلحه حلو...احسن شي انهم فصلوا بين الـorbs الحمره والبيضه عشان يسهل شراء الادوات بدون ما اخاف عالقدرات
الاسلحه منوعه وطريقة التبديل بينها ممتازه..ضغطة زر بدل ما ارجع للقائمه وعوار راس...الكومبو جذي صار اسهل وممتع اكثر
نظام المنصات حلو لكن احيانا...(بخليها مع العيوب)



العيوب:

طبعا المحرك تعبان وانا لاعبتها عالبلايستيشن3...تعليق ولعب ثقيل نوعا ما ومشاكل

جوفوا ايش صار معاي XD

[video]http://instagram.com/p/oDmJdCS4Ff/[/video]

الجرافيكس سيء جدا والالوان مزعجه ولو لعبت اكثر من ساعه اضطر احط كمادات في عيني بسبب الصداع...حتى ما اقدر استكشف المكان بسبب عدم الوضوح >_>

نرجع للمنصات...نظام ممتع لكن عيبهم انهم ركزوا عليه على حساب الاعداء...المعارك قليله وصعب احصل اعداء اقاتلهم عشان اطور قدراتي...هذا غير ان التحكم مب مريح واحس كأن دانتي يزلق وكذا مره خسرت طاقتي وجيم اوفر بسبب هالشي
ماحبيت القدرات...يس اغلبها من النسخه القديمه لكن ماحبيت استخدامها هني..مثلا الدبل جامب القفزه الثانيه ثقيله...الاندفاع للأمام في الهواء مافيه كونترول ويزلق دانتي اول ما ينزل...وبعدين وين الركض عالحائط؟ ولا انا ما طلعته ولا شسالفه؟ 😵
اخيرا...الاعداء مكررين اللهم لون غير او قرون زياده عشان يغيرون الاسم...مملين والقتال معاهم ينرفز مب لأنه صعب لأنه بايخ...الزعماء ينعدون على أصابع يد وحده ومافيهم شي مميز...المعركه الاخيره تذكرني بـdmc4 وقت القتال مع تمثال سباردا
المهمات السريه عاديه مافيها ابتكار..وفكرة المفاتيح بايخه لأنها تضيع وقت وحرام تخسر مفتاح على مهمه يمكن ما تقدر تخلصها ويروح عليك المفتاح (احد المهمات طلبوا مني قدره مافتحتها ولا ابيها اصلا >_>)



اخيرا

كل هالمفاشر من قبل نينجاثيري وكابكوم الغربيه والاستخفاف بديفل القديمه ومعجبيها والنغزه السخيفه اللي قطوها على المعجبين بداية اللعبه (الباروكه) عشان لعبه ما تجي بنص مستوى DMC2 حتى؟
ومع كل هذا الفشل والانتقاد اللي لازلت اقراه لين البارحه للريبوت اسمع خبر ان بينزل لها جزء ثاني...كابكوم راحت فيها خلاص...حتى لو هي اللي بتطورها بنفسها بدون نينجا ثيري...اساس القصه تافه وسطحي الا لو حصلت معجزه


​

 

[LegendaryK]

الحمد لله اني سحبت عاللعبة من بدري من شفت الثاني كيف مات سحبت عليه

ولما اعلنو عالثالث حطيت امل بسيط انها ترجع بعد مالعبتها قلت لابوها من سلسلة مافي الا الاول فقط وماعادت تهمني

وسحبت على كل الاجزاء ماعدى الاول طبعا ولدرجة اني مالعبت الرابع ولا فكرت حتى لاني اشوفها نسخة اخرى من الثالث

فما عادت تهمني ابدا هالسلسلة مهما قدمت كابكوم اجزاء الا اذا قالو الجزء الجديد راح يخرجها هايديكي كاميا مخرج الاول

 

[Super Shadow]

ههههههههه أراشي أحسج حطيتي المراجعة باللون الأحمر عشان تطلقين العنان في الحش XD

عموما ما قلتي رأيج عن غياب " اللوك أون " ، لأن هذي من الأشياء الي أزعجتني باللعبة و صرت أضرب عدو ثاني بالغلط غير العدو المقصود >.>

بالنسبة للغلتش ، هههههههههه لا تعليق XD

كل هالمفاشر من قبل نينجاثيري وكابكوم الغربيه والاستخفاف بديفل القديمه ومعجبيها والنغزه السخيفه اللي قطوها على المعجبين بداية اللعبه (الباروكه) عشان لعبه ما تجي بنص مستوى DMC2 حتى؟

تدرين أن الفانز القدامى للعبة كانو يفكرون يعطون هذي اللعبة فرصة و يجربونها لكن بعد ما شافوا لقطة الباروكة و عطوهم في الوتر الحساس زاد كرههم للعبة دبل :joy:؟

عن نفسي لو أنهم ما نزلوا الDLC حق لبس دانتي القديم ما كنت بكملها الصراحة ، تصرفاته السخيفة ممكن أبلعها لكن شكله ؟ لووول

على كل حال ماني متحمس لأي سيكول من ها النوع

 

[Arashi]

LegendaryK

شوي استأت من الجزء الرابع من طور دانتي لأن التحكم فيه شبه اوتوماتيك...والقصه والرومانسيه التخريبيه...بس كبر في عيني بعد ما لعبت هالريبوت الزفت


Super Shadow

ههههههههه من ايام ذلك المنتدى وانا مخصصه اللون الاحمر لموضوع ديفل ماي كراي...والحش شي اساسي XD
اللوك أون فعلا غيابه سبب لي شوية مشاكل بس ماكانت كارثيه...كأن الاخر كان يعرف منو الاعداء اللي منشنه عليهم :satisfied:

ايه لقطة الباروكه رفعت ضغطي...وخلتني من البدايه اخذ فكره اسوأ من الفكره السيئه اللي خذتها عن اللعبه...والله شاكه ان اينافوني تعمد يتدخل في شغل نينجا ثيري عشان اللعبه تفشل ويخرب بيت كابكوم قبل ما يطلع (او ينطرد) منها :neutral_face:

على فكره...على كل كثر ما علقوا على ديفل القديمه ترى هم غصبن عنهم قلدوها في شغلات عشان يحاولون يجذبون الناس لها لكن اللي يضحك ان هالتقليد سبب تناقضات XD

كذا مثال:

شخصية دانتي اللي من الاول خططوا تكون عنيفه وثقيله (وتدخين) على اساس انه تعقد من ماضيه والتعذيب في الطفوله...عقب من كثر الانتقادات سووه يا زعم عبيط وينكت وعليه علاقات مع البنات...وين اللي كانوا يعلقون على عبط دانتي القديم؟ XD

اخراج المعركه الاخيره مع فيرجل...فجأه فيرجل#2 اللي تحسه مسكين وضعيف ويحب اخوه يقلد فيرجل القديم في تصرفاته ونظراته خاصة هالوضعيه والتعابير الخبيثه في هالصوره

ونسيت اذكر عيبين....لقطات اكشن وحركه وقتال مافي خير شر بسبب ضعف المحرك...والحركه في المقاطع سيئه جدا ممكن تلاحظها عدل في المقطع اللي يطعن فيه فيرجل موندس (او ماندس XD)

الدقيقه 4:10

[video=youtube;h81rua3OFZA]http://www.youtube.com/watch?v=h81rua3OFZA[/video]


اللي يعرفون نينجا ثيري عدل والعابهم يقولون هذا اصلا مب مستواهم...ليش خربوها بهالطريقه ما يندرى...مافي في بالي غير المجرم اينافوني XD

 

[NO1]

اللي يعرفون نينجا ثيري عدل والعابهم يقولون هذا اصلا مب مستواهم...ليش خربوها بهالطريقه ما يندرى...مافي في بالي غير المجرم اينافوني XD [/B][/COLOR]

هذا أصلا مستوى الأستديو ... متدني

 

[JIN KAZAMA]

مستغرب من اللي ينتقدوا دانتي في الجزء الجديد ! شخصيته كانت جيده وماانزعجت منها خالص ! بالمقابل ؟ فيرجل عملوا فيه جرائم ! غير الشخصيات العبيطه الثانية :\

 

[LegendaryK]

اراتشي

تدرين انا ساحب عالسلسلة بكبرها ولا اعترف الا بالاول لكن قسم بربي لما شفت الاخير

قلت نفس الكلمة بالضبط الرابع يعتبر نعمة بالنسبة للريبوت المخيس ولو اني مالعبته

لكني اعتبره الافضل بين الاربع اجزاء من الثاني للريبوت باستثناء الاول هذا خارج المقارنة

والسبب ان الثاني سيئ جدا والريبوت اسوأ والثالث والرابع زي بعض لكن عالاقل الرابع يعززه الجرافكس

وبصراحة بالنسبة لي تصاميم الوحوش ارحم بترليون مرة من تصاميمهم في الثالث المخيس اللي كلهم

من صغيرهم لكبيرهم عندهم محش

 

[W.W.W]

Arashi انتي رهيبه , الله يسعدك دنيا وأخره , صنعتي يومي :laugh::

ولو اني اختلف معاكي في بعض النقاط , بس مو مشكله 🙂

محمد ترا Arashi فان لسلسلة ديفل ماي كراي مثلي وتحب الجزء الثالث اكثر مع العلم انها تعترف ان الاول كان اكثر تكاملا , وانا اوافقها ان الثالث حتى الرابع فيه اجابيات تتفوق على الاول , على الاقل هالجزئين فيهم روح ديفل ماي كراي

مش الريبوت الي ما له دخل في السلسله لا من بعيد ولا من قريب , صارت لعبة شوارع ومراهقين وروبوتات وديسكو واباحيه وغباء -_-" , عالم اللعبه سخيف وما ادري كيف ان نفس الناس الي لعبوا الجزء الاول , جالسين يمدحونها , شي غريب والله

يالله على الاقل طلعنا بجزء يحمل كومبوهات حلوه , حتى مع ذلك الاطارات نازله والمحرك الخايس عكر الجو

 

[W.W.W]

والسبب ان الثاني سيئ جدا والريبوت اسوأ والثالث والرابع زي بعض لكن عالاقل الرابع يعززه الجرافكس

وبصراحة بالنسبة لي تصاميم الوحوش ارحم بترليون مرة من تصاميمهم في الثالث المخيس اللي كلهم

من صغيرهم لكبيرهم عندهم محش

هو صحيح الثالث تصاميم الوحوش والاتموسفير جدا غبيه بس على الاقل كان فيه طابع سوداوي مناسب لسلسله مش الريبوت الي قلب لنا الحياه ملونه ومراحل ديسكو , تحس الفريق يبي ينوع بدون عقل

انت ما جربت الرابع يا محمد , هو اكيد الجرافكس والاتموسفير ممتاز وافضل من الثالث , بس داونجريد أليم من ناحية الجيم بلى وكان مكرر وممل -_-

ما اعتقد عندك سبب تلعبه اذا ما عجبك الثالث , بس ممكن يعجبك اكثر منه ليش لأ (&)

وضع الثالث والرابع , زي وضع رزدنت ايفل5(دمك الثالث) ورزدنت ايفل6(دمك الرابع)

وابشرك , منتج دمك4 اسمه كوباياشي هو نفسه منتج رزدنت ايفل6 xD

 

[LegendaryK]

عبد الله فكرة تشبيهك ممتازة لكن لو تعكس تكون اصبت قمة التشبيه

دمك 1 اهي الاصل واهي اللي تحمل الروح والنكهة الاصلية لانها الاساس كما هو الحال في ريزي 4 بالنسبة لاجزاء ريزي اللي جات بعدها

دمك 3 جيم بلاي وكومبوز لكن مشكلتها اختربت باشياء كثيرة عن روعة واتقانها في الاول وتحتاج للصقل كما هو الحال في ريزي 6 بين اجزاء ريزي من بعد الرابع

دمك الرابع مرتب ومصقول اكثر بكثير من الثالث لكنه بعيد اكثر من الثالث عن روح دمك الاصلية كما هو الحال مع ريزي 5 بالنسببة لاجزاء ريزي من بعد الرابع

 

[W.W.W]

شكلك نسيت رزدنت ايفل4 >_>

رزدنت ايفل4 هي الي بمثابت دمك1

رزدنت ايفل5 (دمك3)

رزدنت ايفل6 (دمك4)

اذاً دمك3 يحتاج صقل

اجل ايش تقول عن دمك4 ورزدنت ايفل6 ؟ xD
هذولا يحتاجوا اعادت تطوير اللعبه من الصفر
اثنينهم العاب مكسوره حرفيا وكله ببركات كوباياشي , كل مشروع يطب فيه يخرب ابوه

 

[NO1]

نععععععععععععععععععععععععم !!!
ريزي 5 ..دمك 3!!!
سلامات

 

[W.W.W]

نععععععععععععععععععععععععم !!!
ريزي 5 ..دمك 3!!!
سلامات

دمك3 > ريزي5

مع ان المستوى واحد واثنيهم العاب جيده جدا , بس دمك3 احب لقلبي يكفي انها حافظة على بعض اساسيات السلسله اكثر من رزدنت5 مع سلسلتها

 

[NO1]

دمك3 > ريزي5

مع ان المستوى واحد واثنيهم العاب جيده جدا , بس دمك3 احب لقلبي يكفي انها حافظة على بعض اساسيات السلسله اكثر من رزدنت5 مع سلسلتها

شيء طبيعي محافظه على السلسله لأنه الشخص الي عملها نفسه الي عمل أول جزء

ريزي 5 لا مش نفس الشخص الي عمل الاجزاء السابقة
مقارنة خاطئة ::::

 

[MH MD]

اثنينهم العاب مكسوره حرفيا وكله ببركات كوباياشي , كل مشروع يطب فيه يخرب ابوه​

ناه دمك 4 مش مكسورة ، اللعبة ممتازة من ناحية ميكانيكيات اللعب وتصميم المراحل لكن مشكلتها في فقر المحتوى وتكراره مرتين حتى يطول عمر اللعبة.

تشبيهه بريزي 6 جريمة!

 

[LegendaryK]

سلامات من قالك اللي سوا دمك 3 هو نفسه مخرج الاول !!! ولا يقرب منه حتى فررررق شاسع بين الجزئين والاسلوب

لكن الثالث يعتبر اقرب للاول من غيره بالاتموسفير ونعم مش مصقول يا عبد الله وواضح جدا هالشيء

اقصد بكلامي انه مش مصقول للعيوب التالية اللي راح اذكرها

1 - الجرافيكس الاسوأ في السلسلة والريزلوشن واضح انه الاقل ايضا

2 - الاسلحة الشوتينج مال امها داعي استخدامها عادي جدا الى سيئ وماتحس بقيمة التنوع بالاسلحة ولا بقيمة السلاح نفسه

3 - تصاميم الوحوش عبيطة جدا ومو مرتب ومتشابهين كثير بالاشكال وماعندهم هجومات متعددة
وبعضهم لاشكل ولا هجوم هو وقلته واحد والتراب اللي يطلع من اغلبهم لما تضربه بدال الدم
فكرته غبية وتضيع متعة النظر الى الضرب والكومبوز

والقصة اللي مادري ايش تبغى عروض واستعراض حلو اوكي لكن القصة تحسها خربطيشن وفلسفة غبية

 

[W.W.W]

شيء طبيعي محافظه على السلسله لأنه الشخص الي عملها نفسه الي عمل أول جزء

ريزي 5 لا مش نفس الشخص الي عمل الاجزاء السابقة
مقارنة خاطئة ::::

صحح معلوماتك

دمك1 مخرجها هو كاميا مخرج (رزدنت ايفل2 وبايوينيتا فيوتفل جو والرائعون101 واوكامي) المنتج كوباياشي (اعتبره وجوده مثل عدمو) والمنتج التنفيذي شينجي ميكامي

دمك2و3و4 مخرجهم واحد اسمه Hideaki Itsuno

منتج الجزء الثاني والثالث هو Tsuyoshi Tanaka , سمعت ان بعد اجتهاد منه , طلع كامل افكاره على الثالث وطلع لنا بمنتج افضل من الثاني بكثير

منتج الجزء الرابع هو كوباياشي (سيد جيبات العيد) قدر يرجع روح الجزء الاول المفقوده بشكل جزئيه من ناحية البيئات والمناطق الاتموسفيره , عودت المناطق المعماريه المزغرفه والفنيه والقصور والى اخره

بس كسر وزنية الجيم بلى عن السابق وكان له تأثير سلبي واضح عن الجزء الثالث , ما ادري ايش الي سواه , لكن الAI مكسور جدا مقارنتا مع الثالث , الشياطين هدفهم يقولوا لك تعال اقتلنا , لدرجة اني نسيت ايش كانت نوعية هجوم المهجرين في هذا الجزء , اشك اني شفتها من قبل XD

 

[W.W.W]

لكن الثالث يعتبر اقرب للاول من غيره بالاتموسفير ونعم مش مصقول يا عبد الله وواضح جدا هالشيء

اقصد بكلامي انه مش مصقول للعيوب التالية اللي راح اذكرها

1 - الجرافيكس الاسوأ في السلسلة والريزلوشن واضح انه الاقل ايضا

2 - الاسلحة الشوتينج مال امها داعي استخدامها عادي جدا الى سيئ وماتحس بقيمة التنوع بالاسلحة ولا بقيمة السلاح نفسه

3 - تصاميم الوحوش عبيطة جدا ومو مرتب ومتشابهين كثير بالاشكال وماعندهم هجومات متعددة
وبعضهم لاشكل ولا هجوم هو وقلته واحد والتراب اللي يطلع من اغلبهم لما تضربه بدال الدم
فكرته غبية وتضيع متعة النظر الى الضرب والكومبوز

والقصة اللي مادري ايش تبغى عروض واستعراض حلو اوكي لكن القصة تحسها خربطيشن وفلسفة غبية

اقرب ايش ؟ ههههه , الجزء الثالث ازفت اتموسفير في السلسله اصلا , والمراحل تصميمها بدائي جدا والبيئات تفاصيلها قليله , لو اني ما احب توجه الريبوت كان فضلت اتموسفيرها عليه
حتى الشيطاين , بعضهم بافكار هبله , اجل تقاتل شطرنج ؟ >_>

الجزء الوحيد الي رجع روح السلسله هو الرابع , يب رجعها بشكل اتموسفيري ولا يقل عن الاول ايضا وعلى شانا نتكلم عن كابكوم , فالرهيب ما يكمل عندها والنتجه طلعنا بأتموسفير رهيب مقارب للاول واكثر جزء مكسور ومضروب في السلسله بجانب الثاني

 

[W.W.W]

ناه دمك 4 مش مكسورة ، اللعبة ممتازة من ناحية ميكانيكيات اللعب وتصميم المراحل لكن مشكلتها في فقر المحتوى وتكراره مرتين حتى يطول عمر اللعبة.

تشبيهه بريزي 6 جريمة!

مكسوره ونص , انا خاتم اللعبه ترليون مره يا محمد , لا تعلمني فيها رجائا @@

المهرجين على قولت محمد الاسطوره خيشات رز تقول لك تعال اقتلني , حرفيا اقفز وسحبهم بيدك عن بعد وخلاص , 100% بتقتلهم وانت مستريح

نفس الشي مع زومبي رزدنت ايفل6 الي تقتلهم بالكارتيل بدون الحاجه لأستخدام المسدسات

 

[LegendaryK]

مادري انا حسيت بيئة الثالث اقرب للاول اكثر عشانها فيها مناطق ظلمه اكثر ويحاولون يقلدون الاول

الرابع احس يشبه الثاني اكثر في البيئة لكن بالنهاية اقول لا الثالث ولا الرابع الاثنين سوا وعجينة وحدة

اثنينهم الاعداء زفت وجايين يقولون لك تعال اضربنا واستعرض علينا لكن عالاقل التنوع والاشكال بالرابع احلى وارتب

المثل يقول ال.... اخت ال....

اكمل الفراغ هههههههههههههههههههه

 

[W.W.W]

الثالث احسن في الجيم بلى , والرابع افضل في الاتموسفير والنتجه طبعا بكون الثالث افضل لان الجيم بلى هو الاهم في كل شي

الثاني بيئاته كانت جيده وحلوه , والرابع كان افضل , والاول براحه احسنهم اتموسفيريا في كل شي

طبعا لو بنتكلم عن اكثر جزء مكسور , فالجزء الثاني مخذ المركز الاول بجداره :thumbsup:

 

[LegendaryK]

مكسوره ونص , انا خاتم اللعبه ترليون مره يا محمد , لا تعلمني فيها رجائا @@

المهرجين على قولت محمد الاسطوره خيشات رز تقول لك تعال اقتلني , حرفيا اقفز وسحبهم بيدك عن بعد وخلاص , 100% بتقتلهم وانت مستريح

نفس الشي مع زومبي رزدنت ايفل6 الي تقتلهم بالكارتيل بدون الحاجه لأستخدام المسدسات

عبد الله

انا شفت فيديو واحد يلعب دمك 4 وكل قاعد بالهوا فوق وكل شوي يسحب واحد يقتله واللي بعده وهكذا

يعني مانزل الارض الا بعد ماصفى الاعداء اللي تحته كلهم !!!

لكن هذا مو عيب الai للاعداء هذا عيب نيرو نفسه مقوينه زيادة فهم عندهم حاجتين اما يقوون الاعداء او يضعفون نيرو

حتى يوزنون الصعوبة والقيم بلاي وهذا عيب الرابع الوحيد مقارنتا بالثالث من ناحية الصقل

اما الثالث حدث ولا حرج كثرة عيوبها لا من جرافيكس وريزلوشن ولا تصاميم وحوش ولا من اسلحة شوتينج ولا من ضعف ai الاعداء ولا من المؤثرات الناتجة عن الضرب والكومبوز يعني مخربطة وتحتاج تعديلات كثيرة

 

[W.W.W]

نفسي اقيم السلسله كلها بما اني فاضي (&)

الاتموسفير
الثالث تقييم 5 من 10
الريبوت تقييم 6 من 10
الثاني تقييم 8 من 10
الرابع تقييم 9 من 10
الاول تقييم 10 من 10

الجيم بلى مع الكومبوهاته وال AI
الثاني 5 من 10
الرابع 7 من 10
الثالث 8 من 10
الريبوت 8 من 10
الاول 10 من 10

الساوند تراك
الريبوت 5 من 10
الثاني 8 من 10
الثالث 10 من 10
الرابع 10 من 10
الاول 10 من 10

القصه او الكات سينز
الثاني 2 من 10 :yuck::
الريبوت 6 من 10 يمشي الحال >_>
الرابع 8 من 10 , القصه بيض , بس الاكشن مب طبيعي @@
الثالث 9 من 10 القصه مقبوله, بس الاكشن أسرني ! >_>
الاول 9 من 10 القصه جيده , ادت الغرض الي عليها والكات سينز يعتبر قليل , رغم ان في لقطات لذكرى

الجرافكس
الثالث 6 من 10
الثاني 8 من 10
الريبوت 8 من 10
الرابع 9 من 10
الاول 10 من 10

الانميشن والمؤثرات البصريه
الثاني 6 من 10
الثالث 7 من 10
الريبوت 8 من 10
الرابع 10 من 10
الاول 10 من 10

البيئات وتفاعلها مع الجيم بلى
الثالث 5 من 10
الرابع 6 من 10
الثاني 7 من 10
الاول 9 من 10
الريبوت 10 من 10

 

[W.W.W]

عبد الله

انا شفت فيديو واحد يلعب دمك 4 وكل قاعد بالهوا فوق وكل شوي يسحب واحد يقتله واللي بعده وهكذا

يعني مانزل الارض الا بعد ماصفى الاعداء اللي تحته كلهم !!!

لكن هذا مو عيب الai للاعداء هذا عيب نيرو نفسه مقوينه زيادة فهم عندهم حاجتين اما يقوون الاعداء او يضعفون نيرو

حتى يوزنون الصعوبة والقيم بلاي وهذا عيب الرابع الوحيد مقارنتا بالثالث من ناحية الصقل

اما الثالث حدث ولا حرج كثرة عيوبها لا من جرافيكس وريزلوشن ولا تصاميم وحوش ولا من اسلحة شوتينج ولا من ضعف ai الاعداء ولا من المؤثرات الناتجة عن الضرب والكومبوز يعني مخربطة وتحتاج تعديلات كثيرة

محمد انت ما ختمت الرابع , فما اعتقد حكمك صحيح >_>

كيف مب عيب ؟ في الثالث مشكلين وفي منهم الهجومي ومنهم المختفي وكلمهم يظهروا مع بعض في كثير من المناطق , فوزنية اللعبه كانت كويسه , الAI ما كان خارق , بس كان جيد ومش مكسور
الجزء هذا يخليني اضطر اتشقلب واناور

الرابع هو الي حدث ولا حرج , الجيم بلى ما له طعم , اترك الناس الي مسوين كومبوهات في اليوتيوب , المسأله بسيطه جدا , انت لمن تقفز في الهواء عندك مجال تسحب لك 4 مرات او 5 مرات متتاليه وتقذف الاعداء في الارض واذا نزلت اقفزه مره ثانيه وهكذا , وين المتعه في كذا ؟ والي زاد الطين بله الAI التعبان , المهرجين على شان يضربك يحتاج له 3 ثواني يستوعب انك قدامه ههههه غير ذلك هو اصلا بطيئ جدا

طبعا الجيم بلى في دانتي مصخره , مسوينه خارق جدا ! يعني هم الحين فرحونه بقوته ولا ايش ؟ ههههه

كل العيوب الي ذكرته في الثالث أهون لي من اني العب بلعبة مكسوره

الثالث لحد الان اقدر العب فيه وادمن عليه اذا بغيت , لكن الرابع ما اقدر امسك اليد دقيقتين من الملل

 

[LegendaryK]

شكلك نسيت رزدنت ايفل4 >_>

رزدنت ايفل4 هي الي بمثابت دمك1

عبد الله وانا شقلت !!!

اقرا كلامي عدل وفهمه

 

[Arashi]

أفهم من الحوار اللي دار بينكم ان الجدل كله حول الاجزاء 1و3و4 منو أفضل واحد فيهم (شكلهم الثاني والريبوت مهمشين XD)

كل كلامكم صحيح الصراحه لأن لكل جزء مزايا وعيوب...حتى الجزء الاول اللي يعتبر الافضل عند الغالبيه فيه نواقص (لكن مب عيوب)

بالنسبه لي كرأي شخصيي

الجزء الاول...جرافيكس ممتاز وقصه رائعه كبدايه تعرفك على سلسله جديده...المعارك حماسيه لصعوبتها مقارنة بكل الاجزاء اللاحقه خاصة الزعماء الخطيرين...الاسلحه على قلتها قويه جدا وتحسسك بقوتها والديفل تريجر هو الافضل في هالجزء...واحسن سلاح قفازات هو قفازات عفريت :thumbsup:
المهمات السريه فتاكه وفيها صعوبه ومميزه والتنوع فيها ممتع
لكن في كم شي ناقصه: الزعماء عددهم قليل...كفايه تكرر المعارك مع زعيمين العنكبوت والطير...اللعبه قصيره مع ان عدد المهمات اكبر من الباقي (بس صعوبتها مطولتها شوي)...الاسلحه قليله جدا مع انها فتاكه

الجزء الثاني...كارثه عظمى لا تستحق الذكر >_>

الجزء الثالث...اول شي بقول لكم سغله مهمه...ترى هالجزء موجه للبنات اكثر لاحظوا القصه والعلاقه بين الاخوين والملابس والكشخه ووجود بنت في وسط القصه (هذا تحليل اخوي ترى هههه)...فما أستغرب من كره بعض الشباب للقصه بشكل عام...لكن من وجهة نظري (كجيمر مب كبنت XD) هالحزء اول جزء في السلسله يحتوي مقاطع وحوارات مطوله مقارنة باللي قبله...كفايه انه جاب لنا ماضي دانتي وعرض فيرجل لأول مره واظهر الاختلاف بين الاخوين وبعض المعلومات عن والديهم...اللي احبطتني هو ان في كلام مهم في الحوار حذفوه مع الاسف والا كانت القصه بتكون احسن (هي جمل بسيطه لكن معناها كبير)...الجيم بلاي ماعليه كلام...سرعه وحركه وكومبوهات قويه...عدد أكبر من الاسلحه المتنوعه وعدد اكبر من الزعماء وحلوه فكرة انك تاخذ سلاحك او مهارتك بعد معركه طاحنه مع الزعيم...أعترف ان الاعداء العاديين سهلين لكن معارك الزعماء عجيبه وفيها تنويع...الجرافيكس فعلا مب لين هناك لكنه ارحم من الريبوت اللي بطت عيني من ضبابيته وسوء اختيار الالوان >_>...الديفل تريجر متواضع لكن على قولتهم عشان له علاقه بالقصه وبداية دانتي
باختصار...عيوب هالجزء امور ثانويه

الجزء الرابع...اعتبره نسخه معدله للجزء الثالث من حيث الجرافيكس...محرك فتاك واللعب سلسل وخفيف...فكرة يد نيرو جيدده عالسلسله وسيف نيرو اضافه مميزه بحيث انك تقدر تعمل فيه كومبوهات بشكل جديد...العيب في القصه المكرره...شايب شرير يطمع في قوة سباردا...ايش يقرب لآركام؟ XD .... الرومانسيه بايخه وتعلق نيرو بكيريي ضيع جو ديفل ماي كراي (عاد هذا موجه للبنات الدلوعات مب الجيمرز -..-) لكن ظهور دانتي كـlife saver تغيير حلو للقصه...لكن استعجلوا وكبوره في السن وخلوا نيرو يكون ابن فيرجل دمار ساحق للسلسله كلها (وسبب الريبوت)...التكرار مشكله انك ترحع لنفس المناطق مره ثانيه...التحكم بدانتي شبه اوتوماتيكي ومهاراته تكرار للجزء الثالث فضاعت نص اللعبه عالفاضي...اجواء اللعبه حلوه ومثل ما قلتوا تشبه الجزء الاول...الالغاز ممتعه والمعارك ضد الزعماء عجيبه خاصة الثعبانه...بس الاعداء العاديين سهلين ومملين
عيوب كثيره لكنها ما كرهتني باللعبه بس ما لعبتها فوق الـ5 مرات مثل الجزئين الاول والثالث

الريبوت وما ادرات ما الريبوت XD .... مادري اذا اساويه بالجزء الثاني او احطه تحت ريوله XD ... قصه وانتوا ادرى ببشاعتها...لكن بعض المواقف كانت حماسيه وللمره الاولى في السلسله يصير احتكاك مباشر مع العالم الخارجي (عالمنا الطبيعي يعني) فجفنا ناس ومدن وحياه عاديه وتحركنا في المدينه شوي...الجرافيكس والاجواء جابوا لي الصداع كذا مره..للمره الاولى في السلسله اللعبه تعلق ومليانه مشاكل...لكن كجيم بلاي تفوقت عالجزئين الثاني والرابع واقصد من حيث المهارات والاسلحه...لكن الاعداء بنفس مستوى الجزء الثاني..القبح والغباء والملل...الزعماء قليلين وعاديين جدا


لو كابكوم تاخذ بعض محاسن الريبوت وتدمجها مع جرافيكس الجزء الرابع وقصة الثالث واجواء الاول بتصير السلسله شي خطير @.@ <<< حلم ابليس بالجنه >_>


بما ان الموضوع اساسا عن الريبوت...فإيش المتوقع من الجزء الثاني؟ وهل بكون فعلا من تطوير كابكوم بدون اللجوء لأي ستوديو غربي؟
الله يستر بس...اتمنى ما ينتهي امر السلسله مثل حال رزدنت...مع في أمل ان رزدنت تتعدل لأن اساس القصه (من اول جزء) ممتاز...اما ديفل فالريبوت خرب كل شي -..-




تعديل:

http://www.relyonhorror.com/latest-news/capcom-registers-a-new-devil-may-cry-trademark/

كابكوم:

“We have not made any announcements regarding a new Devil May Cry title. No further comment at this time.”

تصريح من كابكوم انهم اساسا ما عطوا خبر عن أي جزء جديد للسلسله