اوك كلامي بيزعل البعض هنا
انهيت الجزء الاول لأول مره .. سابقا كنت لاعب الجزء الثالث والرابع فقط.
بتكلم عنه بالتفصيل :
الجيمبلاي .. طالع جدا بدائي، الحركات جدا محدوده والاسلحه الرئيسية عددها 4 وثلاثه منها نفس بعض بالضبط فقط سلاح واحد مختلف !
الزعماء .. مملين وعددهم قليل وقتالاتهم تنعاد كذا مره طول اللعبه، زعيم واحد منهم فقط كان مسلي، طبعا الزعيم الاخير قتاله كان :emoji_face_palm:.
المناطق .. دايم اسمع مدح كبير للقصر وتصميمه وكيف ان فلسفه تصميمه قريبه لقصر سبينسر من ريزيدينت ايفل 1 .. كنت متحمس لهالشيء لكن انحبطت، اغلب الوقت جالس امشي بخط مستقيم والخريطه تعلمني وين لازم اروح، ايضا مين فكر يحط جزئيات بلاتفورم ومراحل مويه في اللعبه ! لأنها كانت جدا كارثيه !!
اشياء اخرى بتكلم عنها مع بعض .. الشخصيات والقصه كانوا عاديين بكل امانه، الاعداء انواعهم قليله، اللعبه جدا قصيره انهيتها بخمس ساعات وربع فقط ! ايضا دايم اسمع ان اللعبه مليانه اتموسفير ومن هالكلام بس ماحسيت بأي اتموسفير فيها بصراحه @@
أتفهم قد ايش الجزء الاول كان شيء كبير وممتاز على وقته، لكن ما اظن انه باقي للان بهذا المستوى بمعايير اليوم.
حاليا جالس العب الجزء الثالث ومستمتع كثير .. ما اقدر اشوف كيف الجزء الاول احسن من الثالث بأي شكل من الاشكال !
رغم اني عاشق كبير للجزء الاول بس كلامك مازعلني ومتفهم ليش ما اعجبك الاول وبصراحة مالومك لانك لعبت الثالث قبل وحبيته وتعلقت فيه صعبة تجي بعدين وتحب اللي قبله الا اذا تعمقت فيه ولعبته باحترافية !!
في عدة نقاط لازم تفهمها قبل ماتحكم
اولا لازم تتجرد من تعلقك باي جزء لاحق بعد الاول اذا كنت معجب جدا فيه ولا تقارن فقط العب اللعبة كما هي
ثانيا لازم تفهم فلسفة تطوير اللعبة كويس
ثالثا لازم تراعي الحقبة الزمنية اللي نزلت فيه يعني لاتتوقع شيء ضخم يوازي العاب هالاجيال
ولازم تعرف بعض الامور اللي ذكرتها كسلبيات او مو ذاك الشيء مثل الاتموسفير طيب اذا ماكان الاتموسفير واو
بس مافي جزء ثاني افضل منه وهالشيء نقطة ايجابية تحسب للاول صح ولا لا
جيب لي جزء افضل منه بالاتموسفير ماراح تلقى !!
اما لو بتقارن الثالث بالاول شنو اللي افضل منه في ؟
ولا حاجة حرفيا باستثناء الكومبوز وكثرة العروض
- اول شي الاساس شخصية دانتي الاول موزونه صح
لاهو الثقيل مرة زي الثاني ولا المراهق المعتوه زي الثالث
ولا لبسه اللي صاير كانه منحرف !! دانتي الاول تصميم وشخصية افضل جزء
- لو تجي للوحوش العاديين وهذا اهم نقطة باي لعبة هاك/سلاش الاول يتفوق كتصاميم واساليب قتالية وتنوع وقوة ووحشية عن باقي الاجزاء وكل وحش له نقطة ضعف شغل متعوب عليه بذمة وضمير باستثناء الحشرات حاطينهم عشان اتموسفير وتكسب منهم اوربز
- الميني بوسز الافضل بالالعاب كلها مو فقط سلسلة ديفل !! خصوصا الخروف والفهد الاسود قتالهم لحاله حكاية !!
- الزعماء رغم قلتهم لكنهم يسدحون كل وحوش الثالث
اما قضية تكرارهم لازم تعرف ان هالشيء عشان يخدم القصة لان كلما تهزم زعيم يجيك مرة ثانية اقوى واكثر حركات من قبل وهذا شيء ايجابي ومميز بالاول ويعتبر من مفاجآت القصة ويخدم القيم بلاي بنفس الوقت
اذا بنقول شيء سلبي فهو قلتهم فقط ولا اشوفه شيء يخرب عليك التجربة
- القصة وغموضها افضل من الثالث اي نعم الثالث اللي خدمه كثرة الكتسينز واغلبها اكشن وهذا اللي يتفوق فيه عن الاول
- الاسلحة النارية اللي تقول قليلة لكن كلها لها قيمة فعلية بهالجزء خصوصا الاعداء بعضهم ياثر عليه سلاح اكثر من سلاح وايضا الهيت ريأكت الافضل بالسلسلة خصوصا الشوتقان يعطيك شعور الانتقام والرضا لما تنثر فيه الاعداء ويبرز شخصية دانتي شوف بس لما يتمشى وهو ماسكه ياشيخ ولا التيرمونيتر !!
- التحول الديفل تريجر افضل شيء بالسلسلة لان له حركات خاصة ورهيييبة ومتعوب عليها مو فقط شكل وسرعة زي باقي الاجزاء !!
وحتى اسلوبه وفكرته هي الافضل من باقي الاجزاء التاثير حقه على جسم دانتي فضيع خصوصا لما يكون واقف وتشوف البرق يسري بجسمه واذا تحرك دانتي يطلع وراه ظلال شكله متكرر ومع الحركة السريعة واذا ضرب دانتي هنا يطلع شكله الشيطاني ومعاه وميض ينور الجدران بالظلام !!
ايضا تأثيره عالاسلحة احلى شي بهالجزء خصوصا المسدسات
فانز الثالث لازم يعرفون ان متعة الاول مش بالكومبوهات اللي يصنعها دانتي بضربات السيف !!
اللي يلعب الاول ويبغى يطبق اللي حبه بالثالث لايتعب نفسه
لازم يعرف ان الاول متعته بالموارد اللي عندك لما تعرف كيف تستخدمها ولازم تلعب اللعبة اقل شي عالنورمال لان الايزي يخرب عليك التجربة بشكل كبير ولازم تجرب الهارد عالاقل
الاول متعته في التفادي وضربات السيف الكهرب او العفريت والشعور اللي تعطيك هالضربات قوي ومرضي مثلا لما تنزل بضربة من الجو وتكسر راس الخروف كضربة نهائية ولا لما تسوي ستينجر يهز القصر هز ويكسر دروع السحالي ولا لما تتحول وتستخدم الضربات النارية بالعفريت كل ضربة تحس بقيمتها وعنفها تاثير الضربات هنا الافضل لانها تهز الشاشة بكل ضربة وسريعة جدا رغم انه يوقف بين كل ضربة وضربة وحتى الضربات النارية المتتالية السريعة لما تتحول ديفل على مجموعة اعداء او حتى ضربات السيف الكهرب او تستلم الاعداء بطلقات المسدس الكهربائية وانت متحول تحشره لين يموت وكيف تدمج بين السيف والاسلحة النارية
وكيف ان الاسلحة النارية مميزة خصوصا الشوتقان لحاله بس يكفي كيف تنثر فيه الاعداء شعور جدا مرضي وانتقامي والشوتقان بالاول يسدح كل اسلحة الثاني والثالث والرابع النارية
والمعافر ويا الفهود السود لحالها متعة خاصة !!
واستخدام حركات التحول الخاصة والاكشن والفوضى موجودة لكن بطريقة مختلفة تماما عن الثالث واذا عرفت كيف تصنعها تقدر تسوي فنك قوي جدا ومميز وبتحبها اكثر من اي جزء وانا متأكد وواثق تماما من كلامي
