كلامي فيه حرق عن الفلم
أكثر شي عجيب بهالفلم المكان نفسه Infinite Castle ال 3D وال CG خيال هالMap تحفة من الاستوديو. المؤلفة لازم تبوس راس الاستوديو كل يوم على هالابداع Visually (&). وطبعا مشاهد الأكشن كلها حلوة خاصة اللي مع أكازا خيالية. بس ال Inconsistency بالجودة مرات وفورمات الفلم كأني قاعد أشوف الحلقات فصعب أقارن هالفلم مثلا بفلم أنمي حقيقي نفس Akira. فبعتبره TV Series بس بالسينما وعادي استمتعت بالتجربة على الشاشة الكبيرة وفي لحظات سينمائية مرات. أحلى من فلم القطار بمليون مرة
الاوست كان حده عجيب عجيب التيكنو والجيتار 🔥 .
الVillain الأول اللي ضد شونوبو مو صاحي، مستفز بس ممتاز كفيلن مع باك ستوري بتشوف فيه لأي درجة اهو مو صاحي ومستفز ومو كل الVillains لازم تتعاطف معاهم وجذي. بس ما حبيت اللي صار بشينوبو، كانت تستاهل شيء أحسن.. حسيتها جدا ضعيفة ومالها قيمة كهاشيرا حتى رياكشن الشخصيات ما كانت قوية.. توقعت غيو يعصب ويفصل بس لا الوضع عادي كان بارد. بس لقطات الأكشن وجدية الموفق والرعب مع هال Villain شي عجيب. صح قاعد انتقد اللي صار بس بقول اللي صار كان Realistic وغير متوقع هني حتى ردة فعل غيو فاجأتني ومميزة.
الVillain الثاني اللي ضد زينيتسو، جدا غبي، القصة حلوة مؤثرة وحدها يابانية بس شخصية الشرير هذا ما اقنعتني ومو Fun. المعركة سريعة بس ضربة زينيتسو اللي ابتكرها وجديته هني حدها Epic. علاقته مع جده آخر شي لحظات حدها جميلة. وعندي ملاحظة الشرير هذا يشبه الولد الصغير اللي خون بهاشيرا الأول بالماضي.
الVillain الثالث أكازا Peak شونن. أكازا عطوه أحلى باك ستوري، اهو عكس الأول كان فيه خير كأنه توبي من ناروتو بس على مرجلة أكثر وأسلوب قتال أمتع، والله أسلوبه نار وشرار أكيد عجب
@خشبة جوه. اللحظة اللي كان يحاول يقتل نفسه فيها 10/10 ال Villain هذا بروحه سينما وهني فعلا حسيت الفلم صار فلم نفس الفلم الأول.
عن عيال زعيم الهاشيرا دورهم حلو كنت أقول وين ال Successors وطلعوا أخيرا بس مستغرب شلون قاعدين يرسمون خريطة حق هالمكان المعقد وبعمرهم هذا يديرون أصعب عملية بس سوالف أنمي فعادي. وحبيت طلة الهاشيرا المعتزلين وهم ال Bodyguards حدهم Cool.
اللي عجبني بعد اللحظات الكوميدية كانت شوية وبمحلها علشان تلطف الأجواء بس أشوه ما قلب كوميدي. شبعونا كوميديا بالموسم اللي طاف كانت حلوة بمحلها بس هني خلاص الأحداث جد وأتمنى الشيء هذا يستمر لا يخربون الجو. مثلا مابي زينيتسو يرجع حق غبائه والشخصيات بين الحياة والموت بس بستثني اينوسكي من الحسبة ابي يفصل أكثر ولا يصير درامي خخخ متحمس حق اللي راح يصير معاه.
موزان عطوه مشاهد قصيرة مرعبة مع السي جي والرسم مرة ثانية Visually شيء خيالي. في لقطة بعد المكان وهو يتوسع بعد كانت Mindblowing.
لو بتكلم عن العيوب أو الأشياء اللي اعتبرها Mixed أكثر. الحماس اللي يصير وقت الأكشن وبعدين فجأة باستوري يقطع الحماس، عارف العمل مو دراغون بول ونحتاح هالباكستوريز بس مادري حسيت ال Transition فيه مشكلة بس يمكن لأنه فلم. فكرت شنو الحل هني وما لقيت أي حل حق المشكلة هذه غير اني أشوف الأحداث على جلسات ومو طقة وحدة.
غير هذا تمنيت لو غيو خلوه أقوى، صح قدر يجاري أكازا واللحظة لما تطلع له العلامة عليه جدا نار والاوست خيال بس سيفه انكسر وتعب ولو مو مساعدة تانجيرو وأنه فجأة تعلم القدرة الخارقة كان بيموت. نفس المشكلة مع شينبو، بس حظها التعيس لأنها بروحها فماتت ببساطة، توقعتهم أقوى من جذي هالهاشيرا. بس أيضا الأعداء جدا OP وتانجيرو أنقذ الموقف بشيء OP أكثر منهم لول. شعوري Mixed هني لأني حبيت اللي صار Epic و Raw بس ال Power Scale يبيله تضبيط شوي. تانجيرو ما عندي مشكلة مع قدرته الخارقة كانت سينما لحالها بس شيء متوقع من بطل شونن. المشكلة يمكن هني انه سرق الاضواء وارتفع فوق الهاشيرا بكثير فجأة لكن بشكل مؤقت ومحدود. يظل Game Changer. فاهم الفكرة حلوة بس يمكن ال Execution مو أفضل شي حق أي مشاهد
بس في شي جدا جميل هني مع تانجيرو لما كان بيقتل أكازا من وراه وهو ما يدري، كشف نفسه بصرخة ومن استنتاجي الشخصي لأنه ما حب يغدر بواحد محارب نقدر نقول احترم اللي ضده كمحارب فحبيت تفكيره والثقة هني. حتى أكازا أكيد قدر الشيء من داخله. (وأنا صرت أسولف كأنهم ناس صجيين يامعود @). بس هني متعة الكتابة وتصرفات الشخصيات مو عشوائية دايما. من أروع ال Anime Experience بتاريخ الشونن والأنمي.
