أسف على الرفعه لكني لعبت ديد سبيس هالايام الي فاتت وخلصتها وحبيت اقول راي عنها <.< .
انا مو من محبين الجزء الأول اعتبرها متوسطه بسبب التكرار والمهمات الي مالها هدف بس روح صلح مادري شنو وروح اركض وطق فره بالمنطقه ورد وراح يخلص التشابتر لول ( القصد ان يعني لازم تمشي وتروح لاخر نقطه ومن ثم ترجع للقطار الي ينقلك مادري السب واي ويخلص التشابتر ) وطريقه عرض القصه العبيط الي ماكان راكب عليها ابداً.
صراحه ماكنت ناوي على الجزء الثاني لكن شفت فيديوات وحسيت ان فيها أبجريد عن الاول فقلت يالله دام ماعندي شي العبه هالأيام نهائياً وشريتها وخليتها اكثر من اسبوع تقريبا ومن ثم شغلتها.
بس صُعقت من التطويرات الي سووها أولاً البدايه الي تدخلك بالجو دايريكت, وجنه آيزك صار أخف؟ بالاول كان ثقيل! والتنويع فالمناطق وخلو آيزك يتكلم بطريقه حلوه مو مخربينه ومخلينه بطل الابطال او بطل امريكي سخيف لا بالعكس جدا لايق , طريقه عرض القصه والاهم من هذا سرد الاحداث جميل ويشد ويخليك تكمل وتبي تعرف شراح يصير , وأهم من هذا كله بالنسبه لي التواصل وماكو انقطاعات يعني تنتقل من تشابتر لي تشابتر وانت تلعب يطلع لك انك دخلت التشابتر الفلاني .. الخ , بدال لا تصير كأنها مهمات مثل الي حاصل بالجزء الاول وأيضا بالجزء الاول كنت أكره مراحل الجاذبيه لانهم كانوا مقيديني أما اهني! متعه وحريه كبيره بالتنقل على راحتك وتحس انك طاير بالهوى جد, وهم طريقه الاخراج ممتازه وحماسيه.
بالنهايه انا ماكنت اعتبر نفسي فان للجزء الاول لكن من بعد الثاني اعتبر نفسي فان للسلسله ومهتم للجزء الثالث! وسؤال اخير بما اني مو متابع اخبار اللعبه نهائياً في دي ال سي للسنجل بلاير؟؟
