رفعة اليمة للموضوع بعد خمس سنوات .
للتو ختمت اللعبة وجدا استمتعت فيها، البيسينق ثابت للعبة بس حبيته.. تبدي بالقطار تنزل منه، تستكشف شوية وتقاتل موجة اعداء، تروح لل Elevator وبعدين تروح لطابق ثاني.. وتركب نصعد اوتوماتيكي ، واخر مرحلة تدخل ال Gravity zero وتواجه لغز بعد ماتخلصه ترجع للقطار وتروح الشابتر الي بعده.
+ حبيت الفجعات الي باللعبة.. ومافيها اي امان تفتح باب فجاة يطلع لك بوجهك وحشين يستقبلونك بانهم يبوا يحضنونك.
كل خطوة تكون حذر منها خصوصا لما تركب لل Elevator يجوك وحوش من فوقك ، تمنيت انه اللعبة توفر منطقة امان مثل رزدنت ايفل حتى لما تخزن او تشتري سلاح يجيك وحوش ويغدروا فيك.. اجواءها توتر خصوصا مع شح الذخيرة.
البطل اسحاق يختلف عن بقية ابطال العاب الرعب بانه ماخذ له تدريب خاص ولا قنابل لما جى هنا جى يصلح السفينة الين صارت احداث فير متوقعة، يعتمد على اسلحة متناثرة حوالي ارجاء السفينة ماعدا سلاح واحد اخده.. ويطور على اسلحته ويقويهم بخبرته الهندسية.
ونظام اللعبة يجبرك تطور اسلحتك كامل لو تبيهم باكثر من تختيمة وتقدمك بالقيم بلي .
+ الاعداء يجبروك تنوع بالقيم بلي حسب نوعهم وتستعمل السلاح الي يناسبهم كنقطة ضعف لانه ضرباتهم عكس بقية اعداء الالعاب يضربوا دايركت على الراس يلصقوا فيه وبعضهم سريعين جدا فاحسن حل تبطئهم بتقنية تبطيئ الزمن وتطلق على رجلهم.
+ حبيت ان واجهة اللعبة ( HUD) نظيفة جدا وكل الاساسيات الي تحتاجها موجود بداخل بدلة اسحاق بظهرك ( عداد الطاقة ، كم ذخيرة عندك ، عداد ال Stensis كم بقى عشان يخلص ، ومؤشر الهواء) فمايسوون مساحة لك ومايكونوا زيادة عدد بمساحة الشاشة فمايحتاج تضغط ستارت مثل Resident evil الكلاسيكية عشان تشوف معدل طاقتكالوقت الوحيد الي تحتاج تضغط ستارت هو لما تبي تعدل بالانفنتوري تبعك.
+ عادة ماحب العاب الرعب بس انبهرت لما شفت منظر الفضاء جدا اتموسفيري ويخليك تقول واو وتوقف اللعب لمدة طويلة .
+ Zero Gravity استمتعت بمراحلها وتنوعها خصوصا مرحلة السلة ، حسيت انه فريق تطوير روكيت ليق استلهموا فكرتهم حق اللعبة من ذا اللغز.
+- الربع الاخير من العبة بالقصة يتحسن ويصير تطور بالشخصيات وبلوت تويستات تنفلت لك من كل مكان.. وللاسف صار في كليفهنقر بالنهاية ولازم العب الثاني عشان افهم شصار
منظر الدموي عاطي اللعبة هويتها وكيف التاثير الكبير يصير لما تطلق على الجثة وتتقطع اشلاء، يقلك ان مطورين اللعبة درسوا جثث واقعية وطوروا تصميم الجثث بناء على ضحايا حوادث السيارات وضحايا الحرب، والمطورين استغرقوا العديد من الساعات لمشاهدات افلام الرعب عشان يخلقوا الاتموسفير تبعه.
- تحكم الدبابة جدا ثقيل وسيئ وصعب انك تصوب على الاعداء.
- اداء البورت على ال PC لايخلو من مشاكل ، بداية اللعبة جاني Bug ماقدر اعبر اول باب لانه جهازي High end ويشغل اللعبة 200 ايطار ، اضطر اخلي اللعبة 30 ايطار V Sync عشان اقدر اعبر الباب.
- اللعبة مافيها زعماء ولا يتهيالي؟ ماتذكر الا واجهت الفاينل بوس.
- ال Checkpoints تمشي دقيقتين يطلع لك مكان تخزين ماتحس بالسرفايفر ، كيف الوضع بالهارد مودتقل السيف بوينتس؟ الامبوسبل مود صعوبته مكسورة مجرز ماتموت تضيع وقتك وتعيد بداية اللعبة ماتسوى.
-طبعا الساوندتراك ماطلعت ولا واحد منه للذكرى او يلصق للمخ.
Edit: نسيت اذكر اللعبة مافيها سكيب للمشاهد السينمائية فهذا يؤثر على لعبي بها تختيم ثاني.
جدا اعجبتني اللعبة باختصار ومتحمس للثاني، سؤال هل لازم العب ال DLCs او اشاهد اي فلم / اقرا كوميكس قبل مالدي الثاني؟ نزلت اصدارات واجد بفترةقصيرة للعبة عشان تكمل سلسلة وضيعتنا وياها.
اسف على الاطالة.
