طيب ادري انه سليب، وقلت انه بنسخة السويتش بس ومش باقي نسخ الريماستر
طيب اذا تدري ليش ما تقول عن طريق السليب؟ ولا تبي تمشيها على اللي ما يدرون عشان تقلل من اللعبة
خبيثين اعداء السولز
لسه كانت طريقة تم استخدامها كثير، ما قللت من التجربة بأي شكل، الا لو تعتقد انها اضرت بالتجربة، اجل ذي مشكلة كبيرة اذا اضافة شيء بسيط زي ذا يخربها، المفروض كانوا كنسلوا نسخة السويتش اصلا بما انها تدمر التجربة الفنية لهالحد....بس اللي شفته لا، كثيرين حبوا اللعبة عادي، اذا مش اكثر بسبب هالميزة.
معليش محمد اللي تحته خط من وين جبت المعلومة؟
طيب حلو ، تقول "اضرت بالتجربة" ، هو الفكرة مش انها تضر ، بس
تحرم التجربة نقطة فنية لصالح conventional methods
وبما انك جبت السيرة جمهور السويتش منوب واطفال ، على اساس بيدركون القيمة الفنية يعني ، مشي وتجاوز لهم
بعيد عن المزح ، كلمة تدمر وتخرب شي ماله دخل ، مو بالضرورة تكون عناصر تنهي التجربة وانا معك ، لكن درجة القوة والتأثير والجمالية مختلف ، وللامانة ما اشوفه مسوغ اني اتجاوز عن نقطة زي كذا بلعبتي عشان والله ممكن ينكب شاهي علي ، والله ممكن تناديني الوالدة
اللعبة تحاول تحطك في state معين
واشوف عدم وجودها ما يخدم التجربة ايجابيا اصلا، بل يخدمها سلبيا ، عادي يكون موضع انتقاد وين المشكلة، مش شيء مرتبط بظروف لكن شيء ناقص. انت زي اللي يقول انه سايبربنك مافيها عيوب لأنه ما صادفتك جليتشات، ولو صادفتك اصلا كان بالصدفة وشيء طارئ، ولو ما حصل لك الشيء الطارئ ذا ما كان انتقدت.
هذا ما يمنع ان اللعبة معيوبة ويمكن اصلاحها لتلافي هذي المشاكل اصلا، نفس الفكرة.
وجهة نظرك وذوقك ما نختلف معاك ، قول ما تعجبك وما قدمت لك متعة مللتك لين تشبع ، ذا رأيك ومن ابسط حقوقك تعبر عنه
لكن وجه الانتقاد للامانة مش مقنع ، وصاير اقرب ل حلطمة
سوو لي اللي ابغى ولا انتم خايسين
ما ينفع كذا ، ولا يمكن ان يسمى انتقاد ، ذا تشرط
الانتقاد الهدف منه معرفة مواطن الضعف وتبيينها للاخرين ، طبعا
ركز ان الضعف لازم يكون فعليا مو جالس يخدم التجربة و ليس ما يخدم اللاعب
صحيح اعطيك اياها على بلاطة ، دارك سولز ما تهتم بظروف اللاعب ، وذا جزء من فلسفتها
لا
دارك سولز تحاول تقنعك انها ما تهتم لك ولا تعتبر فيك وفي ظروفك ، تحشر لك ٢٠ هولو وساحر يطلق عليك من بعيد ، تحطك في بوس عدووين مكملين لبعض ، لا واذا مات واحد الثاني يسحب السول حقته ويصير اقوى! deal with it
طبعا راح تكون سلبية متى ، لو كانت مطبقة بشكل رخيص وذا بعيد كل البعد عن الصحة ، اللعبة فعليا مليانة حلول وهي تدفعك ل you figure it out
هي هدفها تحطك في مواقف وتشوف كيف انت تتعامل معها ، ولما تلقى الحل وتتجاوز العقبة ، يجيك شعور بالذكاء والاحترافية والانجاز
لذلك من وجهة نظري اللي اشوفه ان الشي هذا انتم مو قادرين تشوفونه ، وانا من خلال النقاش احاول اخليكم تشوفون الشي هذا ، ما عندي مشكلة اذا ما اعجبك بالنهاية ذوقك ، لكن تنكر جودته موال مختلف وهنا من واجبي اوريك ليش الشي ذا كويس ووش الهدف منه
يمكن تتغير وجهة نظرك وتستمتع مثل ما حنا استمتعنا
