الموضوع الرسمي Dark Souls التحدي المظلم يعود! فهل انت مستعد لكسر يد التحكم خاصتك مجددا؟(سبولرات)

[D1rk-Knight]

^
أحمد ربك ما أكلت جليتش أليم مثلي، انحرمت من البلاتينيوم حقي بسبب تروفي الأسلحة الغبي اللي مو راضي يطلع لي وحاليًا أفكر في حل للمعضلة قبل ما أرفع التخزينة على البلس وأحذف كل حاجة للعبة وأعيدها من الصفر. >_>

فيه واحد على المنتدى الرسمي أصابه جليتش ما طلع معه تروفي الوصول لمنطقة معينة في اللعبة. (اللي وصل لها يعرف أي تروفي أتكلم عنه)

 

[MALDINI]

انا شكلي مظيع ولا قابلتها ولا شي @_@ بشوف في البلي ثرو الثاني.

 

[14/08]

كوفننت blades of the darkmoon مشابه لفكرة الكوفننت Forest Hunter بحيث ان يتم استدعائك بشكل عشوائي لو لابس الخاتم تبعه الى عالم المجرم و عليك تقتله (الاستدعاء بالشكل ذا يدخلك عالم المجرم بدون ما يطلع له اي تنبيه), ايضاً يعطوك blue eye stone تخليك تغزو متى ما تبغى بدال نظام الاستدعاء.

اللي علمته بالأحمر ما أعجبني الصراحة لأنه كل اللي تحتاجه علشان تفوز هو Ring of Fog + Back Stab .
لكن مع هذا راح يكون الانضمام للكونفننت من أول الأشياء اللي اسويها في انور لوندو فقط للتجربة 🙂

 

[D1rk-Knight]

^
بامكانه يستعمل عليك المعجزة اللي تخليك ثقيل الحركة وسيف عريض والأمر محسوم لصالحه أو تعويذة Homing

 

[L O R D]

دارك نايت كم تروفي باقي لك عالبلاتينوم؟؟
انا مو ناوي عليه لكن تروفي الاسلحه اثار اهتمامي عشان اجرب اسلحة اللعبه او اشوفها عالاقل .. هل في قائمه معينه تتبعها او مجرد تستكشف و تطلعهم بنفسك؟

لاحظت انا ناس في book of the guilty قوة سلاحهم 800 تقريباً!!!! المشكله عندي نفس السلاح (Quelaag Furysword) و عندي هيومانيتي عالي لكن ما اشوف الدامج قريب ابداً من الي اشوفه بالشخصيه ذيك @_@

سالفة صارت لي في Anor londo:
كنت جالس انتظر احد يستدعيني او الكوفننت يستدعيني من نفسه (darkmoon ring), اول شي صار تم استدعائي من الخاتم و دخلت عالم المجرم و كان معه وايت فانتوم ما قدرت عليه..
المهم لمن رجعت و بعد فتره استدعاني المجرم بنفسه كـ وايت فانتوم و عرفت ايش كان يسوي XD , متخبي بزاويه و حاط خاتم الضباب و يدخلوا عليه بلاك فانتومز كثار!! جلست عنده و ساعدته ضدهم و قتلت يمكن 10 XD
بس بعدين جا واحد معه miracle الـForce قوي جداً (او يمكن كان gods wrath) و جلس يسويها و قضى علي و على الهوست.. نفس الي هزمنا ذا دخل علينا من قبل و فرشناه بسرعه و رجع ينتقم P:

حاليا انا لفل 100, عندي حول 700,000 سول و باقي لي New londo و زعيمها الزفت ..

استفسار بسيط, هل يختفي البلاك فانتوم في Blighttown لو هزمت الزعيم هناك؟ ايضا سؤال اخر, وين القى Kirk knight of thorns?

 

[D1rk-Knight]

باقي لي تروفي واحد فقط "Knight's Honor" لو ابن الذين طالع كان ألحين معي البلاتينيوم حق اللعبة. -___-
فيه أسلحة معينة مطالب إنك تجيبها أو تعملها، هذه قائمة للمهتم:-

محتوى مخفي: Knight's Honor

1- Black Knight Greataxe2- Black Knight Greatsword
3- Black Knight Halbred
4- Black Knight Shield
5- Black Knight Sword
6- Chaos Blade
7- Crest Shield
8- Crystal Ring Shield
9- Darkmoon Bow
10 - Dragon Bone Fist
11- Dragon Crest Shield
12- Dragon Greatsword
13- Dragon King Greataxe
14- Dragon Tooth
15- Dragonslayer Greatbow
16- Dragonslayer Spear
17- Drake Sword
18- Ghost Blade
19- Golem Axe
20- Grant
21- Gravelord Sword
22- Great Lord Greatsword
23- Greatshield of Artorias
24- Greatsword of Artorias (Holy)
25- Greatsword of Artorias (Curse)
26- Havel's Greatshield
27- Jagged Ghost Blade
28- Lifehunt Scythe
29- Moonlight Butterfly Horn
30- Moonlight Greatsword
31- Priscilla's Dagger
32- Quelaag's Furysword
33- Silver Knight Shield
34- Silver knight Spear
35- Silver Knight Straight Sword
36- Smough's Hammer
37- Stone Greatshield
38- Stone Greatsword
39- Tin Darkmoon Catalyst
40- Titanite Catch Pole
41- Velka's Rapier

 

[Sora Diersly]

لقيت كم ساعة ألعب فيها دارك سولز. جاري اللعب اللحين *متحمّس*

تعديل: نيفرمايند :/ تذكرت ان عندي موعد مُهم بعد شوي -_-

 

[Raziel]

أعتقد إني بديت أرجع لحالة الضياع وإحساس اني ماقدر أكمل باللعبة 🙁 (مريت فيه كذا مره بديمونز سولز)
خلوني أعرفكم على وضعي زين:

محتوى مخفي: Demon Ruins

- مخلص من زعيم Blighttown + الزعيم اللي بعده Ceaseless Discharge ووصلت لمكان حسيت أكبر زلابه في التاريخ أجل كابرا على اليمين و توروس علي اليسار!!!

- خلصت من The Catacombs ومن زعيمها اللي من أسخف الزعماء اللي قابلتهم ونسخة اضعف من زعيم 3-1 في ديمونز سولز، بس المكان اللي بعده صعب أمشي خطوتين 🙁
المكان مظلم بالكامل ولا أقدر أشوف شيء تقريباً إلا شكلي وأنا طايح أو سيف عملاق للهيكل العظمي يساويني بالأرض :laugh::، فيه أداة تحسن من الإضاءة؟

- بعد الفراشة مازرت الغابة أو Darkroot Garden أبداً ، أدري في مسار فرعي تحت اسم Darkroot Basin رحت له وللوحوش الثلجية وقتلتهم مع البلاك نايت ولقيت باب بس ماكان عندي مفتاح وقتها
هذا غير شيء عجيب يطلق من بعيد طلقات تغطي الأفق تقريباً .

- لسه مالمست نيو لوندو ولا قربت منها إلا مجرد محاولة قديمة أيام كان لفلي بالعشرينات وانفرمت من الأشياء الزرقاء العجيبة

- هل في شورتكت من Blighttown أو Quelaag's Domain إلى Firelink Shrine ؟

- مقترحاتكم وآرائكم ؟!

شباب الذيب جابلي الصداع الاليم ):
كلاسي النايت ليفل 65 قاعد استخدم DRAKE SWORD بس احس اني متأخر عنكم بتطوير الاسلحه عندي ادوات كثيره اقدر اطور بس مدري ايش اطور اي سلاح عندي.
عندي اسلحة كثيرة. احس انه مسخها شوي لاني اشتقت لعالم الاستكشاف وودي اكمل طريقي, مع اني اقدر لكن بخلص عليه قبل.

بدر المفروض انك متخلي عن هالسلاح من زمان صحيح هو كويس في البداية بس، الحين ماينفع بقرش
لأنه يثبت القوّة على 200، مهما كنت ملفل بـ strength وهنا المشكلة. أنا متأخر كثير باللعبة لكن أهم
شيء تطور أي سلاح يناسبك لـ Divine (اللي يستفيد من مستوى الـ faith لو كان عندك مرتفع) وممتاز
في المناطق اللي يتواجد بها الهياكل العظمية، ما أدري عن أهمية التطويرات الثانية ممكن الشباب يفيدونك.

 

[L O R D]

و هوب فجأه تراكموا علي 4 مدري 5 Darkwraiths و قتلوني و ضيعوا مني الـ700000 سول + الهيومانيتيز الي مجمعها -____-"
اشك ان في gravelord حقير حاط علامته هناك و مخلي الاعداء ناشبين لي :\

 

[SILVER]

محتوى مخفي: لورد

كلمت الوحش الغريب وفتحلي ثلاث اماكن وحده منهم عند انور لندو والباقي ما ادري وينهم المشكلة القريبه من انور لندو صعبه وابي اروح عند الاماكن الثانيه الي فتحتهم وياليت تدلني عليهم

+


ابي اغزي عوالم الناس بس مو عارف ابيك تعلمني

 

[Saudi pro]

الف مبروك اخوي انهاء اللعبة ، بأي كلاس انهيتها ؟

هل النهاية تستاهل التعب هذا أو لا ؟ 🙂

لول قصدك هل النهايه تستاهل مضيعة الوقت هذي ولا لا ؟ .. اكيد لا نهايه محبطه سواء بالعرض او بالزعيم الاحباط 🙁 .. و على فكره شفت كل النهايتين كلها لول كل وحده أسوأ من الثانيه المهم اذا تبي تعرف وشلون تجيب التروفيز حق النهايتين بدون ماتعيد اللعبه مره ثانيه اذا افترضنا انك بتخلصها مره وحده .. اجل لازم تكون مشترك بلس و قبل لا تدخل على الزعيم الاخير سو Quit game ثم ارفع التخزين على سيرفرات سوني و امسح التخزين الاساسي و بعد 24 ساعه حمل التخزين و طلع النهايه الثانيه .

 

[Saudi pro]

Raziel

محتوى مخفي: سبويلر

- مخلص من زعيم Blighttown + الزعيم اللي بعده Ceaseless Discharge ووصلت لمكان حسيت أكبر زلابه في التاريخ أجل كابرا على اليمين و توروس علي اليسار!!!

- خلصت من The Catacombs ومن زعيمها اللي من أسخف الزعماء اللي قابلتهم ونسخة اضعف من زعيم 3-1 في ديمونز سولز، بس المكان اللي بعده صعب أمشي خطوتين
المكان مظلم بالكامل ولا أقدر أشوف شيء تقريباً إلا شكلي وأنا طايح أو سيف عملاق للهيكل العظمي يساويني بالأرض ، فيه أداة تحسن من الإضاءة؟

هنا الطريق .. طبعا بتموت اكثر من مره بس عادي حاول تكتشف الطريق عن طريق الكاميرا نزلها على تحت و امش شوي شوي و اذا شفت الهيكل العظمي الكبير حاول تتجنبه .. المهم بتلقى زي الزحليقه تزحلق معها ثم فيه حولها زحليقه ثانيه و ثالثه اظن تزحلق معهم بسرعه قبل لا يطبون عليك الهياكل العظميه الكبيره .. المهم بتوصل تحت بتلقى رجال واقف يكلمك اذا شفته اذبحه على طول لانه بيغدر فيك و بتضطر ترقى له مره ثانيه و تذبحه .. المهم قدام الرجال هذا فيه طيحه بتلقى 3 جثث جنب بعض و حده منهم معها أداة تنور لك الطريق .. حاول تاخذها قبل لاتموت

و ترى فيه Bonfire قريب بس صعب اشرح لك مكانه و الدنيا مظلمه لازم تاخذ الاداة هذي اول .

- بعد الفراشة مازرت الغابة أو Darkroot Garden أبداً ، أدري في مسار فرعي تحت اسم Darkroot Basin رحت له وللوحوش الثلجية وقتلتهم مع البلاك نايت ولقيت باب بس ماكان عندي مفتاح وقتها
هذا غير شيء عجيب يطلق من بعيد طلقات تغطي الأفق تقريباً .

منطقة Darkroot basin خلها بعدين الوحوش الثلجيين سهلين و العدو الكبير الي وراهم سهل لاتخاف بس مب الحين وقته .. بخصوص الباب المقفل هذا يمديك تجيه من بداية اللعبه لو ان معك Master Key بس تطمن يمديك تفتحه بمفتاح اتوقع انك بتاخذه مع الطريق المهم داخل الباب هذا راح تلقى عدو اسمه Havel اذا ذبحته تاخذ منه خاتم يزيد من الـ Equip حقك .. ضرباته يمديك تتفاداها بسهوله مشكلته ان طاقته كثيره و بيضيع وقت .

- لسه مالمست نيو لوندو ولا قربت منها إلا مجرد محاولة قديمة أيام كان لفلي بالعشرينات وانفرمت من الأشياء الزرقاء العجيبة

هذي المنطقه وقتها بعدين مب الحين .

- هل في شورتكت من Blighttown أو Quelaag's Domain إلى Firelink Shrine ؟

فيه زعيم اذا ذبحته بتنفتح لك خاصيه تسوي لك Shortcut خرافي .. جايك الخير انت اصبر و ماعليك 😀 .

بعد ماتقرى السبويلر ودي اعرف انت بعد مارنيت الجرسين دخلت البوابه الي انفتحت و خلصت المنطقه هذيك ؟

تعديل :

خلاص تذكرت اصلا مايمديك تدخل الـ Catacombs الا اذا ذبحت زعيم Anor Londo .. طيب هذا يعني ان جتك خاصية الـ Warp ليش تسال عن الاختصارات ؟

ايه و نسيت اقولك ان الزعيم الي ذبحته مب زعيم الـ Catacombs .. كل الي اقدر اقوله لك هو استعد لرفعة الضغط الا ان كانك بتخلصه Co-op :laugh::

 

[Xeon-Q8]

شباب وين احصل التاجر في sen's fortress

تعديل : وجدته .. مكان خبيث 😀

 

[GYWN]

Raziel

محتوى مخفي: سبويلر

- [/B]😀 .

بعد ماتقرى السبويلر ودي اعرف انت بعد مارنيت الجرسين دخلت البوابه الي انفتحت و خلصت المنطقه هذيك ؟


خلاص تذكرت اصلا مايمديك تدخل الـ Catacombs الا اذا ذبحت زعيم Anor Londo .. Warp Co-op :laugh::

غير صحيح ...

يقدر يدخلها قبل قتل زعيم Anor Londo عن طريق الـ Depths بعد أخذ المفتاح من Gaping Dragon.

 

[m7tram]

محتوى مخفي: خلصت العبه

خلصت اللعبه من بعد قتل كل الشخصيات لول لكن نسيت اقتل الفاير كيبر البيضه 🙁.

المهم اياد انا قتلت الاميره لكن ماطلع لي زعيم سري؟؟ وماحصلت الا بس عدوين اثنين عادين فقط ومادش علي لا بلاك فانتوم ولا هم يحزنون! يمكن لازن اكون هيومن؟ 🙁 حسافه يالله ادخل عليهم بالنيوجيم.

ناوي اخذ راحه هاليومين وارد بقوه.

 

[Xeon-Q8]

سؤال : وين الحداد اللي يستخدم ارواح الزعماء للتطوير ؟

احلى منطقه sen's fortress فارمينق عند الزعيم .. هزمته خمس مرات اليوم هههههههه

لعبت حوالي 30 ساعه .. لفلي 54 كلاس pyro
قاصد اني اصرف الأرواح على الأسلحه وتطويرها .. مابي انقز حيل باللفل ومالقى احد يستدعيني

 

[lightq8]

شنو حل الاشباح غير الاداة الي تشتريها في سلاح معين

 

[sogeking]

دارك نايت كم تروفي باقي لك عالبلاتينوم؟؟
انا مو ناوي عليه لكن تروفي الاسلحه اثار اهتمامي عشان اجرب اسلحة اللعبه او اشوفها عالاقل .. هل في قائمه معينه تتبعها او مجرد تستكشف و تطلعهم بنفسك؟

لاحظت انا ناس في book of the guilty قوة سلاحهم 800 تقريباً!!!! المشكله عندي نفس السلاح (Quelaag Furysword) و عندي هيومانيتي عالي لكن ما اشوف الدامج قريب ابداً من الي اشوفه بالشخصيه ذيك @_@

سالفة صارت لي في Anor londo:
كنت جالس انتظر احد يستدعيني او الكوفننت يستدعيني من نفسه (darkmoon ring), اول شي صار تم استدعائي من الخاتم و دخلت عالم المجرم و كان معه وايت فانتوم ما قدرت عليه..
المهم لمن رجعت و بعد فتره استدعاني المجرم بنفسه كـ وايت فانتوم و عرفت ايش كان يسوي XD , متخبي بزاويه و حاط خاتم الضباب و يدخلوا عليه بلاك فانتومز كثار!! جلست عنده و ساعدته ضدهم و قتلت يمكن 10 XD
بس بعدين جا واحد معه miracle الـForce قوي جداً (او يمكن كان gods wrath) و جلس يسويها و قضى علي و على الهوست.. نفس الي هزمنا ذا دخل علينا من قبل و فرشناه بسرعه و رجع ينتقم P:

حاليا انا لفل 100, عندي حول 700,000 سول و باقي لي New londo و زعيمها الزفت ..

استفسار بسيط, هل يختفي البلاك فانتوم في Blighttown لو هزمت الزعيم هناك؟ ايضا سؤال اخر, وين القى Kirk knight of thorns?

بالنسبة لQuelaag Furysword فأنا كنت جاي أقول نفس الشئ بالضبط !!!!! سويته ووصلته +5 وقوته 480 وش القصة ؟

وبرضو اليوم حولت Eagle shield+10 + روح الذيب الى درع رهييب الـStability فيه 88 ! وسويت كذا سلاح ودرع فله .

على فكرة وين ألقى الكوفننت blades of the darkmoon ؟ كأني فهمت من ردك إنها بأنور لوندو بس وين ؟ لأني ما شفت أحد بأنور لوندو أقدر أسوي معه كوفننت الا البرنسس ! وبالنسبة للForest Hunter فقبل شوي رايح أبي أذبح الذيب اللي بالغابة وما كان لي خلق الأشباح يلاحقوني فدخلت مع الForest Hunter و حطيت الساين الأبيض حقي هناك وإنتظرت شوي ... طلعلي إني دخلت عالم واحد فإستانست مو مصدق أخيراً بلعب مع أحد طبعاً ما دريت الا الهوست يجي وراي بكل برود وأنا أتفرج عليه وأسويله Bow ويعطيني أحلى باك ستاب :xd: أنا مو مستوعب وش صاير فذبحني .. طبعاً بعدها كل مرة أجي أوصل للذيب أروح عشوائياً لنفس الإنسان هذا, لعبت معه 4 أو 5 مرات :laugh:: طبعاً كلها إنهزمت فيها لأنه بكل بساطة أضربه كم ضربة ينحاش يعبي دمه وأنا ما معي الميركلز اللي تعبي الدم فمع الوقت يصير دمي قليل وهو دمه كامل فبكل سهولة يهزمني والمشكلة ما كنت فاضيله ودي أروح أذبح الذيب وأخذ روحه أسوي فيها سلاح بس هو نشب من جد :laugh::

وبرضو فيه بلاك فانتوم دخل علي بأنور لوندو عند السيلفر نايتس وإبن الذين كل شوي ينحاش ويتكي عند السيلفر نايتس -__- أخذ مني وقت طويييييييييييل عشان أهزمه الله يقلعه -___-

 

[sogeking]

محتوى مخفي: خلصت العبه

خلصت اللعبه من بعد قتل كل الشخصيات لول لكن نسيت اقتل الفاير كيبر البيضه 🙁.

المهم اياد انا قتلت الاميره لكن ماطلع لي زعيم سري؟؟ وماحصلت الا بس عدوين اثنين عادين فقط ومادش علي لا بلاك فانتوم ولا هم يحزنون! يمكن لازن اكون هيومن؟ 🙁 حسافه يالله ادخل عليهم بالنيوجيم.

ناوي اخذ راحه هاليومين وارد بقوه.

محتوى مخفي: ....

حتى أنا يوم ذبحت الأميرة ما طلع لي لا زعيم سري ولا حتى بلاك فانتوم 🙁

 

[II EYAD II]

^^

محتوى مخفي: نهاية مُره

افا معقوله طيب قتلت Dark the sun gwyndolin الي تحصلها ورى الأميرة السول حقها مهم ! وبالنسبة للبلاك فانتومز اكيد كنتم هلو ( احد يلعب بالهلو الله يهديكم

 

[sogeking]

^

محتوى مخفي: ....

لا ! حمستني أروح أذبح الأميرة مرة ثانية ! أنا بالNG+ وقريب من النهاية فشكلي بأسويها هالمرة وبأقعد هناك كهيومن وأشوف هالبلاك فانتوم وش يسون 😎:

 

[II EYAD II]

استفسار بسيط, هل يختفي البلاك فانتوم في Blighttown لو هزمت الزعيم هناك؟

ا

ايه اي بلاك فانتوم يروح عليك اذا قتلت زعيم المنطقة وانت هلو فورم ( افضل شيء الواحد يلعب على طول بالهيومن فورم الا لو حب يعيد المنطقة ويستكشفها )
كيرك هو البلاك فانتوم للعمق فخليك هيومن فورم ويطلعلك قبل الزعيم

 

[II EYAD II]

^

محتوى مخفي: ....

لا ! حمستني أروح أذبح الأميرة مرة ثانية ! أنا بالNG+ وقريب من النهاية فشكلي بأسويها هالمرة وبأقعد هناك كهيومن وأشوف هالبلاك فانتوم وش يسون 😎:

محتوى مخفي: @@

بس كويس انك قريب يفضل قبل لا تقتلها انك تكون في اي كوفننت ثاني ولا تنسى تكون هيومن فورم وتجهز مزبوط لول

 

[iGam3r]

سؤال : وين الحداد اللي يستخدم ارواح الزعماء للتطوير ؟

احلى منطقه sen's fortress فارمينق عند الزعيم .. هزمته خمس مرات اليوم هههههههه

لعبت حوالي 30 ساعه .. لفلي 54 كلاس pyro
قاصد اني اصرف الأرواح على الأسلحه وتطويرها .. مابي انقز حيل باللفل ومالقى احد يستدعيني

وصلت المنطقة أمس بس احس الأعداء اقويا بكثير 🙁
شو السلاح اللي تستخدمة؟ انا عندي darke sword وطورته مره وحده بس للاسف ماحسيت بفرق خسرت 10 آلاف سولز 🙁

 

[Xeon-Q8]

انا بعد استخدم سيف التنين بس +2
و سيف اسمه claymore +10
لاااازم تدخل المنطقه ومعاك 200 سهم او اكثر

الاعداء خذهم واحد واحد لاتخليهم يتجمعون عليك
المنطقه كلها افخاخ الاعداء قله متخفش يابني 😀

حاول تلعبها كو-اب اول شي بعدين خلك هيومن واستدعيلك احد

دخلت على الزعيم ومعاي اثنين فانتوم وجلدناه جلد هع

 

[kitkat]

نايت بالنسبة للأسلحة النادرة
الاسلحة إلي تنزل من البلاك فانتومز يتضمنها التروفي ؟
+ sun light midal لازم اخلص اللعبة 4 مرات عشان اجمع العدد كامل و اطور المريكل =(

 

[Khalid]

شباب شنو احسن مكان اروحله بعد the depths ؟

 

[D1rk-Knight]

@kitkat

محتوى مخفي: . . . . .

بخصوص Sun light medal إن كنت في كوفيننت Sun Light فكل اللي عليك تساعد اللاعبين وكل مرة تهزمون الزعيم راح تحصل على ميدالية. وإن كنت لا، فبرضوا ساعد اللاعبين علشان يقل معدل Faith اللي تحتاجه علشان تنضم لها في مرة تفوزون راح يقل المتطلب بمقدار 5 (المطلوب في الأساس Faith 50 علشان تنضم لها)، بعدين روح للبون فاير اللي تحت التنين الأحمر وبالتحديد عند التمثال المكسور بتشوف كتابة على الأرض علشان تنضم لها.

 

[L O R D]

sogeking, ممكن تذكر وزن الدرع الي حصلت عليه؟ لو اكثر من 6 (وزن الـeagle shield) فـ بكنسله من راسي تماماً, الدحرجه ما بتخلى عنها لو ايش xD

ايضاً شكلك للآن ما لقيت الأميره الثانيه Gwyndolin في انور لوندو :sarcastic: , اول شي لازم يكون معك خاتم Dark Seance Ring تلقاه في Catacombs ورا جدار لازم تضربه و يتكسر (شكله كأنه طوب يكاد ينهدم).
لمن توصل نهاية الطريق هناك بتلقى الخاتم على قبر, خذه و ارجع انور لوندو.. الحين روح للمصعد الدائري الكبير بالنص و انزل تحت لآخر شي و بتلقى الغرفه الدائريه الي فيها البون فاير و تمثال Gwyn الضخم, البس الخاتم و بيختفي التمثال و بتنزل درج و تلقى سجاده تقدر توقف عليها و تسوي Kneel و تنضم للكوفننت.. اذا دخلت الضباب احتمال يروح عليك الكوفننت لذا لا تتقدم اكثر من كذا.

كيرك هو البلاك فانتوم للعمق فخليك هيومن فورم ويطلعلك قبل الزعيم

يعطيك العافيه.. الختمه الجايه بكمل كل مكان فيها هيومن ..

شنو حل الاشباح غير الاداة الي تشتريها في سلاح معين

اما انك تقتلهم لين يطيحوا الخنجر تبعهم و هو بأستخدامه تقدر تضربهم, او تكون Cursed من الضفادع بالمجاري :laugh::

جلست اضرب Frampt لين قفلت معه و مشى XD , خفت انه ما اقدر انزل لمنطقة الـlordvessel تحت لكن لمن حاولت اطيح بالحفره نزلت بسلام هناك و مافي طريقه للرجوع غير الـwarping.. خساره توقعت فرامت يعطي ايتم او حاجه لكنه هرب :spy:

دارك نايت, كيف تخلي لوجان يعلمك الاسحار الي معه؟ ايضاً اتذكر بالصوره الي حطيتها لشخصيتك شفتك ماسك حاجه زي الـpyromancy لكن لونها بنفسجي غامق شوي, ذي dark hand ولا تعتبر catalyst للسحر تشتريه؟
و ألف مبروك البلاتينوم :wow:

 

[sogeking]

^

وزنه على ما أذكر 16 أو شئ زي كذا :tongue:

برضو سويت درع ثاني بإستخدام روح الفراشة ! بالبداية كنت أحسبه خايس بس لما حطيت L2 طلع ماجيك دائري الدامج حقه يوصل فوق الألف أحياناً !! طبعاً قاتلت الذيب بإستخدامه والضربه كانت تنقص حول ال800 :confuse: بس المشكلة لما تحطه بيدك اليمين الضربه تصير ضعيفة مرة -__-

ولا ما شفت الأميرة الثانية :whistle: