الموضوع الرسمي Dark Souls التحدي المظلم يعود! فهل انت مستعد لكسر يد التحكم خاصتك مجددا؟(سبولرات)

[FALCON-WARS]

^^
وين البياع في سين فورترس؟ اترس البليدر مثل الي في المعبد؟ كان عندي منه كميه عطيتها ابو خشم بشوف اذا للحين عندي, بس هذا الدرع المقاومه فيه عاليه يصلح ضد نار وسح ولاتننج

تعديل: الي اقصده هذا http://darksoulswiki.wikispaces.com/Tower+Shield

الظاهر افضل من البليدر

 

[D1rk-Knight]

تلقاه في الجهة الثانية من الجسر المكسور لم توصل للسطح.
هو الفرسان في الكنيسة ممكن يسوون له دروب وممكن مثل ما قلت لك تشتريه في حال ما صار هالشيء.

أتكلم عنه هو هذا: Balder Shield
اللي حطيته وزنه مرة ثقيل بل جدًا ثقيل، حركتك بتكون بطيئة واستعادة الستامينا بتكون أبطأ، لكن إن كان يناسبك هالشيء فاستعمله.

 

[Sage]

انا استخدم درعين مع بعض و احول بينهم كل ما احتاج..

Dragon Crest Shield

Grass Crest Shield

الدرع الثاني ممتاز جدا عنده ability تقريبا تخلي استعادة الستامينها عندك double لكن مشكلته انه الـdmg reduction مو 100%, لكن هالمشكله سهل حلها اذا كان عندك ring of the evil eye

لكن ولا مره عطيت اهتمام للـstability في الدروع @@ شكلي لازم انتبهلها اكثر

 

[D1rk-Knight]

Stability عالي = قدرة أعلى على التصدي للهجمات الموجهة لك من دون ما ينكسر دفاعك وتصاب بضرر.

 

[Sage]

فالكون انت قتلت Sif؟ الزعيم اللي بالمنطقه المقفوله في الغابه

انا رحتله لكن مصخرني.. كنت احاول ابقى تحته عشان ما يضربني لكن مادري شلون يضربني @@

و الذيب الصغير اللي يتكلم.. ذبحته بالغلط -.-

المنطقه عموما مو صعبه و الاعداء الـhuman سهلين, عطهم باكستاب و كم ضربه و يموتون.. و مو صعب تتفادى ضرباتهم

 

[FALCON-WARS]

^^
مافيه غير واحد يفقع المراره الثيف, يوقف يطالع فيك ولما تضرب انحاش على طول

لا مارحت انا ماتعمقت اصلا خفت اضيع اروحها عشان سول فارمينج


خلصت سين فورترس (باقي اجمع اغراض و اقتل التيتان ديمونز الاثنين الي تحت ) الحين ابي اوصل للاميره الي بتفطرنا برمضان,

 

[Sage]

^ هم بس اول 4 (الساحر و الثيف و الكليريك و الووريور) و بعدين ما يطلعون, لكن اللي فعلا مزعجين في wolves شوي صعبين, لكن اذا منخش ورا كم شجره ما يقدرون يوصلولك و انت تقدر تقتلهم بالاسهم 😛

و اذا ذبحتهم ما يصير لهم ريسباون 😀

 

[FALCON-WARS]

^^
غريبه انا اول مره جاني اثنين نايت

 

[ASWD]

فالكون انت قتلت Sif؟ الزعيم اللي بالمنطقه المقفوله في الغابه

انا رحتله لكن مصخرني.. كنت احاول ابقى تحته عشان ما يضربني لكن مادري شلون يضربني @@

و الذيب الصغير اللي يتكلم.. ذبحته بالغلط -.-

المنطقه عموما مو صعبه و الاعداء الـhuman سهلين, عطهم باكستاب و كم ضربه و يموتون.. و مو صعب تتفادى ضرباتهم

انت مفترض تلعن خيره لان ليفلك ممتاز لمواجهته.افضل لحظة انك تقرب منه لما ينفذ هجمته اللي من ثلاث ضربات.جم ليفل لستامنيا عندك لانها اهم شي فالمواجهة ذي؟

وهذ اللي يتكلم قطوة مو ذيب.على فكرة انت ذبحت الهايدرا ام سبع رؤس ولا بعدك؟

 

[FALCON-WARS]

^^
الهايدرا الي لما تقتل havel وتروح الدارك روت ترمي عليك سحر من بعيد؟ احس لو قربت بتفرمني

على طاري القطوة الغبيه اول مره كلمتها قلت no ومارضت تكلمني مره ثانيه وجاني ذنب دفعت 20 الف عشان اشيله @@

 

[Rain]

^^
الهايدرا الي لما تقتل havel وتروح الدارك روت ترمي عليك سحر من بعيد؟ احس لو قربت بتفرمني

على طاري القطوة الغبيه اول مره كلمتها قلت no ومارضت تكلمني مره ثانيه وجاني ذنب دفعت 20 الف عشان اشيله @@

الهايدرا قوية من بعيد بس اذا قربت مارح ترمي قواذف ماء عليك..
بس لا تستهين فيها.. خذ درع staibility عالي..

 

[FALCON-WARS]

^^
وصلت للزعيمين الكبير والصغير مصخروني, المشكلة الاثنين يمشون ورا بعض مايمدي, وانا استخدم سيف البلاك نايت وشوي بطيئ في الضرب, الله يعينني بس

 

[Sage]

انت مفترض تلعن خيره لان ليفلك ممتاز لمواجهته.افضل لحظة انك تقرب منه لما ينفذ هجمته اللي من ثلاث ضربات.جم ليفل لستامنيا عندك لانها اهم شي فالمواجهة ذي؟

وهذ اللي يتكلم قطوة مو ذيب.على فكرة انت ذبحت الهايدرا ام سبع رؤس ولا بعدك؟

هو لازم كل بوس افشل في المحاوله الاولى.. و الانديورانس اتوقع 20

لا ليلحين ما ذبحت الهايدرا, هذي وين؟

تعديل: نسيت اقول اني رحت للـtomb of the giants.. وصلت لواحد نسيت شسمه بس تكلم عند Lautrec و قال انه خداع و مكار.. و دفعني من فوق حافه -_- و بعد عناء طويل و خوف اخيرا لقيت بونفاير قريبه.. المنطقه هذي تخوفني @@

و لقيت الـskull lantern يعني الحين ما اخاف نفس قبل 😛

 

[Rain]

^
على فكرة حاول قدر المستطاع انك تكون هيومن بمنطقة مقبرة العمالقة.. لان فيه بلاك فانتوم (كومبيوتر) راح يغزو عالمك واذا قتلته بيعطيك سلاح ( مطرقة) ودرع قوي ..

 

[Sage]

جميل, تعرف وين يغزوني بالضبط؟ لاني عند البونفاير الاولى (اعتقد) و كلمت Reah و ذبحت الـhollows الاثنين..

و رحت عند اول ضباب بس ما دخلته

تومب اوف ذا جاينتس ممكن تكون اصعب منطقه دخلتها.. صعبه جدا! اول مره الاعداء العاديين يذبحوني بسهوله جذي :\ الـskeleton اللي يمشي على اربع ارجل صعب اذبحه.. و بعدين يطلعولي اثنين مع بعض و مع black knight و واحد يرمي اسهم من بعيد T_T ضيعت 2 هيومانيتي.. قلبي الصغير لا يتحمل.

 

[Rain]

جميل, تعرف وين يغزوني بالضبط؟ لاني عند البونفاير الاولى (اعتقد) و كلمت Reah و ذبحت الـhollows الاثنين..

و رحت عند اول ضباب بس ما دخلته

توني اتذكر ان البد حقك مركز على الديكس.. تقدر تطنش الدرع اجل.. لانه يتطلب 18 فيث غير انه ضعيف مقارنة بالدروع الثانية (اتوقع صاير له نيرف)

عموما البلاك فانتوم قريب شوي من زعيم المنطقة.. على طريقك راح تلقى ممر ضيق و منطقة مكشوفة (بحيرة) على اليسار .. في هذا الممر راح يغزو..

 

[Sage]

ما اقدر اتحمل تومب اوف ذا جايانتس

الهيكل العضمي اللي يمشي على اربع احتى ما اقدر اذبحه..

اول مره دارك سولز ترفع ضغطي جذي -_-

سويت warp للفايرلنك شراين و ما راح ارجع للمنطقه الا بعد ما اخلص كل شي..

تعديل: و Sif حرق اعصابي بعد -_- هذا الزعيم الوحيد اللي قادر انه يذبحني بطقتين.. عنده طقه توخر نص الستامينا و الطقه الثانيه تخلص الستامينا كله و تاخذ نص طاقتي..

 

[ASWD]

^

وخر عنه اذا سوى هالهجمة *حركة الدوران مرتين*حتى مع ستامنيا عالي بتكون مؤثرة.توقيت النحشة من ذي الهجمة بسيط لانك تعرف لستيب اللي بيعملها قبل ما ينفذها

اخيرا خلصت منطقة lost izalith خسرت اكثر من 200 الف سولز بسبب اتفه واسخف زعيم فاللعبة مو بسبب صعوبته بسبب الارضية المتهاوية.خسارة كانت بتنفعني لليڤل اب

 

[Sage]

اخيرا ذبحت Sif بعد حوالي 5-7 محاولات.. خذيت Gravelord sword و خليته +3 و رحت مصخرته :stuck_out_tongue_cl

عجيب هالسلاح و الله.. الحين بروح احاول بـtomb of the giants مره ثانيه

 

[FALCON-WARS]

للحين معلق مع التوينز, الصغير اخذ وقت شوي بس اقدر اقتله الثاني يمسخرني بحركه المطرقه وهو يمشي مو عارف كيف ابعد عنها ابدا, عموما افكر ارجع انديد باريش واسوي سلاح العنكبوته ويوشي لايتننج وارجع العن خيرهم, ولا اجرب اصير هيومن يمكن فيه احد اقدر استدعيه؟

 

[D1rk-Knight]

^
استدعي معك فارس الشمس خليه يساعدك.
معلومة مفيدة: السمين ضعيف ضد حالة النزيف (Bleed) + السم (Poison)

مثل ما قلت لك استعمل ترس فيه Stability عالي علشان ما يكسر دفاعك بهجمته ذيك.

(لو تبي ممكن أدخل مساندة معك)

 

[FALCON-WARS]

^^
هممم ماجربت اسوي لها دودج اصلا حسبتها مثل ضربه الدرع تبع النايت الذهبي الي تسدحك ارضا, وحصلت الدرع الي قلت عنه ووصلته +5

 

[D1rk-Knight]

حاول ترفعه إلى +10 كأدنى حد.
المفروض تقدر لأنه يستعمل Titante Shard + Large بعكس من +11 إلى +14 اللي يستعمل Chunk

 

[FALCON-WARS]

^^
ايوه انا مانتبهت للسالفه هذي الا لما وصلت لانور لوندو, عشان هذا ابي ارجع المشكلة بعدين وش يدخلني سين فورترس ثاني @@, اللعبه رهيبه وتاخذ وقت ماحسبتها بتسوي فيي هذا, 60 ساعه في 10 ايام

 

[Sage]

^^
ايوه انا مانتبهت للسالفه هذي الا لما وصلت لانور لوندو, عشان هذا ابي ارجع المشكلة بعدين وش يدخلني سين فورترس ثاني @@, اللعبه رهيبه وتاخذ وقت ماحسبتها بتسوي فيي هذا, 60 ساعه في 10 ايام

في shortcut يعديك سين فورترس كلها, و انت رايح للزعيم بسين فورترس راح تلقى بطريقك غرفه فيها زنزانتين, افتح وحده و ادخل فيها و راح تنزلك.. و اذا تبي تصعد مره ثانيه راح تكون موجوده تحت

 

[D1rk-Knight]

مثل ما قال بدر، طبعًا كلامه بفرض إنك أخذت المفتاح اللي في الجهة الثانية من الجسر المكسور (جهة البائع) في سين فورتريس.
بس ما أنصح أبدًا بالرجعة لأنك بتضيع وقت وجهد على حاجة ما تسوى، إن كان السمين مزعجك استعمل معه هجمات البايرومانسي لأنه ضعيف بعد ضد النار.

وإن قفلت معك على الآخر فبإمكانك طلب الدعم. 3: *أتمنى ما توصل لهذه المرحلة*

 

[FALCON-WARS]

هممم, بجرب اصد ضرباته اذا قدرت فالمساله منتهيه, ان ماقدرت باخذ وياي فارس الشمس وبيكون كافي جدا

 

[zlatanovic]

ما اقدر اتحمل تومب اوف ذا جايانتس

الهيكل العضمي اللي يمشي على اربع احتى ما اقدر اذبحه..

اول مره دارك سولز ترفع ضغطي جذي -_-

سويت warp للفايرلنك شراين و ما راح ارجع للمنطقه الا بعد ما اخلص كل شي..

تعديل: و Sif حرق اعصابي بعد -_- هذا الزعيم الوحيد اللي قادر انه يذبحني بطقتين.. عنده طقه توخر نص الستامينا و الطقه الثانيه تخلص الستامينا كله و تاخذ نص طاقتي..

سحر، السحر يحل مشاكلك كلها.
خصوصا الهيكل العظمي اللي يمشي على اربع، هذا غثيث بشكل. لو معك سحر تقدر تخلص عليه بسهولة.
و سيف بالسحر يصير اسهل من اي دارك نايت

 

[Sage]

^ المشكله اني كلش مع السحر ولا مره جربته, و ما ضفت ولا نقطه بالـintelligence او الـfaith @@

لما خذيت gravelord sword قدرت اذبحه بـ3 ضربات, المشكله هي انه ضربتاه قويه جدا..

 

[FALCON-WARS]

وقتلت التوينز, فارس الشمس فك ازمه هو اخذ المتين وانا طحت على ابو رمح نتفتهم تنتيف مدري ليش كنت مصر اقتلهم بروحي @@