الموضوع الرسمي Dark Souls التحدي المظلم يعود! فهل انت مستعد لكسر يد التحكم خاصتك مجددا؟(سبولرات)

[Rain]

^

روح اذبح الزعيم الفراشة وخذ الامبير.تراها بسيطة مرة.وفطريقك اقضي على Great Wolf Sif مفترض ليفلك يسمح لك تقاتله بكل اريحية.



ما اعرف المشكلة متعود انظف المنطقة تنظيف+يمكن يسوو دروب لحاجة تسوى : (

قتالهم صعب جداً حتى باللفلات العالية.. لانهم يهاجمون بسرعة و عن بعد والمنطقة ما تسمح ..

طنشهم حفاظاً على الاعصاب..

 

[ASWD]

^

شكلي جذي بسوي لهم سكيب

 

[Sage]

^

روح اذبح الزعيم الفراشة وخذ الامبير.تراها بسيطة مرة.وفطريقك اقضي على Great Wolf Sif مفترض ليفلك يسمح لك تقاتله بكل اريحية.

ذبحتها من قبل و اتوقع عطيت الامبر للبلاكسميث..

عموما لقيت حل للمشكله, عندي occult club الدامج لها محترم و يقتل الوحوش اللي ما تموت

 

[FALCON-WARS]

^
امس رحت الكاتاكومبز وتاذيت معاهم بس مالقيت طريق @@
بشوف لي سلباح يقتلهم وبروح
انت دخلت منوين؟ من جهه فايرلينك؟

 

[Tanton]

اذا ذبحت ال necromancer اللي في المنطقة الهياكل العظمية اللي في نفس المنطقة يصير عادي يموتون بأي سلاح

 

[Sage]

^
امس رحت الكاتاكومبز وتاذيت معاهم بس مالقيت طريق @@
بشوف لي سلباح يقتلهم وبروح
انت دخلت منوين؟ من جهه فايرلينك؟

اي من فايرلينك, المنطقه هذي (المقبره) كنت رايحلها اول ما بديت دارك سولز و تمصخرت @@ و بعدين ما طبيت فيها, توني ادري انه الكاتاكومبز هناك..

و بخصوص zweihander, لقيته بالمقبره.. ليش وايد ناس يستخدمونه؟ و هل يصلح حق بلد ديكستيريتي؟

و اخيرا, بخصوص بلد الديكستيريتي.. الحين انا عندي تقريبا 25 سترنقث و 26 ديكستيريتي.. اوقف احط سترنقث و ابدي احطهم كلهك بالديكستيريتي ولا شلون ؟

 

[Rain]

اي من فايرلينك, المنطقه هذي (المقبره) كنت رايحلها اول ما بديت دارك سولز و تمصخرت @@ و بعدين ما طبيت فيها, توني ادري انه الكاتاكومبز هناك..

و بخصوص zweihander, لقيته بالمقبره.. ليش وايد ناس يستخدمونه؟ و هل يصلح حق بلد ديكستيريتي؟

و اخيرا, بخصوص بلد الديكستيريتي.. الحين انا عندي تقريبا 25 سترنقث و 26 ديكستيريتي.. اوقف احط سترنقث و ابدي احطهم كلهك بالديكستيريتي ولا شلون ؟

الزويهاندر سلاح سترنقث اكثر من ديكستيريتي.. يعطي بونس C سترنقث و D ديكس..

سلاح ثقيل بس ضرباته قوية وتطرح اغلب الاعداء على الارض .. عشان كذا يستخدموه بالpvp كثير..

 

[ASWD]

سيث قتاله سهل توقعته يملك شوية صعوبة مثل الملوك الاربعة بما انه يملك احد الارواح الرئيسية ميييييييييييه+نتفت ذيله واخذت سلاح ما منه فايدة لاني مو ماجيك اصلا

 

[Sage]

طلع الـoccult club ما تقدر تقتل الوحوش.. و الـpyromancer مادري وينه :\

بالصدفه لقيت بلاكسميث بالكاتاكومبز.. المشكله اني ما اعرف اسوي سلاح ديفاين! عتدي الامبر و عطيتها البلاكسميث و بعدين؟

ما اعتقد عندي titanite كافي عشان اخلي واحد من اسلحتي ديفاين :\

 

[D1rk-Knight]

ما عندك رمح الفرسان الفضيين؟
إن ما خانتني الذاكرة فيه قوى ديفاين.

علشان تسوي سلاح ديفاين، ارفع السلاح اللي تبيه إلى +5 بعدين اختر أول خيار عند الحداد (أحنا نتكلم عن العجوز هنا) وبتشوف عندك القدرة إنك تحوله إلى RAW - Divine أو ترفعه إلى +6 إن كنت عطيته الـ Large Ember طبعًا بعدين بتقدر تسوي عنده أسلحة Occult لم تعطيه الإمبر الخاصة فيها.

الحداد في الكاتاكومبس متخصص في صنع الأسلحة النارية والكايوس فقط!

 

[Sage]

اخيرا صار عندي سلاح ديفاين.. شريت تايتانايت شارد بكل السولز اللي عندي و خليت الزويهاندر +5 و بعدين حولته ديفاين.. -_-

تعديل: عندي درع الدمج ريدكشن ماله 95%.. لكن لما يطقوني الوحوش و اسوي بلوك ما ينقص الـHP.. طقات وحوش عن وحوش تفرق؟

 

[SAUD~F-16]

سويت مقلب شنيع بأخوي ؛ قلت له يقتل الأميرة المُستلقية(ناس اسمه ) قلت له راح طعتيك ارواح كثيرة وخاتم خطير، هههههههههههههههه لما تحول العالم الى الأسود قاعد يعطيني نظرات ولما شاف الفانتومز بغا يغتالني:joy:.
:v:

 

[Sage]

توني شفت واحد يخلص دارك سولز بساعتين.. وصل لـ انور لوندو بـ42 دقيقه و انا وصلتلها بـ30 ساعه :sarcastic:

و طوف الـtomb of giants بكبره لول

 

[EPIC FAHAD]

في ياباني ختمها في 59 دقيقه :scream:

 

[FALCON-WARS]

^
انفقعت مرارتي بالكتاكومبز انا, اول مره مت عند الجنوط وبعدين رجعت واخذت السولز ورحت للزعيم وماعندي لا مريكلز ولا استس ودمي اقل من نص, اغبي زعيم ضراحه 5 ضربات من البدايه وراح ملح بس طحت مكان الاضواء الملونه ومت عند الجنوط @@

الحين اروح تومب اوف جاينتز ولا شلون؟

 

[D1rk-Knight]

خلصت أنور لوندو وأخذت اللورد فيسل وحطيتها مكانها؟
إن نعم، فكمل، إن لا، فتراجع.

 

[FALCON-WARS]

^^
رحت انور لوندو بس الباب مايفتح (الي ينزل الماي, ولا الي فوق السطح راضي يعطيني المفتاح منوين اجيبه

 

[D1rk-Knight]

هو يعطيك إياه بمجرد ما تحصل على اللورد فيسل من الأميرة في أنور لوندو.
و... بإمكانك تقتله وتأخذه منه بالقوة. XP

 

[FALCON-WARS]

^^

كيف اروح للاميرة والمدينه غرقانه؟ بشوف الطريق الي من سين فورترس

 

[D1rk-Knight]

حسن، أنا أتكلم عن Anor Londo وليس New Londo Ruins، هل خلصت الأولى وأخذت اللورد فيسل من الأميرة هناك؟

 

[FALCON-WARS]

انا احسب انور لوندو تحت ونيو لوندو فوق, لا مارحت انور لوندو, اروحها من سين فورترس صح؟

 

[Sage]

انا احسب انور لوندو تحت ونيو لوندو فوق, لا مارحت انور لوندو, اروحها من سين فورترس صح؟

اي بعد ما تقتل البوس اللي في سين فورترس راح تلقى دائره صغيره صفرا مكان ما ذبحت البوس, روحلها و راح "تطير" لـ انور لوندو 😛

 

[ASWD]

اخييييييييييرا خلصت الدكس اركايف منطقة شنييعة حتى السهم ياخذ اكثر من ربع بار الصحة.اكثر مكان خسرت فيه سولز.لوجانز كسر خاطري استجن المسكين

 

[M00]

اللعبة مييتة تماماً بنسخة البي سي .. الهاكرز مخربين الاونلاين.

نسخة البلاي3 الى الان حيوية اذا مهتم..

عرضها كان رهيب ع ستيم 30 ريال بس.
ما اقدر احصل نسخة بهالسعر حتى لو حفرت بالسوق

ممكن الشباب اللي استغلوا عروض ستيم يتجمعون و نقدر نلعب اونلاين، و مرة وحدة نفتح موضوع اونلاين للعبة حق نسخة البي سي

 

[Sage]

و جان آخذ اللوردفيسل!

واو! سويت summon لواحد overpowered جدا! كان عنده Havel set + havel greatshield + dragontooth.. ذبحلي الزعيمين اللي بأنور لوندو :::: حسيت اني غشاش لول

 

[ASWD]

^

فقدت متعة كبيرة في قتالهم صراحا.خصوصا لو خليت ارونستين هو اخر واحد تواجهه :\

 

[Sage]

ماكو متعه بأني اموت >.> المهم تخلصت منهم! طولت بـ انور لوندو

عموما, السولز اللي يطيحون من البوسز شلون اسوي منهم اسلحه ؟

 

[D1rk-Knight]

تروح للحداد العجوز وتسوي السلاح +10 بعدين ترجع للحداد في أنور لوندو علشان يستعمل روح الزعيم عليه.
حط في بالك، بعض أرواح الزعماء تقدر تسوي منها سلاحين وروح الذئب 3.

 

[FALCON-WARS]

وصلت انور لوندو, ارت المدينه ساحر, جميله جدا(المدينه الفاضلة(&)) توي نزلت ووصلت للمكان الي فيه جسور فوق وعرضها قليل, اكره شي علي لاني مو متعود على العب بيد وكله اطيح والنينجا مايقصرون اصلا

بطور السترنقث عندي ل 30 عشان استعمل الدرع الاسود الكبير

 

[D1rk-Knight]

استعمل ترس Balder تقدر تشتريه من البائع في سين فورتريس
من أفضل التروس في اللعبة من رأيي الشخصي، وزنه خفيف "4" والـ Stability له عالية توصل إلى 75 لم تطوره لأقصى مستوى، وتقدر تسوي Parry.