الموضوع الرسمي Crisis Core: Final Fantasy VII Reunion / تحفة هاجيمي تاباتا الخالدة

[Veeto]

ما ان العب لعبه قديمة .. تنتابني موجة من الضحك على انتقادات العاب هذه الايام

(( الالعاب الحديثة لا تحترم وقتنا .. هناك العديد من المهام المكررة .. check list .. وغيرها ))

وكأن هذه الامور حديثة الظهور ! وليست معششه منذ البدايات مع الصناعه بمحاولة لاطالة عمر الالعاب بكل طريقة ممكنة متاحة وكل مطور وفنه

عموما .. انهيت ٥ فصول .. وتقريبا 20% من المهام الجانبية السيئة تصميما وفكرا !!

حسنوا الجرافيكس بشكل كبير .. حسنوا النظام القتالي بشكل كبير جدا .. وتبا لذلك المقطع السينمائي المبهر جدا جدا جدا .. بين الثلاثي فوق المدفع

 

[m7tram]

ما ان العب لعبه قديمة .. تنتابني موجة من الضحك على انتقادات العاب هذه الايام

(( الالعاب الحديثة لا تحترم وقتنا .. هناك العديد من المهام المكررة .. check list .. وغيرها ))

وكأن هذه الامور حديثة الظهور ! وليست معششه منذ البدايات مع الصناعه بمحاولة لاطالة عمر الالعاب بكل طريقة ممكنة متاحة وكل مطور وفنه

عموما .. انهيت ٥ فصول .. وتقريبا 20% من المهام الجانبية السيئة تصميما وفكرا !!

حسنوا الجرافيكس بشكل كبير .. حسنوا النظام القتالي بشكل كبير جدا .. وتبا لذلك المقطع السينمائي المبهر جدا جدا جدا .. بين الثلاثي فوق المدفع

حرفيا مالعبت ولا مهمه جانبية باللعبه .. يمكن بس مره حسيت نفسي ضعيف ولعبت وحده او ثنتين وكملت بس مشيت عالمين كويست.

 

[Raidou]

ما ان العب لعبه قديمة .. تنتابني موجة من الضحك على انتقادات العاب هذه الايام

(( الالعاب الحديثة لا تحترم وقتنا .. هناك العديد من المهام المكررة .. check list .. وغيرها ))

وكأن هذه الامور حديثة الظهور ! وليست معششه منذ البدايات مع الصناعه بمحاولة لاطالة عمر الالعاب بكل طريقة ممكنة متاحة وكل مطور وفنه

عموما .. انهيت ٥ فصول .. وتقريبا 20% من المهام الجانبية السيئة تصميما وفكرا !!

حسنوا الجرافيكس بشكل كبير .. حسنوا النظام القتالي بشكل كبير جدا .. وتبا لذلك المقطع السينمائي المبهر جدا جدا جدا .. بين الثلاثي فوق المدفع

مافي مهمات تسوى باللعبة نهائيا الا كم وحدة عشان الحوارات بس حتى هم يشملهم التكرار وكلها للاسف نفس سوء نسخة الـPSP بدون اي تحسين غير التمثيل الصوتي


اكثر شي يشفع للمهمات فعلا هذا الاوست

 

[Futrus]

اليوم جددت اشتراك البلاس وقلت خل اجربها لأن هالموضوع لفت انتباهي لها، انا من اكبر فانبويز البي اس بي لكن مو ماقدر اتذكر ليش ما لعبتها على وقتها.

لعبتها 5 ساعات اليوم و وصلت الجابتر الثالث، قاعد العب عالنورمل وماخذ راحتي بزياده، لحد الآن اللعبه جداً سهله، الجيم بلاي ممتع والافكار روعه، لكن ضروري طول الوقت تذكر نفسك إنها بالأصل لعبة بي اس بي وتحكم عليها من هالجانب لأن المشنز وطريقة الجيم بلاي جداً مناسبه لمحمول بقدرات البي اس بي لكن بتحس بتكرار وطفش اذا بتتعامل معاها على إنها لعبة كونسول.

اتخيل لو لعبتها على وقتها كانت بتكون تجربه خرافيه للي مشتاق لأجواء فف7 خصوصاً مع جابتر 3 والتجول في شينرا و المدينة.

جداً مستمتع باللعبه، طولت اليوم مع المشنز احاول اطلع DMW وماتيريا زيادة، القصة نوعاً ما تشد لكن للحين بكير إن احكم عليها.

 

[Hekari]

مافي مهمات تسوى باللعبة نهائيا الا كم وحدة عشان الحوارات بس حتى هم يشملهم التكرار وكلها للاسف نفس سوء نسخة الـPSP بدون اي تحسين غير التمثيل الصوتي


اكثر شي يشفع للمهمات فعلا هذا الاوست

هو اكير تويست صدمني كنت اسال نفسي ليش الفاينل بوس بهالضعف؟

الا طلع لها النسخة اقوى الحقيقية لازم تكوّش على كل المهمات الفرعية عشان تبارزها كقتال سري.. قمة بالملل

that said, you will be able to unlock the M9 series of missions by completing all missions part of the M8-5 series

 

[Veeto]

حرفيا مالعبت ولا مهمه جانبية باللعبه .. يمكن بس مره حسيت نفسي ضعيف ولعبت وحده او ثنتين وكملت بس مشيت عالمين كويست.

مافي مهمات تسوى باللعبة نهائيا الا كم وحدة عشان الحوارات بس

ما ادري انتوا خارقين او لاعبين لعبه غير

زيادة استخدام الاكسسوريز من اثنين الى اربعه ما بيصير الا من المهام الجانبية !

خاصية اضافة الايتم الى الفيوجن ما تتم الا من خلال المهام الجانبية .. السامونز ما ينضافون ليك الا لما تلعب المهام الجانبية

هم سيئين وسيئيين جدا بس انهم مو مهمين لهالحد اللي تصوورونه مبالغه

 

[Raidou]

ما ادري انتوا خارقين او لاعبين لعبه غير

زيادة استخدام الاكسسوريز من اثنين الى اربعه ما بيصير الا من المهام الجانبية !

خاصية اضافة الايتم الى الفيوجن ما تتم الا من خلال المهام الجانبية .. السامونز ما ينضافون ليك الا لما تلعب المهام الجانبية

هم سيئين وسيئيين جدا بس انهم مو مهمين لهالحد اللي تصوورونه مبالغه

كان لازم احدد وافصل بكلامي بين مكافأة المهمة وبين محتوى المهمة نفسه كتصميم وتقدم، المكافأة نفسها حلوة بس طريقك للحصول عليها مب حلو ابدا.

 

[Futrus]

زيادة استخدام الاكسسوريز من اثنين الى اربعه ما بيصير الا من المهام الجانبية !

خاصية اضافة الايتم الى الفيوجن ما تتم الا من خلال المهام الجانبية .. السامونز ما ينضافون ليك الا لما تلعب المهام الجانبية

من الجابتر الثالث يفتحون الى سته وبعد يفتحون الفيوجن، ما ادري اذا هذا بسبب تقدمي في اللعبه لو لاني كنت اسوي المشنز.

 

[Veeto]

تبا .. انهيتها .. التشابتر الاخير .. مشاعر !
انهيت 50% من المهمات الجانبية وهي اللي خلت اللعبه تطول .. والا هي سريعه نسبيا … ختمتها في 20 ساعه

ما بقول اني ما استمتعت ولا انها ماستربيس .. لعبه محمول بالنهاية ممكيجة مكياج جميل .. تمنيت بس لو ان اشتغلوا شوي بضمير على بعض الامور خصوصا سالفة ان بين المناطق تحميل او شاشة سوداء

الكومبات واجد محسن عن الاصلية كرتم وتحكم
حسيته متنوع شيق ممتع بس ما يقترب بتاتا للريميك وريبيرث هذولاك افضل حتى لو لشخصية وحدة

بشكل عام نفس ما قلت سابقا اذا مو تابعه لخدمة اشتراك او انها باقل سعر ممكن تدفعه للعبه ما اعتقد انها تسوى تخسر فلوسك عليها

 

[Futrus]

14 ساعة وبعدي في الجابتر السابع لأن اكره ما عندي روح دور عن الغرض الفلاني فتركتهم يولون وقزتها في المشنز لأن حدي مستمتع بالباتل سيستم، طلعت أغلب الـ DMW وباقي لي اثنين بس، واحد منهم متعطل في مشن البوس بطقة وحده يخسرني 9,000 HP وأموت /:

 

[Invader Zim]

اذكر خلصتها بجلسة وحده
اوقات سعيدة

 

[Futrus]

أنهيت هالماستربيس من دقائق وقاعد ألملم مشاعري...

مع اني كنت عارف إن زاك راح يموت في النهاية لكن الاخراج وسياق الاحداث للوصول لهذا الحدث حرك مشاعري، الاحداث خلتني استوعب فكرة هذا الموضوع اكثر، هذي ثاني مره أعيش هالتجربه بعد XV، تبا لك تاباتا ضعنا من بعدك
تايب زيرو بتكون لعبتي القادمة.

صاير خاطري ارجع اعيد ريميك مره ثانيه الحين لكن بتعوذ من ابليس، اصلاً هاللعبة تخليني اقتنع أكثر إن سكوير كانت المفروض تكتفي بالاصلية والريماستر + كرايسيس كور + الفلم.

اذا في عيوب فهي كثرة فواصل اللودينج والشاشة السوداء، مع إنها ريميك لكن حسب اللي اشوفه فهو فقط تطوير للجيمبلاي والرسوم، اذا ما تقدر تتحمل تلعب لعبة محمول عالكونسول فنسخة السويتش بتكون المثالية.

جداً كنت مستمتع باللعبة ووصلت 23 ساعة وخلصت 35% من المشنز مع فتح كل صناديقها، كلمت كل الNPCs في اللعبة xD، بس باقيلي DMW واحد اجيبه، اللي ازعجني إن اللعبة بعد ما تخلصها ما تقدر تختار أي جابتر تلعبه، اشوى إني سويت ملف حفظ اضافي في الجابتر العاشر لأن وراي سفر وما كان عندي وقت امشط المتاهه كلها.

أهنيك @Omni-Doom على العنوان لأن المجرمين مو كاتبين اسمه في الكريدتس

 

[Kain]

اقدر العب اللعبة قبل فف 7 الاصلية ؟

 

[Futrus]

اقدر العب اللعبة قبل فف 7 الاصلية ؟

نعم

 

[ahmed-xd]

اقدر العب اللعبة قبل فف 7 الاصلية ؟

اي ولو ان ذا الشيء بيحرق بعض الأشياء في السابع الأصلي

 

[R E D]

العب الأصلية أول أفضل

 

[MOSU]

اقدر العب اللعبة قبل فف 7 الاصلية ؟

لا

نعم

بوكل محامي يرفع قضية عليك يالمحامي تعطي نصايح غلط &@

 

[Futrus]

لا



بوكل محامي يرفع قضية عليك يالمحامي تعطي نصايح غلط &@

مو غلط، احسن يلعب الاصليه اول بس مو نهاية العالم لو لعب هذي اول

 

[Kain]

نعم

اي ولو ان ذا الشيء بيحرق بعض الأشياء في السابع الأصلي

العب الأصلية أول أفضل

لا



بوكل محامي يرفع قضية عليك يالمحامي تعطي نصايح غلط &@

ننتظر النتيجة .....

 

[MOSU]

مو غلط، احسن يلعب الاصليه اول بس مو نهاية العالم لو لعب هذي اول

تخرب التجربة

 

[The Last Lombax]

اقدر العب اللعبة قبل فف 7 الاصلية ؟

لا

 

[Argandir]

اقدر العب اللعبة قبل فف 7 الاصلية ؟

افضلك انك تلعبها بعد الأصلية

بس إذا انت لعبت ال remake…تقدر تلعبها بعد Rebirth

 

[DIAMOND]

من زمان وانا متحمس العب كرايسيس كور كوني احب فاينل فانتسي 7 واي حاجة متعلقة فيها، اللعبة الأصلية توب 5 العاب مفضلة عندي، الريميك اللي ما اعجب الكثير احبه كثير واعشق ادفنت تشيلدرن ايضا .. بختصار اي حاجة فيها ريحة فاينل فانتسي 7 مباشرة تصير من مفضلاتي! كيف كانت تجربتي مع كرايسيس كور؟ زبالة. لايك.. ازبل حاجة شالت اسم فاينل فانتسي لعبتها بحياتي

مبدئيا.. عدوك اللدود من بداية اللعبة لنهايتها هو التكرار والملل، هذا مو لُب اللعبة واي حاجة كتابية خارج الماضي المقتبس من اللعبة الأصلية هو صرعة من الضحك بسبب سوء الكتابة وسخافتها، لولا حبي للاصل ولا كان ماكملتها.. الحاجة الحلوة الوحيدة فيها اني اشوف الماضي بشكل حديث وبس

ما ان العب لعبه قديمة .. تنتابني موجة من الضحك على انتقادات العاب هذه الايام

(( الالعاب الحديثة لا تحترم وقتنا .. هناك العديد من المهام المكررة .. check list .. وغيرها ))

والله يا فيتو جاي اقول نفس الكلام بالضبط.. يعني شوف هنا

هذي بالمناسبة مهمة رئيسية ضروري اخلصها عشان اكمل اللعبة ومش حاجة جانبية

محتوى مخفي

الطفل فيه وحش اخذ فلوسه وهو كان يبغى يعالج فيها امه بهالفلوس وهنا كان عندي خيارين، اروح اهزم الوحوش واجيب فلوسه او ادفع له انا الفلوس، وكون معي مبلغ ضخم قررت اني ادفع له بس صار هذا المشهد:


اللعبة قالت لا ماتدفع! تروح عند الوحش وتقاتله يعني تروح عنده! طيب.. يمكن البعض يعتقد ان فلوسي فعلا ماتكفي بس هذا المبلغ اللي كان معي وقتها:

وبس ياعزيزي القارئ في حال كنت ناسي مبالغ اللعبة كيف.. لما توصل لنهاية اللعبة ومعاك 10 الاف انت كذا ماتقدر تشتري شينرا وبس.. تشتري ميدغار بكبرها والهوم تاون حقت كلاود تجي معها هدية بنفس البكج، انا معاي هنا 40 الف وهذا يقول ماتكفي.. اجل كم يكفي؟؟؟ هذا كله كوم ومهمة البحث عن الطفل نفسه يوم خطف محفظة زاك كوم ثاني!

اذا مو تابعه لخدمة اشتراك او انها باقل سعر ممكن تدفعه للعبه ما اعتقد انها تسوى تخسر فلوسك عليها

فيه حاجة اثمن من المبلغ هنا.. الوقت، حاجات زي كذا الواحد يندم انه ضيع وقت فيها، بعض الاحيان افكر.. لو حملت فورتنايت وجلست ارقص رقصات المراهقين حقت التيك توك واضحك على سخافتها كان ممكن احس بfun شوي بالموضوع وبعدها احذف اللعبة.. بتكون حاجة اثمن من اني احط 20 ساعة في لعبة تخليني اكرر الشيء اللي اسويه من البداية للنهاية واضغط مثلث على الأرقام العشوائية اللي تطلع في الكومبات التعبان حقهم!

ادري اني قاسي بزيادة على اللعبة بس والله طلعت محبط كثير منها بالذات من كلام الفانز عليها وانها حاجة "ماستربيس" يعني اكيد ماكنت حاط في بالي انها كذا فعلا.. بس قلت بطلع لعبة 8/10 وراضي بس مع ذلك طلعت اسوأ بكثير، ولحد يقول سامحها لأنها لعبة بي سي بي لأن تايب زيرو كانت كويسة :/

 

[Raulioo]

لول شكرا لك ياخي
امس ادور الموضوع الرسمي بمحرك البحث، اخرتها كسلت وسحبت.
جالس العبها من كم يوم...بحط انطباعي بعدين
بس عندي سؤال، لاي درجة ضروري اخلص المهام الجانبية..بصراحة حشو مبالغ فيه..بس ما ترتاح لما تسحب عليهم ولحسن الحظ قررت امر عليهم، بحكم ان بعض الجوايز طلعت اكسترا slots للاكسيسوري او الماتيريا
عموما حاطها نورمال وشكلي لان المهام ذي طيرتني فوق فصاير القتال فسحة واستعارض قوة @@
شكلي بسحب على اعداء الدنجنس واروح للبوسس على طول..لازم اخلصها قبل لا تفتح ديث ستراندنج ٢

 

[Sky Walker]

ادري اني قاسي بزيادة على اللعبة بس والله طلعت محبط كثير منها بالذات من كلام الفانز عليها وانها حاجة "ماستربيس" يعني اكيد ماكنت حاط في بالي انها كذا فعلا..

بذاك الوقت وخلال جيل واحد فاينل فانتزي على المحمول قفزت من هالشكل:

"فف5 على الgba"




الى هالشكل:

وكانت من التجارب الاولية اللي تحس انك فعلا جالس تلعب لعبة كونسول على الطاير بالمظهر و بالسكوب ، فلاتستغرب انها كانت big deal بذاك الوقت ، وهالشي يبين كيف نظرتنا وذوقنا للالعاب يختلف ويتغير كل ماكبرنا وكل ماتطورت التقنية وفلسفة تطوير الالعاب.

 

[DIAMOND]

بس عندي سؤال، لاي درجة ضروري اخلص المهام الجانبية..بصراحة حشو مبالغ فيه..بس ما ترتاح لما تسحب عليهم ولحسن الحظ قررت امر عليهم، بحكم ان بعض الجوايز طلعت اكسترا slots للاكسيسوري او الماتيريا

فايدتها نفس ماقلت انت ايضا تفتح منها الاستدعائات، غير كذا مافيها حاجة ضرورية

 

[Raulioo]

خلصتها.
أول شي:
أكبر كذاب اللي بيقولك انها ما بتفرق قبل ما تبدأ سلسلة الريميك..ادري تطويرها بعد فف٧ الاصلية، لكن لو تلعبها قبل ريميك فف٧ وريبرث...قيمة التجربة عاطفيا بتكون أشد وقع عليك..ولحظات كثيرة بتحمل معاني أعمق.
غير كذا، تجربة جميلة ، فيها طبعا بعض المعوقات وفيها قرارات غير مفهومة وفيها عوامل ظلمها الزمن، بختصرها بالآتي:

* كثرة المهام الجانبية قد تكون عيب فيها خاصة مع التكرار بكل شي حرفيا، لكن الأسوأ من كذا آلية توزيعها، انك تفتح كل هالكمية دفعة وحدة..لوحدها لو فكرت تستند عليها للتلفيل وتنهيها، بتكفيك حتى تختم اللعبة الاصلية بليفلك.
كل القرارات حول المهام الجانبية سيئة الحقيقة، الحسنة الوحيدة انهم وفروا عليك المشاوير للوصول لها.

* الكومبات جيد جدا للعبة PSP، صحيح انه صار مكسور بالنسبة لي بسبب الاوفر ليفلنج، بس يبقى تحس متعوب عليه بالادوات المتوفرة، وايوه حتى وهي لعبة بسب وأكشن، لسة الالمنتل اتاكس لها تأثيرها أخونا الجاهل يوشيدا، الفيوجن محدود جدا واحبطني لما كل الدمج للاسحار والضربات المتقدمة ما تجيب لك شي يستاهل، بس تعملها عشان تزيد العناصر معك زي الHP والMP..الخ.

* الشخصيات وكتابتها اكثر شي اوتديتد للاسف باللعبة، يعني اظن لو لعبتها بوقتها بحس بشعاع من الكرنج يخترق امعائي، فكيف الان.
كان المفروض سكوير تعدل شوي من هالجانب وهي عندها هالفرصة، تحسها لعبة تسعينات...تخليك تتأخر لين ما تندمج بالشخصيات.
وجنسس كان له بوتنشال عالي يكون شخصية تقارع سيفيروث بالكولنة بس صنعوا منه اظن اسوأ شخصية بتاريخ سكوير انكس من غثاثته بكل مشهد..وحتى من خلال كتابه احداثه.

* القصة وتقدمها تشدك، المشاهد السينمائية كثيرة وبصراحة مشاهد القتالات بالذات فتنة للعين حتى بعد كل هالزمن وما تتخيلها كيف صدرت عالبسب، الاحداث نفسها جيدة و لطيفة واخراجها عسل، العلاقة بين ايريث و زاك كنت ابي بشدة ان اعيشها قبل لا ابدأ الريميك.
على الثلث الاخير انصدمت من القفزات الزمنية الغير مفسرة والغير مبررة، اضطريت ابحث بالنت حتى افهم كيف مضت ال٤ سنوات!! تشعر ان فيه شابترات مقصوصة ما بين المراحل خاصة بالنصف الثاني.

* المشهد المعروف وكل شي يلحقه، لوحده كافي ان ينسيك كل العيوب والاحباط للجزئيات المذكورة، وتخلي التجربة مستحقة جدا.! يعلق بالذهن والذاكرة واخراجه يثبتلك من جديد ان تاباتا رجل الجزئيات الاخيرة "الملحمية" بالعابه، من فف١٥ والان هنا.
احسه هو كان انسب يسويلك لعبة بسيتنج فف١٦ من ذاك المنفوخ..بيصنع شي للذكرى.

بالنهاية اقدر اتخيل ان اللعبة كانت مبهرة جدا بوقتها على البسب وكثير من العيوب الحالية قد تكون حتى نقاط قوو بوقتها، لعبة ٦٠$، بس الزمن ما خدمها بجوانب عدة، وصارت بمقام انها تكون لعبة بلس بالفعل.
الحمد لله انها ما كانت حصرية اجهزة نين بس عشان ما ننسرق بسعرها بالكامل ليومك @@
يالله المشروع الجاي ديث ستراندنج ٢ واكيد الفوارق البصرية والتقنية بيكون صعب ملاحظتها @@

بونس بوينت:

انضافت للبلاي ليست.

 

[DIAMOND]

الكومبات جيد جدا للعبة PSP

تراهم صلحوه كثير هنا .. في الأصلية ماتقدر تضرب الا ضربة وحده بس



برضوا تذكر الأرقام اللي تطلع لك وتحتاج تضغط مثلث عشان تتفعل الضربة؟ في الأصلية كانت تطلع بوجهك على الشاشة كاملة وتوقف اللعب


الكومبات في الأصلية اسوأ بكثير من هذا

جنسس كان له بوتنشال عالي يكون شخصية تقارع سيفيروث بالكولنة بس صنعوا منه اظن اسوأ شخصية بتاريخ سكوير انكس من غثاثته بكل مشهد..وحتى من خلال كتابه احداثه

يمكن خسفت نص تقييم اللعبة عشانه

 

[Raulioo]

تراهم صلحوه كثير هنا .. في الأصلية ماتقدر تضرب الا ضربة وحده بس



برضوا تذكر الأرقام اللي تطلع لك وتحتاج تضغط مثلث عشان تتفعل الضربة؟ في الأصلية كانت تطلع بوجهك على الشاشة كاملة وتوقف اللعب


الكومبات في الأصلية اسوأ بكثير من هذا


يمكن خسفت نص تقييم اللعبة عشانه

هههههه ديم اتخيل معركة ال١٠٠٠ جندي مع الحالة المزرية ذي...اعتقد الجزء الثالث من الريميك بيصدر وانا لسة غرقان وسطهم @@
بس للحق، سكوير طورت حاجات، لكن كان بامكانها تعديلات اكبر واكثر لتحسين التجربة بس بخلت تستثمر فيها.

لسة مخطط الف على مقاطع المقارنات بين النسختين عشان تكون الصورة اوضح.