الموضوع الرسمي Crimson Desert | استعد القوة. تجاوز الحدود.

[R E D]

المطور
Pearl Abyss

نوع اللعبة
مغامرات أكشن مع عناصر آربيجي بعالم مفتوح ضخم

موعد الإصدار
19 مارس 2026

المنصات
PlayStation 5 - Xbox Series S/X - Window - Mac

تدور أحداث قصة Crimson Desert حول كليف ورفاقه من جماعة “غراي مينز” — أونغكا، يان، ونايرا — خلال فترة صراع في قارة بايويل. يتعرض التوازن الهش للاختلال بعد هجوم مدمّر تشنه عليهم جماعتهم العدوة اللدودة “الدببة السوداء”. خلال هذا الصراع، يُقتل العديد من أفراد “غراي مينز”، ويتشتت كليف مع الناجين الآخرين.
تركّز القصة على رحلة كليف لإعادة لمّ شمل رفاقه، وإعادة بناء جماعة “غراي مينز” التي سقطت، ومواجهة زعيم “الدببة السوداء”، ميردين.
​

---

Crimson Desert لعبة طموحة جدا كانت تحت التطوير من 7 سنوات أو أكثر، من نفس الفريق الكوري اللي قدم Black Desert Online وبنفس عالمها (نفسه فريق Doka V للمعلومية). هالمرة لعبة طور فردي بالكامل ومع عناصر MMO وميكانيكيات لعب عديدة من ألعاب مشهورة نفس Breath of the Wild و GTA/RDR

تتميز اللعبة بمحركها الخاص وتقدم تجربة Next Gen مبهرة مع توجها الHigh Fantasy الجميل ونظام قتالها الأكشني بتحكمه المميز الشبيه نوعا ما بألعاب القتال. عالمها الضخم يعتبر ضعف حجم عالم Skyrim ومحتوى لعب راح يدوم أكثر من من 200 ساعة.

​

 

[R E D]

موضوع عالسريع. لعبت كم ساعة اللعبة مبهرة جدا.. الScale والرسومات وكل هذا يمكن أفضل شي شفته بأي لعبة، الموديلز مو بأفضل تفاصيل بس العالم والSense of Scale شيء مو طبيعي.

التحكم يحتاج تعود، بس هزمت زعيم ال Intro بدون ولا Damage.

 

[R E D]

شلون كنت أتخيل اللعبة اللي مابي أذكر اسمها تكون .. بحط فيديوهات سجلتها عالماشي تستعرض الأجواء وال Immersion هني




المنظر... الفيديو جودته سوبر داونجريد مقارنة بالشاشة عندي. أحلى شي اللعبة فيها ميزة Sit عندي هالأماكن، وتقدر بضغطة زر تغير الكاميرا فيها أكثر من وضعية وفيها FPS Mode بعد بس التحكم فيه صعب جدا.




الغيوم والإضاءة والألحان.. Soo good




حجم الخريطة صدمة حتى وأنا كنت متوقع أنها كبيرة..







اللعبة حياة ثانية جميلة مستغرب اللي يقول مافيها حياة ومادري إيش




المشية سينماتك والألحان اوفف حاب الأنميشنز هني جدا بس بقول الصج التنقل متعب يعني دبل ثقل RDR2. بشوف إذا راح أتعود مع الوقت، كانت ممكن تكون أكثر سلاسة بين الأنميشنز بس اللي موجودة جدا ثقيل وفيه Lag بالاستجابة مرات.

 

[Bestgamer-1st]

هذي اللعبة هي Red Dead لو فيها Gameplay فعلي.

 

[prince khalid]

حجم الخطية صدمة حتى وأنا كنت متوقع أنها كبيرة..

خخخ على حجم الخريطة، هذه لو أسافر مشيًا في الواقع أصل لجنوب إفريقيا قبل أن أصل حدود خريطة اللعبة.

 

[R E D]

اللعبة قاعدة تعطيني شعور أفلام Ridley Scott (&)
هالشيء كنت أحلم فيه من زمان وقاعد اخذ أحلى Fix هني.

 

[R E D]

هذي اللعبة هي Red Dead لو فيها Gameplay فعلي.

امسح 😾

 

[R E D]

ياخي الألعاب غييير لما تكون مصنوعة على محركها الخاص.. يصير لها Charm وجو مميز جدا، بس عارف الشي مرات يصنع مصايب بس والله المخاطرة هذه تسوى ( أتكلم عن نفسي ك Gamer مو ك شركة @).

 

[Unknown]

شلون كنت أتخيل اللعبة اللي مابي أذكر اسمها تكون

فـ ... فـ ...

 

[R E D]

Glitch واحد من الحين.. أسبح على الهواء (&).

 

[Unknown]

الحين البونص الي يجي مع البري اوردر راح علي؟


فجأه يا RED تصويرك لأول فيديويين جابت راسي هههه .. استعراضات الالعاب كلها اكشن ماشدتني .. انا واحد حق اتموسفير قبل كل شي هههه

 

[R E D]

في صعوبة في تجميع العناصر والتنقل على الصخور الشي يصير مزعج

الحين البونص الي يجي مع البري اوردر راح علي؟


فجأه يا RED تصويرك لأول فيديويين جابت راسي هههه .. استعراضات الالعاب كلها اكشن ماشدتني .. انا واحد حق اتموسفير قبل كل شي هههه

جوها نار اللعبة!

 

[GYWN]

هل نظام التحكم Overwhelmed شبيه بWhere winds meet
لأن صراحه كثر الكلام على هالنقطه وأنه معقد ويحتاج وقت طويل للتعود عليه

 

[R E D]

هل نظام التحكم Overwhelmed شبيه بWhere winds meet
لأن صراحه كثر الكلام على هالنقطه وأنه معقد ويحتاج وقت طويل للتعود عليه

فيه تشابه إيه بس المشكلة مع الاستجابة هني أكثر ، الUI بطيء وصعب أنك تجمع العناصر بسبب الزر لازم يظهر على الايتم ولازم المؤشر عليه بالضبط وإذا غلطت الشخصية يقفز. أحس المفروض ألعبها على ال Mouse وال Keyboard لول.

 

[3DSGAM4R]

أنا ألعبها في PC

تنصحون ألعبها بالماوس والكيبورد أو الكنترول ؟ ألعبها كنترول واحس شوي صعبه

 

[Veeto]

اشوف كلام كثير عن الكنترول .. فيه صورة الى الـ Layout للتحكم ؟

 

[XORO]

لعبت كم ساعة الصراحة التحكم يحتاج للتعود غير الكاميرا السريعة اللي سببت لي غثيان عدلت على سرعتها في النهاية

اللعبة تحسها خليط من ريد ديد وسكايرم وزيلدا الى الان ما اشوف نفسي حبيتها او كرهتها نكمل ونشوف

أنا ألعبها في PC

تنصحون ألعبها بالماوس والكيبورد أو الكنترول ؟ ألعبها كنترول واحس شوي صعبه

مممممم هم بنفسهم ينصحوك بالكنترول

 

[HardMind]

من اللي شفته وقريته
هاللعبة يبدو الافضل تنترك فترة، لانه راح تتحسن تجربتها اكثر مع التحديثات وغير مستبعد يسولها اصدار محسن بعد فترة.
ولانه الفريق متجاوب مع ملاحظات الاعبين

 

[used2Bcat]

ok im dropping this التحكم غاثني واجد.. زيلدا دموع المملكة ما ندمت اني ااجلتها الى نسخة السويتش ٢ حتى وهي فترة طويلة كانت ولكن بالأخير صارت عندي افضل لعبة بالتاريخ..

هذه اللعبة بجوهرها لعبة عالم مفتوح و rpg ممتازة لكن التحكم وميكانيكيات اللعبة overwhelming.. في ظروف احسن و اخف بالمستقبل راح ارجع لها لما تتتصلح او تنزل نسخة محسنة + يصير ما عندي باكلوق ضخم.

نرجع للFF Tactics..

 

[R E D]

بديت أتعود على التحكم وعايش أحلى أجواء 😚. اللي يحب عالم The Witcher 3 و Dragon's Dogma II هذه قريبة منهم.

 

[R E D]

اشوف كلام كثير عن الكنترول .. فيه صورة الى الـ Layout للتحكم ؟

مو معقد الLayout، المشكلة بالاستجابة وعندك زر المربع حق القفز وبنفس الوقت حق المحادثات وتجميع العناصر، والAim جدا دقيق فلازم تركز على الشي بالضبط والشخصية ثقيلة فيعني بتواجه صعوبة مرات، خاصة بالأمكان الضيقة والمزدحمة. وبالنسبة حق زر الRun والSprint نفس GTA لازم تسوي سبام إذا تبي Sprint أو خلك ضاغط إذا تبي Run عادي.

اللعبة تبي تعطيك شعور واقعي برا المعارك.

 

[R E D]

البطل كلاسيك مرجلة وهو يحل مشاكل الناس، الشغل هني بعيد عن أي خرابيط اليوم فما أستغرب إذا هالشيء أزعج بعض الWesterners.

 

[prince khalid]

البطل كلاسيك مرجلة وهو يحل مشاكل الناس، الشغل هني بعيد عن أي خرابيط اليوم فما أستغرب إذا هالشيء أزعج بعض الWesterners.

رجل بطل وقطط سمينة. قمّة الصناعة.

 

[R E D]

Glitch واحد من الحين.. أسبح على الهواء (&).

أول كراش مع اللعبة صار بالخريط.

 

[الرئيسي]

اللعبة جميلة على الرغم من ان المطور خلاها مزدحمة بالكثير من الامور
وااضح جدا ان تحويل اللعبة من mmo الى طور فردي له اثر كبير في اللي نشوفه
المحتويات الموجودة و عالم اللعبة يصرخ mmo من جذي لعبها بالطور الفردي شعور غريب .. كأنك تلعب لعبة اونلاين في سيرفر ميت

 

[R E D]

اللي ضايع وما يعرف شنو القدرات اللي عنده وشلون يستعملها
يقدر بالمينو يروح لGuides <---- Others

والسجل علشان الواحد بعرف شنو آخر شي أخذه
Notifications <--- Others

ألغاز اللعبة تطلب مليون Mechanic وتعليمات اللعبة بسرعة تختفي.

 

[3DSGAM4R]

بعد 9 ساعات لعب ، أقدر أعبر عن التالي

- لعب MMO بحته ، لا تقارن أبداً مع ويتشر 3 من ناحية المهام واللور والعمق القصصي ، وأنا ألعب فيها أقرب شعور حسيت فيه هو شعور لعبة دراقون دوقما 2

القصة والمهام الجانبية حتى الأن عادية جداً ولا فيه عمق قريبه لـ قصص الألعاب MMO الكورية ، القتال مش ولابد جداً عادي والأعداء كذلك كأنك تلعب لعبة MMO يتفرجون وضرباتهم تدغدك ، التحكم بكل اختصار ( سيء جداً ) واللي فكر فالتحكم هذا مفروض يراجع نفسه وكذلك الشركة قالوا أنهم راح يضبطون التحكم والتعقيد اللي ماله داعي أبداً .

السؤال الأهم : هل أعجبتني ؟ وأيش العيوب اللي واجهتني خلال 9 ساعات .

الجواب : مبدئياً أعجبتني بسبب أني أحب ألعاب RPG وأذكر قالوا أن اللعبة ماهي RPG ولا هي فيها تعقيدات كثيرة ، لكن الواقع يقول عكس ذلك اللعبة معقدة بشكل كبير في بعض الجوانب

العيوب :

1 - التحكم
2 - Mechanic في اللعبة غير محكم وبتلاحظ هذا من أول لغز يواجهك ، وكذلك من الأشياء الجانبية لقيت شي أشيله من خلال رافعه ما أكذب عليكم جلست 20 د أحاول وتركته فالنهاية لأن أجتمع Mechanic + تحكم سي
3 - حتى الأن ما أدري وش توجه اللعبة وهدفها ؟! مرة تحس أن تلعب دوقما مرة تحس أنكل تلعب ريديد ومره اساسن كريد ومره لعبة سرفايفل مافيه شي تميزت فيه اللعبة لحد الأن ، جاني شعور اللعبة البودكاستيه اللي شغلها وطف مخك لا تشدها
4 - فيها حشو نصوص مالها أي فايدة
5 - العاب الميني قيم فيها مشاكل وصعوبة تحس مالها سنع


راح أكمل فيه متأكد راح يكون فيه شي كويس قدام لأن على الوضع الحالي أسف لكن جداً عادية

 

[Lazy Gamer]

الى الان محد ذكر كيف عالم اللعبة، الاستكشاف كويس ولا ؟ عالم فارغ و لا فيه اشياء تسويها والاهم فيه تكرار؟

 

[3DSGAM4R]

مظهر العالم مبهر

الاستكشاف نعم في كل زاوية ممكن تحصل شي تتفاعل معه وممكن لا

التكرار كـعادة أي لعبة عالم مفتوح بالتأكيد فيه تكرار

 

[Mr.Assassin19]

اللعبة أثارت اهتمامي خصوصًا بعد كلامكم
لكن 70$ كثيرة صراحة... خصوصًا مع وجود ألعاب أخرى 2026 ناوي عليها فعلًا
هل فيه متاجر حسابات مشتركة مرت عليكم؟