اخذت مسار verso بالبدايه لانه بدا لي الخيار العاقل والمنطقي, ماييل تبي تهرب من الواقع وتعيش في عالمها الخيالي مثل ماسوت امها حتى لو كان على حساب صحتها.
ابوها رينير عارف انها راح تدمن ولا راح تطلع منه سليمه فرغبته بتدمير اللوحه كان خيار منطقي وسليم علشان يحافط على بافي افراد العائله.
ولما رجعت بالتخزينه واخذت مسار ماييل طلع صح الي في بالي وان العالم بدا يبتلعها, ومن اخراج مشهد النهايه تقدر تشوف طيف الحزن الموجود في العالم وكيف انه verso من نضراته غاضب ورافض للي قاعد يصير مع انه نسخه مرسومه من ماييل ويبين لك قد ايش هو يحمي اخته بكل نسخه المرسومه.
للأمانه جاني شعور انه لحظه لحظه لحظه اذا كل الشخصيات والعالم هذا مرسوم وخيالي ليش اهتم فيهم واتاثر لو صارلهم الـgommage ؟ وهنا تجي كتابة القصه الذكيه والاخراج.
بداية اللعبه تبدأ بجوستاف والي كان على بالي انه شخصيه رئيسيه وموجوده لين نهاية اللعبه بعدين يموت قدام عينك باول تشابتر
فإذا هم نجحوا بانهم يخلون اللاعب يتعلق بالشخصيات "المرسومه" من البدايه باظهار قصصهم وتاريخهم وتم تقديم شخصيات عائلة Dessendre في وقت لاحق وتم اظهارهم كأشرار وبينهم خلافات راح ضحيتها الناس الي بالعالم المرسوم, فطبيعي اني ايضا اتعلق بالعالم زي ماتعلقت فيه ماييل وهذا مانزل من مستوى القصه عندي وافضل من قصص العاب ثانيه يتم تفسير كل شي بالنانو مشينز والايادي المركبه
أشياء حبيتها:
افضل شخصية عندي كانت esquie تصميمها وحواراتها البسيطه الي بنفس الوقت تقدر تكون عميقه شيئ مذهل. الالعاب والافلام والمسلسلات الان صار الشخصيه اذا تبي تقول كلام عميق ومؤثر يتفلسف عليك ساعه وبالنهايه كلام فاضي. شخصيات 33 Expedition جت بحوارات جمعت بين العمق والبساطه وبدون بربره زايده وانا شخص يكره كثر البربره بالميديا وفي حياتي
ايضا حبيت الـgestrals دايم يضحكوني بردودهم المجنونه والغير متوقعه
البيئه كان فيها اقتباسات واستلهام من العاب اخرى, عندك مثلا المراحل الي فيها الشجر الاحمر والانهار ذكرتني بـgod of war ragnarok.
تحدي gestral beach الي تقفز فيه عالادوات استلهام واضح من chained climb together و getting over it.
تفاعل المخلوق الي اسمه Petank ذكرني بـCactuar من فاينل فانتزي.
ايضا بعض الزعماء يصرخ اسم elden ring و سلسلة souls عموما.
الزعيم الاخير وكيف بنص القتال يقلب الوضع لـattack on titan
حوارات verso مع esquie و monoco ماتفشل انها تضحكني وتثير اعجابي. انا شخص ماكمل ragnarok مع اني معجب بجزئ 2018 وكان افضل جزء عندي, الا انهم فشلوا فشل ذريع باحداث السيكول وقصته التعبانه الممله وخلت شخصية كراتوس تعيسه وتجيب الصمرقع وماغير يردد i need to think الي خلته يطلع بمظهر الضعيف بدال الحكيم
فأنا جدا جدا مبسوط العب بقصه حواراتها تحترم عقلي وماتبغى تصير مثاليه وهمها تكون تعليميه ومراعيه لمشاعر الجميع واهتمت فقط انها تبي تكون واقعيه انها تظهر دراما عائليه وتصرفات شخصيات انانيه بنفس الوقت تحمي الناس المهمين عندها ومصالحها حتى لو كان على حساب شخصيات اخرى (نهاية verso ونظرات scile و lune للتصرف الي سواه).
الجيم بلاي جدا جميل وتفاعلي ويشيل الملل والبرود الي كان مشكله بالعاب تبادل الادوار, عندك 4 ازرار لتجنب الهجوم يعني لازم تكون مفتح عيونك ومستعد لاي نوع هجوم.
الموسيقى, يحتاج اتكلم؟ داخله مع ثيم اللعبه والشخصيات وشايله نص المشاهد على راسها.
ادخال الكلمات الفرنسيه بالاسماء والحوارات والاوصاف كان فنان. لعبتها بالانقليزي لكن الشخصيات تتكلم كلمه او كلمتين فرنسيه اثناء حواراتها خلت الحوار اجمل مع اني غير محب للغه الفرنسيه لكن عجبني استعمالهم لها بالقدر الصحيح وبلطافه.
المنتج هذا يستاهل كلام أكثر وتعليق على كمية التفاصيل الموجوده فيها, رغم انهم ماجابوا شي جديد او ميكانيك جديده. يعني الـparry و lumina و الـelements والقصه الي فيها عوالم خياليه كلها شفناها نفسها او شبها بالعاب ثانيه لكن clair obscure اتقنتها و حطتها بقالب واحد يكمل بعضه.
اللعبه هذي درس للقصص والحوارات, كيف تكتب قصه مثيره وفيها غموض بدون كلام زايد وتفاصيل .
اللعبه درس انه تصميم الجيملاي الممتاز مب لازم تجيب لي ميكانيك جديده لكن انك تتقن التقنيات الموجوده وتسوي توليفه مع بعض تطلع بشكل رهيب
اللعبه درس انه قالب الالعاب الجاهز ماصار مقبول وانه لازم الشركات تؤمن بالمطور وتخليه يبدع(اذا كان عنده ابداع حقيقي ومب خرابيط الـinclusion )
لعبه ذي هذي تعتبر فن وتستاهل تكون في المتاحف واللهي.
تحية للمطور الفرنسي, انتجوا لنا منتج جميل ماهو عطر.
10/10
