Circana: جهاز الـPS5 Pro يحقق انطلاقة قوية بالأسواق الامريكية وموازية لجهاز الـPS4 Pro

[ONLY PLAYSTATION]

من الموقع

محلل المبيعات Mat Piscatella من مؤسسة Circana المتخصصة برصد المبيعات بأسواق أمريكا الشمالية يشاركنا بتحديث حول آداء جهاز الـPS5 Pro مع صدوره بأسواق أمريكا

بحسب حديثه فالجهاز يحقق انطلاقة قوية و موازية لإنطلاقة جهاز الـPS4 Pro مع صدوره، سنحصل على تحديث شامل لمبيعات الجهاز خلال الأسابيع الماضية ولمن بنظر لسعر الجهاز المرتفع مقارنة بالـPS4 Pro فلا شك انها نتائج مميزة لشركة سوني:

Mat Piscatella (@matpiscatella.bsky.social)

bsky.app/profile/matpiscatella.bsky.social/post/3lazdslvrdk2d

(PS5 Pro also had a solid start, with units in the same ballpark as PS4 Pro's launch, but I'll break that down in more detail in a few weeks).

​

 

[ONLY PLAYSTATION]

تستاهل 😍 بس باقي حصريات تستغل قوة 5 البرو

 

[awrans]

اتساءل احيان ما مدى مصداقية هذه المعلومات

 

[Rand]

نجاح مستحق
الجهاز أتوقع راح يقدم أداء مبهر مع العاب العام القادم مثل مونستر هنتر وجتا 6

 

[SuperC]

اتساءل احيان ما مدى مصداقية هذه المعلومات

Mat Piscatella مصدر موثوق بمثل هذه البيانات .. الأسابيع الأولى ستكون فترة الـ enthusiasts و هذا يعني
أن السعر لن يؤثر على المبيعات .. يحتاج نشوف المبيعات على مدى شهور عشان نحكم

 

[hussien-11]

اتساءل احيان ما مدى مصداقية هذه المعلومات

ما هو المقصود بـ(هذه المعلومات)، لا تأتي جميع البيانات من مصدر واحد، وليست جميع المصادر على نفس الدرجة من المصداقية

بالنسبة للخبر الموجود في هذا الموضوع، مصداقيته 100%

وهو قادم من وكالة سيركانا المتخصصة في إحصاء مبيعات السوق الأمريكي لألعاب الفيديو، والتي تقوم بإعداد البحوثات وتقارير المبيعات عن السوق الأمريكي ويشتريها الناشرون بمبالغ ضخمة.

 

[The Praiseworthy]

الجهاز له جمهوره… مادري ليش البعض كان متوقع أنه راح يجمع غبار في مخازن سوني.

عالعموم في إنتظار المزيد من الإصدارات و باتشات لألعاب صدرت مسبقا تستخدم قدارته.

GTA VI راح تكون عليه تجربة جدا مرضية 😌

 

[Good Hunter]

سوني جايبة العيد هذا الجيل

 

[*Nin]

الخبر بدون سياق …

عموما مبيعات الاجهزه تبين بعد فتره لان قاعدة المعجبين في البدايه طبيعي يشترون

 

[Dark_N11]

ممتاز و نجاح مستحق
الجهاز موجة للمحترفين و من يبحث عن افضل تجربة كونسول و رجع لي شغف اللعب

+ كل شخص اعرفه يلعب على البلاي 5 قرر يشتري برو


البلايستيشن هي فعلاً محطة اللعب .. شكراً سوني !

 

[The Last Lombax]

الخبر بدون سياق …

عموما مبيعات الاجهزه تبين بعد فتره لان قاعدة المعجبين في البدايه طبيعي يشترون

ايش السياق الزيادة الي تحتاجه؟ اعداد اجهزة من ٢٠١٠ يمكن ومنظمة NPD/Circana ما يذكروه ابدا

 

[Dark_N11]

ايش السياق الزيادة الي تحتاجه؟ اعداد اجهزة من ٢٠١٠ يمكن ومنظمة NPD/Circana ما يذكروه ابدا

الوكالة متعاونين مع سوني لتغطية فشل البرو

 

[MH MD]

الوكالة متعاونين مع سوني لتغطية فشل البرو

رئيسهم الهبستر في بلو سكاي ايش ترجى منهم يعني

 

[*Nin]

Solid ? كلمه مالها اي معنى بدون تفاصيل

وبعدين Ps4 Pro بايع ١٣٪؜ من مبيعات إصدارات البلايستيشن ٤ في امريكا

يعني ابتداء المقارنه مع البلاستيسن ٤ برو ما تفيد بأي شي لان الجهاز ما كسر عشان ناخذه بعين الاعتبار

السياق الغايب هنا هل هو نجاح بالمقارنه بالسعر او بتباطئ مبيعات الاجهزه عموما او حقق توقعات اكبر من حطتها سوني

ما في سياق = خبر ناقص

 

[MH MD]

Solid ? كلمه مالها اي معنى بدون تفاصيل

وبعدين Ps4 Pro بايع ١٣٪؜ من مبيعات إصدارات البلايستيشن ٤ في امريكا

يعني ابتداء المقارنه مع البلاستيسن ٤ برو ما تفيد بأي شي لان الجهاز ما كسر عشان ناخذه بعين الاعتبار

السياق الغايب هنا هل هو نجاح بالمقارنه بالسعر او بتباطئ مبيعات الاجهزه عموما او حقق توقعات اكبر من حطتها سوني

ما في سياق = خبر ناقص

السياق ببساطة انه كاطلاق ماشي بنفس نسبة ال٤ برو، هذا السياق الحالي.

طبعا برضو السياق انه اي واحد مهتم للجهاز بياخذه اول يوم، الفكرة هل بيستمر بهالرتم الأسابيع الجاية؟ الشهور الجاية؟ هل بيكون فعلا خيار لكثير من اللي بيشتروا البس٥ مستقبلا والسعر مش عائق؟ هذا كله بيتضح مع الوقت

ما ننسى مثلا انه الPSVR2 حصل اطلاقة قوية ايضا، لكن فشل بالنهاية انه يقرب يوصل لمبيعات PSVR1 حتى وسوني خفضت سعرع وبغت تفضيه من المستودعات

 

[*Nin]

السياق ببساطة انه كاطلاق ماشي بنفس نسبة ال٤ برو، هذا السياق الحالي.

طبعا برضو السياق انه اي واحد مهتم للجهاز بياخذه اول يوم، الفكرة هل بيستمر بهالرتم الأسابيع الجاية؟ الشهور الجاية؟ هل بيكون فعلا خيار لكثير من اللي بيشتروا البس٥ مستقبلا والسعر مش عائق؟ هذا كله بيتضح مع الوقت

ما ننسى مثلا انه الPSVR2 حصل اطلاقة قوية ايضا، لكن فشل بالنهاية انه يقرب يوصل لمبيعات PSVR1 حتى وسوني خفضت سعرع وبغت تفضيه من المستودعات

الخبر : بداية " solid “ ( كلمه مالها معنى ) من الوحدات الي توفرت للجهاز مثل الي توفرت للبرو ٤

كم عدد الوحدات؟ كم نسبة المبيعات من عدد الوحدات ؟ وين مقارنة اطلاق البلاستيشن ٥ او اصدار اجهزة البلاستيشن عموما


كلها تبين ان خبر بدون سياق وما يفرح غير الفانزات

الي أنا مو مضطر أكون واحد منهم 😅

اصلا هالنوع من الأخبار عندي نفس النظره له إذا كان يخص اي شركه اخرى


ننتظر ال " breakdown “ على قولته

 

[Veeto]

الخبر : بداية " solid “ ( كلمه مالها معنى ) من الوحدات الي توفرت للجهاز مثل الي توفرت للبرو ٤

كم عدد الوحدات؟ كم نسبة المبيعات من عدد الوحدات ؟ وين مقارنة اطلاق البلاستيشن ٥ او اصدار اجهزة البلاستيشن عموما

شلون ما لها معنى .. الناس تقارن تفاحة بتفاحة مو مع برتقالة

قارن ليك اصدار البلاي 4 برو مع البلاي 5 برو

يروح يقارن اصدار جهاز محسن مع اطلاق جيل جديد ليش ؟!

 

[Hugo]

شلون ما لها معنى .. الناس تقارن تفاحة بتفاحة مو مع برتقالة

قارن ليك اصدار البلاي 4 برو مع البلاي 5 برو

يروح يقارن اصدار جهاز محسن مع اطلاق جيل جديد ليش ؟!

اتوقع قصده صياغة الجملة مش واضحة ما تعرف مقارنه في ايش بالضبط، مافيه معلومات كافية يعني.

 

[*Nin]

اتوقع قصده صياغة الجملة مش واضحة ما تعرف مقارنه في ايش بالضبط، مافيه معلومات كافية يعني.

هو كلامي واضح للأمانة

بس اعتقد الفرق يعتمد على قراءة الشخص له .. قراءة فانزات أو قراءة شخص مطلع على عالم الألعاب 😇

بالنسبه لي خبر ناقص

 

[Raulioo]

حتى الوي يو كانت انطلاقته قوية.
شي طبيعي، الاستمرارية اهم شي والللي بامانة احسها صعبة تحافظ على الرتم.

 

[*Nin]

حتى الوي يو كانت انطلاقته قوية.
شي طبيعي، الاستمرارية اهم شي والللي بامانة احسها صعبة تحافظ على الرتم.

جا في بالي نفس الشي سبحان الله

حتى اخبار مايكروسوفت لما يقولون افضل ربع للاكس بوكس في التاريخ .. او انجح موسم أعياد

اخبار ناقصه

 

[Veeto]

اتوقع قصده صياغة الجملة مش واضحة ما تعرف مقارنه في ايش بالضبط، مافيه معلومات كافية يعني.

بالانجليزي الجملة واضحة

PS5 Pro also had a solid start, with units in the same ballpark as PS4 Pro's launch

نفس عدد وحدات البلاي ٤ برو

هو كلامي واضح للأمانة

بس اعتقد الفرق يعتمد على قراءة الشخص له .. قراءة فانزات أو قراءة شخص مطلع على عالم الألعاب 😇

بالنسبه لي خبر ناقص

شنو الناقص ؟

 

[Hugo]

بالانجليزي الجملة واضحة

PS5 Pro also had a solid start, with units in the same ballpark as PS4 Pro's launch

نفس عدد وحدات البلاي ٤ برو

اها فهمت غلط من الرد حسبته يقتبس حاجة من صيغة الخبر بالعربي، ولا الانكليزي واضح فعلا بداية البرو قوية مع ارقام مبيعات مثل البلايستيشن ٤ برو واضح جدا المعنى وما يحتاج تشكيك.

 

[Hugo]

جا في بالي نفس الشي سبحان الله

حتى اخبار مايكروسوفت لما يقولون افضل ربع للاكس بوكس في التاريخ .. او انجح موسم أعياد

اخبار ناقصه

شكلك تبي ارقام مبيعات بالضبط ولا كيف ؟

افضل ربع في التاريخ يعني الافضل في كل الاوقات واضحة جدا بس اذا تبي تفاصيل للارقام حاجة اخرى تماما وما يعني الخبر مش واضح

 

[Veeto]

حتى الوي يو كانت انطلاقته قوية.
شي طبيعي، الاستمرارية اهم شي والللي بامانة احسها صعبة تحافظ على الرتم.

جا في بالي نفس الشي سبحان الله

بنزور التاريخ الحين ؟

 

[Emirates]

اهم شي الاستمرارية في الانطلاقة القويه

 

[*Nin]

شنو الناقص ؟

هلا اخوي سبق ووضحت تقدر تشوفه فوق

شكلك تبي ارقام مبيعات بالضبط ولا كيف ؟

افضل ربع في التاريخ يعني الافضل في كل الاوقات واضحة جدا بس اذا تبي تفاصيل للارقام حاجة اخرى تماما وما يعني الخبر مش واضح

في الوضع الطبيعي،

إذا الخبر يخص المبيعات .. أكيد ما في افضل من ارقام المبيعات عشان تبين الصوره ..

اي خبر عن المبيعات ما يكون فيه ارقام لا تاخذه كمعلومه تبني عليها اي شي

كلمة Solid مب معناها مبيعات قويه .. اقرب معنى لها ان المبيعات ثابته .. ولكن بسبب غياب السياق .. الكلمه مالها معنى ومجرد وصف .. ممكن تكون مستواها مثل المتوقع او جيده بالوضع الموجود مثل ارتفاع السعر او كون الجهاز مجرد نسخه محسنه ومعاني أخرى بعد ..

أما بخصوص مايكروسوفت ، لما تقول افضل ربع .. معناها ممكن باعوا ١٠ آلاف نسخه او باعو مليون نسخه .. كيف انت تعرف ؟
طالما ما في معلومات تخص الموضوع ( ارقام المبيعات ) في هذه الحاله

اخبار ناقصه وكلام مبهرج لا اكثر ولا اقل


أتمنى وصلت الفكره 😇

 

[Veeto]

إذا الخبر يخص المبيعات .. أكيد ما في افضل من ارقام المبيعات عشان تبين الصوره

بما انك مطلع ما شاء الله عليك
توك تدري ان سيركانا ما تنزل ارقام ؟
لو اطلاعك هذا غابت عنه هالمعلومة ؟

قويه .. اقرب معنى لها ان المبيعات ثابته .. ولكن بسبب غياب السياق .. الكلمه مالها معنى ومجرد وصف .. ممكن تكون مستواها مثل المتوقع او جيده بالوضع الموجود مثل ارتفاع السعر او كون الجهاز مجرد نسخه محسنه ومعاني أخرى بعد ..

شلون غاب السياق ؟
هو يقول لك مع ان السياق العام ان السعر غالي وعامل مؤثر الا ان مبيعات الجهازين بنفس النسق

انا ابي افهم تعرف انت كلمة (( سياق )) شنو معناها ؟

 

[Hugo]

هلا اخوي سبق ووضحت تقدر تشوفه فوق




في الوضع الطبيعي،

إذا الخبر يخص المبيعات .. أكيد ما في افضل من ارقام المبيعات عشان تبين الصوره ..

اي خبر عن المبيعات ما يكون فيه ارقام لا تاخذه كمعلومه تبني عليها اي شي

كلمة Solid مب معناها مبيعات قويه .. اقرب معنى لها ان المبيعات ثابته .. ولكن بسبب غياب السياق .. الكلمه مالها معنى ومجرد وصف .. ممكن تكون مستواها مثل المتوقع او جيده بالوضع الموجود مثل ارتفاع السعر او كون الجهاز مجرد نسخه محسنه ومعاني أخرى بعد ..

أما بخصوص مايكروسوفت ، لما تقول افضل ربع .. معناها ممكن باعوا ١٠ آلاف نسخه او باعو مليون نسخه .. كيف انت تعرف ؟
طالما ما في معلومات تخص الموضوع ( ارقام المبيعات ) في هذه الحاله

اخبار ناقصه وكلام مبهرج لا اكثر ولا اقل


أتمنى وصلت الفكره 😇

للامانه اقدر اشوف وجهة نظرك واتفق معها لكن انت تقول كلام ناقص ومبهرج وهذا غير صحيح بتاتا الكلام واضح ومفهوم ومعناه مبيعات قوية للجهاز مثل خلفة.

ممكن تشوف المصدر لا يُعتد به او خاطئ او معلومات مغلوطة لكن المعلومات واضحة وضوح الشمس بعض النظر عن ذلك. الارقام حاجة تسند الكلام لكن يقدرون يقولون المبيعات قوية حاليا بدون ارقام ويعلنون عنها في قادم الاسابيع.

 

[*Nin]

بما انك مطلع ما شاء الله عليك
توك تدري ان سيركانا ما تنزل ارقام ؟
لو اطلاعك هذا غابت عنه هالمعلومة ؟

تنزل ولا ما تنزل النتيجه وحده .. الخبر ناقص

مب موضوعنا سيركانا ايش تسوي .. أنا اعلق على الخبر المكتوب 😌

شلون غاب السياق ؟
هو يقول لك مع ان السياق العام ان السعر غالي وعامل مؤثر الا ان مبيعات الجهازين بنفس النسق

انا ابي افهم تعرف انت كلمة (( سياق )) شنو معناها ؟

ابحث عنها اخوي في قوقل إذا حاب تعرف بس تخجل تسأل 😝

عموما تعليقي على تعليق المحلل الموجود في. الموضوع .. مادري عن وشو تتكلم