hits counter

الموضوع الرسمي Catherine خرفان الخطيئه

شباب . الديمو متوفر على أي ستور بالضبط ؟ لأني ما وجدته على الستور الأمريكي .
 
MadPhantom قال:
فيه اخبار كون اللعبة فري ريجن على الاكس بوكس ولا لأ ؟
أنقر للتوسيع...

أطلس ماعندها فرع في أوروبا .. فلذلك .. الألعاب اللي تنشر من قبل أطلس في الغرب تنشر في أمريكا فقط .. إلا إذا تكفلت شركة أخرى بنشر اللعبة في أوروبا فهذا أمر آخر ..

مدري هل هذا يمنع النسخة الأمريكية أنها تكون فري ريجن ؟ .. الله أعلم ..
 
آحسآس قال:
أطلس ماعندها فرع في أوروبا .. فلذلك .. الألعاب اللي تنشر من قبل أطلس في الغرب تنشر في أمريكا فقط .. إلا إذا تكفلت شركة أخرى بنشر اللعبة في أوروبا فهذا أمر آخر ..

مدري هل هذا يمنع النسخة الأمريكية أنها تكون فري ريجن ؟ .. الله أعلم ..
أنقر للتوسيع...

قهر لو ماصارت فري ريجن ، مابي نسخة البلاي لسببين السبب الاول والاهم ، البنت الي على الغلاف بايخه ">.> ، والسبب الثاني بلايي خربان T.T !!! <~ لاحظ وين الاهمية :laugh::
 
لو كانت Region locked على ال360 ما لكم إلا أن تتأملوا أن تنشرها سكوير إينكس أو غيرها في أوروبا.
 
^
اهم شي لا يغيرون غلاف الاكس اذا بينشرونها ">.>
 
لووووووووول على التاجز :laugh::
 
unboxing رسمي

[video=youtube;-q540tIratA]http://www.youtube.com/watch?v=-q540tIratA[/video]

لول الإصدار رهيب يبغالي أطلب واحد !
 
^
اللي اعرفه انه الكلام عن هذي اللعبه في تروجيمينج ممنوع للأسف 🙁

عموماً طلعت مراجعات بعض المواقع
1UP A
Dtoid 9
oxm 8

حمااس
 
لول الله يعين شلون بتدخل طلبيتي مع هالصوره الكبيره اللي حاطينها للمتد XD

طلبت من امازون يغلفها لي بغلاف هديه يمكن يمكن يمر :sadwalk:

و تم التحويل لي موضوع رسمي :innocent::
 
^
ليش تجازف عاد ؟ .. انا بشتريها اول ما تنزل عندنا على طول اخاف يمنوعونها بعد
 
سالفة دخول اللعبة او لا، هل من جد تغليف اللعبة كأنها هدية تمشي ؟

انا اذكر واحد من الأعضاء غلف اللمتد بتاع جاد اوف وار 3 ودخلها بالحلاوة، + لو اللعبة مادخلت ايش بيصير ؟ فلوسي ترجع او كيف " مو فاهم بالمره "
 
انا طالب اللمتد ادشن و ماينباع الا بامازون و جيم ستوب يعني ماراح اتحصلها عندنا انسى خاصه مع هاللعبه

عاد اذا مادخلت باخذ اللي موجوده هني :sadwalk:

سي روك - اذا صادروها الجمارك خلاص راحت عليك فلوسك 🙁 🙁 🙁
و غلاف الهديه يخفف من احتمالية انها تتصادر بس ماينمع
 
Khalid قال:
^
اللي اعرفه انه الكلام عن هذي اللعبه في تروجيمينج ممنوع للأسف 🙁

عموماً طلعت مراجعات بعض المواقع
1UP A
Dtoid 9
oxm 8

حمااس
أنقر للتوسيع...

مراجعة 1UP مكتوبة من قبل جيريمي باريش .. أقدر أقول بأن اللعبة وجبت خلاص .. أثق في هذا الشخص تماماً ..
 
لحد يرفع الهايب فوق ، ترى احتمال اللعبه ريجن لوكد 🙁
 
هااااااااااااااااااااااايب. :rockon:

منو طلب البيتزا غيري أنا وواحد ؟
 
خرفان الخطيئة :laugh::

قاعد احمل الديمو حاليا نشوف اخرة الهايب هذا .
 
اللمتد ادشن اية محتوياته

طلبت النسخة العادية بس ممكن اغيرها
 
حلووة النسخة 😀

بس كم حجمها عشان ارامكس والجمارك عندنا هتعمل الواجب :laugh::
 
ولا شي بس طلبية خرفان من امريكا :yuck::
 
شباب تكفون ريحوني ، اللعبه لوكد ريجن ولا فري ريجن ؟ 🙁

تعديل : على الاكس بوكس
 
ممنوع الكلام عن هاللعبة بالمنتدى ؟ وين كاتبين هالشي ؟ ليش مفتوح الموضوع عيل ^^" ؟

لعبت الديمو حلو والله .
 
للأسف 🙁 !





لا خطط لإصدار Catherine في المتاجر الأوروبية


​
في حديث أُجري مع مدير المبيعات في أطلس الأمريكية السيد Aram Jabbari ذكر أنه لا خطط لديهم لإصدار لعبتهم الجديدة والناجحة نقديًا Catherine بنسخة أوروبية.​

علل ذلك بأنه الشركة تحتاج إلى شريك نشر لينشر اللعبة في المنطقة لعدم مقدرتهم فعل ذلك. شبه الحالة هنا بما حصل مع كل من Persona 4 و 3D Dot Game Heros حين تولت نشرهما كل من Square Enix و SouthPeak على التوالي.​
يُذكر أن اللعبة ستتوفر في المتاجر الأمريكية بعد عدة أيام، تحديدًا في يوم 26 من يوليو.
أنقر للتوسيع...
 
^
من جد حالة صعبة مع الريجون لوكد ! الله يخلي البلاي 3 بطلب نسختة واريح بالي، مع إن ودي بنسخة الاكس 🙁
 
sea.roOock قال:
^
من جد حالة صعبة مع الريجون لوكد ! الله يخلي البلاي 3 بطلب نسختة واريح بالي، مع إن ودي بنسخة الاكس 🙁
أنقر للتوسيع...

شكلك تبي نسخة الاكس عشان المزه الي على الغلاف صح ؟ :inlove: <~ نفس الحاله لووووول
 
مو فارقة معي مسالة الغلاف بس جربت الديمو على الاكس والبلاي ، ارتحت مع تحكم الاكس كثير هذا هو السبب
 
MadPhantom قال:
للأسف 🙁 !
أنقر للتوسيع...

بس ترا فيه أمل للنسخة الأوروبية لأن أطلس قدمت طلب للشركات لنشر اللعبة في أوروبا .. وهذا يعتمد بالأول والأخير على نجاح اللعبة بأمريكا .. إذا نجحت فـ راح نشوف العديد من الشركات اللي بتتسابق على نشر اللعبة ..

مصدر
 
يجب تسجيل الدخول أو التسجيل كي تتمكن من الرد هنا.
عودة
أعلى