تم الانهاء مع إضافة Revelations في خلال ٢٠ ساعة.
اول شيء بقول اللعبة جدًا مظلومة وانا منهم …. كنت حاقد عليها لانها غيرت اشياء كثير عن الاول وادخلت جزيئات التسلل المملة عليها لكن …. بعد اعادة السلسلة اكتشفت ان اللي سواه الثاني هو الشيء الصحيح في كل شيء عدا جزئيات التسلل.
خلوني اقولكم وش اللي تغير للأفضل :
١- تحكم كامل بالكاميرا بس يبغالك تتعود عليه وتخلي اللعبة تسوي تراكنغ للاعداء بدل ماتحركها بنفسك ممكن في خيار في الإعدادات بس معلينا الكاميرا الثابتة تصلح للتجارب الفنية اللي تحاول تستعرض بيئاتها بطريقة اوسع واقرب للافلام لكن …. اللعبة لعبة اكشن فيها حركة كثيرة وتتطلب تفادي واحتراف للميكانيكيات لذلك وجودها مع اي لعبة اكشن هو big no no في قاموسي.
٢- التخلص من التنويع المبالغ به لغرض فقط التنويع واللي كانت الغاز كثيرة ومنفرة وعقبات مزعجة اللعبة صارت مركزة ومترويدفينيا بحته كأنك تلعب باتمان اركام.
٣- تحسين الكومبات بشكل كبير ويدخل فيه الكاميرا وايضا خيار اللعب بدون الqts … عندك اول شيء تغيير الشادو ماجيك الى elemental magic بحيث عندك نار وثلج يعني سلاحين اضافيين سيف سريع يرجع طاقتك ويقدر يجمد الاعداء وايضا قفازات نارية ضرباته قوية وبطيئة تستفيد منها حرق الاعداء وتكسير دروعهم + الشيء انه صار دمك لايك بمعنى يمديك تغير الاسلحة ميد كومبو وتكمل بكومبو السلاح الاخير والعكس صحيح
٤- الاستفادة من الاسلحة الجديدة في الاستكشاف وايضا جعل التسلق سلس وانسيابي ممكن احد يقول مافيه تحدي مثل الاول بس اقول انا ريحني اكثر وخلا اللعبة مباشرة اكثر وسريعة.
٥- تشبع غليلك للسلسلة بحيث تعطيك منطقتين عملاقة القلعة والمدينة كل واحد منها مترابط باجزائه الداخلية …. القلعة فنيا جدا جميلة والمدينة فيها مناظر حلوه بس يميل عليها طبقة لون واحدة بس موب باهته جدا.
٦- طبعا تقنيًا قفزة كبيرة تعابير الوجه والتمثيل الحركي والصوتي مع جودة التكستشرز العالية … طبعا الموسيقى بعدت عن ملحمية الاول وركزت على تنويع الحانها وهذا خلانها عندي اقرب لذوقي الالبوم ممتاز.
———
بذكر شوية عيوب ماراح امحيها لاني حبيت اللعبة :
١- جزئيات التسلل …. مدري وش كانوا يفكرون فيه موب سيئة بس مالها داعي لان دراكولا نفسه يهزم اعداء اقوى من هذولا اللي مفترض انها اقوياء وعذر انه ضعيف مايمشي صراحة.
٢- الاشرار كانوا يحتاجون وقت اكثر …. زوبيك واول شرير خذوا وقتهم بس الباقين ومنهم إبليس ماظهروا بشكل كافي.
٣- النهاية ناقصة تحس المفروض فيه epilogue اذا جبت 100% بس ماعتقد فيه.
———
بقول بعد إضافة revelations ممتازة الوكارد جدا ممتع وتستفيد من قدراته بشكل مثالي وفيها افضل زعيم في الثلاث العاب كلها.
8.5/10
