الموضوع الرسمي BlazBlue

[Purple Wind]

صار لي سبوع ألعب اللعبة و ممتازة, بس ما ارتاحوا ليها الشباب زي SF4, اللعبة أعقد من اللازم... ما يهم:w00t:!
الMain مالي Tager, خسارة ما في نظير لRobo ky:crying:!

 

[Nemesis Zone]

اليوم شريت اللعبة 🙂

اخدت نسخة الـPS3 علشان الريجون

لعبت الستوري مود تقديمه حلو جدا بس لو كان الصوت ياباني كان احلى +_+

وجربت الأونلاين همم جيد فيه شويه لاق في البدايه بس يوم يبدا القتال كل شي طبيعيي يكون فزت مباراه وخسرت 2 لول

اللعبة تستاهل التقييمات محتاجه شويه تدريب على الحركات

 

[Ace]

^ فيه صوت ياباني انا عندي بنسخة ال360 رحت ال options وعدلت الصوت من هناك شوف جرب نسخة ps3

 

[Nemesis Zone]

^

^

اوه نايس قبل شوي دخلت وغيرت اللغة كدا صارت 100%

الان فيه شي مش مفهوم في الستوري مود

محتوى مخفي

العب لمده معينه بعدين تظهر قصه ويقولي truth not be found yet والنسبة المؤيه للشخصيه ماكملت ااـ40% انا اظن ان لازم العب ستوري لشخصيه ثانيه علشا اكمل الأولى صح ؟

كمان شي غريب ياجماعه الأسطوانة الثالثه في اللمتد الي Blu-Ray ماتشتغل في قائمة الجيمز ليش ؟ دورت في الفيديوز برضه ماتشتغل ولا كأني حطيت شي في الجهاز حد جرب؟

تحرير:

قبل شوي انتبه على هالرد

بحثت في النت و يبدو انها مشكلة منتشرة بين بعض الناس
يقولون الحل انك تطلع الدسك و تطفي الجهاز من السوتش الي في خلفه و بعدين تشغله و تدخل الدسك. جربت الحركة من شوي ولا اشتغل معي.
بجربها مرة ثانية

ياخساره +_+ يعني نسخة الأكس بوكس كنت ناوي عليها علشان الأتشيفمنتس بس الريجون منعني ترجع لنا مشكله الفيديو للبلو راي +_+

جهازي PAL مافي حل لهل المشكله ؟

 

[Zato]

الMain مالي Tager, خسارة ما في نظير لRobo ky:crying:!

لول واحد من الشباب لاعب Robo Ky يلعب بنيو13 هنا, مره مبسوط عليها.

على قولته : The race of men shall fall

^
الان فيه شي مش مفهوم في الستوري مود

محتوى مخفي

العب لمده معينه بعدين تظهر قصه ويقولي truth not be found yet والنسبة المؤيه للشخصيه ماكملت ااـ40% انا اظن ان لازم العب ستوري لشخصيه ثانيه علشا اكمل الأولى صح ؟

محتوى مخفي

حتى ألحين خلصت 4 شخصيات, كل واحد فيهم في أختيارات مختلفه عشان تتغير النهايه.

مثلا :

تايجر : النهايه 1 - أوصل عند شخصيه معينه, أنهزم و بتحارب شخصيه ثانيه = نهايه
النهايه 2 - عند نفس الشخصيه, فوز و بيتغير أخر شخصيه تقابله = نهايه
النهايه 3 - لازم تشوف النهايه 2 أول, تبدأ الستوري مود من جديد و عند شخصيه معينه تفوز بسوبر = نهايه 3

برضه الكلام حق الهزيمه يأثر على النسبه, أخسر عند كل شخصيه تقابلها و سوي لود.

 

[Jizasu]

شريت اللعبه و للأسف ماشدتني حيل، و لكن شيء احسن من لا شيء.

عضويتي على البلايستيشن نيتورك Jizasu.

 

[JOE]

هههههه عالوضع المزري يا مايكروسوفت ..... رايح ادبر بلاي 3 عشان العب زي الاوادم . << جهازه XB اوروبي و اللعبة ريجن لوكد و لسة مالها ناشر في اوروبا .

 

[ShinShadi]

أمس كان أول تجربة لي مع اللعبة في بيت الأخ Mute City ( نواف ) ..
بصراحة فاقت توقعاتي بكثير ( بستثناء الساوندتراك :inlove: إلي جاء على قد الطموح العالي إلي بنيته ) .. موشن الشخصيات كان ناعم جداً و أسر .. و أسلوب اللعب كان جداً ممتاز و مسلي .. هذي العبة بكل تأكيد بتكون على رأس قائمة مشترياتي القادمة بإذن الله ..​

 

[nintendodream]

حكمي الشخصي بعد تجربتها يوم آمس عند أحد الشباب.

-الحركات قليله جداً.
-الموسيقى لم تعجبني بأي شكل من الاشكال.
-نظام الجيم بلاي بطيء ويحتاج تسريع في الاجزاء القادمة.
-قلة الشخصيات.
-توقعت رسوم السبيريت تكون أفضل من جلتي جير على الاتش دي.
-نظام ضربات صعب ويحتاج وقت طويل للتعود عليه.

+رسوم الخلفيات رووعه كثير وجذبتني.
+حركات السبيشل حلوه كثير والتأثيرات فيها ممتازه
+التحكم سلس ونـظام الكومبو حلو بشكل جيد.
+تعتبر بداية جيدة لجزء جديد لسلسله قادمه من مطوري جلتي جير.
+أون لاين.

أنا شخصياً افضل جلتي جير عليها بشكل كبير بسبب إني أحب ألعاب الفايت بشكل سريع وحركات كثيره وسلسله وسهلة التطبيق.

عموماً هذا أنطباعي بشكل عام عن اللعبه.

 

[Grand]

-الحركات قليله جداً.

بالعكس الحركات مو اقل من اي لعبة ثانيه و ممتاز العدد

-نظام الجيم بلاي بطيء ويحتاج تسريع في الاجزاء القادمة.

لو انه بطيء كان صارت اللعبة سهلة التعود

-نظام ضربات صعب ويحتاج وقت طويل للتعود عليه.

هذي ميز لانه مو اي واحد توه ماسك اللعبه يخربط بالجويستيك و يفوز وبما انه صعب فمعناته انه سريعه و يبيلها وقت للتعود

 

[Burdegation]

بعد التجربه

اقدر اقول ان صار عندي لعبة قتال مفضله جديده :inlove:

+عدد الشخصيات جيد كأول جزء من السلسله و ان شاء الله انشوف عدد اكبر بالمستقبل
+ تنوع بالشخصيات يرضي اغلب الاذواق
+ حركات كثيره و متنوعه و اسلوب قتالي رائع و سريع و الاهم من ذلك ممتع للغايه
+ سبرايت جميل جدا و ارت خلاب
+ مؤثرات تذيب العين من رهابتها
+ ساوندد تراك تحفه
+ اون لاين ممتاز
+ افضل لعبه قتاليه من ناحية تقديم القصه

- تسهيل عملية عمل بعض حركات السبيشل بتحريك عصى الانالوج اليمين


بختصار: تستاهل 9.4 من ign

 

[Aoks]

اللعبة رهييييبه 🙂

ادمنتها هاليومين

الاونلاين راااائع وما في لاق ابدا

بعد ما جربت الشخصيات , , استقريت على Noel , حركاتها رهيبه

بس لاحظت انه لما تلعب Ranked match الحركات الي بالـ R3 ما تشتغل , لازم تسويها بنفسك

اللعبة خورافيه !

اذا في شي بيكرهني في اللعبة , , فهو شخصية JIN لول غثيث من جد !

الي يحب يلعب يضيفني بالـ PSN​

 

[Zixmar]

شباب الحين اللعبة ريجن فري؟

 

[Zero]

هههههه عالوضع المزري يا مايكروسوفت ..... رايح ادبر بلاي 3 عشان العب زي الاوادم . << جهازه XB اوروبي و اللعبة ريجن لوكد و لسة مالها ناشر في اوروبا .

ههههههههههههه ، واللي ما يقدر يدبر بلاي3 ؟ :laugh::
لما قفلت عندي قلت خلني أروح أشتري فايت نايت راوند 4 ولما رحت أشتريها ما لقيتها :confuse:

 

[JOE]

^^ الوضع مأزم جداً يصير ادبر الـPS3 من واحد و الـSF IV Fightpad من واحد (مستحيل العاب لعبة قتالية بالديويل شوك) و اشتري اللعبة على حسابي و لما تصدر عالإكس بوكس اوروبية ابيعها مستعملة بـ100 ريال ..... فعلاً ... الفلوس في يدك و اللعبة عالرف قدامك و ما تقدر تشتريها :evil::

طبعاً جربتها مع شادي و تيامات و حسين نيسو و نواف mute city و عجبتني كثير ، الشخصيات رقم عددها القليل "جداً" إلا انك ما تحس بمحدوديتها بسبب مقدار التنوع في تصميم و ستايل كل شخصية عن الثانية ، و الرسوم و المؤثرات مبهرة و تراكات الـRock إلي عودونا عليها ارك سيستيم ما يحتاج

لعبت بكم واحد بس Jin Kisaragi عجبني اكثر شئ بحركاته الثلجية و اسلوبه ، التحكم بسيط و سريع التعلم و اللعبة سريعة ... رغم اني ما كنت من معجبي جيلتي جير إلا انه بليز بلو في قائمة مشترياتي اكيد .... لما يفتكرونا 😛eeved:

 

[The Last Fantasy]

اللعبة رهييييبه 🙂

ادمنتها هاليومين

الاونلاين راااائع وما في لاق ابدا

بعد ما جربت الشخصيات , , استقريت على Noel , حركاتها رهيبه

بس لاحظت انه لما تلعب Ranked match الحركات الي بالـ R3 ما تشتغل , لازم تسويها بنفسك

اللعبة خورافيه !

اذا في شي بيكرهني في اللعبة , , فهو شخصية JIN لول غثيث من جد !

الي يحب يلعب يضيفني بالـ PSN​

أهنيك. نفس شخصيتي

بس جن مقدور عليه. أكثر شخصيتين يرفعون ضغطي هم u-13 و Haku-men.

 

[Lord Balmung]

ما تلاحظون ان الـ Astral Finishes استعراضي زيادة عن اللزوم وفي منهم الي مالها فايدة اصلا؟
مثلاً الاسترال فينيش لبنت ألوكارد

محتوى مخفي

من شروطها، الجولة لازم تكون الاخيرة وطاقة الخصم >20%

حد منكم جرب يسويهن في رانكد ماتش ؟

عدا ذلك فاللعبة ممتازة

:lebb:

 

[Zato]

Good Games Aoks

كيف تتعامل مع Noob Jin بRagna :

-أنتظره يسوي الهادوكن, أول ما تصدها أقلع عليه بالربع ورا+A, الضربه بتكون من صالحك أو Knockdown للأثنين. ربع ورا+A ما تعلق أذا ما سويت التكمله.
- أستعمل Inferno Divider لما تشم ريحة الMusou
-أستعمل الC and B عشان ما تخليه يقرب, بتضرب الC mash حقت Jin أذا وقتها صح.
-في الزاويه وقت ضربة الB حقتك عشان تكون بوجهه و هو قايم
Since they get up mashing C, stuffing a B in thier face during their wakeup(which is almost always neutral) will always score a counter hit into combo opportunity

ينطبق الوضع على شخصيات ثانيه, بس يبغى لك تدور الحركات الغثيثه عندك.

 

[Aoks]

أهنيك. نفس شخصيتي

بس جن مقدور عليه. أكثر شخصيتين يرفعون ضغطي هم u-13 و Haku-men.

Haku-men قوي , بس احيانا اقدر عليه

اما u-13 انا اغسل يدي على طول واحط اليد على الطاولة لول ,, صعب تلعب ضده -_-

قبل شوي لعبت مع Zato واعطاني درس كيف اتعامل مع Jin 😀


​

 

[Zato]

ما تلاحظون ان الـ Astral Finishes استعراضي زيادة عن اللزوم وفي منهم الي مالها فايدة اصلا؟
مثلاً الاسترال فينيش لبنت ألوكارد

محتوى مخفي

من شروطها، الجولة لازم تكون الاخيرة وطاقة الخصم >20%

حد منكم جرب يسويهن في رانكد ماتش ؟

عدا ذلك فاللعبة ممتازة

:lebb:

تعطيك بوينتس مش بطاله أذا خلصت فيها الرانكد ماتش.

ميزة الأسترال عن الدستروي أن الشخصيات ما تنضرب لما تسويه, أستعماله نوعا ما Practical.

محتوى مخفي

Few characters in GGXX had useful destroys on thier own, like Eddie's 100% anti air, may's throw etc, but the majority was bad

 

[Aoks]

Since they get up mashing C, stuffing a B in thier face during their wakeup(which is almost always neutral) will always score a counter hit into combo opportunity

اخر فايت زاتو خلصها بـ Astral finish ! ,, كانت epic لول

حركة السبيشل حقت Bang تجيب العيد في الي ضدك , ما عاد تقدر تلمسه , ولو مسكك مع السلامه لول​

 

[Aoks]

من شروطها، الجولة لازم تكون الاخيرة وطاقة الخصم >20%

كل الـ Astral finishes لها نفس الشرط هذا​

 

[AMG]

اللعبة توصلني بكرة ان شاء الله !!!!

شباب ايش رايكم في البنت الي معاها عصا ؟؟ كيف القتال بيها ؟؟ اكثر شخصية متحمس اجربها لول

 

[Nemesis Zone]

همم الأونلاين يحرق الأعصاب +_+

لعبت مع 1 اليوم يستخدم Rachel alucard طبعا انا كنت استخدم Noel عاد انا احر ماعندي هو ابرد ماعنده بمجرد ماأنظر لشخصيه Rachel احس الي يلعب بيها بارده اعصابه انا قاعد اكسر في الكنترولر وهو قاعد يشرب بيره

لول وبعد فاز علي :xd:

الان انا LV 9 !!


شخصيه ثانيه مزعجه حركاتها

رهيبه بس سريعه جدا خصوصا الحركات الخاصه ماتقدر تتفاداها في العاده


سبويلر للقصه

محتوى مخفي

Jin طلع اخوه Ragna لووول لا في النهاية جاء يدافع عن اخوه بعد معركته مع V-13 فرطت ضحك عليه

الستوري معقد جدا الى الان ماخلصت ولا شخصيه 100% +_+

اركيد ستيك للعبة

 

[Justice]

شباب انا نوب كيف اسوي الكمبوز ، مع اني قعدة ساعات على دسك التعلميات لكن كل الي شفته يمين يسار ، يسار يمين -_-! .

 

[sanjiyan]

اول ما بديت كانت نويل المين

لكن خلاص!!!
Behold the Tao

تاو روعة الصراحة ..ربيعي محترف نو (في-13) و اسببله رعب لمن العببها

نويل بعدها السب... لكن ودي اغير و اركز على ريتشل... حركاتها معقدة (اللي شدني لها على فكرة)

يالله مسألة وقت و بنوصل مستوى معين ولا بعديه لول

 

[Grand]

خلو نويل لاصحابها لا تكثرون منها لول

الان انا LV 9 !!

انا 17:smug:

zato علمني شلون العب ضد jin بس قولي شنو حركات اللاق عنده

و بالنسبه للاسترال فينيش انا 3 مرات سويتها ب ماتش اونلاين لانه مالت نويل تصير مع كومبوات



^غير الافاتار و التوقيع

 

[Zato]

Ice car تعلق, بس أكثر الشخصيات ما تلحق بكومبو لأن تعليقتها خفيفه. لكن يصير الAdvantage معك أذا صديتها. Try to Just Defend/Instant Block it on reaction to get more frame advantage

أتوقع قدام+B حقت نويل تسوي stuff لحركة الC mash حقت Jin

في بلايز في سيستم الLow Mid Hi الموجود في ألعاب ال3D

Example :
Ragna's Hell Fang hits High/Mid
Noel's 3C hits Low+ has High/Mid invincibly

نويل بتضرب كل مره راجنا يسو Hell Fang, ميزة بلايز أن الAttribute حق الحركات واضح.

أذا فيها Low Attack invincibility الكاركتر شكل ضربته كأنه ينط, في حالات ثانيه لكن هذا العام.

This info is not based on actual frame data, it's just an example. I'm bad with frame data.

 

[Burdegation]

لعشاق نويل

 

[AMG]

امس و صلتني اللعبة

افضل من جلتي قير بكثير الا في عدد الشخصيات , نظام اللعب ممتاز و يجمع بين الاحترافية و التسلية

الرسوم ممتازة و الحلبات رااائعة (( قصر ريتشل !!! ))

شخصيتي الاساسية هي تاو !!! صراحة رهيييبة