Biohazard/Resident Evil 5 | موضوع الديمو.

[squall leonhart]

لعبت 4 شباتر .. اول 3 شباتر لوحدي و اخر شابتر دخل معاي واحد ما اعرفه .. و خرب علي الجو لانه مطلع اسلحه سريه ما تنتهي فكان اسوأ شابتر بالنسبة لي .. بالنسبة للكو- اب فيه عيوب كثيره اول شي مهو jump and play على قولتهم لانه زميلك لازم يكون لاعب نفس المراحل الي لعبتها عشان يقدر يستعمل الاسلحه .. انا دخلت اخوي بشاتتر 5 و جلس يقشر بصل لانه ما معاه ولا سلاح و مايقدر يستخدم الاسلحه الي معاي .. صراحه عيب كبير جدا بالنسبة لي و عشان كذا ممكن اكمل اللعبة لحالي لاني استمعت فيها اكثر بدون الكو -اب .. كمان صار معاي شي غريب بعد ما خلصت من الكو -اب و رجعت سنقل اسلحة شيفا الي معاها كلها اختفت .. لا يكون قلتش و لا شي ؟

انطبعاتي ممتازه عن العبة حتى الان

 

[ShinShadi]

نسختي رح توصل بكرة أو بعده ( بيت الكومبيوتر ) .. بعدها رح نعرف نتكلم صح :sarcastic: ..

 

[G7Ga7]

Xbox 360 Live GmerTag: G7Ga7

الي يبي نلعب كووب يضيفني 😀

 

[Niessu7]

حماس x1000000 ، احين ناقصني بس شراب محترم ..

شكلي بطنش الجامعة بكرا .. :laugh::

جحجوح خلصها لحالك ، اول تجربة صعب تكون كو-اب ..

 

[king zell]

وصلت شابتر 2-3 و ما بديت فيه

بحاول إن المراجعة تكون جاهزة بحلول الجمعة

 

[Nemesis Zone]

حماس x1000000 ، احين ناقصني بس شراب محترم ..

شكلي بطنش الجامعة بكرا .. :laugh::

جحجوح خلصها لحالك ، اول تجربة صعب تكون كو-اب ..

مبروكه عليك من اي فرع جرير في جده اخدها ؟

 

[ASWD]

انا ما ادري اي اهبل في كابكوم اقترح يخلي جيفه مدري شيفا تكون معاك..اقسم بالله تجيب المرض..كل شوي من القهر انزل فيها ضرب بالسكين..المنحوسة تهيت على كيفها..الحين معاك شوي وين صاحبتنا مافيه.يا انها تشفط الذخيرة شفط وش الهبالة اللي عندها.من القهر خليتها بفترة من الفترات تقاتل بالخنجر اللي عندها بس..المشكلة مافيه طريقة تخليها تهجد وماتتحرك اللا لما انا اتحرك وما تسوي شي اللا لما انا اقول لها*مثل اخذ غرض ألخ*

كمان من اكبر العيوب اللي اتمنى يفكرو في تعديلها بباتش او غيره هو سالفة الذخيرة ما تقدر تحدد كمية الذخيرة اللي تعطيها اياها..زين انا ماكان عندي اللا 20 رصاصة واهي من هبالتها تخلص مشط رصاص على عدو واحد واحتاجت ذخيرة وش اسوي؟

+

في انتظارك محمد

 

[hussien-11]

خخخ

انا ما عانيت مع شيفا إلا في البداية بس ، بعدين لما عرفت أضبط لعبي ( أوزع الذخيرة و العلاجات بيني و بينها بشكل سليم و أطور أسلحتها و أختار أوامرها بالوقت المناسب ) صارت أكبر معين الي في مواجهة البلاوي الي قاعدة تطلع لي ، و أنقذتني من الموت مرات كثيرة .

كمان من اكبر العيوب اللي اتمنى يفكرو في تعديلها بباتش او غيره هو سالفة الذخيرة ما تقدر تحدد كمية الذخيرة اللي تعطيها اياها..زين انا ماكان عندي اللا 20 رصاصة واهي من هبالتها تخلص مشط رصاص على عدو واحد واحتاجت ذخيرة وش اسوي؟

هذا الشي هو الوحيد الي ضايقني و انا ألعب ، خاصة انه ريزدنت ايفل زيرو كانت تخليني أقسم الذخيرة زي ما بدي ، صرت من الأول أوزع الذخيرة بيني و بينها بشكل جيد ، و أخليها دايما تستعمل سلاح معين ( الرشاش مثلا ) و تاخذ كل الذخيرة تبعته و انا استعمل سلاح ثاني و اخذ ذخيرته كلها .
​

 

[ASWD]

^

هي مومخلية لا الذخيرة اللي اعطيها اياها ولا اللي تاخذها بنفسها ولا ذخيرتي

الزين اللي فيها وقت ما انصاب تجي ركيض تعالجني لهذ اخلي كمية العلاج اللي عندها اكثر مني

+

ليش ما اقدر استخدم العلاج على نفسي فقط؟..حتى لو كنت بعيد عن شيفا وحبيت استخدم العلاج ما اقدر..*مفروض زر المربع الي ينضغط لهذ الشي* والله اعلم

 

[MAX9009]

صرت من الأول أوزع الذخيرة بيني و بينها بشكل جيد ، و أخليها دايما تستعمل سلاح معين ( الرشاش مثلا ) و تاخذ كل الذخيرة تبعته و انا استعمل سلاح ثاني و اخذ ذخيرته كلها .
​

بالضبط وهو الي قااااعد اسويه ...

+ في طريقه كماان ممكن تعوض لك تقسيم الذخيره .. لمن تلاقي في ذخيره على الارض من نفس النوع افترضنا كانت للبستول خليها تاخد علبه وانت علبه او انت 2 وهي علبه ... عشان لا تطفشك وقت القتال وتقلك i need ammo :yuck:: .. او استخدم فكرة حسين لانهاااا ممتازه

ليش ما اقدر استخدم العلاج على نفسي فقط؟..حتى لو كنت بعيد عن شيفا

الا تقدر اذا كنت بعيد عنها بشكل كافي .. اما اذا كنت قريب فا راح تعالجها معاك .. انت حاول تبعد عنهاااا وقت ما تكون راح تستخدمه لنفسك فقط .. او اامرها انها تهاجم عشان لا تمشي وراك وعالج نفسك .

 

[Mansoury]

امممممم شباب عندي سؤال !
ودي اخذ النسخه الامريكيه بما ان النسخه الخاصه حقتها احسن , فهل تفرق اذا اخذت اوروبيه ولا امريكيه ؟

 

[MAX9009]

^^^
تفرق من اي ناحيه قصدك ؟؟ ما اعتقد في فرق بالنسخ .. غير بالمحتوى نفسه بس

 

[TIAMAT]

شباب حرام عليكم هذي ماهي إنطباعات .... الموضوع صار سبويلرز بالهبل :crying:

 

[Mansoury]

^^^
تفرق من اي ناحيه قصدك ؟؟ ما اعتقد في فرق بالنسخ .. غير بالمحتوى نفسه بس

لا بس انا بغيت اتاكد اذا فيه اضافات بنسخه والنسخه الثانيه لا او في فرق بال كو وب ؟

ولا المحتوى غاسل يدي من الاوروبيه من كذا بطلب الامريكيه

 

[ASWD]

الا تقدر اذا كنت بعيد عنها بشكل كافي .. اما اذا كنت قريب فا راح تعالجها معاك .. انت حاول تبعد عنهاااا وقت ما تكون راح تستخدمه لنفسك فقط .. او اامرها انها تهاجم عشان لا تمشي وراك وعالج نفسك .

جربت ما صار شي

 

[MAX9009]

لا بس انا بغيت اتاكد اذا فيه اضافات بنسخه والنسخه الثانيه لا او في فرق بال كو وب ؟

ولا المحتوى غاسل يدي من الاوروبيه من كذا بطلب الامريكيه

لا تطمن مافي اي فرق من هذي الناحيه الفرق بس في المحتويات .. وطبعا الليمتد الامريكي بدون تفكير :inlove:


تعديل :

جربت ما صار شي

غريبه المفروض لمن تكون بعيد عنها يكتبلك restore your health !!

 

[Mansoury]

^

يعطيك العافيه ^^

 

[Super Shadow]

كمان صار معاي شي غريب بعد ما خلصت من الكو -اب و رجعت سنقل اسلحة شيفا الي معاها كلها اختفت .. لا يكون قلتش و لا شي ؟

انطبعاتي ممتازه عن العبة حتى الان

مش غلتش

الأسلحة و الأغراض الي كانت شايلتها الشخصية الثانية انحطت بقائمة جميع الأغراض الي عندك ، تقدر تحطهم حق شيفا مرة ثانية

 

[emperor-UAE]

وصلت الشابتر السادس

محتوى مخفي

اللعبه روعه رووووووووووووعه.... فى يومين لعبت 14 ساعه...ما اذكر متى اخر مره لعبه خلتني ألعبها بهاي الصوره المتواصله فى يومين...و هذا إن دل على شي..يدل على روعة اللعبه و المتعه إلي قدمتها لي.. صح اللعبه اصبحت اكشن اكثر من كونها رعب و اتجهت اتجاه ثاني عن اسس ريزدنت ايفيل...بس اللعبه ممتازه و تحفه من تحف كابكوم...الشابتر الخامس الأفضل إلى الأن و الوحش إلى فيه طلع عيوني لين ما ذبحته:xd:.....احس الشابتر الخامس فيه الكثير من اجواء ريزدنت إيفيل إلي أعرفها.....إن شاء الله اليوم بعد مباريات الشامبيونز ليج راح اخلص عليها

 

[hussien-11]

مبروك 🙂

مو قلت لك أعطي اللعبة فرصة ؟ 😀
​

 

[Super Shadow]

مبروك 🙂

مو قلت لك أعطي اللعبة فرصة ؟ 😀
​

خخخخخخخخخ و انت المسكين ضغطك كان مرتفع :laugh::laugh::

 

[IBrAhiM_86]

شباب ذكاء شيفا بالنورمال يختلف عنها بالهارد ؟؟

لاني اول مره ختمت اللعبه عالنورمال و شيفا ماشيه معاي تمام التمام ..
بس لما لعبتها مره ثانيه هالهارد حسيت انه غبيه اناديها ماتيي جم مره اطلب مساعدتها تقولي انسى :/ ..
ولا اذا قاعد اتمشى ادور اغراض ادورها القاها اخر المكان XD ..

 

[emperor-UAE]

مبروك 🙂

مو قلت لك أعطي اللعبة فرصة ؟ 😀
​

انا قلت من البدايه انه اللعبه خرجت عن اسس ريزدنت ايفيل للرعب الكلاسيكي بس اللعبه قمة فى الروعه من باقى النواحي الثانيه:xd: تجربه فريده من نوعها فى هذا الجيل


ممتعه لأبعد الحدود

 

[Vector]

انا ما ادري اي اهبل في كابكوم اقترح يخلي جيفه مدري شيفا تكون معاك..اقسم بالله تجيب المرض..كل شوي من القهر انزل فيها ضرب بالسكين..المنحوسة تهيت على كيفها..الحين معاك شوي وين صاحبتنا مافيه.يا انها تشفط الذخيرة شفط وش الهبالة اللي عندها.من القهر خليتها بفترة من الفترات تقاتل بالخنجر اللي عندها بس..المشكلة مافيه طريقة تخليها تهجد وماتتحرك اللا لما انا اتحرك وما تسوي شي اللا لما انا اقول لها*مثل اخذ غرض ألخ*

إيه معاني من هالأمر , حالياً مخلي معها الرشاش واي رصاص للرشاش اخليها تاخذه.. ولو خلصت الرشاش أخليها تقاتل بالسكين لين ما ألقى رصاص (&) عموما الرصاص كان يخلص بسرعة .. بس حالياً صرت أستخدم طريقة توفر علي رصاص كثير .. طلقتين بالراس وتروح جري وتعطيه وحدة من لكمات كريس الخارقة , وتروح تدعسه ويودع في اغلب الاوقات.. عموماً أنا موصل الشابتر الثالث ..

 

[Niessu7]

ياخي توني مخلص الشابتر

محتوى مخفي

2-3

متاقلم مع الوضع بشكل رهيب .. عملوا اشياء كثيرة جداً استغربت في هالمدة الصغيرة وشفت هالاشياء .

محتوى مخفي

اضافة لم تضرب شريكك يطلع دم وتصيبه حلوة .. بس المشكلة الغبية/الذكية شيفا هههه تضربني بدل ماتضرب الوحش

في لحين ناس تقول ان الذكاء الاصطناعي مو كوي ؟ .. انا العب على الفترين الوضع ممتاز وصعب شوي .. الذكاء الاصطناعي واجد متحسن ..

محتوى مخفي

ابو منشار ههه سوا حركة اضافية عن الديمو ..

لحين اشوف لعبة اكشن متكاملة بطابع ريزي .

اوكي انا عندي انطباعات كثيرة بس متحمس اكمل احين .. ! لي رجعة .

 

[hussien-11]

إيفوليوشن

محتوى مخفي

ابو منشار ههه سوا حركة اضافية عن الديمو ..

هاي الحركة نشفت دمي :xd:

 

[squall leonhart]

محتوى مخفي

ابو منشار ههه سوا حركة اضافية عن الديمو ..

للاسف ما استمتعت بمواجهته لان الغبي الي دخل معاي ضربة ضربتين بسلاحه الخارق و قتله .. المفروض كابكوم سوت نظام ماتش-ميكنق ممتاز .. لان النظام الحالي متخلف .. بس اعتقد صعبة نطلب شي متفوق في مجال الاون لاين من مطور ياباني

 

[Niessu7]

محتوى مخفي

ههه انا بالنسبة لي كان اسهل واحد هو .. لاني حافظ الديمو حفظ وموريه شغله فيه ..

بس صاير اصعب بمراحل .. ما توقعت يخلون الصعوبة بهالشيء .. اتوقع ومو متاكد في اصعب من الفترين اذا انهيت اللعبة ..

احين انا عند شبيهين الهنود الحمر .. قاتلين بمعنى الكلمة .. وشيفا لحين تطلق علي بالغلط!!

 

[MAX9009]

محتوى مخفي

ابو منشار ههه سوا حركة اضافية عن الديمو ..

للاسف ما استمتعت بمواجهته لان الغبي الي دخل معاي ضربة ضربتين بسلاحه الخارق و قتله .. المفروض كابكوم سوت نظام ماتش-ميكنق ممتاز .. لان النظام الحالي متخلف .. بس اعتقد صعبة نطلب شي متفوق في مجال الاون لاين من مطور ياباني

المفروض ما تخلي احد يلعب معاك من اول مره .. المفروض تستمتع فيهااا لحالك ... واول واكبر سبب التخريب

 

[Niessu7]

المفروض ما تخلي احد يلعب معاك من اول مره .. المفروض تستمتع فيهااا لحالك ... واول واكبر سبب التخريب

................................