الموضوع الرسمي Binary Domain | توكيو عام2080وعالم يعيش تقلص الهوة بين البشر والآلة(متوفرة الآن للPC)

[I-NERO-I]

انا كنت متحمس للعبة بس ماكنت ناوي اخذها على وقتها لكن بعد تجربة الديمو ما اقول غير واااو جست وااااو
اللعبة فاقت توقعاتي تماما وراح تكون دي ون وانا اضحك كمان واحلى سكيب لأي شي يجي في موعدها .


- ماكنت متوقع انها بالعمق هذا اللعبة طلع فيها تطوير اسلحة وشراء ادوات .

- تقنيا اللعبة ممتازة وما واجهت اي مشكلة ومؤثرات الاسلحة والانفجارات روعة .

- عجبتني تصاميم الوحوش و ال AI حقهم كان ممتاز مع اني لعبتها على النورمل لكن فيها شلنج حلو .

- نظام الترست و الفويس كماند شي رهيييب جدا والاستجابة فيه ممتازة جدا لوووول اول مابديت العبها قاعد اظغط L2 واحاول اختار اي كوماند بس ماني قادر
( نسيت انها بالفويس ) ولا فجأة واحد من الخيارات كان مكتوب Cover me نطقت الكلمة ولا الاقي الاثنين جنبي وقاعدين يحموني انا وجهي صار كذا :wow:


- الشوتينج ونظام الكوفر فيها ممتازين جدا وعلى مستوى عالي .


صراحة ماتوقعت انو ممكن يطلع شي زي كذا من فريق يكوزا لكن براااافو من جد برااافو .

ان شاء الله بس يطلع طور السيرفايفل فيها ممتاز وانا اضمن اني راح اقضي فيها وقت طويل جدا .

 

[Genocide Diego]

توني جربت الديمو

في البداية ما كنت مهتم لها أبدا وتوقعاتي لها كانت متوسطة لكن بعد الديمو اللعبة طلعت فعلا أفضل من المتوقع

غريب اللعبة مافيها Swap Shooting مثل انشارتد ؟ الميزة هذي مهمة واضطريت إني أطلع من الإحتماء أحيانا عشان أقاتل الأعداء من الجهة المعاكسة

 

[Al Pacino]

جربتها للتو .. اعجبتني! حسيتها لعبة بجودة عاليه وشغل متعوب عليه، حركة الشخصية ناعمة وسلسه، والـAI يشكل تحدي حقيقي، الولاء واختيار ردودك على اصدقائك اضافه رهيبه اتمنى تُستغل بس واضح باللعبة الكاملة .. اللعبة دخلت القائمة اكيد بس أشك ان راح العبها على وقتها.

 

[MorridooM]

كعادة سيجا تبدع بكل المجالات....اليوم جربت الديمو .....صراحة ماني قادر أصبر عليها ^^

 

[Sunset]

انا الوحيد الي شايف عالم اللعبه بلاستيكي ,مقرف؟

 

[14/08]

جربت اللعبة مرة ثانية وتافجئت من فكرة في اللعبة وهي بوس قابل للتدمير !!
قريت في الأنترنت ان البوس في Stage 1 قابل للتدمير فبإمكانك تدمير أذرعته (على الطريقة الكلاسيكة) جربتها و الانطباع كان لا يوصف 🙂
فتخيلوا بعد مادمرت اذرعته تغيرت استراتيجيته بشكل كامل وتمكنت من الفوز عليه بدون الخطوات المعتادة .. حتى بدون ما أضرب رأسه .

أما الفويس كوماند فللأسف انطباعي تحول للأسوأ فلما كنت ألعب أكلت لي حاجة وفجأءة تحول صوت المضغ لفويس كوماند :/ ومرة صفرت وتحول الصوت لـHang in there
الغريبه إنه ما فيه أحد تكلم عن مشاكل الفويس كوماند مثلي فراح أضطر أغير المايك للتجربة مع ان اللي استخدمه Plantronics

 

[Saudi pro]

انا الوحيد الي شايف عالم اللعبه بلاستيكي ,مقرف؟

هي جت على العالم البلاستيكي بس ؟ .. كل اللعبه مقرفه و محاوله فاشله لتقليد Gears Of War الي تعتبر افضل لعبة TPS حاليا

جربت الديمو اول مانزل على الستور الياباني و قبل شوي جربت ديمو الاكس بوكس .. اللعبه سيئه جدا خصوصا الجيمبلاي وش هذا الشوتنق الاضحوكه ؟ من جد رايح فيها .. ولا حركة اللاعب بطيئه مره و ترفع الضغط خصوصا اذا جيت تمشي على ورى (( سواء و انت تطلق أو لا )) و لاتعليق على الفريم ريت (( ديمو الاكس بوكس )) .. و بعدين وش قصتهم اذا جيت اغير سلاح ليش القائمه تغطي علي بهالشكل ؟ ورى ماخلوها اصغر بالوسط تحت او بالزاويه اليمين او اليسار .. و المشكله اذا اخترت سلاح تقعد القائمه ثانيتين ثم تختفي صراحه ترفع الضغط .. و طبعا مابي ادخل بتفاصيل اكثر و اعلق على المشاهد السينمائيه و الانميشن و و و الخ .. باختصار اللعبه سيئه و شي متوقع من سيجا .

نقطه مهمه اخيره و هي ان كلامي ما يمثل رأي شخصي و انما مقارنه بين Binary Domain والعاب الـ TPS بهالجيل الي وصلت لمستوى اعلى بكثير من هاللعبه من كل النواحي .


تعديل :

حسيتها لعبة بجودة عاليه وشغل متعوب عليه، حركة الشخصية ناعمة وسلسه

سعود انت متأكد انك لاعب ديمو Binary Domain ؟ .. انصحك تلعبه مره ثانية و تؤكد لي ان فعلا اللعبه جودتها عاليه و ان حركة الشخصيه ناعمة و سلسه اذا ماعليك امر لان يبدو لي انك تسرعت بهالحكم .

 

[Suzuki Yu]

مع الاسف كلامك "مفعم" بالكراهية كالعادة تجاه كل ماهو سيجا

الشوتنق الاضحوكه ؟

اذا الشوتنج اداءه سيء اجل ايش بقي لباقي الالعاب ... من جدك انت؟ !
الشوتنج باللعبة هذي على اعلى مستوى

لاتعليق على الفريم ريت (( ديمو الاكس بوكس ))

فعلا لا تعليق ولكن على هذي الجملة!
اللعبة ماشية سمووث زيها زي اي لعبة shooter ثانية رغم الجنان التقني اللي قاعد يصير في بعض اللقطات مع البارتكلز والتفجير والفزكس

[video=youtube;XpwMD4B2EYY]http://www.youtube.com/watch?v=XpwMD4B2EYY[/video]

اتحداك تجيب لي لعبة فيها ثبات أعلى من كده أو على الاقل فيها فرق محترم بأي لعبة شوتر ثانية ..... هذا هو الوضع الطبيعي لكل العاب الشوتر (على الكونسولز) بما فيها جيرز
ده اللعبة حتى مافيها tearing زي جيرز

و بعدين وش قصتهم اذا جيت اغير سلاح ليش القائمه تغطي علي بهالشكل ؟ ورى ماخلوها اصغر بالوسط تحت او بالزاويه اليمين او اليسار .. و المشكله اذا اخترت سلاح تقعد القائمه ثانيتين ثم تختفي صراحه ترفع الضغط ..

OK لاحظت هذا الشي لكنه ماهو شي كارثي ابدا .... هذي من التفاوتات التافهة بين الالعاب
انا ممكن اجي برضوا وأقلك في BD انا اقدر اغير الاسلحة وانا اجري والكاميرا افضل واكثر ثباتا اثناء الجري بدل السينمائية المزعومة بجيرز

طبعا مابي ادخل بتفاصيل اكثر و اعلق على المشاهد السينمائيه

مشاهد سينمائية ؟ :wow: :what:
هو الديمو كان فيه مشاهد سينمائية أصلا! ويعني ما شاء الله حولها وحوليها جيرز اللي سينمائية تقطر وتفوح روعة منها ؟ يارجل أقسم بالله السلسلة كلها ولا عمرها شدتني لا كقصة ولا مقاطع وانا لاعب كل الاجزاء ومازال الاول هو الافضل في الكامبين

و الانميشن

نعم ... عشان كده العالم طايحة غزل بأنميشن الاعداء وشغل الفزكس والدامج سيستم باللعبة!
الا العكس تماما سيستم انميشن ما تشوفه بأي لعبة اخرى ... نعم ولا بأي لعبة أخرى

وحتى الشخصيات الرئيسية فيهم شغل انميشن محترم حتى الfacial expressions ظاهرة بمستوى ممتاز in-game

وطالما بدأت كلامك بأن اللعبة لعبة تقليد "فاشل" لجيرز
وهل جيرز فيها نظام انميشن ودامج سيستم يأثر حتى على AI الاعداء وتصرفاتهم؟ وهل فيها نظام متكامل للتفاعل مع السكواد بما فيها الtrust system و الvoice command ؟

وعلى مستوى الاداء
هل جيرز بمستوى هذي اللعبة بتأثير الاسلحة بشكل عام بما فيها المتفجرات والنيران .... باينري دومين light year ahead بهذا المجال مع احترامي لكل أسم كبير

اذا كان في شي يحسب لمحرك جيرز فهو كمية التكتشرز وتفاصيلها وخصوصا بالمناطق لكن غير كده مع احترامي مافي شي يحسب لصالحها engine wise بالمقارنة مع BD

 

[Saudi pro]

Yu Suzuki

كلامي مب كراهيه لسيجا .. انا قاعد اقول رايي باللعبه بصراحه و اختلاف الرأي مب معناه كراهيه يعني اي واحد بيتكلم على سيجا بشكل سلبي بيكون كاره لها ؟ .. و بخصوص " كالعادة تجاه كل ماهو سيجا " طيب وش دخلني انا اذا وضع سيجا سيء هالجيل و مستوى العابها متدني ؟ مانقول راينا ولا لازم نمدح عشان مانصير كارهين ؟ .. اخوي فايز المفروض الواحد لمن يجي يتكلم عن لعبه لازم يترك حبه او انتمائه للشركه الي يحبها و يعطينا رايه بكل حياديه .. لول اذا انا كاره لسيجا اجل انت وش اخوي فايز ؟ هل انت حيادي بكل مايتعلق بسيجا ؟ اتمنى تجاوبني على هالسؤال

اذا الشوتنج اداءه سيء اجل ايش بقي لباقي الالعاب ... من جدك انت؟ !
الشتونج باللعبة هذي على اعلى مستوى

ايييييييييش ؟!!!!! .. الشوتنق حق Binary Domain على اعلى مستوى ؟؟؟؟؟؟؟؟ .. واو شكلك مالعبت الا لعبه ولا لعبتين TPS هالجيل

و ايه من جدي الشوتنق اضحوكه مقارنه بافضل العاب الـ TPS الي رفعت الستاندرد بهالجيل .

فعلا لا تعليق ولكن على هذي الجملة!
اللعبة ماشية سمووث زيها زي اي لعبة shooter ثانية رغم الجنان التقني اللي قاعد يصير في بعض اللقطات مع البارتكلز والتفجير والفزكس

سموث زيها زي اي لعبة شوتر ثانيه ؟ اشك بذلك .. و بعدين لمن قلت لاتعليق عالفريم مب قصدي ان طول الوقت مضروب لكن يظل سيء و احيانا يجي تقطيع ببعض اللحظات .

مشاهد سينمائية ؟
هو الديمو كان فيه مشاهد سينمائية أصلا! ويعني ما شاء الله حولها وحوليها جيرز اللي سينمائية تقطر وتفوح روعة منها ؟ يارجل أقسم بالله السلسلة كلها ولا عمرها شدتني لا كقصة ولا مقاطع وانا لاعب كل الاجزاء ومازال الاول هو الافضل في الكامبين

ايه فيه .. شوف الدقيقه 1:08

[video=youtube;ywTZLVHeJrc]http://www.youtube.com/watch?v=ywTZLVHeJrc[/video]

هذا مب يسمونه Cut Scene ؟ .. بالاضافه ان واضح بالتريلرات ان المشاهد بتكون عاديه هذا ان ما كانت سيئه ولا فيها ذرة حماس و تذكر كلامي

و يا عزيزي انا مب قصدي تقلد قيرز بكل شي افهم علي .. انا اقصد يقلدون قيرز بالجيمبلاي فقط .. ولا وش جاب سينمائية قيرز و انميشن قيرز بالموضوع ؟ معروف ان سينمائية قيرز و قصتها فاشله و قد قلتها قبل و لو ابي اقارنها بلعبة TPS من ناحية القصه و السينمائية و الانميشن كان قارنتها بانشارتد .

الا العكس تماما سيستم انميشن ما تشوفه بأي لعبة اخرى ... نعم ولا بأي لعبة أخرى

اوكي على كلامك الشوتنج باللعبة هذي على اعلى مستوى .. و ماشية سمووث زيها زي اي لعبة shooter ثانيه .. و تقول اتحداك تجيب لي لعبة فيها ثبات أعلى من كذا بأي لعبة شوتر ثانية .. و الحين تقول سيستم انميشن ما تشوفه بأي لعبة أخرى ؟؟؟؟ مب كأنك مبالغ بزيادة ؟؟؟؟ .. كلامك غير منطقي ابدا .

وهل جيرز فيها نظام انميشن ودامج سيستم يأثر حتى على AI الاعداء وتصرفاتهم؟ وهل فيها نظام متكامل للتفاعل مع السكواد بما فيها الtrust system و الvoice command ؟

لول رجعنا لقيرز .. المهم وضحت لك ان قصدي انهم يقلدون قيرز بالجيبملاي فقط و بخصوص الـ Trust system حنا جايين نلعب لعبة شوتر ولا جاي اقوي علاقتي مع السكواد الي معي ؟ :laugh:: .. بالله عليك هل انت تعتبره ميزه الحين ؟ هل حنا اللاعبين نحتاجه اساسا ولا المطورين يشوفون انه اضافه ممتازه عشان يحطونها بالعابهم مثلا بقيرز او غيرها ؟ .. و الـ Voice Command الله يهديك الي يسمعك يقول ميزه خرافيه .. مب كل اللاعبين بتتقبل هالشي و كثير يشوفونه سخيف و انا منهم .. ابغى اعطي اوامر عن طريق اللعبه بشكل بسيط بدون ما استخدم مايك و انا العب .. و على طاري الـ Commands لول معلومه جانبيه ودي اذكرها و هي ان قيرز الجزء الاول نازل بـ 2006 و كان فيها نظام Commands للسكواد الي معك .. نظام سهل و سريع و من احلى مايكون

ده اللعبة حتى مافيها tearing زي جيرز

خارج الموضوع بس ياليت توريني التيرنق الي بقيرز لاني ماقد شفته ولا قد سمعت عنه .

 

[Suzuki Yu]

كلامي مب كراهيه لسيجا .. انا قاعد اقول رايي باللعبه بصراحه و اختلاف الرأي مب معناه كراهيه يعني اي واحد بيتكلم على سيجا بشكل سلبي بيكون كاره لها ؟ .. و بخصوص " كالعادة تجاه كل ماهو سيجا " طيب وش دخلني انا اذا وضع سيجا سيء هالجيل و مستوى العابها متدني ؟ مانقول راينا ولا لازم نمدح عشان مانصير كارهين ؟ .. اخوي فايز المفروض الواحد لمن يجي يتكلم عن لعبه لازم يترك حبه او انتمائه للشركه الي يحبها و يعطينا رايه بكل حياديه .. لول اذا انا كاره لسيجا اجل انت وش اخوي فايز ؟ هل انت حيادي بكل مايتعلق بسيجا ؟ اتمنى تجاوبني على هالسؤال

اي انسان بالدنيا عنده انحياز لكن بدرجات
انا شخصيا اكتب دائما عن سيجا لاني احب الشركة وأقدر تاريخها اكثر من غيرها
لكن بالنهاية مو كل لعبة لسيجا تعجبني او تخليني اعطيها اكبر من حجمها مع الاختلاف طبعا بوجهات النظر

لكن انت هنا قاعد تقول كلام بشيب له الرأس

يعني خلينا ناخذ ردودك الان

يييييييييش ؟!!!!! .. الشوتنق حق Binary Domain على اعلى مستوى ؟؟؟؟؟؟؟؟ .. واو شكلك مالعبت الا لعبه ولا لعبتين TPS هالجيل

و ايه من جدي الشوتنق اضحوكه مقارنه بافضل العاب الـ TPS الي رفعت الستاندرد بهالجيل .

يعني انا الان مستغرب اكثر من ردة فعلك! ايش الشي اللي باينري دومين فاشلة فيه بالشوتنج ميكانكس واللي يخليها أضحوكة!
امكن انت اول واحد اسمعه يقول هذا الكلام .... أغلب الناس مستغربة أصلا كيف انه مطور ياباني قادر انه يضبط ميكانيك الشوتنج لهذي الدرجة
وانا شخصيا لاعب حيرز و انشارتد بأجزائهم وفانكويش وغيرها ومع ذلك ماني قادر اشوف نقطتك!

سموث زيها زي اي لعبة شوتر ثانيه ؟ اشك بذلك .. و بعدين لمن قلت لاتعليق عالفريم مب قصدي ان طول الوقت مضروب لكن يظل سيء و احيانا يجي تقطيع ببعض اللحظات .

يا أخي مافي أي تقطيع ... تقطيع يعني سلو-داون او يكون شي ملحوظ بالاداء
اما لعبة اذا كبيرها نزلت بفرق 6 فريمات هذا ما يأثر على حركة اللعبة ولا يكون ملحوظ في لعبة شوتر

هذا مب يسمونه Cut Scene ؟ .. بالاضافه ان واضح بالتريلرات ان المشاهد بتكون عاديه هذا ان ما كانت سيئه ولا فيها ذرة حماس و تذكر كلامي

هذا cut-scene لكنه بالنهاية كت-سين قصير لبداية Mission ماهو حاجة بيج-ديل عشان نتكلم عن معيار السينمائية مرة وحدة!
مقاطع فريق ياكوزا معروف انها ما تركز على البهرجة الكذابة ... مقاطعهم غالبا حوارية وينتجونها على مستوى عالي ودائما ما يتميزوا كثير بالجانب القصصي والدرامي.
امكن الشي الوحيد اللي اعتقد ما راح يكون على مستوى ياكوزا باللعبة هذي هو كاريزما الشخصيات

و يا عزيزي انا مب قصدي تقلد قيرز بكل شي افهم علي .. انا اقصد يقلدون قيرز بالجيمبلاي فقط

بالأصح يقلدون التحكم والنظام أثناء الشوتنج لأنه أفضل ما توصل اليه ... لكن هذا مو كل شي بالجيم-بلاي حتى نقول الجيم-بلاي مجرد تقليد لجيرز
نظام الانميز ونظام السكواد هو أكثر ما يميز اللعبة هذي عن غيرها

اوكي على كلامك الشوتنج باللعبة هذي على اعلى مستوى .. و ماشية سمووث زيها زي اي لعبة shooter ثانيه .. و تقول اتحداك تجيب لي لعبة فيها ثبات أعلى من كذا بأي لعبة شوتر ثانية .. و الحين تقول سيستم انميشن ما تشوفه بأي لعبة أخرى ؟؟؟؟ مب كأنك مبالغ بزيادة ؟؟؟؟ .. كلامك غير منطقي ابدا .

اوكي خلينا نشوف
- أطلق على يد الانمي تلاقيه يفقد دقته اثناء الاطلاق
- كسر له اليد اللي ماسك فيها السلاح , ينزل وياخذ السلاح باليد الثانية ويكون اطلاق النار أقل دقة ايضا
- كسر له اليدين وحيجيك يركض
- كسر راسه ويحطلق على الاعداء
- كسر جزء من قدمه وراح يعرج
- كسر سيقانه وراح يزحف عليك او يطلق النار وهو بالارض

الامور اللي ذكرتها فوق جمعت روعة تأثير اطلاق النار باللعبة ونظام البارتكلز + روعة نظام الانميشن باللعبة + روعة الAI مع الرياكشن اللي يصير مع كل وضع !

وهذا كله مثال على انمي واحد باللعبة! فما بالك بأنه هذا النظام يسري على كل الانميز باللعبة من أصغر واحد لأكبر واحد فيهم!

بكل بساطة ... . ابداع.

المهم وضحت لك ان قصدي انهم يقلدون قيرز بالجيبملاي فقط و بخصوص الـ Trust system حنا جايين نلعب لعبة شوتر ولا جاي اقوي علاقتي مع السكواد الي معي ؟ :laugh:: .. بالله عليك هل انت تعتبره ميزه الحين ؟ هل حنا اللاعبين نحتاجه اساسا ولا المطورين يشوفون انه اضافه ممتازه عشان يحطونها بالعابهم مثلا بقيرز او غيرها ؟

انت ما تشوفه نظام يناسبك غيرك يشوفه نظام حلو وهو مطبق اصلا بماس-ايفكت لكن مش in-battle

خارج الموضوع بس ياليت توريني التيرنق الي بقيرز لاني ماقد شفته ولا قد سمعت عنه .

انا أتكلم على السلسلة بشكل عام الجزء الاول والثاني كان فيه سكرين-تيرنج اكثر من الثالث (مش لدرجة السوء لكن كان فيه تيرينج)

 

[PeachHime]

ايييييييييش ؟!!!!! .. الشوتنق حق Binary Domain على اعلى مستوى ؟؟؟؟؟؟؟؟ .. واو شكلك مالعبت الا لعبه ولا لعبتين TPS هالجيل

أنا لعبت جيرز، فانكويش، انتشارتد، وكثير من العاب الـTPS واشوف ان الشوتنق ميكانك في بينري دومين أفضل منهم, الـ Hit reaction عجيييب ويخليك تحس ان سلاحك "packs a punch" على قولتهم. خصوصاً مع تكسر دروح الاعداء مع كل رصاصه تطلقها...

من ناحيه الشوتنج المنافس الوحيد لهاللعبه هي ريزي4 :

 

[I-NERO-I]

Yu Suzuki
ايييييييييش ؟!!!!! .. الشوتنق حق Binary Domain على اعلى مستوى ؟؟؟؟؟؟؟؟ .. واو شكلك مالعبت الا لعبه ولا لعبتين TPS هالجيل

و ايه من جدي الشوتنق اضحوكه مقارنه بافضل العاب الـ TPS الي رفعت الستاندرد بهالجيل .

مو بس على اعلى مستوى الا ينافس افضل الالعاب في هذا المجال .


بالنسبة ليه الشويتنق فيها >>>>>> شوتينق جيرز .

 

[MadPhantom]

سؤال بس، انا الوحيد الي مش عاجبتني جيرز ابد ؟ *انهيت جيرز2 بس*
مع العلم اني احب الـ TPS >_>"
عموما الموضوع مش عنها


بيناري دومين رهيبه الشوتينج فيها رهيب، وممتعه بشكل كبير، الفويس كوماند شي خورافي مدري هو كان بلعبه من قبل ولا لأ، بس بالنسبة لي اول مره اجربه ووقعت بالغرام، صراحة لو يطبقونه بالعاب الـ Co-OP لمن تلعب مع الكمبيوتر، بيصير شي ماصار ولا استوى !!!!

أما الفويس كوماند فللأسف انطباعي تحول للأسوأ فلما كنت ألعب أكلت لي حاجة وفجأءة تحول صوت المضغ لفويس كوماند :/ ومرة صفرت وتحول الصوت لـHang in there
الغريبه إنه ما فيه أحد تكلم عن مشاكل الفويس كوماند مثلي فراح أضطر أغير المايك للتجربة مع ان اللي استخدمه Plantronics

انا واجهت نفس المشكله، احيانا اقول كلمات مش موجوده بالكوماند ليست وياخذ اكثر كلمه تشبه له بالكوماند ليست ويحطها واحيانا اذا ما استوعب تجيك شخصيه ثانيه تقول what did you say ? او مايقاربها، لكن عموما هذا الشي يساعد بتعدد اللهجات، لكن بنفس الوقت عيب فيها :/

اللعبه مسسسسسسسست

 

[Boo22]

شباب للمهتمين ترى اللعبة موجودة عند المحترف

 

[Al Pacino]

سعود انت متأكد انك لاعب ديمو Binary Domain ؟ .. انصحك تلعبه مره ثانية و تؤكد لي ان فعلا اللعبه جودتها عاليه و ان حركة الشخصيه ناعمة و سلسه اذا ماعليك امر لان يبدو لي انك تسرعت بهالحكم .

متأكد 😀 هههه هدّي شوي عبد المجيد حسيتك خاش مع Hate كبير عاللعبة! استغربت لما تكلمت عن بطء حركة الشخصية لأن هالشي موجود بـجيرز بشكل أكبر!

 

[Suzuki Yu]

تقرير جيد عن الفرق بين النسختين من ناحية الوضوح
http://www.lensoftruth.com/head2head-binary-domain-demo-screenshot-comparison/

 

[the pain]

شريت اللعيه ولي ساعه ونص

ما كنت متوقع اني العب بالهمستوى شي ممتاز جدا ولعبة شوتر محترمة

بالنسبة لتغير الاسلحة تغير الاسلحة عن طريق دي باد زي اي لعبة شوتر (ما علم اني ما العبت الديمو ) وش مشكلة الي تتكلمون عنها

 

[Sky Walker]

خلصت الديمو للتو .. بصراحة ماتوقعتها بهالمستوى !!! خصوصا الشوتينج والهيت ري اكشن اشوفه الافضل بهالجيل !!

 

[Old Snake]

اوكي خلينا نشوف
- أطلق على يد الانمي تلاقيه يفقد دقته اثناء الاطلاق
- كسر له اليد اللي ماسك فيها السلاح , ينزل وياخذ السلاح باليد الثانية ويكون اطلاق النار أقل دقة ايضا
- كسر له اليدين وحيجيك يركض
- كسر راسه ويحطلق على الاعداء
- كسر جزء من قدمه وراح يعرج
- كسر سيقانه وراح يزحف عليك او يطلق النار وهو بالارض

وااو...!!

 

[Suzuki Yu]

شريت اللعيه ولي ساعه ونص

ما كنت متوقع اني العب بالهمستوى شي ممتاز جدا ولعبة شوتر محترمة

بالنسبة لتغير الاسلحة تغير الاسلحة عن طريق دي باد زي اي لعبة شوتر (ما علم اني ما العبت الديمو ) وش مشكلة الي تتكلمون عنها

هو كان يقصد لما تغير الاسلحة الخيارات تحوي جزء كبير من الشاشة وتقعد ابو ثانيتين تقريبا
هي عيب بسيط مش مرة مزعج

 

[Genocide Diego]

أخذت اللعبة اليوم وأنهيت أول شابتر

بدايتها ممتازة واللعبة مصقولة بشكل رائع وما حسيت بأي مشاكل تقنية لحد الآن

الشيء الوحيد اللي أزعجني حتى الآن هو إن اللعبة ما تدعم نظام الـ Swap Shooting مثل انشارتد

النظام هذا يسهل عليك القتال بشكل كبير, غيابه يجبرك إنك تطلع من الإحتماء أحيانا عشان تقاتل الأعداء من الجهة المعاكسة لتصويبك

يو سوزوكي إيش رأيك تخلي الموضوع هذا رسمي للعبة الكاملة ؟

الموضوع أشوفه شبه جاهز لهالشيء بس ضيف كم معلومة للنسخة الكاملة واعتمده كموضوع رسمي 🙂

 

[Suzuki Yu]

الشيء الوحيد اللي أزعجني حتى الآن هو إن اللعبة ما تدعم نظام الـ Swap Shooting مثل انشارتد
النظام هذا يسهل عليك القتال بشكل كبير, غيابه يجبرك إنك تطلع من الإحتماء أحيانا عشان تقاتل الأعداء من الجهة المعاكسة لتصويبك

هو انا ما اشوفها تشكل ازعاج كجيم-بلاي لانك تقدر تحرك الكاميرا لليمين واليسار حسب الجهة اللي تبغى تصوب عليها

يو سوزوكي إيش رأيك تخلي الموضوع هذا رسمي للعبة الكاملة ؟

الموضوع أشوفه شبه جاهز لهالشيء بس ضيف كم معلومة للنسخة الكاملة واعتمده كموضوع رسمي 🙂

أبشر 🙂

الظاهر اني حضطر اشتغل على الموضوع الان ... لانه الظاهر ان اللعبة اتسربت بدري عندنا؟ اي النسخ اللي متوفرة حاليا؟؟

 

[Genocide Diego]

اي النسخ اللي متوفرة حاليا؟؟

النسخ الأوروبية هي المتوفرة حاليا

 

[Suzuki Yu]

^^
لا انا اقصد PS3 او 360 ؟؟

 

[MorridooM]

^
ps3

 

[BioMario]

أوكي جربت الديمو هممممم أنبهرت والله ما أتوقعت ان اللعبة تعجبني بهذي الدرجة
ثيم اللعبة عجبني القوائم و الموسيقى يبين عليهم شغل متعوب عليه و بالقو

الجرافكس نظيف و نظام البارتكلز فعلاً ممتاز أنميشن الروبوتات متعوب عليه خصوصاً يوم تطلق عليهم في عده مناطق من الجسم

بشتري اللعبة في نهاية الأسبوع إن شاء الله

 

[Alex]

^^
لا انا اقصد PS3 او 360 ؟؟

الاثنتين متوفرين ، نسخة الـ 360 تلقاها متوفرة عند النسر

 

[I-NERO-I]

أخذت اللعبة اليوم وأنهيت أول شابتر

بدايتها ممتازة واللعبة مصقولة بشكل رائع وما حسيت بأي مشاكل تقنية لحد الآن

الشيء الوحيد اللي أزعجني حتى الآن هو إن اللعبة ما تدعم نظام الـ Swap Shooting مثل انشارتد

النظام هذا يسهل عليك القتال بشكل كبير, غيابه يجبرك إنك تطلع من الإحتماء أحيانا عشان تقاتل الأعداء من الجهة المعاكسة لتصويبك

على البركة عبد الرحمن انطباعاتك حمستني اكثر مما انا متحمس .


كل يوم اطلع الف ادور عليها مع الاسف ما وصلت عندنا الى الان 🙁 .

 

[Painkiller Q8]

اللعبه رووووووووووووعه وأفضل من عشرات العاب الشوتر ... وبصراحه تستاهل موضوع رسمي على مستوى

في احد بيسوي موضوع؟ ولا انا ابدأ فيه ؟

 

[Suzuki Yu]

^^
زي ما قلنا فوق الموضوع هذا راح أحوله موضوع رسمي