الموضوع الرسمي BAYONETTA | جميلة انتي ... كالفراشة !!

[SCREAMING_RAGE]

^
^
لا تفهمني غلط أرجوك........... والله عارف ان بايوناتا فيها اكشن اكثر من اي لعبه سابقة ......... لكن ياخي اللعبه موب موزونه على الاطلاق !!

 

[Khalid]

اها .... طيب الله يهنيك بيها .

لوول .. الديمو كان تحفه :laugh:: ..

 

[ASWD]

بعد الباتش تعدلت عيوب لفريم ريت وبهاتت الاوان ولا مثل ماهي ومجرد تحسين للودينج؟
+
لوول دانتي مين..قصدكم كوبي بيست جاد اوف وار..الحمد لله ان المحلات اللي عندنا متفقين بالاجماع تقريبا انهم مايبيعونها لانها حرام تنباع او يتم اقتنائها ولو ببلاش

 

[النسر الأسود]

باتش النسخة الأوروبية نزل ؟ ممتاز جداً
الآن أقدر أبدأ اللعبة وضميري مرتاح 😀

 

[Photon]

اليوم تأكدت إنه بايونيتا تحفة مو أي أحد يفهمها .. الله يعين الفانبويز على نفسهم .

اللي يضحكني إنه فيه ناس إلا بيقنعونا إنه بالغصب لعبوها و إلا بالغصب ما عجبتهم .. طيب يصير خير.

 

[Bakloyd]

^^
نعم, وعجبني

هههههههههههههههههههه

الدنيا هذي عجيبه

 

[CONAN]

معليش اذا احد سأل سؤالي .. ما قريت كل الردود

الحين لما اشتري شي من التلفون واستخدمه يعطل الاتشيفمنتس ولا تطلع عادي ؟

لأني طلعت كل شي تقريباً والصراحة تجميع الغربان مشوار ..

 

[hussien-11]

السلام عليكم 🙂

أمس ختمت اللعبه ........... والله اليوم تأخرت عن الجامعه بسبب السهر اللي سهرته على اخر ثلاث مراحل في اللعبه .

بالنسبة لرأي الشخصي اتجاه اللعبه ............... فأنا حقيقة مصدوم :confuse:!!

مصدوم من المقلب الكبير اللي اكلته في هذه اللعبه, لأني كنت متوقع أن بايوناتا بتكون ملحمه اكشنيه كبيره و لعبه منافسه لأشهر و أقوى العاب الاكشن اللي لعبتها في الجيل هذا أو في الاجيال الماضيه .......... لكن بعد 7 ساعات و 47 دقيقه اكتشفت اني ضيعت 40 باوند و اسبوع كامل من حياتي على لعبه أعتبرها انا شخصياً اسوء لعبه اكشن لعبتها في حياتي كلللللللها, وبعد ما ختمتها حسيت انه انضحك علي بهذه اللعبه المقززه صراحةً.


القصة: القصة الحقيقيه في اللعبه لا تبدأ الا بعد 4 ساعات ونصف من الجيم بلاي المتواصل ........... خلال الـ 4 ساعات الاولى كل ما تفعله هو فقط مقاتلة الملائكه (( اللي واضح من اشكالهم انهم مسروقين من لعبة DMC4 )) . لا تفهموني غلط, القتال و الاكشن و الـ finishing moves في اللعبه شئ جبار, لكن يا حبذا لو كان كل هذا الاكشن مخلوط بقصة محبوكه عدل من البداية !!

الشخصيات: قسماً بالله ما قدرت افهم لهذه للشخصيه الرئيسيه ,يعني ظلها مثل الفراشه و يوم تصد الضربات تتحول الى خفافيش , و يوم تجري تتحول الى فهد ...... ياخي قسماً بالله cheesy too much -_____-* لا واللي زاد الطين بله تحس ان كاميا بالغصب يبغى يقلد دانتي و فيرجل من سلسلة ديفل ماي كراي 3, لكن وييييييييييييييييين ياا رجااال, فرق السماء والارض !
جميع الشخصيات الاخرى اللعبه صفر على الشمال, وكل هذا بسبب القصة البايخه و السيناريو الممل في اللعبه......

الجرافيكس و الرسوم: في نظرتي الشخصيه, ارى ان اللعبه قدرت انها تتفوق على رسومات ننجا قايدن سيجما 2 و ديفل ماي كراي 4..... فعلاً في مراحل في اللعبه الرسوم فيها تطيخ بفكك من جمالها.


الجيم بلاي: مثل ما قلت..... كومبوهات مذهله و خطيره .......... اللعبه تنفع انها تكون لعبة فايتنغ اكثر من لعبة اكشن !!

الزبده: بالنسبة لي شخصياً, اللعبه اوفرريتد, و الهايب اللي سبقها في المواقع الغربيه الكبيره (( ign و gamespot )) اعطاها اكثر من حقها, ويا خسارة الـ 40 باوند اللي دفعته عليها.

أنا الان محتاج الى dante's inferno و God Of War III اكثر من اي وقت سبق علشان ينسوني المهزله و يصلحوا الضرر اللي احدثته بايونتا لي ولأجهزتي المنزليه.


تقبلوا تحياتي 🙂

مع كافة الاحترام لرأيك خيو ، بس شي عجيب تمدح الجيم بلاي في لعبة أكشن ، و تذم القصة ، و بالأخير تشوف انه اللعبة "سيئة" ، مادري صراحة أحيانا أستغرب من بعض الناس الي ما تقدر تشوف الجودة و الإنتاج في منتج معين حتى لو ما أعجبها ، فيه فرق بين انك تقول اللعبة ما أعجبتني و مو على ذوقي و بين انها "أسوأ" لعبة أكشن .

تدري انه اسمها "لعبة" .. لعبة يعني حاجة تتحكم فيها ، مو قصة تقرأها ولا فيلم تتفرج عليه ، لا و فوق هيك لعبة "أكشن" .. يعني الجيم بلاي أهم شي فيها ~__~ .. و مع ذلك تركت الجيم بلاي و لا تكلمت عنه إلا بسطرين .

انا معاك انه الشخصيات و القصة تعبانين في اللعبة و فعلا ما دخلوا مخي بتاتا .. و التمثيل الصوتي تحت المتوسط، بس الجيم بلاي متقن "جدا" ، و معارك الزعماء كانت epic ، و الأوست خرافي ، و مادري ايش مشكلتك مع تحولات الشخصية ؟ ما تحس انها كانت إضافة كبيرة و مميزة للجيم بلاي ؟ مع انه ما يحتاج نبرر و نفسر عنصر من الجيم بلاي ، بس الشخصية witch أساسا و بيكون شي عجيب لو ما شفناها تسوي شي سحري ، فمادري ايش مشكلتك هنا .

و على فكرة تكون cheesy أحسن من انك تكون ugly .. لول

 

[JOE]

معليش اذا احد سأل سؤالي .. ما قريت كل الردود

الحين لما اشتري شي من التلفون واستخدمه يعطل الاتشيفمنتس ولا تطلع عادي ؟

لأني طلعت كل شي تقريباً والصراحة تجميع الغربان مشوار ..

الاشياء إلي تفكها بكباين التلفون مالها علاقة بالاتشيفمنت اصلاً اللهم توفر عليك تحقيق مطالب كاميا الشبه تعجيزية ، الغربان لازم تطلعها كلها كدة ولا كدة إذا تبغى الاتشيفمنت و في حلول كاملة بالفيديو إذا تبغى و كل المطلوب منك تجميعه في اللعبة نفسها 51 غراب تقريباً فقط باقي الخمسين مربوطة بالاتشيفمنت .

@ حسين :

غير انه القصة عامل "مفروض" ما يأثر على تقييم اي فيديو جيم إلا اني اشك انهم تكلفوا و اعطوا القصة هذه نص حقها بقراءة الملفات و غيره .... الله يهنيهم بدانتي انفيرنو يا شيخ .

 

[CONAN]

الاشياء إلي تفكها بكباين التلفون مالها علاقة بالاتشيفمنت اصلاً اللهم توفر عليك تحقيق مطالب كاميا الشبه تعجيزية ، الغربان لازم تطلعها كلها كدة ولا كدة إذا تبغى الاتشيفمنت و في حلول كاملة بالفيديو إذا تبغى و كل المطلوب منك تجميعه في اللعبة نفسها 51 غراب تقريباً فقط باقي الخمسين مربوطة بالاتشيفمنت .

الغربان ما لها اتشيفمتس اصلا .. انا جايب 900 في اللعبة بس باقيلي 100 حقت آخر صعوبة .. انا اقصد لو اشتريت الآيتم حق خاصية قتال الزعماء ولعبت على آخر صعوبة بيطلعلي الاتشيفمت الأخير ولا لا ؟

 

[JOE]

^^ انا قصدت الـUmbran Tears of Blood عددها 101 و 50 منها مربوطة باتشيفمنت بمتطلبات مختلفة ، الـ51 البقية هي غربان لازم تجمعها في اللعبة و موزعة في اماكن مختلفة في الصعوبات نورمال و هارد و انفينيت كلايماكس .

تجميعك للغربان كلهم ماله اي اتشيفمنت ، الفائدة من تجميعهم هي فتح Climax Brace الي تقدر تشتريها بـ500000 حلقة .... او تدفع 5 مليون حلقة و تاخذ نفس الاسورة من الكباين و تخلص .

 

[D1rk-Knight]

إلا صحيح، فيه حاجة كنت دائمًا أبغى أسألكم (يا من أنهى اللعبة) عنها وأنسى. XD

محتوى مخفي

وش كانت ردة فعلكم لم دمر Balder هجمتي الكلايماس اللي وجهتها له بايونيتا؟!
عن نفسي حقدت عليه. :laugh::

 

[JOE]

^^ انا افتكرت نهاية اوكامي

محتوى مخفي

لما اماتيراسو تتجرد من كل قواها الالاهية امام قوة Yami زعيم الشر .....

+ طبعاً حقدت عليه + فشت غلي بايونيتتا باحمر الشفاة آخر المعركة

 

[Mukuro]

خلصت اللعبة أخيرا بعد مماطلات طويلة.

بصراحة اللعبة كل اللي ينقال عنها أنها Master Piece. الاخراج في اللعبة مو طبيعي أبدا والله إني حتى جلست متنح في الرهابة اللي صايرة إلى أن أخذتني اللبة إلى شاشة البداية بعد التختيم. الرسوم جميلة جدا جدا وبكل صراحة أشوفها من أفضل الرسوم على الاكس بوكس. الموسيقى بكل تأكيد أفضل موسيقى راح نسمعها لفترة طويلة. طبعا الجيم بلاي عمييييييييييييق جدا جدا وأنا خلصت اللعبة على النورمال وفيه أسلحة وايتمز كثيرة ماجربتهم. الظاهر راح أكرس وقت فراغي على اللعبة حتى أحس إني أرضيت نفسي.

يلا ذحين أبغى أشتري أي شي كولكتبل يخص عنوان اللعبة من بوسترات ولاساوندتراك أو حتى اكشن فيجيورز لو فيه. بايونيتا رسميا لحست مخي. :lebb:

 

[D1rk-Knight]

^^ انا افتكرت نهاية اوكامي

محتوى مخفي

لما اماتيراسو تتجرد من كل قواها الالاهية امام قوة Yami زعيم الشر .....

+ طبعاً حقدت عليه + فشت غلي بايونيتتا باحمر الشفاة آخر المعركة

سبحان الله نفس اللي فكرت فيه لم شفت اللي صار، لكن زين إن هالأمر ما صار. ^^

وبيني وبينك انفجرت ضحك من لقطة أحمر الشفاة، أم المسخرة والتهزيئ. XD

 

[Genocide Diego]

إلا صحيح، فيه حاجة كنت دائمًا أبغى أسألكم (يا من أنهى اللعبة) عنها وأنسى. XD

محتوى مخفي

وش كانت ردة فعلكم لم دمر Balder هجمتي الكلايماس اللي وجهتها له بايونيتا؟!
عن نفسي حقدت عليه. :laugh::

محتوى مخفي

كذا كان وجهي -> :yuck::

أنا في البداية قلت في نفسي خلاص إنتهى Ealder ( لأني ما توقعته يكون بهذي السهولة )

شوي وأشوف ضربة الكلايماكس مضطربة وأشوف Ealder دمرها بكل بساطة -ـــ-"

وبالنسبة لأحمر الشفاه فلا تعليق :laugh::

عجبتني بداية المرحلة الأخيرة لما تلعب بجان ( لما جربت قتالها في شاشة اللودينق قلت لول أقوى من بايونيتا )

حركة إنك تلعب بالزعيم الأخير عشان توصله للشمس جذبتني صراحة لول

إلا صحيح شباب ( أحد ناوي يجيب تقدير Pure Platinum في كل المراحل وفي كل مستويات الصعوبة ؟ )

تخيلوا لو كان هذا أحد التروفيز أو الأشفيمنت لول ( أصعب طلب من كاميا المجنون XD )

 

[JOE]

خلصت اللعبة أخيرا بعد مماطلات طويلة.

بصراحة اللعبة كل اللي ينقال عنها أنها Master Piece. الاخراج في اللعبة مو طبيعي أبدا والله إني حتى جلست متنح في الرهابة اللي صايرة إلى أن أخذتني اللبة إلى شاشة البداية بعد التختيم. الرسوم جميلة جدا جدا وبكل صراحة أشوفها من أفضل الرسوم على الاكس بوكس. الموسيقى بكل تأكيد أفضل موسيقى راح نسمعها لفترة طويلة. طبعا الجيم بلاي عمييييييييييييق جدا جدا وأنا خلصت اللعبة على النورمال وفيه أسلحة وايتمز كثيرة ماجربتهم. الظاهر راح أكرس وقت فراغي على اللعبة حتى أحس إني أرضيت نفسي.

يلا ذحين أبغى أشتري أي شي كولكتبل يخص عنوان اللعبة من بوسترات ولاساوندتراك أو حتى اكشن فيجيورز لو فيه. بايونيتا رسميا لحست مخي. :lebb:

سعيد انه اللعبة عجبتك يا احمد

لو اعطيتها كمان زيادة من وقتك كاميا حيكرمك صح بالاسلحة و الاطوار و الازياء ،،،،، زي ما قال بالضبط DLC Built-In :razz::

 

[CONAN]

شكرا عامر :happy:

شباب لا تفوتكم ( تحفة فنية ) هنا

ابيها :crying:

 

[JOE]

^^ ول عالسعر !!!! 600 $ !! 10 اضعاف قيمة اللعبة !! بس يساهل .....

 

[SHABASH]

^^

ابدأ بتجميع السعر

 

[chris]

يعني المسدس حقيقي ولا لعبة ولا ايش الهرجة >.<
وكمان مو صح في ليمتد لبايونيتا فيه المسدس ؟ ؟

 

[chris]

http://www.youtube.com/watch?v=IIGXaS_D6gw
والله مررة شكلو يحمس :crying: .

 

[النسر الأسود]

لعبت أول شبترين بعد ما نزلت الأبديت...
أنا ما جربت اللعبة قبل الأبديت غير لفترة بسيطة جداً ولكن الوضع حالياً جيداً جداً بالنسبة لفترات التحميل ومستوى اللعبة ممتاز

 

[Akilla]

شباب . احد يعرف كم وصلت مبيعات اللعبة عالمياً ؟

 

[CONAN]

[YOUTUBE]Ch1U73QXTsY[/YOUTUBE]

 

[Critic]

اللعبة ممتازه وممتعة حالياً موصل بالشابتر 13 .. لكن فيها تقليد واضح لديفل ماي كراي .. وعموماً اشوف انها تستحق كل المدح اللي سمعتة ... لكن انتقد تصميم البطلة وتركيزهم الواضح على كثير من اجزاء جسمها .. كذلك اسلوب حركاتها المثير وبعض التلميحات الجنسية .. يعني فيها اثارة جنسية للاسف .. ايضاً انتقد كثير من المشاهد احيانا ما اسمع المحادثات بين الشخصيات بسبب صوت الموسيقى المرتفع باللعب .. بمعنى اصوات الموسيقى غطت على اصوات الشخصيات .. ان شاء الله بخلصها .. ونشوف نهايتها ..

 

[D1rk-Knight]

لكن فيها تقليد واضح لديفل ماي كراي

ما تدري إن اللي صمم DMC1 هو نفسه اللي صمم Bayonetta؟ :confuse:

 

[SHABASH]

[youtube]Ch1U73QXTsY[/youtube]

عامر الحق وشوف اللي يصير هنا :wow:

 

[SHABASH]

[YOUTUBE]TrRi9hfzKww[/YOUTUBE]

موش ممكناتو :wowwow::wow:

 

[DEMON]

يا ساتر , مش ممكن الي بشوفه قدامي:xd::xd: