متابع المانجا من التشابتر الأول. إنتظرت كم تشابتر يتراكم؛ عندي ما يكفيني من المانجات اللي أتابعها أسبوعياً.
نقطة قوة Bakuman كمانجا إنها تتطرق لموضوع جديد كلياً. أحيي الكاتب على إنه لحد الآن قادر يتوسع بشكل كبير على فكرة ما فيها potential كبير؛ ما أعتقد أي كاتب يقدر يقدم قصة "كاتب مانجا" بتفصيل و توسع مثل اللي نشوفه في Bakuman. ما نقدر نستهين بكاتب Death Note, أتوقع.
نقطة قوة أخرى بالمانجا هي إنها بطريقة غير مباشرة تنتقد بعض المانجات الأخرى و تطور قدرة القارئ على النقد. بمعنى آخر, Bakuman تلفت نظر المتابع للأمور اللي تعتبر سطحية بالمانجا. أتوقع الآن كل المانجاكا لازم يرفعون standard المانجا تبعهم لأن كل قراء Shounen Jump أصبحوا نقاد بفضل Bakuman 🙂.
من الأمور اللي لفتت نظري هي إن المانجا شددت على إن "مانجا =/= رواية" أكثر من مرة, ميول شوجين الروائية ما خدمته بالشكل المطلوب في المانجا. لول, هذا ذكرني بمحاولتي مع صديقي إن نعمل مانجا for fun. القصة من جهتي, و الرسم من جهته (ما شاء الله عليه موهوب), طرحنا بعض الأفكار و الـ concept arts لكن الوقت و المشاغل الأخرى مو بصالحنا.
عموماً بالعودة لحديثنا, Bakuman ليست خالية من العيوب. للآن هناك عيبين طاغيين على المانجا: الإطار الزمني و الـ Romance. المانجا تصرخ : "أنا مانجا 2008!", هناك تركيز مفرط على المانجات المعاصرة. صحيح, تحدث المانجا عن ون بيس و ناروتو و مانجات أخرى حديثة تعتبر شي جيد الآن. لكن, أي متابع لـ Bakuman بعد 5 سنوات من الآن ممكن يحس إنها outdated.
عامل الـ Romance في القصة غير متزن, بأحيان يكون تقديمه جيد, و بأحيان كثيرة يكون سطحي. عموماً, ما أبغي أتكلم كثير عن هالنقطة لأن المعظم هنا متفقين عليها.
غير ذلك, الشخصيات مو developed كثير. ما عدا الشخصيتين الرئيسيتين, طبعاً. لكن بشكل عام النقطة هذي تحسنت بالتشابترات الأخيرة.
بإنتظار التشابترات القادمة, متحمس أشوف الأمور اللي تقدر تقدمها لنا هالمانجا.
(بس لازم ألاقي لي قصة.. البطل يقتل اللي قتل أبوه أو يدور كنز جده المفقود الخ)
