Away..Busy..Available هل تأخذ الأمر بجديه؟

[itachi]

أغلب الأعضاء يستخدمون الماسنجر يوميا ..للتواصل والمحادثات
ميزه موجوده في أغلب هذه البرامج وهي ميزه الحاله اللي أنت عليها ..السؤال هو هل أنت تأخذ عرض هذه الحاله بجديه ؟ أم فقط تعرضها Away على طول حق لا أحد يزعجك مثل بعض الناس وبعدين تتكلم في وقت فراغك ؟؟
وما هي أكثر الحالات الي تستعرضها غالبا ؟؟؟ والحالات الخاصه اللي أنت كتبتها ؟؟​

---------
الصراحه أنا صرت أهتم ..وأسوي اللي علي بعرض حالتي ..إذا أنا مشغول وأحد كلمني لا أحد ياخذ بخاطره لأني أصلا كاتب في الحاله iam working أو Busy
طبعا صرت أصنف وأعرض حالات ثانيه مثلا: iam at office - working - showtime - playing PS3 - outside
يعني إذا كنت ألعب سوني أو أطالع فلم حق لا أحد يزعجني
نشوف آرائكم وويش حالاتكم :happy:

 

[عاشق 360]

انا اغلب الوقت احط ابير اوف لاين او away

مو علشان اني مشغول او مو موجود

بس علشان لاحد يزعجني ... انا ماحب اني اتكلم بمحادثات كثيره في نفس الوقت

 

[S n A k e]

بين الـAway والonline لكن اشوف بعض الناس 24 ساعه away واغلب الوقت يكون موجود شي يقهر

 

[itachi]

ههههههههه أيه والله صرت عادي أكلم أي واحد مشغول ... مع إنه يمكن يكون مشغول من صج

 

[Lonely Heart]

انا عن نفسي استخدمها صح .. وعندي اشياء كوستوم

واهم شي اوتو مسج ..

اللي يقهرني اوي ثم فجاه يكملني !!

 

[Zero_IYAD]

بالنسبة لي أستخدمها فعلا على الأصول ..

يعني لما أذاكر أو أكون فعلا مشغول أكون عالـBusy
الـAway أيضا أحطها و أحط جنبها رسالة توضيح :
"In the Uni"
"Outta Home"
"ZzZzZ"
الخ ..

ألاحظ الكثير من الشباب يطنشوا حالة الشخص يلي يكلموه بالفعل !!

 

[BioMario]

بعدالأحيان فعلاً يوم أكون مشغول أحط Busy ويوم أكون مب موجود أحط Away
بس في مرات أنسى و أخلية Away طول الوقت وأنا موب فاكر يوم أتذكر أخلية Online عادي ..

وبعض الأحيان يوم أكون مستعجل و أريد أكلم أحد معين عندي في الماسنجر يعني بكلمة هذا الشخص و بقوم عن الكمبيوتر
أحط حالتي Offline

للأسف أنقهر من الناس إلي يحطون Away وهم موجودين وحاطينه بالعمد أشوف أن مالها أي داعي :annoyed:

 

[Revolver]

انا 24 ساعة اونلاين (&)
واذا بغيت اطالع انمي ولا اكتب موضوع احط مشغول .. بس انا ما اطفي المسن ابدا , لأني اخليه "الظهور دون اتصال"

بس بصراحه مرات اشوف الناس حاطين مشغول ولا بالخارج واكلمهم ويردوا علي , علشان كذا تكونت عاده عندي اني اكلم الواحد حتى اذا كان حاط حالة مشغول او بالخارج , لكني تداركت هذا الأمر تقريبا ..
* يكلم بو 87 وهو حاط بالخارج :laugh::

 

[Golden_Sun]

انا استخدم away، او busy، او out to lunch.. فعلاً مو بس احطها وخلاص!
ولما اكون مالي خلق احد يزعجني او مو في مود الـtyping اخليه apeear offline (هذا ليش موجوده هالميزة)

اكره شي لما احد حاط away او busy ويعاتبك ليش ما تكلمه!! انزين انت شيل الحالة اللي حاطها ويصير خير بعدين!!!

 

[Id]

انا للأمانه احطه لوضع اكون فيه بس انساه احياناً لأكثر من يومين ...

لي ثلاث ايام الان Busy ... لوووول

 

[Lunar Poet]

عن نفسي أستخدمها إستخدام حقيقي. لكن أحط Sign in as: Appear offline عشان أشوف منو الموجودين قبل بعدين أحط Online

.

اللي يقهرني أكثر من اللي يحط Away أو Busy على طول هو اللي 24 ساعة Appear offline. أصدقاء كثيرييين صرت ما أكلمهم من زمان حيل لهالسبب (على إنهم صاروا ما يدخلون)، لكن توني قبل فترة قريبة توني أكتشف إن معظمهم موجودين على طول لكن حاطين Appear offline :/ .. غيرت إيميلي لهالسبب و ضافوني فيه "الأصدقاء الحقيقيين" .. الباقي إلى الجحيم

!

 

[m7tram]

أغلب وقتي أكون أونلاين , بس اذا كانت حالتي ماتسمح اني اكلم احد فأحطه بيزي .. ولما اكون داخل على السريع ادش أوفلاين .

بس جد في ناس 24 ساعه اوفلاين ... ليش ؟ , انزين ليش حاط لك ماسنجر اذا كل وقتك اوفلاين ؟ ( أي انا أقصدك انت ) .

 

[The Shark]

انا حاجة من ثنتين يا أونلاين يا أبير أوف لاين ... غير كذا ما اعرف ...

 

[Futrus]

انا استخدمها بجديه ، لكن مرات اتحير اذا بكلم احد خصوصا اللي يلخون بيزي 24 ساعه ، مرات مايكونون مشغولين بس مشغلين برنامج ماخذ مساحة الشاشه كلها ، فمادري هو مشغول ولا بس مشغل له برنامج

 

[Evolution]

أنا من الحالات النادرة .....

ما استخدم المسنجر أو أي برنامج محادثة ....

 

[Colorization]

يس. إذا مالي خلق أسولف مع أحد أحط Appear Offline وخلاص، مادري ليش الناس تحط Busy\Away إذا كانت موجودة وما تبي تسولف.

 

[Isaac]

يس. إذا مالي خلق أسولف مع أحد أحط Appear Offline وخلاص، مادري ليش الناس تحط Busy\Away إذا كانت موجودة وما تبي تسولف.

ممكن يبي يوريك وش قاعد يسمع :razz::

 

[G7Ga7]

هل تأخذ الأمر بجدية ؟

للأسف .. لا ..
انا busy طول الوقت .. ما احب اتكلم بالماسنجر , ولا احب الصوت المزعج الي يطلع اذا كلمني واحد !

 

[The Last Fantasy]

أنا ما يقهرني إلا الي 24/7 حالته Away.

 

[Colorization]

ولا احب الصوت المزعج الي يطلع اذا كلمني واحد !

 

[persona]

مايبط جبدي الا اللي يكتب كلمه بسطر وانا اكون مندمج بشغله وحاط بزي البلوك مايبرد جبدي بهالشغله ههههههه..

 

[itachi]

ههههههههه يعني فيه وفيه ناس ....بس مشكله إنه الشخص أواي أو بيزي 24 ساعه على طول هذي موجوده عند ناس وايد ...هذي أستخدام الشئ في غير محله ...فلذلك بسبب كثرتها صارت الناس عادي مع الشغله
الطريقة الأفضل مثل ما ذكر البعض إذا ما يبي أحد يكلمه أو يكلم أحد أهيه أووف لاين على طول ...

ممكن يبي يوريك وش قاعد يسمع

ههههههههه صحيح فيه ناس كذا

 

[Magical Dreamer]

السلام عليكم ورحمة الله وبركاته ..

انا كنت احط دايما away لانه ما تفرق جذه ولا جذه بيكلموني بنات الجامعة حق الواجبات ..إلخ

لكن الحين يا اونلاين يا ما افتحه اصلا

بس فيه حركة مالها داعي وهذي منتشرة عند البنات مادري عن الشباب ، تكون داخلة وحاطه اونلاين وكاتبه "مالي خلق اكلم حد" او "اللي يكلمني يا ويله" ومثل هالجمل

اللي اعرفه انه الناس اللي يلعبون على البي سي اونلاين يحطون away طول الوقت لانهم إما يلعبون او مب موجودين

 

[Snake-87]

away طول السنة ويوم بالغلط اونلاين
اكون مو موجود اغلب الاحيان ولما ارجع اكلم الموجودين .
بس لما ارجع الكمبيوتر ما أغير الحالة اونلاين لأني مالي خلق ماسنجر بس بشوف الداش والطالع والميلات .
احيانا انساه ZzZzZz لمدة ايام لوول

 

[Mista Koo]

إي.. بس المشكلة أحيانا أنسى أرجع لـOnline لساعات >.>

الله يرحم أيام المسنجر :crying:

 

[hamad 11]

انا دائماً اون لاين وما احط away/Busy إلا لما اكون فعلاً, بس المشكلة في الفترات الأخيرة في واحد غثيث عندي بالماسنجر وماقدر اعطيه بلوك عشان كذا مسوي Away..

 

[53]

بس جد في ناس 24 ساعه اوفلاين ... ليش ؟ , انزين ليش حاط لك ماسنجر اذا كل وقتك اوفلاين ؟ ( أي انا أقصدك انت ) .

:xd:

لول. لأن فيه ناس عندي مابي اكلمهم واذا عطيتهم بلوك بيعرفون بطرق معينه وهذا الي ما ابيه.

 

[Solay]

بالنسبه لي أكثر الأوقات AWAY لأن فيه كم واحد بثر عندي وماابي اسولف معه..

 

[Agent47]

حالات العرض عندي تكون يا اونلاين يا اوفلاين.....بطلت استخدم الباقي من زمان.
ماشوف فايدة من اذا حطيت away ولا busy ....اذا مابي اكلم احد بوقت معين اسويله بلوك مؤقت وخلصنا.

 

[Mada Mada Dane]

انا لما احط away غالبا بالفعل اكون بعيد عن الكمبيوتر, او ان جلستي متقطعه يعني اطالع تلفزيون والاب توب جنبي, مرات انتبه لرد احد و مرات ماني حوله ..

بس الي يقهرني لما يجي شخص يكلمني ويزعل اني ما ارد عليه و يتشكى وانا اصلا حاط away و مو على الجهاز من الاساس! من الامور الي ابتعد عن برامج المحادثة .. صرت نادرا ادخل الماسنجر حاليا ..