R E D
. . . . . .
2009 شفت أول فلم افاتار بالسينما، كان حليو يعني 7 من عشرة جذي برأيي، مو التجربة الواو، بس التصوير كان مبهر صراحة، وقتها شفته 3D بس انحولت من تقنية ال3D كانت جدا تعيسة.
2022 الجزء ثاني نزل أخيرا بعد مليون سنة، ما كنت حيل متحمس، رحت شفت الفلم على شاشة IMAX 3D، وتفاجأت وطلعت بفلم أعتبره من أفضل الأفلام عندي بالراحة. التركيز كان كله على أسلوب الحياة بعالم افاتار، دراما عائلية لطيفة جميلة والتصوير والعالم حلم، فلم طالع من الزمن الجميل للأفلام يعني من فكر أفلام التسعينيات وقبل، أيضا شفت فيه Final Fantasy X و Xenoblade و Chrono مع الخيال، الخيال مو طبيعي، والوضوح جدا عالي مع تقنية الIMAX 3D فلم بو 3 ساعات وربع لو استمر بعد 5 ساعات بجلسة وحدة عادي ما كنت راح أتعب ولا أمل.
ال3D تطور جدا هني، كان Game Changer و Immersion مستحيل مستحيل أحصل نفسه على الشاشة العادية، الثيم بحري هذا من أجمل الثيمات عندي متعة مع الCG والكاميرا ورك وشعور مو طبيعي هني أنا قلت قمة السينما وصرت فانبوي للتجربة نفسها وقتها وفهمت جيمز كامرون شقاعد يحاول يسوي.
2025 البارحة شفت الجزء الثالث، هالجزء يشبه الثاني كثير، اللي حب الثاني المفروض يحب هذا، بالراحة 10/10 نفس اللي قبله، هالجزء فيه أكشن ودموية أكثر، فيه خيال أكثر، فيه بحر وفيه مواجهات بالسماء مبهرة ومناطق مختلفة بأجواء عجيبة، الاخراج جدا كول في بعض المشاهد السلو مو والزوم ان Epic. بس أحلى شي فيه شخصية فيلين جديدة تصميمها والتمثيل حقها 10/10.
تقنية ال3D هني صارت أفضل وأفضل، شاشة السينما اللي رحتلها يمكن أكبر شاشاة 3D IMAX وأعلى جودة.
ما بقول قصص هالافلام ولا غلطة بالعكس فيها وايد صدف وتقلبات غريبة بالشخصيات وغباء منهم وتكرار، بس مو هذا ال Selling Point هني، أنا هني أمدح التجربة نفسها اللي صنعها جيمز كامرون حق الشاشة الكبيرة مع تقنية ال3D بالعالم الخيالي هذا، استغل الCG والتوجه الفني الجميل بشكل مو طبيعي، التجربة من أحلى التجارب السينما والفلم محتواه جميل عائلي وصراعات ضد الاستعماريين وامتحان أخلاقي حق الشخصيات والانتماء وكل هذا وفيه حتى قوة الصداقة (+ الكثير من التحشيش والشعوذة خاصة بالجزء 3 الخيال وصل لدرجة كريبي).
قبل كنت أقول رايدلي سكوت اهو قمة السينما، فلم Gladiator وقتها قمة السينما Experience
وأفلام بيتر جاكسون مع ثلاثية Lord of the Rings أيضا كانت قمة السينما Experience عندي
والحين سلسلة Avatar معاهم، أنا أعتبر التجربة Simulation و Isekai لعالم ثاني، والله تجربة ما تطوف.
+بونص شفت تريلر حصري فقط حق السينما حق فلم نولان القادم The Odyssey
الفلم عليه أجواء و Audio مو طبيعي، جدامنا شيء أسطوري تريلرات اليوتيوب ما أعطت الأجواء حقها.
