أنا شفت مقاطع من أفاتار .. أسلوب القتال فيه سطحي ، أما في ناروتو فكل معركة لازم تحليل لقدرات الشخصيات و مجريات المعركة ، مثلا: معركة زابوزا و كاكاشي بتقعد حلقتين شرح على أسلوب قتال كاكاشي و أسلوب قتال قبيلة الميست و كيف كاكاشي قدر يقرأ حركات زابوزا ...الخ ، أما أفاتار فكله صاير واحد بحرك إيديه أو رجليه و بيطلع مع هالحركة نار أو ماء أو جليد ..الخ بحسب نوع القبيلة .. حتى الفيديو اللي انت حطيته بالموضوع بتلاقي هالحركات فيه
ما أدري شلون قدرت تقلب الموضوع لموضوع ناروتو (اللي أصلاً حوالي نصف المنتدى عنه)...
اللي يصير في ناروتو اسمه فلسفة وتضييع وقت... حلقتين كان يمديهم يشرحونها في دقيقتين.
زابوسا: "أنا أقدر ألعب بالموية!"
كاكشي: "أنا بعد أقدر ألعب بالموية زيك!"
زابوسا: "لاااااااااااااااااااااااا!!!"
هاكو: "أنا ولد!!!"
الـWater Benders في Avatar حركاتهم تشبه حركات زابوسا بس بدال ما يقعد ساعة علشان يشرح لك أن "كاكشي ما يقدر يتنفس لأنه محبوس داخل الموية اللي زابوسا ما يقدر يشيل يده عنها ولا عنده خياشيم زي السمكة لأنه بني آدم، علشان كذا لازم نطلعه لأنه زابوسا يبي يقتل كاكاشي وكاكاشي إذا أنقتل مات، بس أنا ما أقدر أساعده لأن ما عندي القوة الكافية لأنني ضعيف ولست قوي، بس لازم أنقذ كاكاشي لأن الماء إذا دخل إلى الرئة انقطع الأوكسوجين عن الإنسان... إلخ" في أفاتار يدرون أن حتى البزر لو شاف أحد محبوس داخل كورة موية أنك لازم تطلعه واللا بيغرق.
وبعدين ناوتو كأنمي انتهى بالنسبة لي يوم قعد السيف في بطن الهوكاجي أربع حلقات وهو يدخل ويطلع.
كان يمديهم يخلصون أحداث حلقاتهم في 5 دقائق والباقي يصير شي زين مثل قتال مدروس أو أحداث مهمة بدال ما تروح نصف الحلقة على:
ديدرا: He doesn't like to be kept waiting...
*يبحلق ساعة*
ساسوري: I don't like to be kept waiting...
كونك تقول أن الأنمي طفولي أو سيء هذا شي أقدر أتقبله بس كونك تقول أنه أسوأ من أنمي ناروتو، فهذي عيب...
