hits counter

Avatar يحطم رقم Titanic حول العالم !

ماشفت الفيلم للحين ..
إن شاء الإثنين اللي بعد الجاي بخلص الفاينلز وبعدها مؤتمر بحضره إلى الأربعاء :nerd:
وإن شاء الله بنزل للبحرين او دبي أو قطر (( نشوف كيف تتسهل ))

بخصوص الفيلم ..
انا ماشفته للحين .. وإلى ما أشوفه ويصير لي كلام ثاني

أستغرب وأتعجب من اللي ينتقد الفيلم لأن "قصته" عاديه .. حلوه في أحسن أحوالها
الفيلم عبارة عن عدد من العناصر .. ضعف عنصر فيها (( ما انكر انه من العناصر المهمة )) مايخليه شي سيء أبدا !! .. خصوصا العنصر هذا ممكن تحصله في أماكن كثير وأولها وأهمها الفن الروائي واللي هو مختص لهالشي
فـ لو طلعت لنا رواية قصته عادية .. وقتها ليش نضيع وقتنا ؟!
بعكس السينما .. واللي تكون خليط من عناصر بعضها يكمل بعض

بالإضافه الى انه كون القصة عاديه ماهي نقطه ضعف في الفيلم اذا طرحت بشكل كويس -والشكر للسينما-
أول مثال يضرب في هالمقام .. هو الفيلم اللي كان في أعلى القائمة لـ 12 سنة .. تيتانيك
يمكن البعض لا يعزي نجاح الفيلم التجاري بقيمته الفنية .. لكني أشوف تيتانيك من تحف السينما الخالدة
ايش قصة الفيلم ؟ .. ولد فقير يحب البنت الغنيه وأهلها يوقفون في وجهها !!!
كم مسلسل "خليجي" طرح قصة مشابهه ؟ .. وكم أستهلكت ؟
مع ذلك طرح كاميرون -او نظرته- خلت الناس تدفع 1.8 مليار دولار عشان تشوفه

مثال ثاني لـ قصة عاديه (( مستهلكة )) لكن الفيلم من أروع ماشاهدت على الشاشه
Kill Bill .. وحده تحاول تنتقم !
في أغبى من قصة زي كذا ؟ .. لكن كثير يعتبرون هالفيلم تحفه بإكتمال عناصر ثانية

انا مؤمن إيمان تام بكميه الإبداع السينمائية الموجوده في أفاتار -لو غضينا البصر لدقائق عن القصه-

ولنا حديث آخر بعد المشاهدة 🙂
 
التعديل الأخير:
بصراحة السبب الوحيد - أو الأكبر - كان الهايب كونه 3دي و من اخراج العبقري كاميرون , عدا أنه كونه اشتغل عليه لسنين طويلة ( 5 أو 7 سنين ؟ )
شفته الفيلم بالسينما ثري دي وكانت تجربة رهيبة الصراحة..لكن للأمانه الفيلم ممكن تشوفه بلوراي ورح تنبسط فيه لكن لا تتوقع تشوفه مرة ثانية , يمكن كم مقطع بس أوكي..لكن كامل ؟ ما اظن - خصوصا انه 3 ساعات :whistle: !
المميز بالثري دي انه يعطيك احساس انك تتفرج على الفيلم من نافذة مش من شاشة , يعني تحس الصورة لها عمق وكأنك في قلب الأحداث , وهالشعور رح تنساه بعد فترة من المشاهدة وتتعود عليه , لكن قراءة الترجمة رح تسبب لك صداع لأنها ثري دي كمان XD !

برأيي ان الفيلم حلو و قصة جديدة و اخراج رائع..لكن السبب في تفوقه على تايتانك هو الهايب ثم الهايب ثم الهايب..وبصراحة فيه أفلام كثيرة أحق منه بالتأكيد..

خارج الموضوع , قبل ما يبدأ الفيلم بقاعة السينما كانوا حاطين Trailers لأفلام ثري دي ثانية , حد لاحظ الثري دي الرهييب بفيلم Alice in the Wonderland ؟ اللي بالقاعة صاحوا بس شافوه :laugh::..
 
انا شفتة اول شي في سينما عادية ,و كان رائع

و بعدها شفته 3D و صارت المتعه دبل

و تمنيت اني لو موفر على عمري و شايفة 3D من الاساس كان احسن


استناه بلوراي 3D

و الفلم يستاهل كل هذي الايرادات لانه شغل ممتاز
 
شفت الفلم 3 دي اليوم في البحرين

الفلم رهيب حيل

بس بصراحة تمنيت اني دخلته 2 دي

الفلم 3 دي "مافيه ألوان"، ألوانه قاتمة وما يطلع روعة عالم باندورا
وما راح تحس بالـ 3 دي واجد في الفلم
 
التعديل الأخير:
شباب كم وصلت ايرادات الفلم للحين
لاني شايفه جاب 594 مليون بأمريكا بس!!!
 
يجب تسجيل الدخول أو التسجيل كي تتمكن من الرد هنا.
عودة
أعلى