هو الاشكالية فقط لو تنظر للزمن بخط واحد من الماضي للمستقبل بمنطق عالمنا.
لكن الفكرة العامة....انه الاحداث وخط سيرها محدد بالفعل، مكتوب، لا ايرين ولا غريشا ولا غيره عندهم تأثير فعلي حقيقي بتغييره، هم فقط عناصر بالخط الزمني محتم عليها انها تقوم بافعالها
الريدي الشجرة اللي شفناها بالحلقتين هنا هي التقاء المسارات، التقاء مسارات الماضي والحاضر والمستقبل، كلها اتجمعت عند نقطة وحدة، بس كيف تتجمع مسارات المستقبل؟ لأنها موجودة بالفعل
الفكرة العامة هنا انه جريشا كان محتم عليه يقوم بالفعل ذا اللي هو قتل الاطفال والعائلة الملكية، بتأثير من رؤية لل"مستقبل" ، اللي الريدي مكتوب ومقدر، خط الاحداث الزمنية متقاطع وفيه تفاعل بين الماضي والمستقبل، لكنه خطّي ويمشي بمسار واحد ما يقدروا يحيدوا عنه، جريشا طول عمره كان بيشوف ايرين المستقبلي اللي بيحفزه لقتل العائلة الملكية، وايرين طول عمره كان بيكلم جريشا، هذا قدرهم.
جريشا شاف المستقبل وانه لازم يسوي هالشيء عشان المستقبل يحصل والنتيجة اللي يبغاها تحصل تحصل، لكن بعد ما عملها انهار من البكاء والألم على اللي سواه، لكن انغصب عليه
ايرين طول عمره يبحث عن الحرية ويعتقد انه ارادته حرة وبيتحرر من العمالقة ومشاكلهم، لكن يتضح هنا انه اكثر شخص مقيّد بالعمل كله، بالماضي وبالمستقبل، اكثر واحد ما عنده free will ، بل حتى ماضيه طلع بتأثير من مستقبله بالشكل اللي ما يرضاه، الشيء messed up، بس اشوف ذي الفكرة العامة للي صار له، هو يحاول يثور على قدره كعملاق وقدره كإلدين ويثور على العالم، لكنه مقيد بمسار ما يقدر يغيره، اكثر من غيره من الشخصيات.
لذلك شفنا تغيير بتصرفاته بالموسم الرابع، لأنه شاف كل شيء يحصل، وما يقدر يغيره، هو مجبر انه يمضي قدما، ما يقدر يمنع موت ساشا او غيره من الاحداث، الامر كأنك تلعب لعبة بليستيشن، لكن انحرقت عليك النهاية، لكن انت لسه بتضطر تمشي تكمل اللعبة وتسير بنفس الاحداث اللي هي مبرمجة عليها، بوسط اللعبة انت مضطر تقتل اطفال، تقول انه ما تبغى تقتلهم، لكن بدون قتلهم ما تقدر تكمل اللعبة وتتقدم فيها، ولا بتوصل للنهاية المرجوة اللي تبغاها وعارفها والطريق الوحيد اللي توصلها انك تنفذ الشيء ذا اللي ما تبغاه.
