الموضوع الرسمي Assassin's Creed III | ختاميّة ثلاثية الجيل!

[Life-Saver]

توني خلصت السيكونس الثاني .. لا بأس به ولكني أشعر أني أشوف فيلم مع شوية تحكم .. كثيرة مشاهد الكت سينز ..
القصة بطيئة لحد الحين بس الظاهر من انطباعات الشباب هنا أنها ستتحسن ..

 

[~L.O.R.D~]

مازلت في البداية
تحضر لـ بلوت تويست في نهاية السيكونس الثالث

 

[Bounty]

مثل ما توقعت .. لعبة قبيحة (جداً)

وين المباني التاريخية الرائعة؟ وين الأجواء و التصاميم الخلابة؟ حتى بإخراج الصوت شفت انحطاطه بهالجزء..

واصل السيكونس السابع و ليلحين مستمر التتوريل ( التعليم عالتحكم للعب ) .. الأحداث ملخبطه و مركبة سواء كإخراج أو حتى سرد قصصي فاشل


من سمعت ان احداثها تدور بأمريكا وانا غاسل ايدي.. لأني ادري انها ماكانت مبنية بالاساس بوقتها و البنيان كان 99% عسكري/إشتراكي .. الكنائس مكرر تصميمها (مثل الواقع في تلك الفترة) .. إختيار فاشل و أثبت فشلة .. ودي أعرف وهم يصممون المدن ما حسوا بهالاحساس؟

مهمات التجسس صارت فاشلة و دخلوا حدود تشوفها الكترونية بطريقة مو حلوه..

أما لغة الهنود الحمر فتسبب صداع نصفي لي.. و الحان الهنود الحمر مزعجه جداً (أول أساسينز أطفي فيها ال7.1 واكتفي بصوت التلفزيون و يكون واطي)

نروح لأشكال الشخصيات..

ديزموند صار كأنه شام ريحة خايسه .. كبروا انفه بشكل غير واقعي وغير مناسب لتفاصيل وجهه.. و عدلوا بأشكال الطاقم الي معاه (البنت صارت كأنها من ستار اوشن)

عدم التوازن بين المهمات عيب قتل متعة اللعب..

والغموض صفر في هذا الجزء .. يعني ابي افهم ، انتو الحين عيشتونا بغموض طول هالسنين ومططتوا الجزء الثاني لجزئين و عيشتونا أفضل اخراج مع غموض و سرد تخربون هذا كله؟ الي يبي يفهم هالنقطه لازم يكون فان للسلسلة و ينصعق من افتتاحية اللعبه الي تحسها من مسلسل امريكي ذو ميزانية واطيه

والقوائم الفاشلة المعقدة؟ يعني اللعبه بإختصار قمة بالفشل و التخبيص و الانحطاط

انا متحسف اني شريت جزء الفيتا مره وحده

عموماً أتمنى تتعدل و يروح التتوريل ويموت البطل و ابوه

(هذا الكلام من واحد يعتبر اساسينز أفضل سلسلة في هذا الجيل و يتحمس لها و ينطرها على احر من الجمر)

 

[Mesharey]

^

أتفق معاك، جربت نسخة الفيتا ؟

 

[Bounty]

لا مشاري ما جربتها ليلحين.. الي مخليني شبه مو متحسف هو الشخصية (كانت الإيجابية الوحيده الي صادفتها) حسيتها راكبه على الاجواء الطبيعيه للعبه و فيها غموض وحقد (لول)

 

[alruqeishy]

نسخة الفيتا ما اعجبتني ختمتها بالصعوبة لمجرد اختمها واتخلص منها
فيها شيء او اثنين حلو بس بشكل عام ما انصح بها
حاليا العب في 3 واصل السيكونس السادس واللعبة جيدة حتى الان في اشياء حبيتها واشياء لا

 

[Krat0s]

هالجزء فعلا فيه شي غريب،، تحسه فيه بوتنشال بس ما انصقل صح وبنفس الوقت تحسه ملخبط، انا خلصت السيكونس السادس ولحد الحين ماخشيت جو مع اللعبة!

 

[Bounty]

خلصتها :


الايجابيات :

+ النهاية

+ تفاصيل الشخصيات الرئيسية و انميشن الشخصية الي تلعب فيها

+ التحكم بالسفن

+ اجواء الحروب


السلبيات :

-اللعبه ما تبدأ الا بنهاية التشابتر التاسع

- التتوريل موجود حتى بالتشابتر ال11

- الفريم ريت يوصل الى 15 و حتى 10 بأغلب المطاردات في داخل المدن

- القوائم الرئيسية قمة بالهندسة السيئة

- إخراج وهندسة الصوت غير كامل .. الصوت المهم منخفض و الصوت الغير مهم عالي (صادفتني أكثر من مره)

- شخصية كونور و هيثم

- اشلون خلص كونر مهمته الاخيره شي نرفزني حيل .. فلم رخيص جداً و مضحك يدعي الإسطورية وهو أبعد مايكون عنها

- أغلب السايدكويست موضوعه لنرفزتك لا أكثر

- مهمات متكرره بطريقة ممله جداً (الجزء الأول مكرر بس ما حسيت بالملل بل بالعكس حبيته)

- العروض ملخبطه و مو متوافقه مع المهمه الي تكون ورى العرض بطريقة مضحكه

- اللعبه تفتقر لعنصر شد اللاعب (بالنسبه لي طبعا)

- اللعب بهمات ديزموند يعطيك احساس انك قاعد تلعب اساسينز كريد نسخة البيتا الغير قابله للعب

- الشخصيات الرئيسية (الغير قابلة للعب) تفتقر للتفاصيل .. و عطاني احساس ان الشخصيات القابله للعب من لعبه ثانيه

- التسلق صار مليء بالقليتشات

- من بعد المساجد والكنائس و الآثار المهمه .. الViewpoint صار اشجار .. لول لول لول @#$!

- المدن وصخه وكبيره عالفاضي و كلهم على بعضهم فيهم ثلاث الوان كئيبه (نفس الواقع أدري.. بس اساسينز بالنسبه لي جمال ومتعه للنظر و إختيارهم كان خاطىء وماله داعي)

- 90% من المهمات تافهه

- سطحية اللعبه بالدراما الرخيصة عيشتني دور الناقد طول اللعبه


التقييم : 4/10

تقييمي كفان للعبه : 2/10 مع ختم "لاتعيدونها"

 

[sabah]

^
ايوه كذا...نبغى الناس تخسف فيها اكثر واكثر ولو انك بالغت شوية (&)

 

[Bounty]

^
ايوه كذا...نبغى الناس تخسف فيها اكثر واكثر ولو انك بالغت شوية (&)

عاد والله مابالغت و قلت الي بقلبي والي شفته P:

 

[T u R k I]

4 مبالغة، التقييم هذا ينعطى للألعاب السيئة مو المُحبطه. الاثنين يفرقوا عن بعض.. وبعض سلبياتك غريبه صراحه!

- مهمات متكرره بطريقة ممله جداً (الجزء الأول مكرر بس ما حسيت بالملل بل بالعكس حبيته)

مو بنفس تكرار الأول.. شباب يعني انتوا من جد غريبين! اوكي متفهم احباط البعض، لكن وصلت انكم تشبّهون الثالث بالأول >__>!!

 

[Sir Guts]

في فرق بين لعبة محبطة لكنها (ممتازة) و لعبة سيئة بمعنى الكلمة

باونتي حجي انا اشوف انك بالغت حبتين في تقييمك للعبة و هذا لا يعني اني ما احترم رايك

بالعكس، اغلب نقاطك اتفق معك فيها لكن 4 اشوفها كثيرة في حق اللعبة على الأقل 7!

 

[sabah]

المشكلة انه باع 7 مليون نسخة..اتمنى هالشئ ما يشجع الشركة تستمر بنفس الفترة الزمنية والبطل في الجزء القادم ويأخذون الانتقادات بعين الاعتبار

 

[Bounty]

T u R k I

الأول اشفيه؟ حيل حلو كان .. أدري في ناس تكرهه بس بالنسبه لي اجوائه كانت أفضل أجواء بالسلسله ويجي بعدها بشوي الجزء الثاني

..


Makaveli

وليش أعطيها سبعه لأني أحب السلسله مثلا؟ .. اللعبه مليانه مشاكل بهندسة الصوت و الفريم ريت و التفاصيل و تحسسك بأنها مو كامله أو مستعجلين عليها طول اللعبه و خصوصا لما تلعب في ديزموند

الأربعه راجعه للسلسلة ككل.. والي اشوفه انحطاط بالمستوى مو تطور

أما اذا كنت واحد أول مره ألعب اساسينز و بدأت بهالجزء فبعطيها سبعه على قولتك.. لكن مقارنة بالسلسلة فهي الحلقة الأضعف


....


عموما النهاية تبجي.. أبي اساسينز 4 الحين T_T

 

[Raulioo]

أما اذا كنت واحد أول مره ألعب اساسينز و بدأت بهالجزء فبعطيها سبعه على قولتك.. لكن مقارنة بالسلسلة فهي الحلقة الأضعف​

لو لعبت الاجزاء الثانية بنفس نظرتك الدقيقة هذه ما اظن بعطي لأي جزء اكثر من 5/10 في سلبيات متوارثة بالاجزاء الماضية وانت خصصتها هنا..بس يبدو انك اتشبعت من السلسلة وهذا اللي اثر على تقييمك لها..رفليشن كجيم بلاي كان مأساة على مدار اللعبة كلها ، والجانب القصصي فقط اللي يتحسن بالنصف الثاني..هذاك تقييمها لو فكرت احجر على كل نقطة لها بوصلها السالب @@
اللعبة ضخمة كمحتوى وواضح ان فيه عليها جهد متعوب وشغل..وحتى هذا تلامسه بمقابلات المخرج ، وتمتلك آليات لعب جديدة اكبر من اي تطور ثاني حصل بأي جزء آخر -يمكن الثاني منافس- والمحرك جديد عليهم لكن رغم هذا بعضنا ما واجه اي جليتشات ومشاكل تقنية فيها..عمل محترم رغم ان الفترة الزمنية والبيئة ما اثارتها اهتمامي..لكن فيه الكثير من البناء والافكار القابلة للتطوير والمعالجة بالاجزاء اللاحقة

 

[Bounty]

^

وانا شنو ابي في كلام المصمم دام الواقع مخالف للي يقوله..؟ اللعبه مليانه تشويه ذكرته بالرد الي فوق

و الاجزاء الي طافت عمرها ماكانت مشوهه بالشكل أو سيئة بالمهمات أو حتى مليئة بالقليتشات بالتسلق .. ولا كان البطل لهالدرجه من التعاسه .. ولا كان الاخراج و الاحداث و المهمات ملخبطه بشكل غريب .. ولا كانت القوائم بهالسوء

أنا من كثر حبي للسلسله أبي أنسى هالجزء و أذكر بس نهايته لول.. نهايته شي شي شي

 

[Krat0s]

في نهاية اللعبة، اللعبة جيدة بشكل عام لكن كجزء اساسينز كريد فلا!

 

[Super Shadow]

توني بديت باللعبة بعد ما خلصت من ريفيليشنز أخيرا

حاليا توني بالبداية و شخصية هيثم خشت مزاجي و بقوة

 

[Master Assassin]

^
استمتع بالبداية ولا تستعجل على الأحداث
البداية بطيئة شويه بس في المراحل الجاية حتفهم ايش الغرض منها

 

[Life-Saver]

خلصت السيكونس الثامن .. اللعبة تحلو من سيكونس لآخر والقصة رائعة

 

[Super Shadow]

حاليا في السيكونس الخامس مدري السادس

مستغرب من النقد و الهجوم الزايد على اللعبة ، يمكن في عناصر افتقدناها في الأجزاء الماضية بس في نفس الوقت في عناصر عوضت ذلك

بالنسبة لبطئ البداية ، أنا أشوف البداية رهيبة و حكت بداية القصة بتفصيل أكبر عكس الأجزاء الماضية ، شخصية هيثم جدا رهيبة ، كونر لحيني في بدايته و بنشوف كيف شخصيته بعدين ، ما عانيت أبدا من غليتشات الي تكلم عنها البعض لأنها ما خربت علي التجربة الكاملة للعبة

التسلق و الحركة صايرة أسرع من قبل و أكثر سلاسة و نظام القتال الجديد عجبني للأمانة

قبل ما حد يجي و يحبطني و يقولي لا تستعجل على رزقك و اللعبة بتبيخ بعدين و بيصير تكرار و الخ ، ما أتوقع أن ها الشي بيكون بسوء الجزء الأول ، الجزء الأول حبيته رغم ذلك و أتوقع ما راح تكون مشكلة عندي مع الثالث

 

[Master Assassin]

^
اطمئن حبيبي والله اني الى آخر اللعبة وأنا بنفس شعورك هذا بل على العكس جاييني حماس اكملها بلاتينيوم لأني فعلاً استمتعت في كل جزء من اللعبة واتوقع لو يوبي سوفت استمرت بنفس اسلوب الاجزاء السابقة كوبي بيست الكل بيتذمر وبيقول اللعبة انحلبت وهكذا.
استمتع يا بطل الحماس جاييك في المهمات الجاية وزي ما قلتلك اول لا تهمل المهمات الجانبية.

 

[alruqeishy]

خلصت السيكوينس الثامن وناوي اخلصها اليوم ولا باكر كم ساعة بتاخذ مني؟
وصح صوت تشارلس لي عميييييق وعجبني بشكل

 

[T u R k I]

^ مااذكر كم ساعة لكن اللعبة 12 سيكوينس + ليش مستعجل؟

 

[alruqeishy]

في واحد اول حرف من اسمه "راؤول الأسطورة" جالس فوق راسي يريد اللعبة :sarcastic:

 

[Raulioo]

اذا تعطيني بدالها بيرسونا4 خلها لين ما ينزل البس4 حتى اذا بغيت @@

 

[alruqeishy]

جايك الحين ارجع اساسين :sarcastic:

 

[T u R k I]

الظاهر صادق ماراح يخليك براحتك عشان حركة رايزينغ xD

 

[SAUD~F-16]

متردد ابدأ اللعبة او لا, خصوصا اني توي مخلص ريفليشنز, اخاف الأحساس بالتكرار يأثر على التجربة الكاملة.. وبرضو القصة فقدتها ! ما عدت اعرف ايش الهرجه , برجع اشوف مقاطع نهاية .

 

[T u R k I]

^ اذا انت بالوقت الحالي متشبّع من اسلوب السلسلة فالأفضل انك ماتبدأ بالثالث مباشرة