خلصت اللعبة وجبت البلاتينيوم .. مبهور من تصميم العالم العبقري وحشر الأسرار والالغاز فيه بكل زاوية، هذي اكثر لعبة عبقرية لعبتها بحياتي من هالناحية، استغلال لكل شبر بالعالم ووضع اسرار وخبايا فيه شيء جدا عبقري الصراحة، خصوصا ان فيه اسرار لسى ما تم اكتشافها مع التشكيك بوجود اداة غير مكتشفه ممكن تقلب اللعبة رأسا على عقب!
محبط شوي من الردود هنا كون محد جالس يتكلم عن الطبقات الأخيرة ولساتكم تتكلمون عن الطبقة الثانية (طبقة البيض!)
الناس وصلت للطبقة الخامسة وتحاول تكتشف الطبقة السادسة!
وعلى طاري الطبقات .. انا اول ماسمعت بالاسم توقعت انو حرفيا فيه طبقة (عالم ثاني مثلا) فوق العالم الأصلي بس بالحقيقة الأمر مو كذا، هي مجرد الغاز كبيرة توصلك لاكتشاف كبير وبعضها يمديك تخلصه قبل الثاني حتى، خلوني اتكلم عنها بالتفصيل
الطبقة الأولى (طبقة الشعلة): وهي مهمتك الأساسية في اللعبة، جمع الاربع شعلات عشان تخلص اللعبة
الطبقة الثانية (طبقة البيض): جمع 64 بيضة عشان تفتح النهاية الثانية
الطبقة الثالثة (طبقة
الأرانب):
نعم .. انا اعرف ان البعض مايدري عن وجودهم حتى لكن فيه 14 ارنب متخبين بأماكن جدا صعبة ماتجي على البال والبعض يحتاج احترافية جدا عالية عشان توصل لهم، في حال جمعتهم راح تاخذ افضل قدرة باللعبة
الفيديو هذا يساعد بالعثور عليهم
الطبقة الرابعة .. طبقة
الرموز: الطبقة هذي المطور تحدى اللاعبين وقال انهم ما راح يحلونها وللامانة انا لليوم ما ادري كيف حلوها! لغز صعب وتحتاج تعصر اللعبة عصر عشان تحله، هي مجموعة الغاز متفرقة بالعالم تحتاج انك تحلها بدون ما تدري انها لغز من الاساس! الالغاز هذي انحلت بمساعدة مجتمع اللاعبين لبعضهم وتوصلوا في النهاية للحل الاخير واللي يعطيك مكافأة، انا شخصيا ضحكت منها وفي حال احد حاب يعرف ايش هي:
مقطع صوتي من دونكي يشكرك على حل اللغز
هذا الفيديو يتكلم عن طريقة حل اللغز وكيف توصلوا له (اصعب لغز باللعبة على الاطلاق!)
الطبقة الخامسة (طبقة
الغش):
في حال انك حللت الخريطة بالكامل ورحت لكل الاماكن الموجودة فيها بتلاحظ انو فيه غرفة على يسار الخريطة ماتقدر توصلها .. تقدر تشوف نصف الغرفة فقط بس النصف الاخر متخبي، ويل.. الطريقة الوحيدة عشان توصل لها هو انك
تغش وتسوي قلتش عشان يدخلك الغرفة ولما تدخلها بتاخذ آخر اداة في اللعبة "خاتم الغش" الخاتم يخليك تطير وتخترق اي جدران وتوصل لأماكن ماتقدر توصل لها حتى بالاحتراف والغش لأن مالها مدخل من الاساس! والطريقة الوحيدة انك تدخلها هو انك تستخدم الخاتم وتخترق الجدران، على العموم الخاتم بيوديك عند ارانب تجمعها وفي حال انك بس لمست اول ارنب راح يعطب السيف فايل عليك ومابتقدر انك تخلص الطبقة الثالثة والرابعة في حال انك لسى ماخلصتهم .. محد يعرف وش المغزى من الطبقة هذي من الاساس، بس اللاعبين يتأملون انهم يحصلون اجابة بالمستقبل
هذا الفيديو يتكلم عن طريقة الحصول عليه
غير كذا فيه حاجة جانبية ممكن انك تحلل اللعبة وتجيب البلاتينيوم وماتدري عنها ..
الفيقرز
اللعبة تحتوي على الكثير من الالغاز والاسرار الرهيبه .. زي الصندوق اللي عدد موتاتك في اللعبة راح تسوي حاجز بينك وبينه ولازم ماتموت طول اللعبة او التليفون الوردي اللي لازم ماتحفظ تقدمك ولا مره عشان تقدر تاخذه، او حتى الحيوانات المسالمة اللي تقدر تتكلم معها ولها محادثات، غير الاشياء اللي راح تنفتح لك لو سويت سبيد رن للعبة .. كمية الأسرار رهيبه لدرجة ان حتى موسيقى افتتاح الوردة في بداية اللعبة راح تساعدك على حل احد الالغاز المتقدمة!
بس على كل هالالغاز والاسرار باللعبة فيه لغز واحد -حرفيا- فجر مخي! اللغز هذا يصير فقط لاصحاب البي سي وحتى لو كان عندك بي سي فيه احتمالية %99 انه ما راح يصادفك .. الفيديو يحرق منطقة من نهاية اللعبة لذا وجب التحذير
في نهاية اللعبة بتقدر تجيب مفتاح وتفتح الغرفة اللي فوق بيتك (المكتب) ولو رحت عند الكمبيوتر وضغطت زر .. راح يصير شيء مجنون! اتركم مع الفيديو
يب .. لو كانت عندك طابعة شابكها في البي سي اللعبة راح تطبع اوراق بدون اذنك فيها اوريقامي على شكل ارنب، في حال قمت بتركيبه راح يساعدك على حل احد الالغاز! شيء مجنوون!
كفاية كلام عن الالغاز والاسرار وبتكلم عن حاجة ابهرتني بعيد عنهم .. وهو حجم اللعبة، حجم اللعبة الأصلي بالمناسبة 34 ميقا بايت، شيء غير قابل للتصديق! اللي يلعب اللعبة ويحللها بيعرف ان اللعبة فيها اشياء اكبر من هالحجم، ما اعرف ايش السحر اللي استخدموه عشان تصير بالحجم هذا خصوصا ان اللعبة اساسا ضخمة!
غير كذا احب امدح التوجه الفني الفريد والخلاب بنفس الوقت، اول مابديت اللعبة قلت لنفسي مستحيل احفظ الغرف والاماكن واميزها عن الغرف الاخرى بس خلصت اللعبة وانا حافظهم ومميزهم .. ايضا لمسة الرعب باللعبة جدا جميلة ومخيفة بشكل مختلف عن العاب الرعب
بالراحة وحده من احسن الالعاب اللي لعبتها بحياتي
الحركة ذي خلتني اوصل لاماكن جديدة وما كنت افكر فيها اصلا. في اليويو ايضا الي يخلي الحيوانات تتبعه... فكرة حلوة
