FANTASTIC DREAM
True Gamer
o.j. simpson ضد الناس وقضية قتل إعتياديه, وربما المجرم فيها واضح والأدله ضده واضحه وقويه, لكن موب هذا اللي جاي يحكيه المسلسل
المسلسل يتكلم عن جريمة قتل لزوجه سابقه لسيمبسون, يُشتبه فيها ويوضع للتحقيق.
الغير إعتيادي هنا في المسلسل وبشكل شبيه بفلم Gone Girl, يقدم القضيه من زاويه ثانيه وهو "المجتمع" خوالي سيمبسون, من شرطه لمجتمع السود للبيض للمقربين من سيمبسون لعائلته للمحامين تبعه, والإعلام طبعا,للناشطين, وكل طرف قدم وجه نظرهم ورؤيتهم للقضيه وله مصلحه معها (الإعلام-الشرطه-المحامين-الناشطين فيما يخص المصلحه) وبيقدملك نظرات عاطفيه وعقلانيه تجاه القضيه, وبيفصل بهالجانب كثييير, والكل يبغى يخدم نظرته ومصلحته في هالقضيه.
القضيه اللي ساوت بلبله في المجتمع والمسلسل يركز على هالبلبله وما يخوض في تفاصيل القضيه نفسها أو حتى في ماضي سيمبسون.
وحتى أنت يالمشاهد حالياً جزء من الPeople وتقدر تكون نظره عن هل سيمبسون هو القاتل أو لا, وبرضو.. كل طرف وتحليلك لنظرته وهل هي صائبه أو خطأ.
الصوره..الحوار...الإخراج..السيناريو, خدمت كل شيء ووصلت الأحاسيس المطلوبه طبعاً, والمسلسل يلعب أوراقه صح واللي وراه إشتغلوا صح.
طاقم تمثيل عظيم إما من ناحية الأسماء أو أداءاتهم المليانه إخلاص
الطاقم التمثيلي فيه أسماء كبيره جداً, كوبا جودنج بدور سيمبسون, المشتبه به واللاعب المشهور, هو الشخصيه الرئيسيه واللي حواليه كل البلبله وبالراحه أداء جداً جميل, الشخصيه نفسها في ال3 حلقات الأولى تمر بمشاعر كثير وفي كل شعور وفي كل مشهد كوبا قدر يمتلكني, في "كل" مشهد.
طبعاً حبيبنا من فريندز ديفيد شويمر بدور روبرت كاردشيان أبو العائله المعروفه(وفي مشهد في المسلسل نص حرفياً هو ضربه من تحت الحزام لعائلة كادشيان ووضعها الحالي).. روبرت كاردشيان صديق حميم جداً لسيمبسون, ومن المفترض يؤدي دور الصديق المهتم المتفاعل المنفعل المتوتر المدافع(الغير محايد, العاطفي) وجميع هالجوانب طبقها ديفيد بدرجه عاليه, تستشعر كل أنواع المشاعر معه, ومشهده وهو يدعي لسيمبسون أظهر الجانب الديني من روبرت بقوه والإهتمام الكبير منه تجاه سيمبسون, وكيم كاردشيان بنته وشخصيتها لها حضور في المسلسل برضو.
جون ترافولتا بدور المحامي روبرت شابيرو, ولو أنه الأداء الأقل بين الثلاثه لكن مقنع وجيد.
وأهم الشخصيات في المسلسل عندها تمثيل مميز جداً والكل مقنع والكل مقبول, ومن الجانب هذا المسلسل بنشوفله حضور قوي في الإيمي, أنا سعيد جداً جداً جداً أن ديفيد شويمر رجع لان هالإنسان موهووووب جداً لكن إيش صارله بعد فريندز واللا عطاء من بعده ما أدري ليش!!
خذلك عرض عشان تاخذ فكره عن اللي منتظرك, وأقولك..ما يحتاج تتفرج على اي عرض فقط يحتاج تعرف أن المسلسل بيقدملك تجربه مختلفه ومنظور أخر لقضية وجريمه إعتياديه, ومو مجرد المنظور المختلف, كل شيء سواه صح عشان يخدم هالمنظور والمسلسل جداً جداً رائع
التعديل الأخير:
