emperor-UAE
True Gamer
بسم الله الرحمن الرحيم
السلام عليكم و رحمة الله و بركاته
اليوم حبيت اشاركم الدقايق الثمينه إلي قضيتها مع أبطال أوربا و العالم فريق اسي ميلان
وبما انه الفريق كان متواجد فى دبي فى الفتره السابقه و انا من سكان دبي فأكيد ما راح افوت هل فرصه الثمينه
و فى يوم 6-1 سرت لنادي النصر و بعد اتصال بمدير النادي رتب لي لقاء مع لاعبين الميلان
و راح اعرض لكم كل شي بالصور و التفاصيل
اول شي هاي صورة استاد نادي النصر الرياضي بدبي
و هني قبل لا ادش داخل ستاد النادي
اول ما حدرت لقيت اللاعب فافالي لاعب ميلان و لاتسيو سابقا واقف فى الممر
و عقبها دخلت لغرفة اكل اللاعبين...طبعا هم كانو يتمرنون..و راح يتسبحون و عقب يمرون على هل غرفه عسب ياكلون و يشربون قبل ركوبهم للباص و عودتهم للفندق
المهم انا دخلت و تميت اترياهم
و هذا اللاعب كان اول الواصلين..و ما عرفته...و بعد سؤالي له...طلع لاعب شاب من فريق الشباب لميلان و هو حارس مرمى...تصورت معاه و وقع لي على قميص ميلان
و بعده دخل اودو ظهير ميلان و بطل العالم و كابتن لازيو سابقا...و اكيد تصورت معاه
و عقبه دخل اللاعب التشيكي يانكولوفيسكي...و تصورت معاه و ايضا وقع لي على قميص ميلان
و بعده دخل كافو كابتن السامبا سابقا...لكني تعجبت من تصرفاته...اول ما دخل راح له ربيعي يبا يتصور معاه...بس كافو ما رضى و كان معصب! و راح و يلس و شرب ليمون..و عقب راح له شخص ثاني و هو يالس وقف حذاله يبا يتصور...لاكن كافو كان معصب و يشوف الشخص بنظرات!! والله ما توقعتها من لاعب كبير بحجم كافو
المهم عقب رحت و تصورت معاه...و حاولت اكلمه لكن بس رد عليه با إبتسامه مصطنعه
و بعده دخل ملك الضربات الحره الإيطالي بطل العالم بيرلو...و شتان بينه و بين كافو..كان مرح و حبوب...تصورت معاه و قلت له انتو ابطال العالم و انا اشجع ايطاليا من عام1990 و فرحت بفوزكم بكأس العالم 2006 و اتمنى تفوزون بأمم اوربا 2008...و كان الحديث معاه بالأنجليزي طبعا..و كان يرد بكلمات بسيطه..الظاهر ما يعرف انجليزي كثير..بس فرح يوم عرف إني متابع لإيطاليا و طلبت توقيعه....و اخر شي قلت له بالإيطالي campione dellmondo
و هى عباره انه إيطاليا ابطال العالم..فابتسم و رد عليه بعبارات إيطاليه (يتحراني اعرف إيطالي ما يدري اني حافظ كلمتين بس!) المهم انا مشيت معاه لول
و بعده دخل المحارب الإيطالي جاتوزو......
حتى فى الصوره جاتوزو ما يعرف يبتسم دومه جدي و معصب هههه
و عقبه دخل سيدورف..و الصراحه كان وايد حبوب و يسولف و يجيد الإنجليزيه...و قلت له إنته اللاعب الوحيد إلي فاز إب 3 كؤوس اوربيه مع فرق مختلفه....فضحك و رد عليه ...قالي شكلك نسيت انه العام فزت ايضا مع ميلان و المجموع اصبح 4...هههه و رديت عليه و قلت له لازم السنه يصير المجموع 5 و تحققون الجامبيونز ليج بعد مره...ضحك و قالي اتمنى ها الشي....سيدورف كان من اكثر اللاعبين تواضعا
و بعده اخيرا دخل صاحب الكره الذهبيه و افضل لاعب فى العالم لعام 2007 البرازيلي كاكا!!!
و طبعا على طول رحت له و تصورت معاه وبعد وقع لي على قميص ميلان..و قلت له جراتسي كاكا و رد عليه بالإيطالي...عاد شو قالي...الله اعلم....بس كان متواضع و عادي جدا...الصراحه مثال للاعبين كرة القدم...افضل لاعب بالعالم و كل هل تواضع!...و يبتسم ويا الكل
و بعده دخل ايمرسون...و للأسف تصرف مثل زميله كافو..معصب و حالته حاله و ما طاع يتصور مع حد!!! المهم ما سويتله سالفه يوم شفته جي....مادري بلاهم البرازليين جي شايفين نفسهم!!...بتقولون لي بس 2 منهم...بس ايضا لاعبين الإنتر البرازليين يوم تلاقيت معاهم كانو بنفس التصرف!!!
بس كاكا (الوحيد) غير!
و عقب دخل كابتن ميلان و ايطاليا سابقا...و اسطوره إيطاليا فى كرة القدم...باولو مالديني...و الصراحه الموقف كان كأنه حلم بالنسبه لي اني اشوفه جدامي...ياما تابعت مباريات له و شجعته..و ماتوقعت اني اشوفه فى يوم...مالديني حسيتبه مثل الشخص الحكيم بينهم كلهم..و تحس له هيبه..و كان قليل الكلام..بس فى نفس الوقت متواضع....و ما يرد حد يوم يبا توقيعه او يبا يتصور معاه
للأسف فى نفس وقت دخول مالديني دخل نيستا...و يوم تصورت مع مالديني و خلصت..دورت نيستا و ما لقيته..راح بسرعه..للأسف...بس طبعا كفايه مالديني
و هاي صوره للعيبه و هم يشربون و ياكلون
و اخر الصور مع داريو سيمتش مدافع ميلان...المسكين محد مسوله سالفه..فرحت له و تصورت معاه..و استانس يوم زقرته بأسمه هههه...الظاهر توقع محد يعرفه
طبعا فى بعض اللعيبه ما دخلو غرفة الطعام...من غرفة الملابس للباص على طول...فا ما قدرت اتصور معاهم...و يوم سألت عن رونالدو...ردو عليه و قالو لي انه ما يتصور مع حد!!! استغربت الصراحه منه و زاد استغرابي من البرازيليين و تصرفاتهم..مادري هم ما يحبون العرب ولا شو السالفه...ولا شايفين نفسهم!!!...الإيطالين كانو عسل الصراحه,عكس البرازيليين تماما..و قلت لكم فقط كاكا غير عن كل البرازيليين إلي شفتهم
و هني باص اللاعبين و هو مغادر ملعب النصر
و ها قميص الميلان إلي عليه توقيع كاكا و بيرلو و يانكولوفيسكي و فافالي و اللاعب الشاب(مادري شو اسمه)
طبعا باجي اللعيبه ما قدرت اطلب توقيعهم لأنه حسيت انهم مستعيلين فا ما حبيت اغثهم...الصور تكفى و توفي
ترا الفانيله للبيع (اتمصخر)...يبالي احطها فى مزاد فى النت هههههههههه
و هاي تذكرت مباراة الميلان مع منتخبنا إلي حضرتها و خسرها منتخبنا بهدفين لصفر
و هاي صوره بالفوتوشوب...لكل اللاعبين إلي تصورت معاهم
حبيت اشاركم بالدقايق الثمينه إلي قضيتها مع لاعبين الميلان و اتمنى يكون الموضوع عيبكم
و السلام عليكم و رحمة الله و بركاته
السلام عليكم و رحمة الله و بركاته
اليوم حبيت اشاركم الدقايق الثمينه إلي قضيتها مع أبطال أوربا و العالم فريق اسي ميلان
وبما انه الفريق كان متواجد فى دبي فى الفتره السابقه و انا من سكان دبي فأكيد ما راح افوت هل فرصه الثمينه
و فى يوم 6-1 سرت لنادي النصر و بعد اتصال بمدير النادي رتب لي لقاء مع لاعبين الميلان
و راح اعرض لكم كل شي بالصور و التفاصيل
اول شي هاي صورة استاد نادي النصر الرياضي بدبي
و هني قبل لا ادش داخل ستاد النادي
اول ما حدرت لقيت اللاعب فافالي لاعب ميلان و لاتسيو سابقا واقف فى الممر
و عقبها دخلت لغرفة اكل اللاعبين...طبعا هم كانو يتمرنون..و راح يتسبحون و عقب يمرون على هل غرفه عسب ياكلون و يشربون قبل ركوبهم للباص و عودتهم للفندق
المهم انا دخلت و تميت اترياهم
و هذا اللاعب كان اول الواصلين..و ما عرفته...و بعد سؤالي له...طلع لاعب شاب من فريق الشباب لميلان و هو حارس مرمى...تصورت معاه و وقع لي على قميص ميلان
و بعده دخل اودو ظهير ميلان و بطل العالم و كابتن لازيو سابقا...و اكيد تصورت معاه
و عقبه دخل اللاعب التشيكي يانكولوفيسكي...و تصورت معاه و ايضا وقع لي على قميص ميلان
و بعده دخل كافو كابتن السامبا سابقا...لكني تعجبت من تصرفاته...اول ما دخل راح له ربيعي يبا يتصور معاه...بس كافو ما رضى و كان معصب! و راح و يلس و شرب ليمون..و عقب راح له شخص ثاني و هو يالس وقف حذاله يبا يتصور...لاكن كافو كان معصب و يشوف الشخص بنظرات!! والله ما توقعتها من لاعب كبير بحجم كافو
المهم عقب رحت و تصورت معاه...و حاولت اكلمه لكن بس رد عليه با إبتسامه مصطنعه
و بعده دخل ملك الضربات الحره الإيطالي بطل العالم بيرلو...و شتان بينه و بين كافو..كان مرح و حبوب...تصورت معاه و قلت له انتو ابطال العالم و انا اشجع ايطاليا من عام1990 و فرحت بفوزكم بكأس العالم 2006 و اتمنى تفوزون بأمم اوربا 2008...و كان الحديث معاه بالأنجليزي طبعا..و كان يرد بكلمات بسيطه..الظاهر ما يعرف انجليزي كثير..بس فرح يوم عرف إني متابع لإيطاليا و طلبت توقيعه....و اخر شي قلت له بالإيطالي campione dellmondo
و هى عباره انه إيطاليا ابطال العالم..فابتسم و رد عليه بعبارات إيطاليه (يتحراني اعرف إيطالي ما يدري اني حافظ كلمتين بس!) المهم انا مشيت معاه لول
و بعده دخل المحارب الإيطالي جاتوزو......
حتى فى الصوره جاتوزو ما يعرف يبتسم دومه جدي و معصب هههه
و عقبه دخل سيدورف..و الصراحه كان وايد حبوب و يسولف و يجيد الإنجليزيه...و قلت له إنته اللاعب الوحيد إلي فاز إب 3 كؤوس اوربيه مع فرق مختلفه....فضحك و رد عليه ...قالي شكلك نسيت انه العام فزت ايضا مع ميلان و المجموع اصبح 4...هههه و رديت عليه و قلت له لازم السنه يصير المجموع 5 و تحققون الجامبيونز ليج بعد مره...ضحك و قالي اتمنى ها الشي....سيدورف كان من اكثر اللاعبين تواضعا
و بعده اخيرا دخل صاحب الكره الذهبيه و افضل لاعب فى العالم لعام 2007 البرازيلي كاكا!!!
و طبعا على طول رحت له و تصورت معاه وبعد وقع لي على قميص ميلان..و قلت له جراتسي كاكا و رد عليه بالإيطالي...عاد شو قالي...الله اعلم....بس كان متواضع و عادي جدا...الصراحه مثال للاعبين كرة القدم...افضل لاعب بالعالم و كل هل تواضع!...و يبتسم ويا الكل
و بعده دخل ايمرسون...و للأسف تصرف مثل زميله كافو..معصب و حالته حاله و ما طاع يتصور مع حد!!! المهم ما سويتله سالفه يوم شفته جي....مادري بلاهم البرازليين جي شايفين نفسهم!!...بتقولون لي بس 2 منهم...بس ايضا لاعبين الإنتر البرازليين يوم تلاقيت معاهم كانو بنفس التصرف!!!
بس كاكا (الوحيد) غير!
و عقب دخل كابتن ميلان و ايطاليا سابقا...و اسطوره إيطاليا فى كرة القدم...باولو مالديني...و الصراحه الموقف كان كأنه حلم بالنسبه لي اني اشوفه جدامي...ياما تابعت مباريات له و شجعته..و ماتوقعت اني اشوفه فى يوم...مالديني حسيتبه مثل الشخص الحكيم بينهم كلهم..و تحس له هيبه..و كان قليل الكلام..بس فى نفس الوقت متواضع....و ما يرد حد يوم يبا توقيعه او يبا يتصور معاه
للأسف فى نفس وقت دخول مالديني دخل نيستا...و يوم تصورت مع مالديني و خلصت..دورت نيستا و ما لقيته..راح بسرعه..للأسف...بس طبعا كفايه مالديني
و هاي صوره للعيبه و هم يشربون و ياكلون
و اخر الصور مع داريو سيمتش مدافع ميلان...المسكين محد مسوله سالفه..فرحت له و تصورت معاه..و استانس يوم زقرته بأسمه هههه...الظاهر توقع محد يعرفه
طبعا فى بعض اللعيبه ما دخلو غرفة الطعام...من غرفة الملابس للباص على طول...فا ما قدرت اتصور معاهم...و يوم سألت عن رونالدو...ردو عليه و قالو لي انه ما يتصور مع حد!!! استغربت الصراحه منه و زاد استغرابي من البرازيليين و تصرفاتهم..مادري هم ما يحبون العرب ولا شو السالفه...ولا شايفين نفسهم!!!...الإيطالين كانو عسل الصراحه,عكس البرازيليين تماما..و قلت لكم فقط كاكا غير عن كل البرازيليين إلي شفتهم
و هني باص اللاعبين و هو مغادر ملعب النصر
و ها قميص الميلان إلي عليه توقيع كاكا و بيرلو و يانكولوفيسكي و فافالي و اللاعب الشاب(مادري شو اسمه)
طبعا باجي اللعيبه ما قدرت اطلب توقيعهم لأنه حسيت انهم مستعيلين فا ما حبيت اغثهم...الصور تكفى و توفي
ترا الفانيله للبيع (اتمصخر)...يبالي احطها فى مزاد فى النت هههههههههه
و هاي تذكرت مباراة الميلان مع منتخبنا إلي حضرتها و خسرها منتخبنا بهدفين لصفر
و هاي صوره بالفوتوشوب...لكل اللاعبين إلي تصورت معاهم
حبيت اشاركم بالدقايق الثمينه إلي قضيتها مع لاعبين الميلان و اتمنى يكون الموضوع عيبكم
و السلام عليكم و رحمة الله و بركاته
:
