77 ريال

[Humam]

حليب نيدو الحجم المتوسط:

28 ريال ( 2001 )
30 ريال ( 2002 )
32 ريال ( 2003 )
38 ريال ( 2004 )
42 ريال ( 2005 )
48 ريال ( 2006 )
55 ريال ( بداية 2007 )
70 ريال ( نهاية 2007 )
77 ريال ( أمس, 14 ديسمبر 2007 )..

يا جماعة مش معقول, لسة قبل كم يوم انا وعمر وخالد كنا نتكلم عن السعر الخرافي للحليب الي وصل 70 ريال الفترة الأخيرة , امس كنت في السوبر ماركت الا اصعق برقم قياسي جديد, 77 ريال, واو.

الأسعار عندنا صارت ترتفع بشكل جنوني, حتى آيس كريم كوالتي, الي من يوم ما انولدت اشتريه بريال, صار بريال ونص 🙁

الظاهر البيبسي هو الضحية القادمة... الله يكون في عون المسلمين جميعا..

 

[BioMario]

لا حول ولا قوة إلى بالله ..
والله في ناس ما تقدر تشترية ... الحمد لله على كل حال ..
والله حتى عندنا في الإمارات الأشياء غلت بالضعف من يوم ما اعلنو عن الزيادة
مافي أي رقابة من الجهات المسؤولة ولا شي ..

سبحان الله

 

[Naif]

http://www.amazon.com/Nestle-Nido-I...?ie=UTF8&s=gourmet-food&qid=1197742831&sr=8-1
Pack of 2 Cans = 11$

انا معاك.. الاسعار حتى عندنا ارتفاع بشكل خيالي.. غسيل السيارات في محطات البترول صار بـ30 درهم.. عصير لاكنور صار بدرهم و نص

 

[Xeno]

كل شي همام, غرشة الماي أم ريال صارت بـ3.

يوميا فالجرايد عندنا مقالات عن التضخم, الحالة فعلا وصلت لمستويات قياسية.

خخخخ سلة البيض صارت بـ25 ريال, الله يرحم الـ8 ريال.

 

[Humam]

يعني ينباع برة ب 42 ريال تقريبا وهنا ب 77 ريال.. يعني 47 % أكثر عن السعر الأصلي..

خخخخ طبق البيض زينو ب 25 ريال ؟ يا ساتر.. لا ياعمي الحمد لله احنا ب 13 ريال ( زمان كان ب 9 ).

 

[persona]

شنو سبب ارتفاع الاسعار ؟

 

[persona]

البيض قاطعوه اتحاد الجمعيات عندنا وصل دينارين ..

لازم نقضي على الRMT ..اوه صح نسيت..هذي الحياه مو MORPG

 

[pacino]

نفس الوضع عندنا
الاسعار قاعده ترتفع بشكل ملحوظ.والمشكله الاعظم ان مافي اي خطط لمواجهة التضخم إلي يصير..اصلا ليش يحطون خطط..مدام المسؤولين (إلي نصهم تجار او مرتبطين مع تجار) اهم المستفيدين ..والضحية المواطن إلي ينقص عليه بزيادة الراتب"10%" او بزيادة 50 دينار

 

[Futrus]

يرفعون المعاشات في الخليج بشكل خيالي وإحنا الضحيه لول

 

[Nintendo]

لاحول ولاقوة الابالله ..

فعلا الوضع صار خطير جدا معدل التضخم وصل لمستويات خياليه .. طيب فيه ناس الحمدلله عندهم ويقدرون على الشراء ولكن المساكين والفقراء وش راح يسوون ؟ 77 ريال ذي الظاهر معدل مصروفاتهم بشهر كامل ..

 

[Aoks]

مو متأكد

بس كأني امس شفت علبة حليب نيدو الصغيره مره

ب 18 ريال
​

 

[Bounty]

لاحول ولاقوة الابالله ..

فعلا الوضع صار خطير جدا معدل التضخم وصل لمستويات خياليه .. طيب فيه ناس الحمدلله عندهم ويقدرون على الشراء ولكن المساكين والفقراء وش راح يسوون ؟ 77 ريال ذي الظاهر معدل مصروفاتهم بشهر كامل ..

والله هذا الي في بالي .. صج الله يعينهم ..

لازم في مراقبه لأن الوضع بالمره صاير .. (حتى بالكويت)

 

[Suzuki Yu]

HOLY GOD :gasp:

مافي احد في البيت عندنا يشتري حليب بشكل كبير عشان كده ما لاحظت التضخم الاسطوري بالسعر :gasp: وااااو

اقسم بالله اللي عنده اطفال الله يعينه على الحالة

 

[Sneaking King]

أعتقد إن سبب غلاء الأسعار في هذي الأيام هو كثرة الذنوب
فعن أبي هريرة أن رجلاً جاء فقال: يا رسول الله سعّر ،فقال( بل ادعوا) ثم جاء رجل فقال: يا رسول الله سعّر فقال ( بل الله يخفض ويرفع وإني لأرجو أن ألقى الله وليس لأحد عندي مظلمة ) اخرجه ابو داود الجزء التاسع، صفحة319. وهو حديث حسن.

 

[ASWD]

التضخم بكل الخليج..شي يخوف صراحا يعني على هالحال كيف بتكون الاسعار بشهر رمضان المبارك السنة الجاية؟

لاحول ولا قوة اللا بالله العلي العظيم

الحين ودي اعرف وش سبب هذ التضخم والقفزة الكبيرة في الاسعار؟

 

[Pichi]

كيس الارز 40 كيلو كان 128 ريال , الحين 290 ريال.
بحسب منظمة ORYZA سعر الارز يبلغ 350 دولار لكل طن.
حاولت اشوف سبب الاتفاع فتبين:

Basmati rice prices in Saudi Arabia have touched an all time high due to a decrease in supply from the previous harvest.

An increase in the price of commodities has forced the government to ban the export of pulses from Pakistan. In the case of rice, prices in the local market have risen 50 to 75 percent and the country may soon be importing rice for the first time in its history to meet domestic demand.

الحين ودي اعرف وش سبب هذ التضخم والقفزة الكبيرة في الاسعار؟

ربط العملات الخليجية بالدولار , الدولار منخفض و أسعار الفائدة ترتفع.

 

[hamad 11]

الحين ودي اعرف وش سبب هذ التضخم والقفزة الكبيرة في الاسعار؟

يقول لك أرتفاع الاسعار لأنه دخل الفرد يزيد مع الزمن فيرفعوا من الأسعار عشان يصير توازن.. بس انا مو شايف شي زاد

زيادة الرواتب تجي من قرن لثاني.. وتحصل إرتفاع أسعار المواد أكثر منها بدرجات >_<

 

[q8 spy]

الله المستعان

حتى أحنا

يبون يرفعون البيض من دينار إلى دينارين

 

[Mario2]

خخخخ .. نيدو تنمو معه الفلوس .. المشكله كل شي صار غالي وما صارت على المعيشه وبس ..

الحين ودي اعرف وش سبب هذ التضخم والقفزة الكبيرة في الاسعار؟

مادري بس اتوقع عشان قيمة الدولار نازله اكثر عن قبل ..+ اسعار البترول ؟

 

[Ali Ahmad]

والله مهزلة من جد ...مهما كانت الاسباب فالارتفاع خطير جدا ...والضحية على كل حال جيوبنا الخاوية

 

[James Killer]

السلام عليكم ........

اللي بيتعب كثير هو صاحب الدخل المحدود ^^ليش ما يراعون الناس ^^

الله يعين بس...

 

[Avenas]

أبشّرك , البيبسي بـريالين في ميـد !

 

[ShinShadi]

في عندنا تجار منتهيين بقوة .. لو كان في جمعيات لحماية المستهلكين كان ما شفنا هذي المسخرة ..
و بعدين أعتقد في تفاوت في الأسعار بين المحلات .. مثال في سوبر ماركت جنب البيت يبيع حليب النيدو الكبير بـ65 ريال و محل ثاني يبيعه بـ99 ريال !!!
سمعت إن في تحركات كبيرة جاية لحل هذا الموضوع .. إحتمال فك إرتباط الريال بالدولار و التوجه لنظام "سلة العملات " هو الوارد ( أشك في ذلك ) ..

 

[Justice]

برضو كان قبل ب 30الف الكيلو وجاء له فترة يرتفع بشكل جنوني حتى وصل
الكيلو عندنا الى 100الف ريال طبعا هذا الشئ للمحلات مش صالح لهم لان الزباين مابيجون
يشترون عكس المكاتب الي تبيع على المحلات هي الي بتربح لكن اذا كان السوق تعبان عند المحلات بصير تعبان عند الموزعين ><
الاسواق بدات تندمر

 

[Xeno]

ترى في قمة دول مجلس التعاون الأخيرة, قالوا أقرب موعد ممكن فيه فك الارتباط بالدولار هو 2010.

 

[Tomb raider]

محد شاف كيف دبي "مولعه" تقول يالس في اوروبا ....

 

[NSider]

حتى الجالاكسي والمارس والتويكس وغيرهم ارتفعت أسعارهم، وصاروا بريالين ونص.

كل هذا يرجع لانخفاض سعر الدولار اللي يرجع لارتفاع أسعار البترول اللي يرجع لحرب أمريكا على العراق..

 

[mohamed]

ههههههه شباب البرتقال الكرتون اللي كان ب25 ريال تقريباً الحين صار ب65 , شاورما الصاروخ اللي كان في مطعم ماما ريمان اللي عندنا ب5 ريال الحين بستة (وفيه شباب يقولون أنه فيه مطاعم رفعت سعر الشاورما صاروخ من 5 ريال إلى 8!!!!!!) , حنا في باريس ولا فين؟؟؟

أبشّرك , البيبسي بـريالين في ميـد !

جد؟ بروح البقالة اليوم وأتأكد.




شباب المسألة جدية , وإذا كانوا حكام الخليج أنفسهم - الله يخليهم لنا - (ال سعود , ال خليفة , ال زايد ,,,الخ) مو بيديهم يتحكمون بذا الشيء فهذا دليل على أن المشكلة عالمية والدولار هو المسبب الرئيسي.

 

[Zero]

الأسعار عندنا صارت ترتفع بشكل جنوني, حتى آيس كريم كوالتي, الي من يوم ما انولدت اشتريه بريال, صار بريال ونص

الحمد لله على النعمة بس هذا الآيس كريم آخر أيس كريم أفكر اشتريه .. أحسه اسفنجي وطعمه مر

بالنسبة للتضخم ما أقول إلا الله يعين ، لحم ؟ غالي .. حليب ؟ غالي .. أرز ؟ غالي .. زيت نباتي ؟ غالي .. أكبر مشكلة برأيي هي ارتفاع أسعار الأكل لأن الواحد يقدر يمنع نفسه عن أشياء أخرى لو كانت غالية بس إذا ما قدر ياكل ما بيقدر يسوي شي ..

 

[SALAH]

كل شي صار غالي ...ماعدا الانسان صار رخيص وراتبه مايكفي :normal:

خخخ تعال شوف عنا في الامارات..
البيض رسميا مفقود في البلد !
روح الجمعيات والكارفور بتشوف أرفف البيض فاااضية وخالية الا من الهواء

كرتون البيض كان سعره 12 درهم لكن التجار عيال الـ***** رفعوا سعره وصار 25 فالظاهر الجمعيات والمراكز التجارية قاطعته لحتى يرجع للسعر الطبيعي ..( الله يذكر زيادة الرواتب بالخير !! )


ياجماعة بدكم الصراحة و الحقيقة المؤسفة ؟

نحن الشعوب العربية والاسلامية تعاملنا مع بعض للأسف ( حقير جدا وحيواني واستغلالي من الدرجة الاولى ) ..

تعال شوف في رمضان كيف بيرفعوا أسعار الخضار والفواكه والألبان والعصائر وجميع المكونات الأساسية , وانت يا مسكين بتفكر السعر مرتفع فقط في فترة رمضان , لكن لااا السعر بظل مرتفع والله مارح ينزل لو ايش !
وفي عيد الاضحى روح اشتريلك خروف عشان تعمر واحدة من السنن النبوية وتضحي فيه ..الخروف قبل العيد سعره ما يطلع عن 300 درهم لكن بالعيد بيوصل سعره 800 و 900 درهم !!!

السؤال ليش نحن المسلمين نستغل بعضنا وناكل بعضنا أكل خاصة في المناسبات الدينية والاعياد الاسلامية !

تصدقوا ان شعب أمريكا - اللي احنا نظل نشتمهم ونقول كلاب ماعندهم دين - بيتفق جميع التجار بأمريكا في عيد الشكر على تخفيض أسعار الديك الرومي والحبش حتى يتمكن جميع الامريكان سواء الفقراء والاغنياء من التمتع بعيد الشكر ؟
وهل تعلموا انهم في الكريسمس بيوزعوا هدايا على الناس في المحلات بمناسبة عيد الميلاد ؟
هذا غير الحلويات والالعاب للصغار عشان يفرحوا بالعيد ..


ياخي والله شتان بيننا وبينهم ..