60 ساعة بلا نوم ...

[Id]

13 كوب قهوة من دانكن دونات ..
10 قوارير ماء ..
3 وجبات غذائية فقط ..
4 ساعات من لعب هيلو 3 ..
5 ساعات من لعب ستريت فايتر ..
وقرأت بعض المجلات و الكتب ..

هذي ملخص 60 ساعه متواصلة بلا نوم ... قضيتها الأن ...

طبعاً الي عندي في الماسنجر بيلاحظ رسالة كنت كاتبها من يوم الخميس ... اني بحاول أجلس صاحي لمدة اطول من 53 ساعه والي هي تعد "رقمي القياسي" في عدم النوم .. ولي وصل الأن الى 58 ساعه وتبقى ساعتين فقط وانهي التحدي ...

الخلاصة :

لا أحد يجرب يسويها في حياته ... وصلت الأن في حاله أشوف فيها اشياء غريبة قدام عيوني ..

 

[Zero_IYAD]

نفس ما قلت لك عالماسنجر ..
نشوفك بعد 3 أيام (&)

 

[Majeed]

وداعاً ثامر 🙁 ،، كنت نفراً جيداً 🙁 ،،

 

[squall leonhart]

طيب و ايش استفدت من ذا كله

 

[Id]

طيب و ايش استفدت من ذا كله

تذكرة سفر ذهاباً و مرجعاً الى جدة ... درجة أولى

 

[Zero_IYAD]

^
خخخخخخخخخخخخخخخخخخخ XD

ما أصدق انك كتبتها

 

[Still Alive]

انا يوم كلمتك في الصبح قلت خلاص الرجال حده 3 ساعات بالكثير وبيطيح دايخ.. الله يهديك ثامر بس

وصلت الأن في حاله أشوف فيها اشياء غريبة قدام عيوني ..

مثل ايش؟ :laugh::

 

[Lunar Poet]

شرايك تكملها إلى جينيس 2010 P: ؟

 

[Id]

مثل ايش؟ :laugh::

صرت أحس نفسي ترمنيتور و أشوف رسائل من النظام ... أخطاء ومن هالكلام ... أفضل وصف لحالتي الأن ... متنح :

 

[squall leonhart]

تذكرة سفر ذهاباً و مرجعاً الى جدة ... درجة أولى

ما تسوى صراحه الي سويته بنفسك .. بس يالله مبروك عليك التذكره ^_^

 

[Tomb raider]

على فكره لا تعيد هالحركه مره ثانيه لأنها خطره على الصحه ، في واحد مات من كثر ما هو مواصل

 

[Kaze]

ما شاء الله ...
اتذكر من فترة رايح العمره من (البحرين , مكة , الرياض واخيرا البحرين )
كلها في ثلاث ايام و في اليوم الرابع نحن رادين البحرين
من البحرين الى مكة 16 ساعة ... و صلنا على مشارف الفجر ... اعتمرنا ... خلصت اشغال فرعية زرت اصحابي على السريع ... في الليل انطلقنا المدينة المنورة ... قعدنا نصف يوم تقريبا و رجعنا البحرين.
طبعا ً كانت هناك غرف للنوم و الراحة ... كنت اروح اتروش فيها وارد اطلع مره ثانية P: .
اليوم الرابع وفي طريق العودة الى البحرين نمت 14 ساعة متواصلة.
يمكن هذي اطول مدة قعدت فيها صاحي و اطول مدة نمت فيها في حياتي.

 

[The Shark]

حالات المواصلة لأكثر من 48 ساعة تسبب في حالات كثيرة تكيف المخ على عدم النوم و بالتالي أرق دائم لمدى الحياة ...

 

[persona]

Id

حالياً ، هالصوره تشوفها جم وساده؟

 

[Krat0s]

احححح 60 ساعة واجد :wow:

انا حدي 16 ساعة وابدي انطفي

 

[TH3 PHENOMENA]

ماشاء الله عليك ثامر ..
انا قبل كم اسبوع قعدت لمدة 41 ساعه عشان جيرز:crying:
وهذه اخر مره اسويها

 

[The Last Fantasy]

أذكر أكثر شي وصلت له 30 ساعة تقريباً. بس ما كان بكيفي، الظروف أجبرتني وقتها.

يمدحون السرير وأنا أخوك. :nerd:

 

[Andrew X]

وداعاً ثامر 🙁 ،، كنت نفراً جيداً 🙁 ،،

نعم نعم صحيح..للأسف نسى يصك النت وترو جيمنج قبل لايودع (اخلالالالالالالاص) :crying:

 

[Bounty]

لول عادي .. انا مره كنت بموت من ضيقة الخلق لأن كنت بعد 3 ايام راح ارد للأردن لول .. ما نمت لمدة 3 ايام متواصله ..

بس لما وصلت الاردن .. نمت يمكن 16 ساعه+ ..

 

[Monster]

انا مره قعد يومين ما نمت فيهم الا 5 ساعات بسبب الاختبارات ,, وكرهت عيشتي بعدها ,, انا عندي استعداد ااجل شغلي عشان انام ,, تجي وتقول 60 ساعه بدون نوم ,,, هذا اكبر غلط على صحتك

 

[lilb792]

COOL DUDE

 

[EPIC FAHAD]

انت بطل

انا اكثر مده ما نمت فيها هي 40 ساعه بس يوم شفت الفراش ما قدرت اكبح جماح عقلي

 

[Rare Games]

حالات المواصلة لأكثر من 48 ساعة تسبب في حالات كثيرة تكيف المخ على عدم النوم و بالتالي أرق دائم لمدى الحياة ...

مع اني ما واصلت اكثر من 25 الى 27 ساعه بحياتي

الى ان ايام الدوام لازم يجيني ارق قبل النوم يلا اقدر انام قبل 4 او 5 ساعات قبل الدوام

عشان ارد اخذ قيلوله(اقيل 🙂 ) بعد الدوام ماني عارف ليش :sarcastic:

 

[AMG]

لووول اجل هذا السبب في لعبك لستريت فايتر امس ؟؟؟

مرة تجاوزت ال 20 ساعة بلا نوم اقسم بالله صرت اشوف سفن و المراكب في الشارع

 

[SHABASH]

افتكر مرة قبل 5 سنوات صكيتها تقريبا 65 ساعة متواصلة بلا نوم

يعني قدامك تحطم الرقم القياسي اللي فوق وإلا بتكون في المركز الثاني

عارف إني حطمت احلامك في الرقم القياسي :laugh::

والسبب في عدم النوم هو اني كنت منتظر رحلة بالباص من اليمن الى السعودية وصحيت الساعة 7 الصباح عشان الرحلة واتضح انها في اليوم التالي وكملت حياتي طبيعية مع الشباب الي الساعة 12 بعد منتصف الليل وخفت انام وتروح الرحلة .
واستمرت الرحلة 27 ساعة من صنعاء الى جدة .
واول ما شفت الاهل قعدت معاهم الى الساعة 12 بعد منتصف الليل ونمت بعدها

صكيتها يوم ونص من النوم المتواصل :nerd:

 

[Id]

افتكر مرة قبل 5 سنوات صكيتها تقريبا 65 ساعة متواصلة بلا نوم

أقولها بكل ثقة .. لا تتحدى ... صحيح هي عملية انتحارية .. بس أقدر عليها ... :laugh::

 

[Andrew X]

الى ان ايام الدوام لازم يجيني ارق قبل النوم يلا اقدر انام قبل 4 او 5 ساعات قبل الدوام

عشان ارد اخذ قيلوله(اقيل 🙂 ) بعد الدوام ماني عارف ليش

الله يعنيك شكل دوامك قلقP: او عندك قلق (في راسك ) تفكر فيه دايما لول ..شوف اذا تبغى تنام قوق 8 ساعات خذلك حبتين فلوتاب وخلاص من بعدها (احلاما سعيدة لليوم الثاني)

 

[Krat0s]

انا باقي ساعة تقريبا واكمل يوم كامل من جلستي امي الصباح 3.30

واحس نفسي مادري شعور لايوصف :wow:

 

[Burdegation]

اتذكر مره كنت مواصل يومين, و كنت حدي تعباان, بس بعد حاجز 55 ساعه

حسيت نفسي اني مافيني دوخه !!

بس كان الوضع غير طبيعي

جلدي صار يحس بشغلات غريبه

اسمع صوت جفوني و اهيا تفتح و تصك

شعري يؤلمني

عيني صارت حساسه اكثر للضوء

فواصلت لي الليل على شان اعدل نومتي و نمت ورارها .....7 ساعات P:
كنت متوقع انام يوم كامل على الاقل, تقريبا سهرت 3 ايام و كانت هذه اطول مره اسهر فيها




...ودي اعيد التجربه بالعطله P:

 

[Super Shadow]

لا أحد يجرب يسويها في حياته ... وصلت الأن في حاله أشوف فيها اشياء غريبة قدام عيوني ..

لووول فكرت أني أسويها قبل ما أقرا تحذيرك :laugh::

Id

حالياً ، هالصوره تشوفها جم وساده؟

خخخخخخخخخخخخخخخخخخخخخخخخخخخخخخخخخخخخخخخخخخخخ

:laugh::