سيئة.
اوكى هو ممكن سيئة كبيرة شوية. هي Resident Evil في النهاية بالخلطة المعهودة وهذا يعني اني ليت قدر من المتعة فيها. مافي Resident Evil مالقيت قدر من المتعة فيها. لكن بين الـ Resident Evils، هذه أكيد واحدة من الأضعف.
الحمد لله اننا متفقين انها لعبه رزدنت ايفل حقيقيه على اقل تقدير
مش معقول بعد الترجمة المثالية للخلطة الكلاسيكية لأسلوب اللعب الحديث اللي شفناها في ريميك 2، نحصل بالضبط الشيء اللي كنت خايف ريميك 2 بيكونه في ريميك 3. محاولة "تحديث" فاشلة تقدم العناصر الكلاسيكية كنوع من المراضاة وتركز على أشياء ماعمرها بتكون نقطة قوة لهذا الفرع من السلسلة.
يعني انا مش فاهم ليش ريميك لريزدينت ايفل 3 يبتدي بمقطع قصصي من منظور الشخص الأول. مش فاهم ليش أول سيكشن لعب عبارة عن اسحب الأنالوج لقدام وشوف الأشياء تنفجر قدامك لمدة 10 دقائق كدة.. بعدها ممكن نخليك تلعب
.
اسلوب السينمائي احيانا يكون مضر لو كان اجباري بزياده وهالشي ابدا ما شفته في ريميك3
مع اني اشوف بدايتها رهيب وموفقه جدا
لكن اذا انت لهذه الدرجة كاره السينمائي فيها في البدايه تقدر تفتح لك تخزينه من اول نقطة حفظ في اللعبه وتخليها هي البدايه لك
باقي النقاط السينمائيه في اللعبه ما ضرتها وكانت حاجه سريع
يا رجل حتى محادثات الهاتفيه تقدر تشيلها بكبسة زر
اسلوب السينمائي الي صاير في العاب هاليومين انا احيانا ارفضه واحيانا لا , لكن خلينا نكون واقعين , قليل منه ما يضر , ميكامي نفسه اضاف منه الكثير في ايفل ويذن1
و، انا كنت مستغرب في البداية انتقادات الناس على كونها قصيرة. هذه الألعاب المفروض أنها replayable وقصيرة. هذه الفكرة من ريزدينت ايفل الكلاسيكية. أنها جداً dense بشكل يبرر طول اللعب القصير. لكن فهمت النقد الآن.
هي مش مسألة عدد ساعات لعب، هي مسألة محتوى. ريميك 2 كان نفس عدد الساعات تقريباً لكن الفرق بينهم هو أن كل مرحلة فيه كانت hub بمساحة جداً معقولة، مليان استكشاف وباكتراكينج بشكل يحسسك على وقت الخروج منه انك صرت تعرفه زي يدك وعشت عمر فيه. 3 ابداً مش كدة. المرحلة الوحيدة اللي نوعاً ما fleshed out كانت المستشفى، وسبحان الله هناك ماتلعب بجيل حتى. جزئية راكون سيتي خلصت بسرعة البرق رغم أني مطيتها قدر الامكان بأني استكشفت كل شبر فيها لآخره.
منطقة الشوارع راكون , بتضطر تروح لها 3 مرات بالمناسبه على شان يكون لعبك عادل
مره تروح لها على شان تخذ الخرطوم
المره الثانيه على شان تفتح كل الاقفال وتكسر السلاسل
والمره الثالثه على شان تشغل مولد الطاقه
وتدري ايش الجميل في الموضوع ؟ المره الثانيه الي تروح لها بتشتغل لك هالساوند تراك الاسطوريه وفي نفس الوقت ببتغير اشياء في طريقك وبيظر لك كم زومبي جديد
مثل ما قلت سابقا , انت تقدر تطول اللعبه لكن البعض يمشي فيها بسرعه
اما الـ replayability.. فالشيء الوحيد اللي يخلي اللعبة هذه replayable هو انها قصيرة، وأنها تتبع فلسفة ريزي المعتادة بكون كل شيء مش جيمبلاي skipable... اللهم ان جزئيات كبيرة من الجيمبلاي الحين هي اجري بالأنالوج لقدام وشوف الكتسين التفاعلي. بداية اللعبة وكل مرة يطلع نيميسس... في جزئية "سينمائية" بايخة زي هذه بأول بلايثرو مالها طعم وبالثاني ازعاج.
كل نقطه تم صنعها في الريميك لتستفيد منها حتى مشاهد الهروب الي البعض يعتبرها مشهد خطي هو في الواقع تقدر تقاتل فيه النيمسس وتخذ منه صندوق يفيدك في تطوير الاسلحه
و شيء ثاني.. انا مرة أوكى ان الريميكات تكون مختلفة عن الألعاب الأصلية. الريميك مايستبدل الأصل ودايماً الأحسن له أنه يحاول يكون هويته الخاصة.. بس انا مستغرب من قد ايش اللعبة هذه مالها علاقة بريزي3. هذا غريب لأن ريميك 2 كان.. ريميك لـ 2. هذه لعبة ثانية في راكون سيتي بنيميسس يمكن بس "مستلهمة" من 3. كل الـ story beats تقريباً مختلفة والليفل ديزاين مافيه تشابه.
والمشكلة الكبيرة أني مافهمت ايش كانوا يحاولوا يسوون. حس الهروب الأسطوري اللي تكلمت عنه في موضوعي السابق عن السلسلة، واللي كان شيئي المفضل في 3، غائب تماماً هنا اما في جزئيات من اللعبة الهدف فيها "أوكى جيل روحي طوري نفسك وجمعي اسلحة شوية" أو "خلينا ننقذ المدنيين ونطلعهم من هنا". اللي ميز ريزدينت ايفل 3 هو كونها جيل تشق طريقها برا المدينة. رحلة شخصية بالكامل. هذا غائب هنا وماله تعويض.
ومش فاهم المنطق أنك تحذف برج الساعة، أكثر منطقة أيقونية باللعبة الأصلية، وفوقه الحديقة، وتعوضهم بمرحلة مجاري. مجاري يا ظالم. يعني كابكوم جلسوا قالوا يلا بنسوي ريميك لريزدينت ايفل 3 ايش ممكن نسوي لنحسن اللعبة وفي حمار قال نضيف مرحلة مجاري وباقي الحمير انبهروا بالفكرة؟ يا الله.
ههههههههههههه ما الومك
حرفيا ما في ولا تصرف واحد ذكي بأنهم يحذفوا برج الساعه وين الفله في الموضوع ؟ ما في الا سبب واحد فقط , لان تطوير عماره كامله مثل برج الساعه بكلف كابكوم , فجاهم واحد حمار فعلا وقال لهم ضيفوا مرحلة المجاري لان ملفاتها كلها موجوده من ريميك2 , وعلى طول نسخ لصق
السالفه مش حذف فقط بل استغلال اشياء كثيره من ريميك2
النيميسس مش بطال ولو أني تمنيت المواجهات الأولى اللي مش سكريبتد معاه تكون أكثر.. حسيته تحول بسرعة شديدة وظهوره عموماً يعطي احساس بايخ لأنه معناه ان بيحصل مقطع سينمائي اسحب انالوج لقدام لكم دقيقة كدة.
مثل ما ذكرت فوق , ما في شي اسمه سكريبتد في اللعبه , انت تقدر تواجه حرفيا وتخذ منه صناديق تفيدك , الي يوهمك انه سكريبتد ان المرحله الي تهرب فيها غالبا جديده عليك وصايره خطيه
الشيء اللي عجبني في اللعبة نظام الدودج اللي اتمناه يستمر بالسلسلة لأنه جداً رائع، والنسخة الجديدة من كارلوس اللي خلته شخصية جداً حبوبة. غير كدة... بايخة. فيها شوية متعة كـ action romp.. لكن آخر مرة حصلنا action romp في ريزي كانت 6. قول اللي تبي تقوله عن 6، لكنها كانت لعبة بكامبين 20+ ساعة 4 سيناريوهات اونلاين كو اوب وميرسيناري مود ماينتهي. زي ماقلت فوق. العاب ريزي الكلاسيك تعوض قصرها بكونها dense. هذه مو dense. ماتستحق كونها اخذت مني 4 ساعات بس لاخلصها. عيب.
6.5/10
اكيد تمزح ؟
العبره بالكيف مش بالكم , انا اقول ديمو رزدنت ايفل3 احلى من رزدنت ايفل6 بكبرها مش فقط اللعبه الكامله
مؤلم قد ايش الريميك هذا طالع نص كم مقارنة بالجهد الأسطوري اللي انحط في ريميك 2. 3 طول عمرها بتبقى الإبن المظلوم بالسلسلة، ولو أنها بتظل ايضاً في نظري أشطر الأبناء
حاول تختم اللعبه مره ثانيه بنظره مختلفه , وانسى تقارنها بالقديم , صدقني بتكتشف انك ظلمتها واللعبه رائعه كرزدنت ايفل , اذا بتقارنها بتتعب , لان القديم لعبه اسطوريه بزياده ويحتاج له مطور اسطوري على شان يجيب ريميك مقارب لها , لكن اشوف الي سوتها كابكوم لحد الان جيد وتشكر عليه
يا رجل يكفي ان وصلت لنا لعبه رزدنت ايفل جديد
؟؟؟
