الموضوع الرسمي [2024] ترو جيمرز... وش قاعدين نلعب؟ كلاود في اجازة على شواطئ هاواي

[Invader Zim]

القصة معفنة.

مثل 99% من الالعاب

 

[Invader Zim]

يس تقدر ، بس حط ببالك اللعبة مافيها اوتو سيف ، احفظ كل ما جاتك الفرصة.

اوه شكرا
كنت بسوي لها دروب لو كان ما فيه سكيب

 

[MorridooM]

اوه شكرا
كنت بسوي لها دروب لو كان ما فيه سكيب

لا بالبداية فيها عبط (Yoko taro so quirky lol) بس بعد الاكت الافتتاحي يمديك تسكب العروض

 

[Invader Zim]

بديت NieR automata

اقدر اسوي سكيب للcutscenses ؟

خلصتها

محتوى مخفي

 

[SuperC]

لعبت Xdefiant "شبيهة كود من تطوير يوبي سوفت" قبل شوي و أشوفها لعبة جيدة جداً رغم العيوب اللي منها الـ hit detection ضعيف و الحركة
ماهي بسلاسة كود لكن فيها مادة و جوهر ممكن التحسين عليه .. يوبي سوفت ما عندهم الا أساسن كريد يبغالهم يشدوا حيلهم مع ذا اللعبة
لأن فيها بوتنشل

 

[retha]

يوبي سوفت ما عندهم الا أساسن كريد يبغالهم يشدوا حيلهم مع ذا اللعبة

عندهم R6.

 

[Grumpy]

Black Mesa
انهيتها من شوي، ما اعرف كم خذت، بس وقت تشغيلها على ستيم هو 40 ساعة.

سلسلة هاف لايف ما اعرف عنها شي، بس من يومي اسمع مدح عليها. و بالرغم من اني مب من محبي الـFPS قلت بجرب، خاصة ان تجربتي مع Portal كانت خيالية. نزلت BM عقب ما عرفت انه نسخة محسنة من HL و انه تقريبا ان التجربة الافضل، و كذلك اشتريت معاها الجزء الثاني و حلقاته. هالكلام من كم سنة، و كل مرة افكر اشغلها اغير رايي لاني مب وايد متحمس. الين ما يا وقتها هالمرة. خاصة اني بغيت شي قصير قبل اضافة ER..

و يالها من تجربة. من افضل ما لعبت. Start to finish.
حرفيا ما لعبت اي شي مثلها. من البداية تشدك، و لو اني كنت ضايع بسبب اني مب مشغل الترجمة، بس الاحداث كانت كافية.
اللعبة تقدم واحد من افضل تصميم المراحل الي شفتهم باي لعبة. قمة العبقرية. كل شي مدروس و محطوط بشكل صحيح.
الاسلحة ممتازة و احساس اللعب فيها رهيب. الالغاز، ياخي حتى الموسيقى على قلتها، من تلعب كم مرحلة بهدوء، فجأة تشتغل موسيقى تبتدا تتوتر و تعرف انك داش على مصيبة او لحظة ملحمية. و اللعبة تقدم الاثنين بشكل مرضي جدا.

Xen قد يكون اجمل عالم فضائي. طبعا اتكلم عن العالم برع، مب يوم دخلنا عرين الاسد، هناك تحس انك بهذك الكرتون القديم الي تكون فيه الشخصيات
داخل جسم الانسان (كريات الدم البيضاء و الحمراء..كان زوين والله..ههههه)

المهم ما ابا اطول. ما اعرف شو اقدر اقول زيادة بصراحة غير اني استمتعت جدا على غير المتوقع و انصح الجميع بتجربة هالتحفة.
الحين افكر اذا هذي كانت بهالمستوى، كيف الجزء الثاني الي عليه مدح اكبر؟
Can't Wait.

ما اظني بلعب شي، الا اذا لقيت العاب مال بو كم ساعة.
ننتظر اضافة ER.

 

[Terminator]

Black Mesa
انهيتها من شوي، ما اعرف كم خذت، بس وقت تشغيلها على ستيم هو 40 ساعة.

سلسلة هاف لايف ما اعرف عنها شي، بس من يومي اسمع مدح عليها. و بالرغم من اني مب من محبي الـFPS قلت بجرب، خاصة ان تجربتي مع Portal كانت خيالية. نزلت BM عقب ما عرفت انه نسخة محسنة من HL و انه تقريبا ان التجربة الافضل، و كذلك اشتريت معاها الجزء الثاني و حلقاته. هالكلام من كم سنة، و كل مرة افكر اشغلها اغير رايي لاني مب وايد متحمس. الين ما يا وقتها هالمرة. خاصة اني بغيت شي قصير قبل اضافة ER..

و يالها من تجربة. من افضل ما لعبت. Start to finish.
حرفيا ما لعبت اي شي مثلها. من البداية تشدك، و لو اني كنت ضايع بسبب اني مب مشغل الترجمة، بس الاحداث كانت كافية.
اللعبة تقدم واحد من افضل تصميم المراحل الي شفتهم باي لعبة. قمة العبقرية. كل شي مدروس و محطوط بشكل صحيح.
الاسلحة ممتازة و احساس اللعب فيها رهيب. الالغاز، ياخي حتى الموسيقى على قلتها، من تلعب كم مرحلة بهدوء، فجأة تشتغل موسيقى تبتدا تتوتر و تعرف انك داش على مصيبة او لحظة ملحمية. و اللعبة تقدم الاثنين بشكل مرضي جدا.

Xen قد يكون اجمل عالم فضائي. طبعا اتكلم عن العالم برع، مب يوم دخلنا عرين الاسد، هناك تحس انك بهذك الكرتون القديم الي تكون فيه الشخصيات
داخل جسم الانسان (كريات الدم البيضاء و الحمراء..كان زوين والله..ههههه)

المهم ما ابا اطول. ما اعرف شو اقدر اقول زيادة بصراحة غير اني استمتعت جدا على غير المتوقع و انصح الجميع بتجربة هالتحفة.
الحين افكر اذا هذي كانت بهالمستوى، كيف الجزء الثاني الي عليه مدح اكبر؟
Can't Wait.

ما اظني بلعب شي، الا اذا لقيت العاب مال بو كم ساعة.
ننتظر اضافة ER.

BM ماعليها كلام انها ماستربيس ولكن لما تلعب الجزء شنو راح يكون مصيرك وردة فعلك
الثاني مع المحتويات chapter 1, chapter 2 انت امام عظمة مابعدها عظمة من الابداع

اعتبر BM هو فيلم Alien والجزء الثاني من Half Life هو فيلم Aliens

 

[Invader Zim]

World of Warcraft classic

 

[KhalidOwaAlha]

 

[KhalidOwaAlha]

 

[ahmed-xd]

upload

لعبت akane ما توقعتها بتكون إدمانية تعرف الشعور اللي يجي لك لما تخسر في لعبة اركيدية تقاتل waves لا نهائية من الأعداء وتقول مرة ثانية هذا الشعور اللي صار لي ومع ساوندتراك حيل حلو

موجودة على كل الأجهزة ويجي لها تخفيض قوي يوصل ل3 ريال في ستيم السعودي

 

[SuperC]

upload

لعبت akane ما توقعتها بتكون إدمانية تعرف الشعور اللي يجي لك لما تخسر في لعبة اركيدية تقاتل waves لا نهائية من الأعداء وتقول مرة ثانية هذا الشعور اللي صار لي ومع ساوندتراك حيل حلو

موجودة على كل الأجهزة ويجي لها تخفيض قوي يوصل ل3 ريال في ستيم السعودي

تم الشراء .. سعرها دولارين فقط على متجر الإكس بوكس

 

[KhalidOwaAlha]

 

[Grumpy]

بعد BM جهزت قائمة الـBacklog الي عندي، و قلت برتبها مع عدد الساعات لكل لعبة. طلعت بـ46 لعبة T__T.

وقع الاختيار على لعبة البس2، LotR: Two Towers، كونها قصيرة نسبيا (تقريبا 8 ساعات حسب المواقع). الي اذكره اني لعبت Fellowship ايامها، وصلت لكهف الاقزام و ما قدرت اطوفه بسبة قتال العملاق و مليت و سويت لها دروب. قلت الحين كبرت و صرت افضل و فوق هذا بدخل عالجزء الثاني فما بلعب هالمرحلة يعني. الغريب ان الجزء الثاني قدم نفس المرحلة. الحين بديت اشك، هل معقولة انا اصلا كنت لاعب TT و مب Fellowship؟
المهم. هم ما قدرت اخلصها و لا اقدر اغلب العملاق. ما عجبني التحكم و لا الغيمبلاي -نعم، انا متمسك بهذي الحجة-. دروب مرة اخرى.و للأبد.

رجعت للقائمة، و اخترت لعبتين قصار الي هن Cocoon و Planet of Lana، الثنتين 5 ساعات حسب المواقع، ووقع الاختيار النهائي على:

Cocoon
خلصتها قبل شوي. خذت تقريبا 9 ساعات (مع النوم)

انا من المعجبين جدا بـLimbo و Inside. بس هذي بسب التوجه المختلف، ما تحمست لها نهائيا.
تفاجأت انها ممتازة الصراحة. بعيد عن الرسوم و الجو العام المبهرين، اللعبة قدمت الغاز رهيبة جدا. و حلها خلاني احس اني ممكن اتلقى اتصال من ناسا باي لحظة. بس عالنهاية تقريبا بدت الالغاز تتعقد جدا بالنسبة لي، و اضطريت امشي على غايد لاني ما اريد اطول فيها.

اللعبة ممتازة و خفيفة. انصح بها محبي النوع.

الحين بانتظار تحميل ابديت ER. بلعب شوي تسخين. ابا اتعود عالتحكم لين تنزل الاضافة.

 

[Abdulrahman1]

الناس تلعب اضافة الدن وانا اختم القصة

ماعرفت وين اروح للبوس بعد رينالا اللي في الاكاديمية

 

[Invader Zim]

>اشتكيت ان ليفلي منخفض في الGuild
>جاني واحد شايب لابس عمامة Level 60 (اعلى لفل)
>فتح لي Portal وقال لي ادخل
>دخلت وقعدت امشي وراه
>لقيت نفسي في قارة جديدة
>قال لي سو كل المهمات الي هنا وبتصير قوي
>اعطاني ٤٠ قربة ماء ورجع من Portal

صحيح اني ما اقدر ارجع القارة السابقة لكن الان عندي مهمات كثيره جديدة هنا

 

[Hornet-64]

الناس تلعب اضافة الدن وانا اختم القصة

ماعرفت وين اروح للبوس بعد رينالا اللي في الاكاديمية

روق عليها زين ما زين و لا تستعجل على الاضافة ابدا
لان الدن رنق من الالعاب الي تجي مرة كل جيل
+
تباني انصحك وين تروح و لا اخليك تستكشف براحتك؟

 

[Abdulrahman1]

روق عليها زين ما زين و لا تستعجل على الاضافة ابدا
لان الدن رنق من الالعاب الي تجي مرة كل جيل
+
تباني انصحك وين تروح و لا اخليك تستكشف براحتك؟

ابي اعرف طريق البوسز في اللعبة بس

 

[Othmane]

ختمت امس لعبة الرعب النفسي Still Wakes the Deep الي صدرت حدثيا، واللعبة عجبتني جدا وذكرتني بلعبة SOMA.

قصة اللعبة حلوة وفيها لحظات قوية، مع تقديم أجواء عامة مميزة ومتنوعة تخليك تنغمس معاها!.

اللعبة قدمت تمثيل صوتي من الطراز العالمي! احداث اللعبة في محطة نفط بحرية في اسكتلندا وكل الشخصيات يتحدثون بلهجتهم.

استغربت في البداية لانو في كلمات ما كنت افهمها xD لكن مع تقدمك راح تعرف انه احسن قرار سووه وهو جانب تتميز فيه اللعبة. كل الشخصيات تحسهم واقعيين وهم يتحدثون وبدون اي تصنع، خاصة البطل.

في لحظات رعب نفسي مميزة لكنها قليلة للاسف، اصلا في البداية تكون اللعبة مرعبة بعدين تقل. ايضا مواجهات الاعداء الي تعتمد على التخفي كانت متكررة وبنفس الكونسبت.

جيمبلاي اللعبة بكبره فيه رتابة وتفاعلاتك متكررة نوعا ما عشان تتقدم لكن هذا شي متوقع من Walking Simulator. الي يغطي عن هذا الشي هو تنوع المراحل.

لكن دام طول اللعبة 4-5 ساعات ما امانع بصراحة! خاصة اني داخل على اللعبة وابي منها تعطيني قصة واحداث تعجبني اكثر من اي شي اخر.

على كل حال، الي يحب هذا النوع من العاب او عنده Game Pass لا تفوته : )

 

[KhalidOwaAlha]

تم الانتهاء من اللعبه على محاكي 360


يوم صدرت 2012 الريفيوز كانت سيئة جدا بسبب قلة الاعداء والاداء التقني للعبه ومالومهم لاني كنت منهم وطنشتها وامس خلصتها, صراحة اللعبه مظلومة وفيها كل مقومات سايلنت هيل واليوم كثير العاب اندي ناسخه منها افكار والغاز وتصاميم جيم بلاي مثل الانفاق تحت الارض والمهمات الجانبيه الي صعوبتها في المشي مسافات طويلة من الخريطة للخريطة الثانيه


النهاية طبعا صادمة ودموية جدا, 9/10

 

[SuperC]

تم الانتهاء من اللعبه على محاكي 360


يوم صدرت 2012 الريفيوز كانت سيئة جدا بسبب قلة الاعداء والاداء التقني للعبه ومالومهم لاني كنت منهم وطنشتها وامس خلصتها, صراحة اللعبه مظلومة وفيها كل مقومات سايلنت هيل واليوم كثير العاب اندي ناسخه منها افكار والغاز وتصاميم جيم بلاي مثل الانفاق تحت الارض والمهمات الجانبيه الي صعوبتها في المشي مسافات طويلة من الخريطة للخريطة الثانيه


النهاية طبعا صادمة ودموية جدا, 9/10

كيف المحاكي بشكل عام هل هو جيد ؟ ما أسمع عليه مدح زي محاكي RPCS3

 

[KhalidOwaAlha]

كيف المحاكي بشكل عام هل هو جيد ؟ ما أسمع عليه مدح زي محاكي RPCS3

اخر اصدار كناري ممتاز ويشغل العاب كثيره بشكل ممتاز و60فريم

 

[Terminator]

لعشاق انمي الثمانينات. عندي لكم لعبة ادمانية لدرجة الجنون
تخيل انمي ال 80s وستايل Soda بشكل جنوني ادماني

لعبة Mullet Madjack كانت ايرلي اكسس ونزلت بالكامل قبل كم اسبوع

فيها فكرة عجيبة انك تلعب بعمارة ولازم توصل من طابق الاول الى آخر طابق بعيد بالقمة لإنقاذ صديقتك
اللعبة مجنونة وفيها بعض خواص ال roughlike , لما توصل لطابق معين وتخسر, ترجع لطابق ورا وتعيد
ولكن المهمة راح تكون generated الى ان ترجع للطابق اللي مت فيه وتواصل طبيعي

كل طابق عندك 10 ثواني تنهي فيها المهمة ولكن الفكرة هو انك مع تقدمك كل عدو تقتله
يزيد عندك ثانية او ثانيتين, المهم انك ماتخلص الثواني وتعيد المهمة بشكل آخر..

فيها افكار غريبة عجيبة..توني بالبداية

 

[prince khalid]

بعدما أنهيت Borderlands بكل محتوياتها، وبعدها Dishonored وGOW 4، قفزتُ لشيء خفيف، Super Lucky's Tale.

رأيتُ مقارنات بينها وبين ألعاب سوبر ماريو الثلاثية الأبعاد، هناك استلهام واضح، لكن بعيدًا عن جمع القطع والجرية، اللعبة أبسط بكثير من أن تُقارب بماريو، اللعبة ليس فيها إلّا حركتان، القفز (بما فيه المزدوج) والحفر، وكلاهما بسيطان كذلك، يبدو أنّ اللعبة مُصممة للأعمار الصغيرة، تصميم كل الأعداء ظريف، مراحل المنصات التحدي فيها بسيط، والألغاز لا تأخذ أكثر من دقيقة لحلّها، حتّى التحديات ضد الساعة فيها ما يكفي من الوقت.

التنوع في اللعبة جيّد، كل منطقة فيها أكثر من مرحلة وزعيم في النهاية، كل مرحلة إمّا تأخذ شكلًا تقليديا لألعاب المنصات الثلاثية الأبعاد، تستكشف ما فيها وتجمع القطع وتتفاعل مع البيئة، المراحل صغيرة جدًا جدًا، لكن لها هويتها الخاصة، وتُحاول اللعبة تغيير الأهداف، أعتقد أنّها ممتعة لمن هم دون العشر سنوات، تتبعك الكتاكيت لتأخذها لأمها، تقاتل قطًا، تقفز على الطماطم...

مُسليّة بمقدار جيد، لكن أكتب الانطباع لمن رُبما لديهم أبناء أو إخوة صغار، اللعبة تُناسبهم للغاية.

 

[ahmed-xd]

بديت لعبة remote control dandy هي لعبة اكشن تتحكم فيها بالربوت الضخم vordon ( نفس الروبوتات الموجود في انميات نفس غرانديزر ومازنجر وغيرهم) عن طريق ريموت واللي يستخدم الريموت طفل صغير يدعى mamoru وتتحكم فيه من منظور الشخص الاول وتبدل التحكم بينه وبين vordon بأنك تضعط على زر select والحركة والدفاع بvordon تعتمد على ازرار shoulders و triggers والهجوم بvordon عن طريق زر دائرة وزر مربع

خلصت في اللعبة 11 مهمة اشوفها لعبة اكشن مميزة و robot models على ps1 فيه تفاصيل كويسة واللعبة فيها روبوتات عملاقة تواجهها باستخدام vordon وبعد فيها بيئات قابلة للتدمير بس طبعا اللعبة ما تشجع على ذا الشيء لانك بتخسر فلوس

اللعبة فيها إدارة فلوس شركة torino force defense اللي يملكها mamoru وبذي الفلوس تقدر تشتري معدات و upgrades تقوي فيها vordon

بكمل اللعبة واشوف ما اذا كنت اقدر اتحمل واتعود على awkward control scheme وبعد ما اذا كنت اقدر اتحمل على عنصر إدارة الفلوس بدون ما ادمر مباني

اللعبة من تطوير نفس مطورين العاب earth defense force لما كانوا في شركة human entertainment قبل ما تتسكر ذي الشركة ويؤسسون استوديو الخاص فيهم sandlot games ( مطورين العاب edf وبعد مطورين العاب تتحكم فيها بربوت ضخم نفس robot alchemic drive)

 

[*RA!N*]

من زمان كان نفسي اعيد ريزدنت ايفل 7. فجت الفرصه اني اعيدها شفلت اللعبه اكتشفت اني مااقدر اتخطى العروض السنمائيه فحذفتها.
ولعبت الدن رنيق بحساب جديد المره الاول كنت ساحر الحين بيلد سترنقث, مافي مقارنه السحر امتع بكثير.

 

[Invader Zim]

Wow classic
وصلت level 21 في اسبوع
على كذا بوصل level 60(اعلى ليفل) بعد شهرين

 

[ahmed-xd]

بديت لعبة remote control dandy هي لعبة اكشن تتحكم فيها بالربوت الضخم vordon ( نفس الروبوتات الموجود في انميات نفس غرانديزر ومازنجر وغيرهم) عن طريق ريموت واللي يستخدم الريموت طفل صغير يدعى mamoru وتتحكم فيه من منظور الشخص الاول وتبدل التحكم بينه وبين vordon بأنك تضعط على زر select والحركة والدفاع بvordon تعتمد على ازرار shoulders و triggers والهجوم بvordon عن طريق زر دائرة وزر مربع

خلصت في اللعبة 11 مهمة اشوفها لعبة اكشن مميزة و robot models على ps1 فيه تفاصيل كويسة واللعبة فيها روبوتات عملاقة تواجهها باستخدام vordon وبعد فيها بيئات قابلة للتدمير بس طبعا اللعبة ما تشجع على ذا الشيء لانك بتخسر فلوس

اللعبة فيها إدارة فلوس شركة torino force defense اللي يملكها mamoru وبذي الفلوس تقدر تشتري معدات و upgrades تقوي فيها vordon

بكمل اللعبة واشوف ما اذا كنت اقدر اتحمل واتعود على awkward control scheme وبعد ما اذا كنت اقدر اتحمل على عنصر إدارة الفلوس بدون ما ادمر مباني

اللعبة من تطوير نفس مطورين العاب earth defense force لما كانوا في شركة human entertainment قبل ما تتسكر ذي الشركة ويؤسسون استوديو الخاص فيهم sandlot games ( مطورين العاب edf وبعد مطورين العاب تتحكم فيها بربوت ضخم نفس robot alchemic drive)

خلاص شكلي باسحب على اللعبة ما اقدر اتحمل التحكم الثقيل وزوايا الكاميرا لما اتحكم بالروبوت وبعد سالفة ان اللعبة تخسرني فلوسي اذا دمرت مباني في المراحل

 

[KhalidOwaAlha]

لعبة رعب مقتبسه رزدنت ايفل 1-2-3 CODE VERONICA بشكل كبير جدا جدا وممتازة لمحبين هذا النوع من الالعاب, خلصتها قبل سنتين تقريبا والرهيب انها بمحرك انريل انجن3 يعني الجرافكس قديم





9/10