12 برنامج عرض لا يفوت لأصحاب الماك

[itachi]

يالله يالله من يشييييييييل وينكم ياشباب (محمد خالد عزوز أحمد عبد السلام وينكم لا يفوتكم ..:laugh: )
عرض خيالي 12 برنامج رهيب بسعر خيالي ..مجموع البرامج بدون خصم 428 دولار
وبعد الخصم سعرهم 49 دولار والله ببلاش :moneymouth:

باقي ثلاث أيام على العرض

http://www.macheist.com/​

يكفيك أول برنامجين
1password

برنامج يحفظ لك كل المعلومات الثمينه كأرقام سريه أو أرقام بطاقاتك النكيه وحتى معلومات الدخول لعده مواقع ..الأنترفيس رهيب وبسيط جدا ..يتعامل مع السفاري والفايرفوكس

Speed Download

أفضل وأسرع برنامج تحميل ورفع على الماك ..أدخلو موقعه الرسمي وشوف الجوائز اللي أخذها

CoverSutra
برنامج يخليك تتحكم بالآيتونز باختصارات أو بالريموت ويطلع لك صوره الألمبوم اللي تسمعه في سطح المكتب
Awaken
برنامج منبه بشكل بسيط وفيه مزايا عديده تقدر تختار نوع المنتبه أو الموسيقى أو تختار ملف معين تخليه يشتغل وحتى يطلع لك نوت للتذكير
AppZapper
برنامج لحذف البرامج ..فقط أسحب وقط
Pixelmator
برنامج رسم مثل الفوتوشوف يدعم الطبقات إلا إنه بسيط والأنترفيس فيه أيضا بسيط ورهيب

وحتى بقيه البرامج رهيبه تلاقون شرحها في رابط الموقع فوق

 

[iCon]

تسلم على البرامج .... ان شاءلله لي رجعة بعد ما اجربهم 🙂

 

[مرعبوف]

مشكور وما قصرت

والله برامج رهيبة

 

[Avenas]

يا زين الكراكد في الوندوز <3

 

[Colorization]

من مدة بسيطة خالد وراني العرض هذا (أو شبيه له) فالمسنجر، توفير رهيب من جد.

ما اقصد اسوي ترولنج ضد ماك ولا شي، لكن بصراحة أغلب البرامج الموجودة أقدر أحصلها مجانية، وبعضها أبدا ما يستاهل أدفع له فلوس (أدفع فلوس عشان صورة الألبوم تطلع على الدسكتوب؟ واو).

 

[itachi]

الصراحه أنا دافع حق أول برنامجين
1password و speed download لأنه يستاهلون وبقوه ...واللي جربهم يقدر يحكم عليهم
صحيح فيه برامج مجانيه على الويندوز وهم على الماك ..لكن بعضها غير مجاني وما تلاقي له سيريال مثل SD

 

[NextGGamer]

اول امس شريت ماك بوك ابيض 2.2 ليبارد
هذي اول مره استعمل الماك في حياتي بس شي عجيب
طبعا اول شي توهقت مو عارف شلون اطق الرايت كليك بس الحين كل شي مضبوط

العرض عجيب جربت برنامج ١ باسوورد و آب زابر
و ترى العرض زادوه برنامجين او ٣

 

[itachi]

مبروك أخوي على الماكبوك ...وأهلا بك في عالم الماك 🙂 أي أستفسار أو مساعده أحنا موجودين
أخوي سبيد داونلاود أفضل برنامج حق تنزيل تقدر تجرب الديمو من موقعهم
ههههههههه سالفة الرايت كليك هذي ناس وايد يجون ويسألوني في جرير يقولون كيف هذا فيه بس كليك واحد !؟! ...بس ينصدمون لما يعرفون الحركة هههههه
حط صبعين وأضغط = الرايت كليك
حط صبع واحد وأضغط = الليفت كليك 🙂

 

[BioMario]

والله عرض حلو و مجموعة ممتازة ..
آخ لو عندي ماك XD

 

[Khalid-S]

افيناس (ما اعرف كيف ينطق)
الكراكات وخرابيطها موجوده في اي نظام تبيه 🙂

كولو
في مليون برنامج مجاني يسوي الي انت قلت عليهم .. لكن في بعضها تقدم لك كوالتي افضل + ميزت افضل. مثل حق الاغلفه فيه.

سيرتش فوق وامور ثانيه. مثل تحكم iTunes بالكيبورد وغيره.

كل الموجود في القائمة برامج قوية .. من شركات معروفة.

للاسف اكثر من نصف البرامج هذي عندي (ما عدى CSS Edit الاسطوري لكن صاحبي اشترى الباكج وعنده البرنامج فعطاني السيريال حقه) والعاب ما تسوى وكم برنامج غبي.

بس MacHeist رهيبين بمعنى الكلمة.. بباكج مماثل اول حصلي برنامج سعره $98.00 الي هو TechTool Pro وغيره برامج قويه ما فتحت بالموقع الا بعد ما عدى نسبة مشترين للباكج.