بالعكس تماما الدعايه ما فيها شي يدل ان الجيمنج للأطفال ! و القصد منها العكس تماما !
و لحظه لحظه انت تتكلم عن حملة دعائيه لأمريكا .. و ما أتوقع ان عندهم نفس العقليه اللي هنا !!
أنا ما أقول انها تدل ان الجيمنج للأطفال. قصدي انها تخلي الجيمنج يظهر بشكل Immature. هممممم أوكي مو عارف أوصف نقطتي بالضبط.
الجيمنج الآن أصبح صناعة يطلع منها آرت قوي وودي النون جيمرز ياخذون الصناعة بشكل جدي لأن فيه ألعاب جدية وممكن تكون حتى Art.
لكن دعايات مثل هذي و الـVGAs تعطي إيحاء ان الصناعة إلى الآن عن طلاب ثانوي يشربون بيره مسوين نفسهم Cool و Bad Ass وكل الي يحبون يتكلمون عنه هو الحريم وبيرة. وما يحبون يلعبون الا الألعاب الي فيها قتل ودم وبنات. هذولا الناس وحتى لو كانوا أكبر من 18 سنة, ما يعتبرون Mature, وكونهم يمثلون صورة الجيمر في الوقت الحالي أشوفه شيء مؤسف.
رح شف الـVGAs. كل نكتهم عن "طقاع" -وانتم بكرامه- و الجنس وبنات وشرب وكلام فاضي. هذي هي صورة الصناعة عند الناس للأسف. وكون فيه حملة اسمها "أمك تكره ديد سبيس" قاعدة تزيد الوقود في هالنار.
الي ابي اوصله هو اني ابي اشوف الصناعة توصل لمثابة صناعة الأفلام. بحيث انه اوكي فيه افلام لهالنوع من المراهقين. لكن
الكل يعرف انه فيه أفلام جدية وتحب تكون لوحة فنية. صناعة الألعاب في طريقها لهالشيء. خاصة لما نشوف ألعاب مثل هيفي رين تبيع بشكل ممتاز. لكن للأسف حاجات مثل الـVGAs و الحملات الإعلانية هذي بتمسك الصناعة من التقدم هذا, وبتخلي نظرة الخارجين عن الصناعة ان الألعاب = قتل وتدمير ودم وبنات وأمك تكرهها لأنها ماهي Cool او Extreme مثلك يا أقوى واحد في الدنيا.
أتمنى نقطتي تكون وصلت. المسألة ماهي مسألة عمر, المسألة هي نظرة الناس على محتوى صناعة الألعاب.
