يلعن ابو التناقضات يا ولد

[hamad 11]

الأسبوع الماضي رحت المستشفى اودي اخوي الصغير يسوي عملية الليزك لعيونه عشان لا يستعمل النظارات...

المثير للسخرية.. انه الثلاثة دكاترة الى سووا له العملية كلهم لابسين نظارات
الواحدة عدستها كبر راسي :slant:

---

احلى شي ذيك المرة قاعد اطالع التلفزيون وطحت في قناة, شيخ قاعد يوصى بأهمية الحجاب.. والمذيعة الى قاعدة معاه مطلعة شعرها وترجعه لوراء !

عاد هذي وايد منها ... يعني مافي شي جديد



---


الحين رح اقول الحادثة الى صارت لي امس وخلتني اكتب هالموضوع

كنت في المسجد ودخل علينا واحد مطوع
وفي يده اوراق تنصح الناس بعدم التدخين وتنبه الناس بمخاطرها, بعد ما وزعة ورقة علينا كلنا..اعطانا محاظرة 10 دقايق عن هالشي.. الله اعلم انه إيراني من لهجته

لاحظت على الرجال شي, لونه ناصع البياض لكن شفايفه مرة سوداء بشكل مو طبيعي.. قلت أكيد هذا يدخن

المهم بعد ما صلينا قررت انى اتبعه واشوف سالفته (الفضاوة وما تفعل

).. وبعد مدة اشوف لكم اخونا في الله وقف وطلع سيجارة يدخنها !!!

ويقول لك ليش العرب يعتبروا من العالم الثالث

 

[SALAH]

ههههههه بالفعل مر علي هيك ناس

استاذ انجليزي يقرأ كلمة Soldier ( سولديير ) بدل ( سولدجر ) خخخخ

بالنسبة للي شفته انت حمد..اعتقد هذا يدخل في اطار اللي ينصح غيره بتجنب المعصية بينما هو يرتكبها ! ...وهو صراحة ما اعتبره تناقض بل اعتبره نصيحة في مقابل عجزه هو نفسه عن ترك التدخين , يعني بكون هو شاف شو صار فيه بسبب التدخين وماقدر يقلع عنه , فقرر ينصح الناس بتجنبه حتى لا يصير فيهم مثل ما صار فيه ( احتمال ) ..


بس صدقني مافي احد ينافس الدجال في قناة كنوز ..اللي يدعي انه يكلم الجان ويعلم الغيب على الهواء مباشرة ..والناس المهابيل يصدقوه والمذيعة جنبه حدث ولا حرج ! ..

بالله شوفوا هالفيديو , قمة الاستهبال على العقول بالفعل :

تم حذف الفيديو

 

[hamad 11]

بالنسبة للي شفته انت حمد..اعتقد هذا يدخل في اطار اللي ينصح غيره بتجنب المعصية بينما هو يرتكبها ! ...وهو صراحة ما اعتبره تناقض بل اعتبره نصيحة في مقابل عجزه هو نفسه عن ترك التدخين , يعني بكون هو شاف شو صار فيه بسبب التدخين وماقدر يقلع عنه , فقرر ينصح الناس بتجنبه حتى لا يصير فيهم مثل ما صار فيه ( احتمال ) ..

صلاح هذا مو سبب مقنع أبداً..

ممكن يطلب المساعدة, ممكن يدخل برنامج للإقلاع عن التدخين .. ممكن يسوي مليون شغلة عشان يوقف التدخين

اما جالس يتفلسف ويخسر الناس 10 دقايق من حياتهم واخرتها جالس يدخن سيجارة هذا أسمه نفاق وتناقض..


اما الى بالفيديو لووول كم مرة شفته.. حلاته لما الواحد يكون طفشان ويطالعه عشان يضحك

 

[SALAH]

صلاح هذا مو سبب مقنع أبداً..

ممكن يطلب المساعدة, ممكن يدخل برنامج للإقلاع عن التدخين .. ممكن يسوي مليون شغلة عشان يوقف التدخين

اما جالس يتفلسف ويخسر الناس 10 دقايق من حياتهم واخرتها جالس يدخن سيجارة هذا أسمه نفاق وتناقض..

انا معاك بان هالشي مايجوز لكن ما تقدر تكشف على نيته من الداخل ..الله اعلم ايش اتعرض له الرجال وايش نوع الادمان اللي طاح فيه ( مادام شفايفه سود و وجهه أبيض ) ..

كثير تحصل بين الشباب وانا شخصيا لي صديق يدخن 3 او 4 علب سجاير في اليوم بينما أنا ما ادخن أبدا ولا عمري سحبت أي نفخة حتى ..وهو بنفسه ينصحني ما ادخن ويحذرني من التدخين عشان ما يصير فيني مثل اللي صار له ..


طبعا هالشي ما يمنع ان الرجال اللي قابلته انت يناقض نفسه بتصرفاته وهالشي أكيد غير مقبول ..لكن شو نسوي ملياااان مجتمعنا من هالاشكال وهالموضوع مارح يخلص :roll:

 

[hussien-11]

معليش سامحوني انا ما أفتح التلفزيون بالعادة ، بس ..

ايش هذا !!!!!!! معقول في ناس عقلها صغير لهالدرجة ؟؟؟؟؟

 

[Colorization]

بالله شوفوا هالفيديو , قمة الاستهبال على العقول بالفعل :



:gasp: :gasp: :gasp: :gasp:

الحمدلله والشكر على نعمة العقل. اول مرة اعرف إنه هذي الأشياء موجودة عالتلفزيون. كنت أعرف بقنوات\برامج الدجل والشعوذة لكن إستخدام الدين كستار لهذه ال"تجارب"؟ من جد واو. اللهم لا تؤاخذنا بما فعله السفهاء.

 

[Justice]

والله اني اشفق على الي يتصلون عليه من جد حمدلله على نعمة العقل
يعني بصراحة والله مش قادر اتصور كيف الناس ينقص عليهم بهذي السهولة يعني غباء زايد
لو اجيب المجنون والله انه يميز
والي يغث هذا الحيوان يذكر اسم الله في لسانة ويقراء ايات على شان
يخلي الناس تصدقه

 

[DeaDMaN]

لول , دكتور يقول من اول يوم اعتبروا نفسكم جنود في military مو طلاب في حصة p: و كل واحد يتعب قد مايقدر .. ولما نحل واجب "حوالي 8 صفحات كلها Essays" في يوم واحد , يقول انا كسلان أقرأهم .. اهمشي انتوا استفدتوا p: .

 

[Zero]

في مقولة متداولة عن الدكاترة
"دكتور القلب أكبر مدخن" أو "دكتور الأسنان أكبر مدخن"

والشيء المضحك أن المقولة تصدق غالبا ..

 

[Torpedo]

لول .. أيش القناة الحلوة هذه خخخ... ايش ترددها xD >.>

 

[hussien-11]

لول .. أيش القناة الحلوة هذه خخخ... ايش ترددها xD >.>

هبل مسخرة سخافة نصب.0

 

[Golden_Sun]

الدكتور اللي يسوي شفط، تلقاه هو متين!
الدكتور اللي يعالجك بالجلدية تلقى رجله متشققه!
الدكتور اللي يسوي عملية الليزك تلقاه هو يلبس نظارات!

عادي، وين المشكلة؟ هنا ما اعتبره تناقض.. هذة قناعه والرضا بما لديك واللي حصل لك، ما اختلف معاك ان المسأله مضحكه انك تروح تعالج عيونك علشان تتخلص من النظارة والدكتور المسؤول عن العملية هو يلبس نظارات! لكن هو مرتاح بالنظارة وراضي فيها ومقتنع، انت (او الشخص اللي يطلب العلاج) غير راضي ومو مقتنع بالنظارة، هذا الفرق : )

ونفس الشي ينطبق على قصة التدخين والشيخ.

 

[hamad 11]

الدكتور اللي يسوي شفط، تلقاه هو متين!
الدكتور اللي يعالجك بالجلدية تلقى رجله متشققه!
الدكتور اللي يسوي عملية الليزك تلقاه هو يلبس نظارات!

عادي، وين المشكلة؟ هنا ما اعتبره تناقض.. هذة قناعه والرضا بما لديك واللي حصل لك، ما اختلف معاك ان المسأله مضحكه انك تروح تعالج عيونك علشان تتخلص من النظارة والدكتور المسؤول عن العملية هو يلبس نظارات! لكن هو مرتاح بالنظارة وراضي فيها ومقتنع، انت (او الشخص اللي يطلب العلاج) غير راضي ومو مقتنع بالنظارة، هذا الفرق : )

قصة الدكتور مافيها تناقض صحيح لكن ذكرتها من باب الدعابة.. لكن الموضوع كتبته بشكل رئيسي لقصة الشيخ والتدخين

ونفس الشي ينطبق على قصة التدخين والشيخ.

أسمح لي..

انا ما رح احاول اقنع أحد.. بس شباب لا تحاولوا تدافعوا عنه

يعني أنا قلتها, فيه مليون طريقة يوقف فيها عن التدخين.. الحين هالناس كلهم قدروا يوقفوا تدخين أما هو ما قدر يوقف تدخين؟ وقفت عليه هو بس يعني؟

هذا اسمه تناقض, مدري انتو شو تسموه لكن انا اسميه تنـاقض

+

انت قلت نفس الشي ينطبق على الرجال بعد ما قلت كلامك الى فوق..

يعني قصدك انه راضى ومقتنع بالتدخين, وهالكلام غلط.. هو إنسان واعي وعلاقته مع ربه قريبة (على الأقل كما يدعي) وعارف زين انه التدخين شي حرام لأنه إيذاء للنفس, فشلون بعد كل هذا يكون مقتنع بالتدخين؟

 

[SALAH]

اخي حمد هو بكون مقتنع انه التدخين غلط وحرام ولا يجوز ورح يقتله بالنهاية , لكن تقدر تقول انه وقع ضحية الادمان وماقدر يتخلص منه بسبب ضعف الارادة عنده ..هذا الانسان من وجهة نظرنا نحن يناقض نفسه لكن من وجهة نظره هو انه ضحية للادمان الشديد على التدخين ويرفض تماما ان يقع غيره بهالفخ ..فينصح الناس بتجنبه وتركه وذكر مضاره ..

حالة الرجل تذكرني بحديث للنبي عليه الصلاة والسلام اللي جاء فيه "...كمثل الريحانة ريحها طيب وطعمها مر ...الخ الحديث "

 

[persona]

نتكلم عن التناقض؟..

-يجيك الرجال مواضيعه دينيه وتقول اوف هذا مقطع الدين والعلم والمعرفه..
وبالاخير تكتشف انه له شخصيه ثانيه ورى الانترنت..
ربك يفضح هالفئه بأشياء مانتوقعها ..

-يجيك الدكتور-المعيد فرعون على الطلبه ...وكتكوت اذا يدرس طالبات ..

- اكبر التناقضات اشوفها بالتصاريح الصحفيه للمسؤولين على هيئات حكوميه\خاصه
ينكرون شي موجود بالواقع وهم يسوونه ..

 

[Captain Jack Sparrow]

الحمد لله على العافية <tgman> <tgman> <tgman>

 

[Aoks]

-يجيك الدكتور-المعيد فرعون على الطلبه ...وكتكوت اذا يدرس طالبات ..

:cryy::cryy::cryy::cryy::cryy:
​

 

[DeaDMaN]

-يجيك الدكتور-المعيد فرعون على الطلبه ...وكتكوت اذا يدرس طالبات ..

ههههههههههههههههههههه , p: هذي حالة دكتور سوداني معانا .

 

[Isaac]

معليش سامحوني انا ما أفتح التلفزيون بالعادة ، بس ..

ايش هذا !!!!!!! معقول في ناس عقلها صغير لهالدرجة ؟؟؟؟؟

صدق من قال .. رزق الهبايل على المجانين

أطالب الإدارة بحذف الفديو يا شباب هالشيء خطيييير جدا ومشاهدتك للفديو حتى لو ماصدقته يعتبر شيء محرم

صحيح إنكم ماسألتوهم بس برضوا حتى مشاهدتك لهم قد يلحق الإثم من جرائها.

+ رزق الهبل على المجانين مقولة محرمة ... لأن الله عز وجل هو الرازق.

 

[hussien-11]

+ رزق الهبل على المجانين مقولة محرمة ... لأن الله عز وجل هو الرازق.

و النعم بالله ، شكرا على التنبيه
​

 

[SALAH]

اممم..انا قمت بحذف الفيديو من باب الابتعاد عن الشبهات , ولو أنه طبعا ما احد منا يصدق هالدجال

باقي على الشباب يحذفوه من ردودهم المقتبسة ..🙂

 

[hussien-11]

شباب بالنسبة للفيديو أعتقد ما انحط إلا من باب توضيح دجل هذي القناة ، ماحد فينا جالس يتابع أو يشاهد أو حتى يتسلى ، أعتقد ما فيه شي .. يعني كيف بنعرف انو هذي القناة دجالة من غير ما نعرف ايش بتعرض ؟
​

 

[Isaac]

شباب بالنسبة للفيديو أعتقد ما انحط إلا من باب توضيح دجل هذي القناة ، ماحد فينا جالس يتابع أو يشاهد أو حتى يتسلى ، أعتقد ما فيه شي .. يعني كيف بنعرف انو هذي القناة دجالة من غير ما نعرف ايش بتعرض ؟
​

الرسول عليه الصلاة والسلام غضب لما علم إن عمر بن الخطاب قرأ في التوراة "المحرفة" ونهاه عن ذلك خوفا من أن يفتن.


هذا وهو عمر بن الخطاب .... قارن إيماننا بإيمان عمر .... قس على ذلك في مسالة متابعة السحرة .... الشيطان له مدخل بشكل أو بآخر مهما قوي إيماننا ولازم الواحد يبتعد عن الشبهات ويسد الذرائع والسبل للفتنة أو التصديق أيا كانت.

 

[hussien-11]

اوك حذفت الفيديو من ردي 🙂
​

 

[Isaac]

بارك الله فيكم شباب .

 

[Hardcore Gamer]

بارك الله فيكم شباب .

جزاك الله خير حازم

 

[Himura]

ذكرتني بواحد أشوفه ينصح العالم بالصلاة ويشدد عليهم، وهو ما يصلي أساساً.
فعلاً تناقض ..

 

[Super Mario]

الله يعطيك العافيه يا حازم و يكثر من أمثالك

 

[Solay]

بالنسبه للي يدخن هذا شئ عادي واعتبره انه بينصح الناس لأنه جرب هالشئ وماقدر يتركه ...

اما عن الفيديو لول مالحقت عليه..

 

[mohamed]

اللي يجيك ينصحك بالابتعاد عن التدخين ويعلمك انه يدخن أعتقد هذا ما فيه أي شيء أبداًَ ؛ لأنه عاش التجربة وغرق في البحر ولا يبغى غيره يحصل له الشيء نفسه , لكن انه يظهر لك عكس واقعه فهذا ما ألقى له كلمة أوصفه فيها.