ياناس, ياعالم.. إلى متى النصب؟؟

[Mukuro]

بسم الله الرحمن الرحيم..


اليوم قررت وبعد أن رأيت النصب بعينه في أسواقنا, وأخص بالذكر السعودية, قررت إننا نناقش الوضع المزري اللي حاصل في محلات الفيديو جيمز واستغلالهم لأوضاع السوق بالخارج ورفع الأسعار بحجة أن البضاعة لن تتوفر إلا لاحقا.

بصراحة الشيء اللي زاد من حقدي من ناحية هذا الموضوع, هو بعد زيارتي لأحد محلات ألعاب طوكيو بجده, وجدت بأن سعر الدي اس لايت = 1900 ريال. وقبل كذا كانوا يبعيون ال 360 ب 5000 ريال, وقد استغلوا نفس الوضع عند منع وزارة الأعلام للعبة DOA4 وفقط ألأعاب طوكيو تمكن من الحصول على كمية مهربه لا بأس بها و بسعر 400 ريال للواحده.

أنا هدفي من هذا الموضوع مش التهجم على هذا المحل فقط, بل أريد أن أعرف هل هذا النصب و الاستغلال يمارس بشده في المدن أو الدول الأخرى؟؟

وسلامتكم🙂

 

[rubso]

النصب احد مكملات المحلات عندنا، خخخخ يعني محل بدون نصب هذي مصيبة ما تحصلها ابداً..
تحصل على الاشياء بسعر رخيص ( اولاً ، اذا نطرت لين ينزل سعرها وتنزل بجميع المحلات، ثانياً اذا انت تمون على المحل ) 😛

 

[hussien-11]

هع ، انتوا عايشين بنعمة بالنسبة لنا @_@ ( مقيم بالأردن )

أساسا الأجهزة ما بتوصلنا إلا بعد شهر - شهرين :bigSmile: ، و نفس الكلام ينطبق على الألعاب و الله ما أمزح ..

سعر الـ360 أول ما نزل وصل عندنا إلى 650 - 700 دينار أردني ما يقارب 900 - 1000$$ خخخخخ ، الان نزل شوي أعتقد ..

الـDS العادي وصل إلى 250$ تقريبا ، الـPSP وصل إلى تقريبا 350$

الألعاب الأصلية مشكلة كبييييرة محلين أو ثلاثة فقط تقريبا بيتعاملوا معهم *__*

اخ بس .. على التخلف

 

[rubso]

ياخي ليش كلمة "تخلف"
المصيبة بارتفاع الاسعار والمحلات تلعب بالفلوس لعب، لا يوجد وكيل رسمي لهذه المنتجات فعال في هذه الدول، وتلقى المحل اذا جاب شي اول واحد يسعر على كيفه، لكن لو كان فيه وكيل رسمي وسوق للخليج سوني ومايكروسوفت وننتندو تهتم فيه وتربطه مع الاوروبيين PAL ، كان ما تشوف هذه المحلات تنصب عليك ، لكن الشكوى لله
حالياً عندنا وكيل سوني ووكيل مايكروسوفت يبيع لك العاب اصلية بـ 10 الى 16 دينار لكن PAL اما المحلات الحرامية يبيع لك 20 الى 25 دينار .. على حسب مزاج السوق -_-

 

[ASWD]

النصب موجود بكل دول المنطقة يمكن الامارات هي اقل بلد فيه نصب بيننا

اسعارنا ماتختلف عن السعودية ويمكن اردى كمان سعر لعبة نازلة اساسا بـ39.99$ تقريبا ماتتجاوز 14 دينار كحد اقصى هني يبيعونها عندنا بالبحرين بسعر لعبتين 27 دينار..الاجهزة الله بالخير الاكس بوكس الاول للحين الحرامية يبيعونه بسعر مايقل عن 90دينار 360 مايحتاج تسأل 400 دينار وانت طالع

مشكلة منطقتنا انها تتبع اوروبا المتخلفة من ناحية نظام المناطق لو كنا تبع نظام امريكا كان الوضع افضل بكثيييييييير كون الوكالات راح يجيبون الالعاب بسعر امريكا وفوق هذ تنزل اول بأول -ـ-

 

[rubso]

اجهزة مايكروسوفت الاكس بوكس الـ PAL الالعاب تنزل بعد الامريكية بمدة أقصاها 10 ايام .. وقد تصدر العاب بنفس اليوم او فرق يومين او ثلاثة.
لكن البلاي 2 ، يوصل أشهر وما صدرت -_- .. فيه فرق بين الاجهزة ونظامها

 

[ASWD]

انا اتكلم بشكل عام بدون ما اخص جهة واخرى

 

[rubso]

عام تألف من عندك، اقول لك جهاز تنزل عليه العاب اول بأول تقول لي عام 😕

 

[ASWD]

عام تألف من عندك، اقول لك جهاز تنزل عليه العاب اول بأول تقول لي عام 😕

أألف شنو؟؟؟

انا قاعد اتكلم الك بشكل عام في مايخص النظام المتبع عندنا يعني ما اقصد بكلامي فقط العاب لبلاي ستيشن2 او الاكس بوكس او الجيم كيوب او اي جهاز كان..اتكلم بصفة عامة

لو كنا نتبع نظام امريكا كان الوضع افضل بكثيييييييير كون الوكالات راح يجيبون الالعاب بسعر امريكا وفوق هذ تنزل اول بأول -ـ-

لاحظ وكااااااااالات مو وكالة...وين التأليف ووين مدري شنو سبحان الله كلامي واضح وشمولي ماجيت حددت او وجهة كلامي لطرف معين هذ القصد لا اكثر

 

[persona]

أنت في العالم العربي

حيث شعارات "رضائكم هو هدفنا" ، "نحن الافضل" مبطنه ومقنعة خلف عمليات النصب والاحتيال

 

[Ginko]

keep it down boys...

 

[squall leonhart]

مع خدمة النشر الالكتروني من سوني بتخف المشكله هذي كثير لاننا رح نحصل على الالعاب باسعار الاسواق الخارجيه و مين يدري ممكن اقل لان تكلفة الدسكات و الطباعه و النشر ممكن تصل من 1-5 $ ..

لوول ربسو هدي اعصابك الولد ما غلط ^_*

 

[DeaDMaN]

÷__÷ المحلات في السعوديه محترفه في النصب..لكن الوضع ماأقارنه بالبحرين..دونكي كونجا 1 نينتيندو عامله اللعبه مع الطبول في علبة وحده بدون زياده على سعر العبه..وتقدر تشتري الطبول لوحدهم بـ150 ريال سعودي ..يعني طبول اضافيه..اما في لكي ستور في البحرين ÷__÷ انصدمت بصراحه لما سألته عن سعر اللعبه وقال لي بـ40 دينار !!..106.6$ يعني الأخ حسب الطبول لوحدهم واللعبه لوحدها ..×_× ولعبه انخفض سعرها رسميا من 49$ إلى 29$ ..في البحرين يبيعها بـ30 دينار ..÷__÷ يعني 80$ .. والاجهزه أول ماتوصل السوق..^^ ماتحتاج تعليق..الـX360 وصل بـ4000 ريال ..واذا تحب تاخذهم أرخص وبسعر معقول..مثل ماقال ربسو انتظر ...÷_÷ .. اما لو كنت متحمس..^^ مافي حل غير أنك تدفع..

 

[ASWD]

DeaDMaN مالقيت اللا محلات لكي ستور تروج لهم على الأقل لو رايح الأبداع للألكترونيات هذاك نصبه شوي اخف من لكي ستور 😛

 

[Lunar Poet]

قبل اسبوعين كنت في البحرين و مريت على لكي ستور .. شفت عنده سوبر برنسس بيتش سألته عن سعرها قال 27 دينار 😕

بالنسبة للسعودية .. يمكن انضمام السعودية لمنظمة التجارة العالمية يخفف الوضع شوي ..

 

[Khalid-S]

انا اتكلم بشكل عام بدون ما اخص جهة واخرى

فهد الرجال يقصد بشكل عام = بجميع الاحوال .. مو عام = سنه -ـ-
انت الله يهديك تتصيد اي كلمه على مايكرو وتقوم مثل البس المعصب -ـ-"

اقرا الردود عدل مره ثانيه

 

[m7tram]

هههههه على الصوره

ومن ناحيه النصب خخخخ خلها على الله كل هالسنين عايشين بالنصب هذا الحين نقول لا خلاص ملينا ما اعتقد

 

[Naif]

المشكلة (في رايي) مافي دافع يخلي المحلات توقف نصبها بوجود اشخاص بيشترون جهاز معين او لعبة معينة حتى و لو كان 10X سعرها .. (روحوا المحلات مع وقت صدور اية لعبة او جهاز منتظر و شوفوا الناس كيف يشترون >< ) .. لو في تعاون على الاقل بين الزبائن بعدم شراء اي لعبة او جهاز بغير اسعار معقولة .. لكن منوا تكلم s: ...

 

[Tomb raider]

الدي اس لايت عندنا ب1200 AED
هذا طبعا في مول الامارات
بس اكيد في المحلات اللي برع بيكون ارخص

 

[ZiZ]

الحل الوحيد أننا نطلب مشترياتنا من النت...

أو نسوي حملة تكسير رؤوس أصحاب محلات الكمبيوتر (أو أياً كان اللي سعرها)...

 

[ASWD]

الحل الوحيد أننا نطلب مشترياتنا من النت...

أو نسوي حملة تكسير رؤوس أصحاب محلات الكمبيوتر (أو أياً كان اللي سعرها)...

وللي ماعنده كرديت كارد او مامرة تعامل وياها يروح بشبرة موية يعني

الخيار الثاني هو الانسب بنظري😛

 

[kInGsIzE]

زيلدا ويند ويكر ..


المفروض اللي يشتريها تجي معاها نسخه اوكارينا اوف تايم مجانا .. لما ارحت اشتريها في وقتها لقتيهم حاطين كل لعبه لحالها .. لا المشكله اوكارينا اوف تايم مكتوب عليها من ورى "ليست للبيع" وكانوا يبيعونها بنفس سعر ويند ويكر ..

 

[Humam]

عاد تصدقوا GTA LCS اشتريتها ب 300 ريال من طوكيو النصاب وانا الغبي اخذتها وانا ساكت متشقق من الحماس .. والآن وين اللعبة ؟ مرزوعة عندي ولا خلصتها ..

أنسب حل هو إن شباب ترو جيمنج يستهدوا بالله وكلهم يقطوا قطة محترمة نسوي شركة تعاونية للاستيراد ونفتح محل فيديو جيمز اسمه TG والا ما TG .. منه إحنا نجيب الأشياء الي نبغاها ونخلص نفسنا من النصب ومنه نخلص المساكين إلي غيرنا أيضا 😉

 

[Mukuro]

صحيح أنه المتاجر الالكترونية هي أفضل حل لتفادي عمليات النصب. لكن يظل اعائق الوحيد هو عدم استطاعة البعض منا توفير بطاقة إئتمانية.

والمشكلة الأخرى, والتي تزيد من موجة عمليات النصب هو إصرار بعضنا على شراء بضاعة ما والتي غالبا لايمكن توفيرها إلا في وقت لاحق السبب الذي يشجع عملية استغلال العميل من قبل المحلات ورفع الأسعار بشكل مهول.

الحل من وجهة نظري, إننا نقاطع تلك المحلات, عن طريق عدم شراء الاجهزة منهم إلا في حالة هبوط سعر تلك الأجهزة هبوطا يتناسب مع تلك الأسعار الموجودة بالخارج.

 

[Solid Snake]

المشكلة هي مثل ما قال نايف .. المحلات ما راح يوقفون نصب ما دام فيه ناس مجنونة بتشتري الأجهزة والألعاب بالأسعار اللي تحلو للمحل .. أعتقد النصب إنه ما راح يوقف إلا لما نقاطع المحلات أو يكون عندنا وكيل صاحي للشركات .. فعلا قهر إنك تحصل محلات تنصب على الناس والناس مصديقنها ويشترون كل اللي ينعرض عليهم .. الكل مستغل إن بلدان الخليج بشكل عام والسعودية بشكل خاص على إنهم بلدان إستهلاكية .. نشتري واحنا ما نعرف ايش القصة ..

شخصياً انا خلاص بابدأ أطلب كل الأجهزة والألعاب اللي ناوي عليها من الخارج واللي فيها فيها .. ما راح أظل تحت رحمة المحلات متى ما بغوا رفعوا الأسعار ومتى ما بغوا نزلوها ..

وإلا بالعقل الاكس بوكس360 يوصل لهذا السعر عندنا وهو في الحقيقة أرخص بكثير ؟!! .. فعلا قهر ..

 

[Solid Snake]

عاد تصدقوا GTA LCS اشتريتها ب 300 ريال من طوكيو النصاب وانا الغبي اخذتها وانا ساكت متشقق من الحماس .. والآن وين اللعبة ؟ مرزوعة عندي ولا خلصتها ..

أنسب حل هو إن شباب ترو جيمنج يستهدوا بالله وكلهم يقطوا قطة محترمة نسوي شركة تعاونية للاستيراد ونفتح محل فيديو جيمز اسمه TG والا ما TG .. منه إحنا نجيب الأشياء الي نبغاها ونخلص نفسنا من النصب ومنه نخلص المساكين إلي غيرنا أيضا 😉

لوول .. حل رهيب همام .. متى نجيب القطة ؟! .. وعلى كم ؟!! 😛

كمان في حل ثاني .. نتفق كلنا ونسوي مظاهرة ونطلع على الشوارع والمحلات النصابة هذي لين ما يعقلون ويعدلون الأسعار وإلا بيشوفوا الويل مننا 😛

 

[الــخــــارق]

ناس متولعين في الجهاز + تجار نصابين = رفع الاسعار بشكل مهول

لان بالعقل لو ما وجدوا ناس يشترون ما رفعوا الأسعار
ما دام فيه ناس تطلبب الجهاز أو اللعبة بأي سعر
فالأسعار سترتفع وترتفع وترتفع الى أن يخف الطلب على الجهاز
وتبدأ في النزول مره أخرى -_-

 

[AMOR]

فعلاً زي ماقال نايف السبب الوحيد اللي يخليهم مستمرين على النصب هو أن في ناس تشتري لو مافي ناس تشتري كان خفضوا السعر بعد أول 3 أيام أو ممكن بعد أول يوم لو مالقوا طلب 🙂
الحل الأمثل هو المقاطعة بس المشكلة يبيلنا مقاطعة شاملة من الجيمرز و النون جيمرز و الأهل اللي يشترون الالعاب لأطفالهم P:

 

[Final Fantasy]

المشكلة مو من المحلات ... المشكلة أن مافيه تعامل رسمي بين شركات الألعاب و المحلات عندنا أو بين شركات الأجهزة و المحلات الي عندنا .

يعني يحصلون على الألعاب و الأجهزة أما بشرائهم من محلات الخارج أو الطلب .. و علشان يربحون و يدفعون ايجار المحل لازم يزيدون في السعر .. و الا كان شفتو كل المحلات تصكرت .